خِلِّي العيش حرام - عبر الأجيال

[اشرف السر]

سامي المغربي

http://www.youtube.com/watch?v=0fgann6E2jI




...
ونواصل بعد ساعات ان الله مد في العمر...

[اسمر]

صباح الخير يا اشرف
من بين كل الاداءات عجبتني نسخة محمود عبدالعزيز الاتوزعت على يد الفاتح حسين في التسعينات، شغل الموسيقى كان فيها مميز جدا ومحمود أكمل الحاجة دي بالاداء الممتاز بصوتو الجميل. برضو عجبني توزيع عملو وليد عبد الحميد ادى فيه الاغنية مصطفى السني، كان حاجة مختلفة وادى روح مختلفة للاغنية.

[اسمر]

https://youtu.be/hdailKzPMpg?si=OjTkaXlh3Ugt7CWh

دي نسخة مصطفى السني ووليد عبد الحميد. حسب ما اذكر الاتنين اشتغلوا موسيقى الاغنية بالاشتراك مع عازف كندي تقريبا، وليد عزف صولو الجيتار ومصطفى عزف صولو العود والكندي عزف صولو الساكسفون.

[بابكر مخير]

المشاركة الأصلية كتبت بواسطة اشرف السر

ونواصل بعد ساعات ان الله مد في العمر...

يابا ليك العمر كله..
شوف حسي عمك بابكر مع المعاناة مع الثقيل دآ ولساتهو عشمان ساعات وأيام وكمان شهور لسة العمر يمتد، مع أنهو "الثقيل" دا كل ما ليهو منجضنا، (نجاض قبورة)....
طبعا التعبير دآ من زمن أيامنا المضن ومتناقل بين أماتنا وعن ممارسات شقاوة الطفولة....
منقول عن عمك شوقي
(هنالك تعابير نستعملها ، و لكن الناس قد نسيوا مناسبتها ، أو معناها . و قد تستعمل في بعض الاحيان في المكان الخطأ . مثلاً نقول : نجضوا نجاض قبوره. و يظن الكثيرون ان المقصود بقبوره هو نوع من الجراد الصغير . المقصود بالمثل المرأة التي اسمها قبوره ، وهي التي كان زوجها مسيطراً ، و كان كثير الضيوف ، و لا تجد الراحة . و تقول قبوره اتنجضت . و صار الناس خاصة النساء يقلن : "اتنجضت نجاض قبوره". القبور كنا نقبضه و نحن صغار ، نأتيه من الخلف و ببطئ ، ثم ننقض عليه . و بما أن لونه كلون الأرض ، فأننا نكشف اجنحته الداخلية الحمراء ، حتى يكون ظاهراً للطير . لأننا نضعه على القلوبية أو شرك السبيب كطعم . و شرك السبيب نصنعه من شعرة من ذنب الحصان.)..
الأغنية دي كان ليا معاها ذكرى جميل وفي سكني في لندن كان ساعات محضورة؛ المرحوم طيب الله اقبره وجعله قطعة من الجانا المهندس محمد إسماعيل الازهري وهو كان عازف أورغن متميز والأخ عاصم البنا النان الشهير والإبن أباذر فنان لندن الاول وامصطفى السني العزيز الي قلبي وكان هناك صاحب الكمنجة الماسية والعازف الكبير عثمان محي الدين وكانت درة جلسة الاستماع تلك هي أغنية خلي العيش حرام وتناول كل كوبلى منها عاصم بأداء وراثي الحقيبة قوم البنا وأباذر بصوته العذب والتون العالي "طبعا دي عقدتي بعد ما لعب المرض بحبال صوتي وبقاهو أجش مثل صهيل الحصان" ومصطفى بصوته الحالم والمخارج الواضحة..
من شدة إعجابي بتلك الأغنية، أسمعتها شوقي بدري وكان بتذكر عنده تعليق على بعض الكلمات الواردة وتناولها بسرد هو يتميز به دوما وكان ذلك عن أبو البتول وساكن السور ولا بأ بتول يا الساكن الزول، حاجة كدي غايتهو ما الذاكرة، خليها ساكت... شكرا ليك يابا غاية من الإمتاع هذا البوست الجميل
سماح على الإطالة وحلجان البوست

[ناصر يوسف]

ممتاز يا اشرف واصل