منو خال فاطمة؟

[بدور التركي]

[rams]http://server8.sm3na.com/768/Sm3na_com_khal_fatma.rm[/rams]

مافاهمة حاجة
عايزة افهم
كل كلمة هنا
(وش خجلان)

[خالد الحاج]

[align=center]يسلم لي خال فاطنه

ليهم بلالي البدرج العاطله

ابكريق في اللجج

سدر حبس الفجج

خال فاطنه

عشميق حبل الوجج

انا أخوى مقلام الحجج

خال فاطنه

يا خريف الرتوع

ابشقه قمر السبوع

فوق بيتو بسند الجوع

يا قشاش الدموع

خال فاطنه[/align]

إزيك يا بت أختي..

من أجمل ما في تراثنا اعتبار أن "الجار" أخ و "الجارة" أخت ..
يسمي السوداني أو الزول (محمد) بضم الميم والحاء
وتسمي السودانية أو الزولة ب (فاطمة) ويقلبون الحروف فتصير "فاطنة" وقلب الحرف عند العرب موجود ومعروف لا يقتصر علي السودان..

ويقولون مثلا (الزول لا عندو محمد ولا فاطمة) بمعني أنه وحيد .

يقولون أيضا : (الخال والد) . بمعني أنه في حنية الوالد تماما ..

بعضهم يقول في حكايانا الشعبية أن الخال يستطيع أن يجزم وهو يقول : (هذا ابن أختي) مثلا بينما لا يستطيع العم الجزم .
من هنا جاء تفرد "الخال" .

وعندما تغني المغنية (الأغنية أساسا من أغاني التراث) فهي تشيد بكرم الأخلاق وحميمية الأسرة التي يكفل فيها الخال صغارها ويحمي ويستر نساء الأسرة والقبيلة والجيران ..

مدرج العاطلات = ساترهن وموصلهن .
ابكريق في اللجج سدر حبس الفجج = أبكريق التمساح (حسب شبارقة وأسعد البرير)
سدر = بادر و "شمر عن ساعده" تقدم .

عشميق حبل الوجج = العشميق من النخيل وهو ما يفتل منه الحبل(أجود الحبال من العشميق)

انا أخوى مقلام الحجج :مقلام الحجج = يقلم بمعني يقطع أو يكسر . والحجة كثرة اللقط أو الكلام الفارغ الكثير. وقلة الحديث تعتبر محمدة في تراثنا .


يا خريف الرتوع : خريف الرتوع = الخريف كثير المياه في غير ما هدم وتكسير. يخضر اليباب ويجعل البهائم ترتع وتشبع .

ابشقه قمر السبوع: قمر السبوع هو القمر في كامل منزلته- دائرته- (القمر منازل) .

فوق بيتو بسند الجوع = المعني هنا واضح (إكرام الضيف والفقير) ..

يا قشاش الدموع : ماسح الحزن ومعزي الحزين ..

هي من مكارمنا التي أتمني أن لا تزول يا ياسمين يا بت أختي..

والله أعلم .

[خالد الحاج]

[media]http://sudaniyat.net/up/uploading/khal_fatmah1.wma[/media]
تسجيل "أثيوبيا" وتعجبني "العجمية" في ألسنة المغنيات الأثيوبيات مع كابلي في التسجيل .

[بابكر مخير]

المشاركة الأصلية كتبت بواسطة ياسمين

مافاهمة حاجة
عايزة افهم
كل كلمة هنا
(وش خجلان)

[align=center][flash=http://www.youtube.com/v/1PU8sxC6xsQ&hl=en&fs=1]WIDTH=400 HEIGHT=350[/flash][/align]



أبشريي يما
بس، أولن هو الباذل
وتانين هو طبعن!!
ما أنا
(وش خجلان)

[بدور التركي]

المشاركة الأصلية كتبت بواسطة خالد الحاج

[align=center]يسلم لي خال فاطنه

ليهم بلالي البدرج العاطله

ابكريق في اللجج

سدر حبس الفجج

خال فاطنه

عشميق حبل الوجج

انا أخوى مقلام الحجج

خال فاطنه

يا خريف الرتوع

ابشقه قمر السبوع

فوق بيتو بسند الجوع

يا قشاش الدموع

خال فاطنه[/align]

إزيك يا بت أختي..

