حاجات تجيب الجلطة ... - الصفحة 4

الأغبش · 02-12-2008, 10:07 AM

اقتباس:

المشاركة الأصلية كتبت بواسطة منال

مرة صديقتى سارة فى سفرية للابيض ركب جوار مقعدها و احد زى وصفك قامت مرقت تذكرتا من الشنطة و دفرتو بايدها اليمين و قالت ليهو الكرسى دا بتاع التذكرة دى رقمها الراجل طوالى قام من جنبها ... مرة فى سفرية لكسلا و ان كان البص فيهو كراسى كتيرية فاضية الا الكرسى الذى من خلفى طوالى راجل 50 و 50 اها بتونس مع الجنو مبااالغة الكلام و طريقة الحكى مجبورة اسمع مرة اضحك و مرات اكش جوه بلوزتى يا لطييف الطف المشوار طويل و العجب لمن نذلو و جابو البسكويت و اللبان ...اففففففففف

و منها فى عيادة الدكاترة و طبعا الكراسى عزيزى المشاهد و امى هى ح تقابل الدكتور جات شابة فى الثلاثنيات و ابتسمت و قعدت قصادة قلت لاختى عاينى دور امى باقى هى بعجبها الزول الجميل و فى الضلمة بتشوفو كويس امى جرت الكرسى شوية و اول سؤال مالك يا بنيتى نعل السكرى الغدار ده ما جاك .... ضحكت قمر اربعتاشر اى و الله يا خالة ... و الونسة جرت اولاد و اولادك اها الدور على امى فى الفحص خلهيو شوية يمشى الزول الكبير ده .. يا امى يا بتى مالك قاطعة و نستى .... و ما علينا الا الانتظار

و منها برضو عزيزى المشاعد بتاعت المواصلات فى الحافلات او الركشة ام صفين اها لما يكون فى واحد شليق و يتنح فى بت يازوووول ينسى محل داير ينزل اصلا المشوار بكون بسيط و الركشة بتجرى سريييع

ههههههههههههههههههههههههههههههههههههههه
صديقتك دي يا منال خطيرة لكن ... انا الموقف ده مره حصل معاي واحد مكرفسني من الخرطوم لي عطبرة وما قادر اشيل نفسي ..لكن ما قدرت اقول ليهو حاجه لأنو ما عندو يد في الموضوع ده ومن المحرج تقول ليهو حاجه زي دي ..برضو بتاع الاطفال ده حصل معاي والغريبة معاهم خالهم حجز لنفسو كرسي ولي اختو كرسي بعيد منو وشفع اختو اتلحوني الرحله كلها وهو شبعان نوم ..
غايتو السفر ده فيهو حاجات تحير ...

الأغبش · 02-12-2008, 10:13 AM

اقتباس:

المشاركة الأصلية كتبت بواسطة همس الشوق

[align=center]يا الأغبش ما قال ليك انظر للناحية الاخرى بتكلفك شنو ياخ ؟؟؟

عااااااالم ما بتقدر .........هههههههههههههههههههههه[/align]

[align=center]يا سلااااااااااااام يا طارق يا صديق .... الله يكملك بي عقلك يا أنيق المخيله [/align]

هو في ناحية أخري ؟؟ ما كلو ناحية واحدة ... شكلكم كده كلكم ما عرفتو إعتراضي وإمتعاضي (حلوه امتعاضي دي) من شنو ... انا بقول الزول البعمل حاجه يعملها وهو مقتنع بيها مش يعملها نص كم يعني .. هي من البيت مش عارفه انو لبسها ده قصير أو ضيق ؟؟ إما تكون مقتنعه وتمشي بيهو كده او تغيرو ...لكن تقعد تجرجر فيهو قدام الناس كده دي الحاجه البتجيب الجلطه ...يعني لو عايزين نعاين للناحيه التانيه بتاعتكم انتي وطارق دي نتجهجه

أشتر · 02-12-2008, 10:19 AM

اقتباس:

المشاركة الأصلية كتبت بواسطة الأغبش

يعني لو عايزين نعاين للناحيه التانيه بتاعتكم انتي وطارق دي نتجهجه

هم بعاينو لى كباية العصير وللا العصير ؟
وشكرن ..

الأغبش · 02-12-2008, 10:30 AM

اقتباس:

المشاركة الأصلية كتبت بواسطة نواريا

بقالي يالاغبش بعاين في بوستك تاخذني الضحكة و تنسيني اقول شنو !

