قهوة النشاط !

[أبو أماني]

[frame="7 90"]

المشاركة الأصلية كتبت بواسطة ابو المجتبي

طيب يا تحفة انا بعرض عليك عرض جميل واخير قبل ما نشعلل نار الحرب وتروحي شمار في مرقة
والله عرض عرضو قبل ده الامام المهدي علي فكتوريا شرطا لاسلامها وبما انك مسلمة نحن بنعرض ليك العرض شرطا لاستسلامك
المهدي قال لفكتوريا لو دخلت الاسلام لزوجناك اميرنا وفارسنا يونس الدكيم وطبعا الدكيم زعل من المهدي كيف يزوجوا النصرانية دي
اها نحن بنعرض ليك مقابل استسلامك ان نزوجك قائدنا الهمام ابو اماني ويا ابو اماني الجاتك في الصلح سامحتك يعني ارضي بيها بدون زعل حقنا للدماء واكان ابيت ادينا الاذن النفرتق حافلهم
ياني فرتاق حافلهن ملاي سروجهن دم
قلتي شنو في العرض الما بترفض ده ( نظام مثني وكدي ) طبعا كتلنا حيلك طب مش؟؟

[/frame]

والله غالي يا أبو المجتبى والطلب رخيص ..! ومن اجل الثورة نضحى بأرواحنا وصدقني موافقتي علي الزواج جهاد اكبر وشنو يعني لو أتزوجتها في سبيل القضية ماهودا في ناس بتموت عدييييل كده ..سوف أقدم على هذه التضحية بقلب متفتح مؤمن بالقضاء والقدر ولسان حالي يقول إنا لله وإنا إليه راجعون وزغردن يابناتنا الجعفريات وبالدس .. قشقشن دميعاتكن أييييييووووويييي ... هيهئ أوف أوف (طبعا لسان حال نجفة يقول يا فرحة ماتمتش!!)

[تحفة حوا]

المشاركة الأصلية كتبت بواسطة AMAL

اها كمان قول دي حبوبتي



الله يبارك ام اماني الانقذتك
وضحت بي عمرا
واحتسبت روحا
جنتك مضمونة يابت امي

[align=center]امال دي منخارا وين هي بتتنفس بي شنو
يا حلاة بسمتا [/align]

[AMAL]

نسوي شنو ياشبارقة
ابو اماني نسي الماضي
قلنا نفكرو
هسي بقلب في الدفاتر
دايرين نشوف ماضي ابو مجتبي
الطلع لينا في البخت
وجايب لينا زواج المسيار هنا




ترمة
عادل عسوم هوووووي
المدمدمات ديل انا ما معاهن
شوف لي من العاديات ضبحا
...سكاكين ساي ياعمك

[أبو أماني]

المشاركة الأصلية كتبت بواسطة AMAL

اها كمان قول دي حبوبتي



الله يبارك ام اماني الانقذتك
وضحت بي عمرا
واحتسبت روحا
جنتك مضمونة يابت امي

ما قلت ليكم بدودرها ليكم لما تعلق صورتها الحقيقية؟ لكين يا أمال موباااالغة!! حلاااااتو قدومي ده يا ناس الله معقول تخبي الحلاوة دي كلها علي معجبيك المده دي كلها؟ يا أختي والله حراام عليك؟ المحيرني إنو صورتك طلعت طبق الأصل للصورة الكت راسمها ليك في خيالي مع إختلاف بسيط في اللون كت قايلك سمراء خالس .. بس كلمة الحب المكتوبة على الصورة حطمت كل أسوار مقاومتى ولقيت نفسي بتغزل فيها وسرحت تخيلت نفسي إتزوجتك وبصورتك الحلوة دي قاعدين في الكوشة (بضم الكاف والواو) لابسة فستان زواج (أسود) حدادا على سماحتي وشبابي ومستقبلي الضائع هدر .. والفنان كان العميد محمد وردي وكان بيغني (القمر بوبا) ولقيته ليك متعاطف معاي فقلب الأغنية وفصلها علي مقاسك وقعد يقول ...