من أجمل ما في تراثنا اعتبار أن "الجار" أخ و "الجارة" أخت ..
يسمي السوداني أو الزول (محمد) بضم الميم والحاء
وتسمي السودانية أو الزولة ب (فاطمة) ويقلبون الحروف فتصير "فاطنة" وقلب الحرف عند العرب موجود ومعروف لا يقتصر علي السودان..

ويقولون مثلا (الزول لا عندو محمد ولا فاطمة) بمعني أنه وحيد .

يقولون أيضا : (الخال والد) . بمعني أنه في حنية الوالد تماما ..

بعضهم يقول في حكايانا الشعبية أن الخال يستطيع أن يجزم وهو يقول : (هذا ابن أختي) مثلا بينما لا يستطيع العم الجزم .
من هنا جاء تفرد "الخال" .

وعندما تغني المغنية (الأغنية أساسا من أغاني التراث) فهي تشيد بكرم الأخلاق وحميمية الأسرة التي يكفل فيها الخال صغارها ويحمي ويستر نساء الأسرة والقبيلة والجيران ..

مدرج العاطلات = ساترهن وموصلهن .
ابكريق في اللجج سدر حبس الفجج = أبكريق التمساح (حسب شبارقة وأسعد البرير)

سدر = بادر و "شمر عن ساعده" تقدم .

عشميق حبل الوجج = العشميق من النخيل وهو ما يفتل منه الحبل(أجود الحبال من العشميق)

انا أخوى مقلام الحجج :مقلام الحجج = يقلم بمعني يقطع أو يكسر . والحجة كثرة اللقط أو الكلام الفارغ الكثير. وقلة الحديث تعتبر محمدة في تراثنا .


يا خريف الرتوع : خريف الرتوع = الخريف كثير المياه في غير ما هدم وتكسير. يخضر اليباب ويجعل البهائم ترتع وتشبع .

ابشقه قمر السبوع: قمر السبوع هو القمر في كامل منزلته- دائرته- (القمر منازل) .

فوق بيتو بسند الجوع = المعني هنا واضح (إكرام الضيف والفقير) ..

يا قشاش الدموع : ماسح الحزن ومعزي الحزين ..

هي من مكارمنا التي أتمني أن لا تزول يا ياسمين يا بت أختي..

والله أعلم .

يا سلاااااااااااااااام
كنت حاسة انها بتحمل معانى عمييييييييييييييق
كلام من شعاع
وحروفها كأنها الأجنحة
دقيقة اقشفش دموعى واجيك تانى..

[بدور التركي]

المشاركة الأصلية كتبت بواسطة خالد الحاج

[

تسجيل "أثيوبيا" وتعجبني "العجمية" في ألسنة المغنيات الأثيوبيات مع كابلي في التسجيل .

غايتو لخبطوها جنس لخبطة
والكابلى شكلو كان عاجبو الوضع
واللخبطة دى

[بدور التركي]

المشاركة الأصلية كتبت بواسطة بابكر مخير

[align=center][flash=http://www.youtube.com/v/1PU8sxC6xsQ&hl=en&fs=1]WIDTH=400 HEIGHT=350[/flash][/align]



أبشريي يما
بس، أولن هو الباذل
وتانين هو طبعن!!
ما أنا
(وش خجلان)

ما اشتغل الفيديو يا ابوى
(وش زعلان)

[بدور التركي]

المشاركة الأصلية كتبت بواسطة خالد الحاج

مدرج العاطلات = ساترهن وموصلهن .
ابكريق في اللجج سدر حبس الفجج = أبكريق التمساح (حسب شبارقة وأسعد البرير)

سدر = بادر و "شمر عن ساعده" تقدم .

عشميق حبل الوجج = العشميق من النخيل وهو ما يفتل منه الحبل(أجود الحبال من العشميق)

انا أخوى مقلام الحجج :مقلام الحجج = يقلم بمعني يقطع أو يكسر . والحجة كثرة اللقط أو الكلام الفارغ الكثير. وقلة الحديث تعتبر محمدة في تراثنا .


يا خريف الرتوع : خريف الرتوع = الخريف كثير المياه في غير ما هدم وتكسير. يخضر اليباب ويجعل البهائم ترتع وتشبع .

ابشقه قمر السبوع: قمر السبوع هو القمر في كامل منزلته- دائرته- (القمر منازل) .

