راكوبة المجادعات.. النمة والدوباي

[سجمان]

المشاركة الأصلية كتبت بواسطة فيصل سعد

من منصور المفتاح الى
محمد صديق "سجمان" :

(Faisal Saad

سلم الله سجمان فى العالمين وسلمك كذلك وقل له كلامك سمح والله يسهل القواسى)

سلمك الله انت والمنصور وعذر دعووووول في تاخير الرد
الفترة الفاتت العصرة حاصلة..
والزول السمح دا امرقو لينا لا برا

[سجمان]

المشاركة الأصلية كتبت بواسطة فيصل سعد

التَقَرَة المِتِل
فرس الرِهان بِتقَلِّبْ
و فى جوف العشوق
نار الغرام بتعَلِّب
يات من شافها قال
فى غى هواها بِتَلّبْ
و للمفتى الوقور
فد ثانيه ليهو تَشَلِّبْ

"منصور"

دُغُس هجرن مراويدن
فوسيبات جرف دهج العَيُون غرويدن
من مغايس الفرقة والشوق والسهرفي ريدن
أب دمام والقلب والكبدة بان قدّيدن

[سجمان]

المشاركة الأصلية كتبت بواسطة Abdullahi Gaafar

هادي قعدة
ودايرة ليها فنجان قهوة
وان شاء ليها رجعة ورجعة للقراية والمشاركة

عبد الله جعفر

والله انه لشرف ..
والنعمنو بقينا ما عندنا قدرة للكتابة وراحت مننا
لكن تعال تُورِب ونحن نعاك

[فيصل سعد]

مطمورة العروض المن درك ممنوعة
كان رقص الجبل ما برقصنلو فروعا
قمرى شنو البهز المن ثبات مزروعة
زى قايد الديوش البى الرتب مرصوعة

"منصور"

[سجمان]

المشاركة الأصلية كتبت بواسطة فيصل سعد

مطمورة العروض المن درك ممنوعة
كان رقص الجبل ما برقصنلو فروعا
قمرى شنو البهز المن ثبات مزروعة
زى قايد الديوش البى الرتب مرصوعة

"منصور"

بعد الكبر والشيب نشل تنشيني
شقق شراييني شبشوبا شراو شالّيني
بالشوق الوشل من الرموش شاويني
شقيش منشده بي شوف نشاو شافيني

[احمد زين]

يا ربي ده بجيب منو من الدراويش

سهران يا خلق والنوم شرد من عيني
والطيف البواسي الناس ابـا يواسيني
يا هالكاني ليه بي نار هواك تكويني
حنِّي و ارحمي و ارجوكي لا تكاويني

[ناصر يوسف]

المشاركة الأصلية كتبت بواسطة احمد زين

يا ربي ده بجيب منو من الدراويش

سهران يا خلق والنوم شرد من عيني
والطيف البواسي الناس ابـا يواسيني
يا هالكاني ليه بي نار هواك تكويني
حنِّي و ارحمي و ارجوكي لا تكاويني

يا زين الرجال المتلك منو بضاريني
و الزيك يمين أبدا ما بلقي البخاويني
يا غتاي خياتو ومن أمراضي شافيني
شاحدة الكريم بسرااااااع توصل تواسيني

[اشرف السر]

سلام عروب سلام
اهل النمة والدوباي..
تعالوا لا جاي...
وادونا الجديد المبتكر لعام 2024 و2025
وقنبوا طولا

[ناصر يوسف]

المشاركة الأصلية كتبت بواسطة اشرف السر

سلام عروب سلام
اهل النمة والدوباي..
تعالوا لا جاي...
وادونا الجديد المبتكر لعام 2024 و2025
وقنبوا طولا

حبابو سيد الكرم و الجود
حبابو المتلو الوطن ما بجود
حبابو أشرف المرح المحبوب
أهديك المحبة ذادا و ويقوووود

[طارق صديق كانديك]

رعى الله هاتيك الليالي

[احمد زين]

المشاركة الأصلية كتبت بواسطة طارق صديق كانديك

رعى الله هاتيك الليالي

ارجاني قبلك

[طارق صديق كانديك]

المشاركة الأصلية كتبت بواسطة احمد زين

ارجاني قبلك

من ال .. طعن .. بزازا ولا فوق

[احمد زين]

المشاركة الأصلية كتبت بواسطة طارق صديق كانديك

من ال .. طعن .. بزازا ولا فوق

يا مريودة لونك صافي نورو بهرني
و النور البهر من مقلتيك جهرني
قاصد اذيتي مرضان والسقم سهرني
حظي معاك بُعدك والبعاد قهرني

[ناصر يوسف]

المشاركة الأصلية كتبت بواسطة احمد زين

يا مريودة لونك صافي نورو بهرني
و النور البهر من مقلتيك جهرني
قاصد اذيتي مرضان والسقم سهرني
حظي معاك بُعدك والبعاد قهرني

هييييع ده حالتي لونها و نورها الببتق ضي

إنا لله ياخ من هكذا بكاء

[طارق صديق كانديك]

المشاركة الأصلية كتبت بواسطة احمد زين

يا مريودة لونك صافي نورو بهرني
و النور البهر من مقلتيك جهرني
قاصد اذيتي مرضان والسقم سهرني
حظي معاك بُعدك والبعاد قهرني

هي المزروعة جوه قليبي ولهيجا، سقتني
زي جدي الغزال كاحلات، عيونها ازتني
تبرق كالتبر زاهيات رموشها حوتني
عندها قدلة من البيي بشوفها حييتني