بيان أول: يا خالد ويا مجلس الإداره نطالبكم بالترقية.. وإلا

[AMAL]

المشاركة الأصلية كتبت بواسطة أسامة الكاشف

هاشم
نحن حننتظر تكوين المجلس الجديد
وشغالين كويس في التحالفات وخلافو
ودوائرنا شبه مضمونة
حنشوف البحصل شنو
وبعد داك بنحدد الموقف من التحرك

نحن برضو خالد ده مننا وفينا
وتجربه خلاقه ذي دي ما بنعديها بالساهل
وإن غدا لناظره قريب

نمشي كلنا نتفن في وسط الحوش
وننتظر النتائج وبعد داك الفيها الخير ربنا يسويها
نتفرج في عرضة د. بابكر وزغاريد أمال ومنال

كتفا سلاح .. أرضا سلاح
للأمام در
معتدل مارش
1 2 3 ..

اها انا جبتا دا من الصفحة التانية
يعني مابرانا البنحتل

حبابكم
بس حوشو عننا الدايرين يفلعونا بالطوب وطوبي لمن دخل حوش نسوان
فهو بلا شك آمن
وسلام للصعايدة الجميلين
اخوانا وتاج راسنا

[أسامة الكاشف]

غايتو ربنا يصبرنا

يعني يا أمال بقيتي تفلقي وتداوي
أول سطر يفور الدم
وتاني سطر يكسر صفوفنا
ويخلي ناس شبارقه
يعرضو لمن عممهم تلامس السحاب
المهم نحن أعلنا هدنة مؤقتة إلى حين
وإن غداً لناظره قريب

[فيصل سعد]

المشاركة الأصلية كتبت بواسطة أسامة الكاشف

غايتو ربنا يصبرنا

يعني يا أمال بقيتي تفلقي وتداوي
أول سطر يفور الدم
وتاني سطر يكسر صفوفنا
ويخلي ناس شبارقه
يعرضو لمن عممهم تلامس السحاب
المهم نحن أعلنا هدنة مؤقتة إلى حين
وإن غداً لناظره قريب

هدنة شنو يا ودعمك
اول مرة اشوف لي مرتزقة مندحرين
اتطقطقوا و بتفاصحوا .. واحد كسر ركبة
و واحد عامل مشغول بالقوانيين و الدساتير و اللوائح
و انت تتاوق زي ود ابرك و حالم و مشدوه و فاقد توازن

تحياتي يا حبوب و المرة الجاية
دقق في الاختيار ولا اخترق من الداخل و كدا

[بابكر مخير]

أهلي الأسايطآ
سلام
والله من سؤ حظكم إسمي سقط سهواً في الإنتخابات دي!!
وإلا كنتو أختو الترقية،،
بس طبعن ما مشير، لأنها دي حق الرؤساء السيئين،
كان بخليكم فريق ذي حقت عمنا إبراهيم عبود الله يرحمه،،
لأنكم إتو برضو فريق...
"إن شاء الله ما يكون فيكم مريخابي،، غايتو بنمشيها ليهو، عشان الأيام دي سكرانين (أوبس، قصدي فرحانين بالكأسين ديل _رأسهم خفيف، كأسين وينبسطو_"

[منال]

المشاركة الأصلية كتبت بواسطة بابكر مخير

لأنكم إتو برضو فريق...
"إن شاء الله ما يكون فيكم مريخابي،، غايتو بنمشيها ليهو، عشان الأيام دي سكرانين (أوبس، قصدي فرحانين بالكأسين ديل _رأسهم خفيف، كأسين وينبسطو_"

تعرف يابا اسامة بن لادن ده اكيد ما مريخابى و امكن يكون ما عندو فى الكرة السودانية اخير ليهو يخليها لشداد الا ما كنت قايلك هلالابى دمك حامى و الكاسين وجعة بس ... اها خاليهو يكوس الترقية بتاعتو عند القبيلة الحمرا والعيون الحمرا

[كيشو]

المشاركة الأصلية كتبت بواسطة فيصل سعد

هدنة شنو يا ودعمك
اول مرة اشوف لي مرتزقة مندحرين
اتطقطقوا و بتفاصحوا .. واحد كسر ركبة
و واحد عامل مشغول بالقوانيين و الدساتير و اللوائح
و انت تتاوق زي ود ابرك و حالم و مشدوه و فاقد توازن

تحياتي يا حبوب و المرة الجاية
دقق في الاختيار ولا اخترق من الداخل و كدا

القوانين شغلتني لكين المشكلة في الجماعة العجبم حوش النسوان وقعدوا هناك وبدوا يرسلوا لينا في قوات خاصة لزوم المناوشة والاستنزاف وتضييع الوقت
انا أطالب بمراجعة أوراق المدعوة آمال بدقة

[بابكر مخير]

المشاركة الأصلية كتبت بواسطة منال

تعرف يابا اسامة بن لادن ده اكيد ما مريخابى و امكن يكون ما عندو فى الكرة السودانية اخير ليهو يخليها لشداد الا ما كنت قايلك هلالابى دمك حامى و الكاسين وجعة بس ... اها خاليهو يكوس الترقية بتاعتو عند القبيلة الحمرا والعيون الحمرا

