كوابيس نهارية

تاج السر الملك · 18-04-2009, 06:47 PM

وافق صديقي الأمريكي ( جيسي) على مساعدتي اخيرا، و بدأ في التدرب على أداء الدور الذي رسمته له بصورة يومية، بدأنا بشراء الثياب التنكرية من سوق الملابس المستعملة في ( ألن تاون رود)، بذلة سوداء لعل صاحبها كان سفيرا ، أو قسيس او استاذ جامعي، و حذاء ( بوسطونيان ) على مقاسه او اوسع قليلا، ربطة عنق و حمالات بنطال كلاسيكية، موشاة برسومات قوطية، و من دكان الرهائن، اشترينا بطاقة رسمية من الجلد الأسود، تتوسطها قطعة من النحاس المحفور على هيئة صقر و شعار فيدرالي عنيد، كانت مزيفة ، و لكنها كافية للوفاء بالغرض.
( جيسي) صديقي، رجل ابيض في منتصف العمر، مديد شديد، تقاطيعه مطمئنة، تدل على نزاهة و مكر في آن معا، يعمل في تنظيف حدائق البيوت ، و المداخن و عديد من أعمال الصيانة، تنتشر على أفق شعره الأسود اسلاك فضية رفيعة ناعمة، طيب يعشق البيرة ولعبة ( البولينغ) في الأمسيات، مطلق، يسكن لوحده، تزوره ابنته الوحيدة في عطلة الجامعة في الصيف، سعيد بحريته، ولكنه لا يخفي اشفاقه على حال اصدقائه و خاصة المتزوجين منهم، دائما ما يتدخل لفض النزاعات، يصلح الشقاق حتى وان لم يطلب منه أحد التدخل، بيد انني طلبت منه ذلك، و عرضت عليه مشكلتي و خطتي الجهنمية لعلاجها، فقبل مساعدتي بعد تردد لم يطل قائلا ( وت ذي هيل).
في الصباح الباكر، ارتدى ( جيسي) بذلته السواء، و حذاءه الجديد العتيق، وضع نظاراته الشمسية بأحكام، صفف شعره، و استأجر سيارة ( تاون كار) سوداء، و عطف في طريقه على المدرسة التي تعمل فيها زوجتي، كنت قد غذيته بما يحتاجه من معلومات، راجعنا كل التفاصيل بدقة و حذر في الليلة التي سبقت نهار المؤامرة، تحسبا للمفاجآت، فبدا كل شيء على ما يرام.
في مكتب الأستقبال، التقت به زوجتي بعد سماعها اسمها يتردد في ابهاء المبنى عبر الميكرفونات، أتت في عجل كعادتها، تدق الأرض بخطواتها دقا، لتجد السيد ( جيسي) في انتظارها متنكرا، سالته في لهفة أن كان الأمر يتعلق بأحد ابنائها، فأجاب محركا راسه بالنفي و هو يمد يده بالمصافحة، طلب منها أن تصحبه الى الخارج، و هنالك اتكأ بظهره على ( التاون كار) السوداء، فاكتسب سواد بذلته بعدا رسميا جديدا، سألته عني دون أن يبدو عليها الأنزعاج هذه المرة، و اضافت ( كنت متوقعاكم تسجنو من زمان)، و لكنه خيب ظنها هذه المرة ايضا، ثم ابتدرها قائلا ( السيدة ( اميرة) ، اعرفك بنفسي اولا، اسمي ( روبرت ماكلوفلين)، صفتي رئيس مكتب العلاقات الأسرية بوكالة المخابرات الأمريكية – سي-آى-أيه، و قد تتعجبين لمجيئي لمقابلتك في مكان عملك، و لكن لن يطول عجبك اذا أخبرتك بأن زوجك عميل لدينا بالوكالة، منذ سبعة عشر عاما، هي عمر زواجكما على ما اظن، اتسعت عينا ( اميرة) بالدهشة، و همهمت بكلام مختلط ، ذكرت الكلب و الجحيم و اشياء اخرى و امي، و هنا اعترضها ( مستر ماكلوفلين) قائلا (أنا سعيد جدا بأنه لم يطلعك على طبيعة عمله الحقيقي، و قد يساعدك أعترافي هذا على ايجاد تفسير لكثير من تصرفاته المريبة) ، تنفست ( اميرة) الصعداء وهي في موقف عدم التصديق، اختلجت مشاعرها فلم تقو على أخفاء حيرتها، بينما واصل ( جيسي) حديثه مكتسبا ثقة لا حدود لها، مواصلا في كذبه دون وازع ( زوجك يا سيدتي، مسؤلنا الأول في مناطق قرن و يلملم و جحفة و عرق، و