فوق بيتو بسند الجوع = المعني هنا واضح (إكرام الضيف والفقير) ..

يا قشاش الدموع : ماسح الحزن ومعزي الحزين ..

هي من مكارمنا التي أتمني أن لا تزول يا ياسمين يا بت أختي..

والله أعلم .[/color

[/size]

معلومات قيمة افتخر بمعرفتها
وتراث يهمنى كثيرا معرفته.. مجتمع تسود فيه ثقافة وضيئة ونظيفة
كرم اخلاق شهامة.. يقولون الانسان ابن عصره .. وانا اقول عصره هو جوهره
ان التراث غير منفصل عن الانسان فى معناه وجوهره بأعتباره مزروع فيه فطريا
واجتماعيا ونفسيا .. لذلك يجب علينا من وقت لأخر ان نطبز الجوهر دا حتى لا نتحول
كليا دون ان نعى جوانب السلبيات فى عصرنا المتطور.......


اخوى خالد ود امى وابوى
انا من قبيل قاعدة هنا
ما قادرة اطلع
حاسة انى فى مكان جميل
ماعارفة كيف اشكرك!!!
شكرا لك عدد حبات الورود
فى هولندا

[ابو روضه]

بالمناسبة يا ياسمين بعد الشرح الضافي ده في ملاحظة صغيرونة

بتلقى الشعر عندنا في الدوبيت او الشعر الشعبي القديم المرأة دوماً مصدر للفخر والعز عند الشعراء ولا يتحرج السوداني من ذلك على عكس كثير من مواريث وثقافات البلاد العربية الاخرى والامثلة كثيرة غير خال فاطنة

سل سيفو وجاك اخوك يا الضامره
حجر الصاقعة فرطاق الصفوف العامره

وحتى في غير الشعر المرأة بتلقيها مصدر للتحدي حتى في التخاطب العادي بين السودانيين مثلاً انا اخو الساترة حاله ........ وانا ابوك يا فلانة ... ودي في تقديري ميزة بتميز بيها انسان السودان على عكس البلاد المجاورة لكم التحييييييييييييية

[بدور التركي]

قصدك شنو فى البلاد المجاورة
هوووووووى ما تجيب لينا الهوا
اسمع برجع ليك حسى مستعجلة
وعندى مشوار مهم برجع ليك
اوكى
باى

[ابو روضه]

المشاركة الأصلية كتبت بواسطة ياسمين

قصدك شنو فى البلاد المجاورة
هوووووووى ما تجيب لينا الهوا
اسمع برجع ليك حسى مستعجلة
وعندى مشوار مهم برجع ليك
اوكى
باى

لا قصدي بس اقول الساهم في ده احتمال تماذج مجموعة من الثقافات بالسودان لم تتوفر لاخرين ......وبس والله لا جاب هواء طيب كتمة يا رب الخليقة كتمه ومعاها ضيقه

[شبارقة]

المشاركة الأصلية كتبت بواسطة خالد الحاج

[align=center]
ابكريق في اللجج سدر حبس الفجج = يحمل "كوريق أو آلة الحفر" ليسد مكامن دخول السيل .
سدر = بادر و "شمر عن ساعده" تقدم .

والله أعلم .

[align=justify]شكراً ياسمين وشكراً الخال خالد
أبكريق هو إسم من أسماء التمساح (وسموهو أب كريق لأنه يصدر صوتاً مميزاً ومخيفا ً ...هكذا صوت كريييييغ كرييييغ)... وهو التمساح العشاري (طوله 10 أمتار) وهو تمساح إنتشر في النيل وسدر وحبس كل الفجج وأثار الرعب في ديار الشايقية في الزمن الماضي ومنعهم من ركوب النهر وبالذات ليلا ً... وبسبب قوته وشراسته أتخذه الكثير من أهلنا إسما ً أو لقبا ً لهم أو لأبنائهم ... .
والله أعلم. [/align]

[خالد الحاج]

المشاركة الأصلية كتبت بواسطة شبارقة

[align=justify]شكراً ياسمين وشكراً الخال خالد
أبكريق هو إسم من أسماء التمساح (وسموهو أب كريق لأنه يصدر صوتاً مميزاً ومخيفا ً ...هكذا صوت كريييييغ كرييييغ)... وهو التمساح العشاري (طوله 10 أمتار) وهو تمساح إنتشر في النيل وسدر وحبس كل الفجج وأثار الرعب في ديار الشايقية في الزمن الماضي ومنعهم من ركوب النهر وبالذات ليلا ً... وبسبب قوته وشراسته أتخذه الكثير من أهلنا إسما ً أو لقبا ً لهم أو لأبنائهم ... .
والله أعلم. [/align]

شبارقة سلام يا صاحب
شرحك هو الأصح وأرجحه .
لكن (اللجة) هي عميق المياه .
وبرضو الله أعلم ..