انا معاك في حتة اللبس الضيق ... مافي داعي ليها !

حاجات تجيب لي الجلطة ..

صباح الله خير الاقي زولة عاملة ميك اب احمر في اخضر ويا ريتها مركزة في دراستها اخير ليها !

يكون قاعد قدامي واحد حبو في الدنيا يتاكد من الجل ومن شعرو وكمان لو كان راخي بنطلونو بيكون ما قصر وجاب لي لجلطة جاهزة !

يكون في واحد لحيتو طويلة .. يشوف بت جنبو ينزل راسو ويرفع عينيه هههههههه

!!

حاااااااااااااجة بمقتها ..
تكون عازم ناس .. ولدهم يضرب ولدكم و تيجي تتشاكل كمان وتوصلنا لمساءل طفوليه هما بينسوها بس نحنا امكن ما نقدر

دقيقة اطلع من الانعاش واكمل ليك

اولاد وبنات الزمن ده لو بارينا لبسهم ما بفضل فينا زول واقف علي رجليهو ..

راجينك خارج الإنعاش ...

الأغبش · 02-12-2008, 10:33 AM

اقتباس:

المشاركة الأصلية كتبت بواسطة محمد أبوعاقلة

هم بعاينو لى كباية العصير وللا العصير ؟
وشكرن ..

السؤال محول لطارق وهمس ...
انا لو جاوبت بخاف تتكسر الكباية ويتدفق الفيها ...

الأغبش · 02-12-2008, 10:34 AM

محمد ميرغني ... سلامات يازول يا رائع

ياسمين وشيرين ..صباحكم ورد

طارق صديق كانديك · 02-12-2008, 10:39 AM

اقتباس:

المشاركة الأصلية كتبت بواسطة الأغبش

السؤال محول لطارق وهمس ...
انا لو جاوبت بخاف تتكسر الكباية ويتدفق الفيها ...

العصير أهم شئ .. كبوهو في كباية أو في غيرا .. !!

بعدين .. يا أغبش .. الجرجير اللي تحت ده .. حاجة جميلة برضو .. هي بتكون عارفاهو قصير وأي حاجة بس برضو حركة أنثوية لا يعلى عليها ... !!

ابو عاقلة ان شاء الله تكون وضحت الفكرة ...

أشتر · 02-12-2008, 10:47 AM

اقتباس:

المشاركة الأصلية كتبت بواسطة الأغبش

السؤال محول لطارق وهمس ...
انا لو جاوبت بخاف تتكسر الكباية ويتدفق الفيها ...

بتنكسر من عينك الحارة ...
اصلا الناس الملتزمة دي لما تركّز في حاجة من هذا القبيل ... اقلب صفحتا مباشرة بعد النظرة الأولى المليااااااانة لانو بخاف من التانية تتحسب عليو ...
ومن هذا المنطلق يا طارق
الجرجير بطبعو قصير ... زي حبل الكضب

ياخي مالكم عاوزين تزمبعو بينا

الأغبش · 02-12-2008, 10:56 AM

اقتباس:

المشاركة الأصلية كتبت بواسطة طارق صديق كانديك

العصير أهم شئ .. كبوهو في كباية أو في غيرا .. !!

بعدين .. يا أغبش .. الجرجير اللي تحت ده .. حاجة جميلة برضو .. هي بتكون عارفاهو قصير وأي حاجة بس برضو حركة أنثوية لا يعلى عليها ... !!

ابو عاقلة ان شاء الله تكون وضحت الفكرة ...

انتو كلن سألتكم ..انا اتكلمت عن حاجات كتيرة بتجيب الجلطة ..ما مسكتو إلا في دي ليه ..عالم تحب تمسك في الحاجات القصيرة

..
غايتو انا واضحه لي الله يوضحها لود ابو عاقله ده ...

jezabell · 02-12-2008, 11:09 AM

بوست محتاج لواحدة في الاتنين.. يا عاشة كربريتر.. يا ناس الكشة

الأغبش · 02-12-2008, 11:25 AM

اقتباس:

المشاركة الأصلية كتبت بواسطة Rasha Hatim

بوست محتاج لواحدة في الاتنين.. يا عاشة كربريتر.. يا ناس الكشة

رشا ... عندك سلام كتييييييييييييييير بايت

الكاف دي عليها فتحه ولا كسره ... كاف الكسره مفتوحه عشان ما تسأليني ...