بوبا عليك تقيل ..
القمل ..بوبا عليك تقيل
الله يا السحارة
الفوق في السلم
القباحة تزيد الألم
عرسك السبب لي ندم
من الدخلة شايل لي هم
لما شفتك ..
قلبي .. إستسم
البطن سعن والراس شتم
العيون زولا طشم ..
الشلاليف اللآت خدم
يوم السيرة البنات عدم
الخشم أريت ما نضم ..
قت لها إزييك قات ليا دم!
إتي اريتك عروس السجم
* * *
القمل بوبا عليك تقيييل ..!!
* * *
الدفيفيق الحرقوه لي
القباحتو بتكويني كي ..
الوش قالب الطوب الني..
بقدود الجلد تعاين لي ..
أهلك الزرقنوني ..حي
جابوني ليكي بكرعي ..
فكي يكتب ويمسح لي..
مابسيبهم ان بقيت حي
أنا مابسيبهم ..مابسيبهم
ان بقيت حي ..
عيلا بال DDT ..
يجرتيقوكي لي ..!!!
* * *
ياقمل بوبا عليك تقيل
* * *

تشيل100 جردل علي الزير
الرقيبة (كـــابدلو) كبييير ..!
الكريشة جوز (مــطامير) ..
الزراق فوقها .. تبــذير ..
الشافها شالوه .. بسرير
شتتي الشبال ياجنا السحاحير
خلي قلوب الصبيان تطير
* * *
القمل بوبا عليك تقيييل ..!!
* * *
البعاتية الفي زريبتها
السحار خاف من خلقتها
معذورة أمها كان دستها
ومجنونة أمها كان طلقتها
وعربية الصحة إتلقتها..
* * *
بوووووبا عليك تقيييييل !!
****
هذا ولم يغيب عن الحفل سوى عادل عسوم لأسباب أجهلها ومعظم الحسان بسودانيات حقدا وحسدا وحقدا على أمال ..بشناتها دي تفوز ليها بزوج يقولوا عليه الحناكيش لما يشوفوه .. يااااااي .. يا إإإإإتي .. يهببببببل!! وكان لنجفة حواْ وروبس وساره وياسمين عاد ماسونوا بيت بكاء عديييل..وكتيح روسين بالرماد..!!!.

[rubs]

بسم الله الرحمن الرحيم اولا عشان الشياطين المو.. اتخارجو . تانيا عايزين التقرير يازميله (تحفه) ... تالتا تسلمى وتاااااااااانى تسلمى يا امال حقيقه مبدعه واللذيذ ابداعك بجى من واقع عشان كدا طعمو روعه .وبسم الله نبدا اها الخروف الاول منو يلا عشان نبدا نسلخ الجكس راجى اللحمه للشيه

[rubs]

المشاركة الأصلية كتبت بواسطة ابو المجتبي

عيييييييك جابت ليها فرفرة تاني بعد ما رفعت ممثلتكم الراية؟؟
بعد انهزام معسكر الشر واستسلامه في مساء الامس ورفع ممثلهم الوحيد الذي كان متواجدا في ساحة المعركة واسر 3 من انشط العنصار الارهابية قلنا ناخد لينا راحة محارب لكن شكلهم كدي اتلمو تاني منهم اتنين تلاتة وسيستمر القتال

عليك الله خليت شنو لى ناس الجبه الاستسلاميه حيرتنا شنو الاسطوانه دى استسلمتو واسرنا انت الظاهر بتقرا جريده الدار كتير على العموم حنمشيها as اخطاء فى الطباعه عشان نخليك تستمر ..عشان حرام نحرمك حق الموت فى سبيل القضيه .
[تصحيح الاخطاء: لم يكن هناك معسكر شر بل سواسيو دقاق (جماعه ابو امانى المزعومه ).لم يكن هناك اسرى لاننا كن نمارس الحياه الجميله فى داخل منازلنا وننعم بنوم هادئ وسماء صافيه ليست بها غيوم (..ابو امانى وما شابه ..)لم تحدث تفرقه فى الصفوف عشان نرجع نلمها ...اها البعدو يا تحفه شيلى دا فى الصينيه