هنالك قصيدة حاج الماحي حينما ظهر تمساح عشاري ومنع الصيادين والناس ورود المياه في النيل ، وفيها يستنجد حاج الماحي بالله ورسوله والصالحين ..

[align=center][rams]http://www.albrkal.com/madeeh/altumsah.wma[/rams][/align]

[align=center]التمساح

يا رحمان ارحم بى جودك

يارحمـان ارحم بى جودك دلى الغوث ينزل فى بلودك
سم يا فمى اذكر معبودك قول يا واحدا حى فى وجودك
يا مسعد اسعد بسعودك ونحن نصلى على مريودك
*****
يا رحمان ارحم بى برك يا حافظ فى بحرك وبرك
فى وليانك اطلق سرك خل نيشاتن اليتحرك
*****
آمين آمين يا كاشف الغمه جنب ها الدابى تصبحو رمه
تسلط واحد ايدو مدمه يعجل قتلو قبيح القمه
*****
يا الخلفا الحالكم مرضيه يا اهل البيعه العقدوا النيه
التمساح سكن الشايقيه خلو اليروح نسيا منسيا
*****
يا ابن ادريس عدل نيشانك فوق الكل عامر ديوانك
هم يا شيخ الناس حيرانك فى التمساح بين برهانك
*****
يا ابن ادريس شيخنا النورانى يا صاحب الفتح الربانى
يا ابنو العركى ويا السمانى ارمو سهامكم يا فرسانى
*****
شئ لله يا ذات التجلى صاحب السر والفتح الكلى
يا الغوث البى الكون متولى التصريف هيلك عجلى
*****
يا عبد الوهاب التازى يا اب درعا منسوب بى حجازى
التمساح تمساحا خازى درنا العوم ادونا الاجازى
*****
يا الداسوقى وشيخو رفاعى يا حسن التواع كون واعى
الشبلى وشيبان الراعى ارمو سهامكم يا شجاعى
*****
شئ لله يا اهل الدايره يا الفى الكون اسراركم سايره
ارخو السر فى السحره الغايره خلو الدايره التصبح نايره
*****
وينكم لى وينكم يا قومنا سهرانين نحسب فى نجومنا
التمساح حجر لى عومنا ان ما جيتونا عليكم لومنا
*****
وينكم وينكم يا ديله يا اهل ا لحضره الليله الليله
اجتمعوا وخلوا البهديله التمساح احموهو الشيله
*****
وينكم لى وينكم يا كمل يا لحاق فيكم بتأمل
يا الفوت البى الكون اتحمل عرض الدار روح يتهمل
*****
وينكم لى وينكم يا كسر يا لحاق فيكن بدثر
التمساح بلحيل انجسر امرو عليكن ماب يتعسر
*****
شئ لله يا حسن البصرى صهيب الروم ذا النون المصرى
يا الدباغ ابو سرا يسرى يا ابن المحجوب الناس متحسرى
*****
شئ لله يا اب جلابيه يا عثمان شيخ الختميه
يا الصلاح جمله الاولياء التمساح شوفولو اذيه
*****
شئ لله يا راجل البقعه يا اهل الحضره البعد الهجعه
يا الفكى شيخ الهام اب تسعه شيل الدابى تحتكم بدعه
*****
شئ لله يا عبد القادر محى الدين البحر السادر
يا ود زينب قوم لى مبادر يا ود حاج قول جيتكم حاضر
*****
شئ لله يا راجل البركل يا قايم الليل ماب تكسل
يا عايم بالله اتوكل قول للدود من بلدى اتفضل
*****
يا اهل الركب الفات بى ليلو ما فيكم واحدا شاد حيلو
احمد واحمد واحمد شيلو ود عدلان فوق راسو اديلو
*****
يا ياسين يا ود حميده يا اهل القبه الباقيه فريده
انتو ما ابتا طيتو اكيده ما بتغلبكم هذى الصيده
*****
يا رجاله نورى اتلموا خلو الغفله جميعكم هموا
محمد صالح قام بى عمو لطم الدود بالسر فوق فمو
*****
يابا حمدتو اب نايبا شوكه صاحب سر وايدك مبروكه
يا اب نيران الحقنا بابوكا هم يا شيخ الناس زموكا
*****
يا الفكى شيخ العبد الصالح يا لحاق فى بحر المالح
ود بيلى و عووضه القارح وين حاج عيسى القدر الطامح
*****
يا اب شارب واولاد السته امانى عليكم ليش ها السكته
اسمع يا شيخ القول ليك انت جرت الحين فى بلادكم نكته
*****
الزرق ابوات ود حاج موسى يا الكمل ما فيكن دوسه
البلد الكانت محروسه اتحجر العوم والناس محبوسه
*****
يا ود جابر ليك بنادى قوم با خوانك لا البولادى
يا العجمى اب رزقا صيادى اخدوا الشكره العادى العادى
*****
يا اولاد جابر بى عجميكن قوم الخمسه واكربوا سريكم
نادوا اب رابعه وخلوا يجيكم قتل الدود مو قاسى عليكم
*****
يا وراق يجن حوباتك فى التمساح بين آياتك
خلو يصوب من بلداتك لا يتمسخر فى زوراتك
*****
شئ لله يا رجالتنا شرف الدين فرسان المتنه
صالح السلمى اسمعوا كلمتنا احبسوا الدود لا يطل صفحتنا
يا النبى بى جاهك ثبتنا احفظنا واستر عربتنا
اكوى اعدانا وكيد شامتنا فى الدارين اكتب راحتنا
*****
البنيان يا جمله صحابى الغوث يا قطب الاقطابى
الشبلى وبدوى النشابى ارخو السر فى هذا الدابى
*****
على المحبوب صل يوت يا برا عدد مخلوق جميع لا الذره
نظملوا الماحى قصيده وجرا تنجى الامه فى يوم الحرا
*****
صلاه الله عدد ما لبا وقاف الحج وطواف الكعبه
سلاما جابوا الماحى معبا يعم السيد والال والصحبا[/align]