تعرفي بعد توضيحك برضو يمكن ما افهم قصدك شنو ...

jezabell · 02-12-2008, 11:30 AM

اقتباس:

المشاركة الأصلية كتبت بواسطة الأغبش

رشا ... عندك سلام كتييييييييييييييير بايت

الكاف دي عليها فتحه ولا كسره ... كاف الكسره مفتوحه عشان ما تسأليني ...

تعرفي بعد توضيحك برضو يمكن ما افهم قصدك شنو ...

لا لا لا
ما تمشي ابعد من تقاطعنا يا الاغبش..
الكشة بفتح الكاف.. انا وانت حنقيف فيها فراجة.. لإنها حتخم اتنين.. معروفين بسيماهم

الأغبش · 02-12-2008, 12:26 PM

اقتباس:

المشاركة الأصلية كتبت بواسطة Rasha Hatim

لا لا لا
ما تمشي ابعد من تقاطعنا يا الاغبش..
الكشة بفتح الكاف.. انا وانت حنقيف فيها فراجة.. لإنها حتخم اتنين.. معروفين بسيماهم

أهااااااااااااااا ده الكلام البجيب الملام ..خلينا في جلطاتنا دي احسن ..

وخلينا كلنا قاعدين في الكوشة دي ... الكوشة السمحه ما تمشي بعيد

الأغبش · 02-12-2008, 12:32 PM

فنان عامل مشهور وطالع في الكفر والدنيا كلها تهاتي بيهو ... محل ما تركب هايس تلقاهو شغال.. أي كشك مرطبات هو أهم من الخلاطه فيهو ... تلاقي إعلانات شريطو الجديد محل ما تقبل ... ويطلع الشريط .. تلقاهو 90% أغاني فنانين معروفين واريتو كان بغنيها زي ما هي ..يشرتمها ويبشتنها لما ما تعرفها .. وفي الوجه التاني تلقي غنيتو الوحيدة الشايله اسم الشريط كلمتين والباقي موسيقي ...تقول مألفها تلميذ في الأساس ..غايتو الله يكون في العون

jezabell · 02-12-2008, 12:43 PM

اقتباس:

المشاركة الأصلية كتبت بواسطة الأغبش

فنان عامل مشهور وطالع في الكفر والدنيا كلها تهاتي بيهو ... محل ما تركب هايس تلقاهو شغال.. أي كشك مرطبات هو أهم من الخلاطه فيهو ... تلاقي إعلانات شريطو الجديد محل ما تقبل ... ويطلع الشريط .. تلقاهو 90% أغاني فنانين معروفين واريتو كان بغنيها زي ما هي ..يشرتمها ويبشتنها لما ما تعرفها .. وفي الوجه التاني تلقي غنيتو الوحيدة الشايله اسم الشريط كلمتين والباقي موسيقي ...تقول مألفها تلميذ في الأساس ..غايتو الله يكون في العون

اسمو منو النبي؟

02-12-2008, 10:34 AM	#[51]
الأغبش :: كــاتب نشــط::	محمد ميرغني ... سلامات يازول يا رائع ياسمين وشيرين ..صباحكم ورد
الأغبش :: كــاتب نشــط::

02-12-2008, 11:09 AM	#[55]
jezabell :: كــاتب نشــط::	بوست محتاج لواحدة في الاتنين.. يا عاشة كربريتر.. يا ناس الكشة
jezabell :: كــاتب نشــط::

02-12-2008, 12:32 PM	#[59]
الأغبش :: كــاتب نشــط::	فنان عامل مشهور وطالع في الكفر والدنيا كلها تهاتي بيهو ... محل ما تركب هايس تلقاهو شغال.. أي كشك مرطبات هو أهم من الخلاطه فيهو ... تلاقي إعلانات شريطو الجديد محل ما تقبل ... ويطلع الشريط .. تلقاهو 90% أغاني فنانين معروفين واريتو كان بغنيها زي ما هي ..يشرتمها ويبشتنها لما ما تعرفها .. وفي الوجه التاني تلقي غنيتو الوحيدة الشايله اسم الشريط كلمتين والباقي موسيقي ...تقول مألفها تلميذ في الأساس ..غايتو الله يكون في العون
الأغبش :: كــاتب نشــط::