[rubs]

المشاركة الأصلية كتبت بواسطة أبو أماني

والله صدقتي ياعزيزتي روبس .. فعلا الرجال عقارب وأنا زماااان حبوبتي قالت لي كل عقرب عندها من واحد لأربعة (جعارين) بيلازموها طوالي للخدمة .. دحين يابت عمي عرفنا الرجال عقارب ورينا إتي الجعارين ديل منو؟ .. ماتدعي عليّ قائلاني ماسامعك؟ بعدين هو أنا جبت حاجة من عندي ؟ ماده كلامك وكلام حبوبتي والإتنين نسوان ..بس الحق لله الجعرانة المعاي دي لذيذة وصفراء ودمها شربات وشكلها مقبول إتو كييييف؟ هاك الجعرانة الصفراء دي

اولا ما عايزه اقول بسم الله اقوم القاك مافى ..اها قلته شنو جعا يايى دى شنو يعنى؟ المهم حبوبتك دى اوعا تكون الشفناها هسى دى اكان هى تب بتقول كدا عشان المسأله بتكون جنات وكدا والحمدلله ما عرسنا منكم كان واصلنا مسيرت الجعاارين (بتتنطق كدا ؟)ادعى وهو فى زول بدعى على ميت الله يرحمك .
الحمدو لله اعترفتا انك من فصيله الح... (عقرب وكدا )والجكس ام امانى عرفته انها بت عمك عشان كدا زيتنا فى بيتنا (معليش يا ام امانى الطب اتطور بنحاول نعمل ليك هندثه وراثيه )اما احنا غرتك لى صور... اكان لقيت زينا انحنا الساس والراس ودا ما معناها انتو الضنب عشان عقارب وكدا
اها البعدو ياتحفه

[تحفة حوا]

اها البعدو يا تحفه شيلى دا فى الصينيه
يا اختي هم قايلين روحم شنو ؟
أسرى وسبايا ومسيار وزواج
كدي لحظة ونقطة نظام وما تتغرو في روحكم كدا
حسي صوركم دي الزول بعاين ليها وكان قولتو ما حقتكم ليه ما دحضتو الكلام دا بالبرهان
اعترفوا انكم شينين ولكن تمنون النفس بالأماني ولكن هيهات
وحتى لو كنتم يوسف هذا الزمان بي أخلاقكم دي واستعراضكم عضلاتكم علينا مانا بنضحي بي روحنا بي ثانية معاكم وحتى اذا انتهت الحرب كل واحدة فينا عندها سم أيوا سم في خاتما (بيدي لا بيد عمرو )

[تحفة حوا]

المشاركة الأصلية كتبت بواسطة شبارقة

[align=justify]بكامل قواي العقلية وبصحتي المعتبرة شرعا ً أعلن إنشقاقي عن .... وإنضمامي التام لفريق ......
زغردن يا حريم
[/align]

دي واقعة نسجلا لي الزمن والزمان
وقت انت استسلمت ناس أماني ديل قاعديين لييه (قاعدين لييه ما تقوموا تروحوا............)
إلا يا شبارقة ورينا سبب الاستسلام وأدينا ضمانات لأنكم ما مضمونين (يمكن تطلع جاسوس والحرب خدعة )
فمن عدو المرأة إلى نصير المرأة ؟ عايزة ليها وقفة شوية وما بنزغرد ساي من غير ما نفهم الحاصل
لذا نرجو التفسير .......