[خالد الحاج]

ابو الخلد كيفك
يازول كلامك ده

ابكريق في اللجج سدر حبس الفجج = يحمل "كوريق أو آلة الحفر" ليسد مكامن دخول السيل .
سدر = بادر و "شمر عن ساعده" تقدم .

منجور نجر ما نجيض
اب كريق هو نوع من انواع التماسيح
كوريق بتاع فنيلتك

من أسعد البرير علي بريدي

[شبارقة]

المشاركة الأصلية كتبت بواسطة خالد الحاج

شبارقة سلام يا صاحب
لكن (اللجة) هي عميق المياه .
وبرضو الله أعلم ..

[align=justify]شكرا ً يا خال ...نعم الله أعلم.

لكن اللجة هي الماء عموماً والدليل على ذلك :
بسم الله الرحمن الرحيم
"قِيلَ لَهَا ادْخُلِي الصَّرْحَ فَلَمَّا رَأَتْهُ حَسِبَتْهُ لُجَّةً وَكَشَفَتْ عَنْ سَاقَيْهَا قَالَ إِنَّهُ صَرْحٌ مُمَرَّدٌ مِنْ قَوَارِيرَ قَالَتْ رَبِّ إِنِّي ظَلَمْتُ نَفْسِي وَأَسْلَمْتُ مَعَ سُلَيْمَانَ لِلَّهِ رَبِّ الْعَالَمِينَ "

" قِيلَ لَهَا ادْخُلِي الصَّرْحَ فَلَمَّا رَأَتْهُ حَسِبَتْهُ لُجَّةً " (أي ماء) , لأن القوارير شفافة, يرى الماء الذي تحتها, كأنه بذاته, يجري, ليس دونه شيء.
و لك يا خال أن تنظر في هذا التعبير الممعن في البلاغة ..(كَشَفَتْ عَنْ سَاقَيْهَا) ...وكشف الساقين لا يتم إلا في حالة الخواضة في المياه الضحلة .. ولو كان ماءا ً عميقا ً ما كان يكفيها كشف ساقيها فقط .... كان عملت Diving عديل كده [/align]
[align=justify]والله أعلم[/align]