والله يما، ياني
[align=center] [move=right]هلالابي [/move][/align]
أخاف أقول أزرق ذي الدم
يقومو ناس الطب والعلوم يفسروها،، خاسر (ما)
لكن نعمل شنو للديبة

[منال]

ما كان الديبة و حاجة عجيبة ... و حمد ...حمدو فى بطنو ... اخخخخخ لو كنت يابا مريخابى

[شبارقة]

المشاركة الأصلية كتبت بواسطة أسامة الكاشف

وتاني سطر يكسر صفوفنا
ويخلي ناس شبارقه
يعرضو لمن عممهم تلامس السحاب

المشاركة الأصلية كتبت بواسطة فيصل سعد

.. واحد كسر ركبة

المشاركة الأصلية كتبت بواسطة كيشو

المشكلة في الجماعة العجبم حوش النسوان وقعدوا هناك

[align=justify]كان هناك خطأ إستراتيجي تكتيكي (دراماتيكي ) المفروض يرسل القائد المناسب لإحتلال الموقع المناسب .... الجماعة عارفني قلبي رهيف ولساني خفيف أكان السمحات قالن لي صباح الخير بيقرب يقيف .... وبيعجبني الوش الجميل البـِضـّويهو إبتسامة والخديد الفيهو شامة ومن العيون الله السلامة أها يومداك قاموا كلفوني بمهمة إحتلال حوش النسوان (الفي هواهن العذاب سراني وخفف لي من وجع مصراني ومن كل ما أعاني وشوقي أبلغ من غنايا وحبي أسمى من كل المعاني ... وإتفقنلتا من القندراني ).... أها قمت دخلت حوش النسوان وقامن سحـَرنِّي بنظرة تزرى بالزهـر ازدهارا مثلـت فـيـها البراعة وخفـة الروح والمهارة وإنشغـل عـقـلـي بفنـّهـِن و نظـره مـِنـّي ونظره مـِنـّهـِن وإرتـفـعـت الحراره وإلـتـهـبت العواطف وأصـل النـار شرارة ... وطاب لي المقام في حوشـِهـِنّّ ....أغني وأدوبي ساااااي [/align]

[عادل عسوم]

كان هناك خطأ إستراتيجي تكتيكي (دراماتيكي ) المفروض يرسل القائد المناسب لإحتلال الموقع المناسب

لعل رئيس الأركان المبجل (ارتأى) التناسب مابين (وجاهة) المنتدب الى المهمة مع (سمت) المكان و(سيماء) سكانه ...فعجم قادته ثم اصطفهم ففكر ثم قلب الأمور و(حكحك) رأسه فرأى بأن أنسب القادة الى تلك المهمة هو سيادتكم...
ليت رئيس الأركان (الكاشف) يدفع بقائد آخر (لاحق) يكون أقل وجاهة حتى يستعصم ب(زهد) أهل الحوش فيه فيقوم بالمهمة المطلوبة خير قيام...وكلك نظر ياريس

[شبارقة]

المشاركة الأصلية كتبت بواسطة adilassoom

لعل رئيس الأركان المبجل (ارتأى) التناسب مابين (وجاهة) المنتدب الى المهمة مع (سمت) المكان و(سيماء) سكانه

[align=justify]إنت عارف يا عادل يا صديقي مهمة إحتلال حوش النسوان دي مفروض تكلف بها أنت شخصيا ً وتمشي تسحرهم بكلمة كلمتين من نوعية (إرتأى - سمت وسيماء - كيوي - ولو إستقبلت من أمري ما أستدبرت وهكذا كلمات خطيرة ورهيبة تعودناها منك بالإضافة لضياءك الوضيئ ) ... أها بعد داك نحن نلقاهن مستسلمات ونقبـِّّضـِن ليك قـِبـِّيـض الطير بالبطارية . [/align] وبدون أي خسائر في صفوفنا أو صفوفهنّ ونوفر دمغة الجريح

[أسامة الكاشف]

ودسعد
قربت أنزل اسمك في بوست الغياب
بقيت شغال بنظام حرب العصابات
الدغ والبد
لكن ده كلو ما بحلك
نحن منتظرين نتائج الصندوق وبعد داك
ذي ما قال تاج راسنا الامام المهدي
"لكل مقام مقال ولكل أوان رجال"

[أسامة الكاشف]

أستاذنا ود مخير
انا والله بشجع اهلي مدني بس
سيد الأتيام ولا بلاش
حتى لو نزل التانية

[أسامة الكاشف]

منو القال ليك يا منال
والله زمان كنت لاعب كويس
أشوتها من هنا أدخلها حوش النسوان
لموا كبابيكم وصحانتكم ما تتكسر
ذي ما كسرتو شبارقه

[أسامة الكاشف]

يا عادل اقتراحك حلو
لكن نعمل شنو
الشباب ما شاء الله
كلهم وجاهه
وده حيكون مصير الجميع
انت ما دخلت حوش الأسايطة ولا شنو
شباب ذي الورد ربنا يبعد عنهم العين الحاره