[rubs]

المشاركة الأصلية كتبت بواسطة ابو المجتبي

شوفي يا تحفة
انتي الوحيدة من المعسكر المشاتر اسي في البوست ده فأحسن ترفعي الراية لانو كل جنودنا متواجدين وموجهين سلاحهم
سلمي تسلمي وسرك في بئر
بنقول لا شفناك لا عارفنك وين
قصرنا معاك؟؟
قولك شنو؟

[color=#FF0000]ملحق عشان نسيت انظف الكرشه [/color]... انا والله شااااااااااااااااااااااااكه فيك مش عميل بس امكن .... لكن مقدور عليك .. اها جتديها موتر ودفتر تقارير
دى فى صنيه براها يا تحفه عشان الريح وكدا :D

[rubs]

تحفه امنتك البوست ماشه اكل لى حاجه جانى دي هايدرينش من النقه انا ماشه اعبى بنزين وجايه ما اهرشوك الجماعه .. وكان على شبارقه بنديهو فرصه وبرانا بنعمل بحث وكان ثبتت نواياهو عكس ما ابدا فحنهدر دمه ان وجد دم ... لانو امكن اكون من فصيله العقارب وكدا
تخريمه ما فى زول عندو حبوب صداع

[سارة]

[img]http://sudaniyat.net/up/uploading/mmmm5.jpg[/img

واحد اثنين ثلاثة


يؤبرنى اللى خلقك

[فيصل سعد]

سلام عزيزنا ابو اماني ، و سامحنا في تسجيل حضور متأخر في هذا البوست الظريف ، و انا كنت متابعك من بعيد لبعيد، و لكن نسبة لتكالب بعض المتربصين و المتربصات بك ، قررنا ان نتلب الي هنا و نخفف و نصد عنك بعض الضربات الحميمة؛ لماذا ؟ اولا فنجرية و جندرية ، ثانيا لاننا اهلك و جيرانك مسقط رأسنا بري المحس و نشأنا بكوريا محطة خمسة و اعمامنا و خيلاننا بالمحس و الدرايسة و اللاماب و امتداد ناصر و ما ممكن نخليك براك و كدا خصوصا مع ناس كوستي و جدة و كسلا و النرويج و نمرة اتنين و الرياض ديل

ارقدوا عافية ..

[تحفة حوا]

ييييييييويييييييي ييييييييييويييييييييي
النصر لنا
النصر لنا
يحيا اتحاد النسوان
يحيا اتحاد النسوان
وهارد لك للرجال المنهزمين المنسحبين المافيشين
يلا اعترفوا بالهزيمة وأرفعوا الراية البيضاء

[شبارقة]

المشاركة الأصلية كتبت بواسطة تحفة حوا

هارد لك للرجال المنهزمين المنسحبين المافيشين
يلا اعترفوا بالهزيمة وأرفعوا الراية البيضاء

[align=justify]



إذا كان الرجل لا يزال عل قيد الحياة قيل : "هو ‏حي ... ‏أما إذا كانت المرأة لا تزال على قيد الحياة قيل " إنها ...‏حية !! " أعاذنا الله من لدغتها ..

إذا أصاب ‏الرجل في قول أو فعل قيل: "هو ‏مصيب "أما إذا أصابت المرأة في ‏قول أو فعل قيل" أنها ‏مصيبة "

إذا تولى الرجل منصب القضاء قيل " هو ‏قاض " ‏أما إذا تولت المرأة منصب القضاء فيقال : "إنها ‏قاضية " (القاضية هي المصيبة العظيمة التي تنزل بالمرء فتقضي عليه ... يا لطيف !!!! ).

إذا أصبح الرجل عضواً في أحد المجالس النيابية قيل : "‏إنه ‏نائب ‏ " أما إذا أصبحت المرأة عضواً في أحد المجالس النيابية قيل : ‏إنها نائبة

إذا كان للرجل هواية يتسلى بها ولا يحترفها قيل : " هو هاو" ‏أما إذا كانت للمرأة هواية تتسلى بها ولا تحترفها وصفت بأنها " ‏هاوية " ... والهاوية من أسماء جهنم ... يا لطيف !!!

الليلة الله يخارجنا مـِنـََّـكن يا الحروم والنسـَوَن
[/align]