نيسابور)، وأضاف ( و الآن نعد الى سبب زيارتي) ، قاطعته بقولها ( هل هو بخير)، ( هو بخير) أجابها ( و لعله الآن في هاواى في زيارة سريعة لقضاء مهمة عاجلة، و قد يعود في المساء و يحدثك بأنه كان مع صديقه كمال طيفور، لأداء واجبات عزاء في ريستون، نحن في الوكالة نهتم بصحة عملاءنا النفسية و الجسدية، نراقبهم و نراقب الناس اللصيقين بهم ، و أفراد اسرتهم، و نركز على سلوك زوجاتهم بالتحديد) شهقت زوجتي من الرعب ، و هاجمتها الكوابيس النهارية، و همت بالأعتراف بما لا يجوز ذكره، و الأعتذار، اغرى فزعها ( جيسي) بالخروج عن النص و فتح ثغرة لتلقي الشمار،و لكنه عاد الى النص الأصلي موصدا الباب في وجه فضوله العنيد، عاد الى حديثه عاقدا ما بين حاجبيه ( و قد صبرنا كثيرا على صنوف العذاب و النقة غير المبررة التي يتعرض اليها عميلنا الجليل على يديك، كل يوم من ايام الأسبوع، صباحا و عشية، و شهدنا في صبر و تأثر، كيف اثرت هذه النقة المتصلة على ادائه المتميز، مما اضر ضررا فادحا بمصالح البلاد العليا و سلامة المواطنين، و لم يعد الوضع يحتمل السكوت عليه، فأجبرنا تحت ضغط ( ابو كبير)، و بعد مشاهدة افلام ثلاثين كاميرا منصوبة في منزلكم، و سبعين جهازا لألتقاط الأصوات و تسجيلها، اتضح لنا انه لا مفر من التعامل معك باعتبارك عدوا للشعب من الدرجة الأولى، و قد انزعجنا في الوكالة من محاولاتك المتعددة لأغتيال هذا الرجل، مرة بصب الصبغة في شاى الصباح، و مد سلك الكهربا ( العريان) في حوض استحمامه، و قد قمنا بأفشال كل هذه المحاولات كما ترين، بأعلامه قبل أن يقع الفاس في الراس، وقد تجدين جوابا على تساؤلاتك عمن افشل هذه الخطط، و الكف عن القاء اللوم على اخته و اولياء الله الصالحين في بلاده).
شهقت اميرة مرة أخرى و هزت رأسها تعجبا و استسلاما ( كان بأمكاننا الزج بك في السجن، او ايداعك بين أسوار غوانتانامو، حتى تتعلمي معني الحياة الزوجية الحقة، و بالمناسبة فأن الحسان اللاتي يحادثهن زوجك بأستمرار، لسن سوى طاقم واكسسوار، مثلما يحدث في افلام بوند، كل ذلك حتى نموه على الأعداء بتبيانه في مظهر الرجل السفيه ، غير المسئول، لا اكثر ولا اقل) و هنا قاطعته اميرة( حتى بسينة؟؟)، فأجابابها في ثقة ( بسينة زاتا).
و في ختام لقاءه و قبل أن ينصرف، حذرها من مغبة أن يعلم اى أحد عن ذلك اللقاء ووقائعه ، لما في ذلك من عواقب وخيمة، علينا و على اطفالنا، و على امن و سلامة الوطن.
عدت كعادتي مساء ذلك اليوم، فتلقاني صبيتي عند الباب صائحين ( جبتا الحاجات..جبتا الحاجات؟؟)، أحتضنتهم في فرح مخابراتي حازم، و أومأت لزوجتي بالتحية المقتضبة، كانت ترغي على الهاتف، مع اختها حسب ظني، حيث انها قامت بقطع المكالمة دون وداع، و أظنني رأيتها و هي تمسح السقف و الأركان بعينيها بحثا عن أجهزة الترصد دون جدوى، حيتني في رقة طال عهدي بسماعها، سالتني في رفق بلاستيكي شفاف ( اتأخرت كده مالك الليلة؟؟ ضربت ليك ما رديت!!)، لم اتوان عن أجابتها بما اتفقت عليه مع ( جيسي) (مشيت مع ناس كمال طيفور لبيت بكا في ريستون)، بدت بيارق النصر في عينيها، و ابتسامة مبتسرة ، طنطنت ( بى ياتو خطوط؟؟ الفرنسية؟؟ ) ثم بالصوت العالي (مشيتو بي شنو)، تظاهرت بعدم سماعي للطنطنة، و اجبت ( بالمترو)، و لم تكن تعلم أن المترو لا يمر بريستون.
عادت ايام العسل، و سنوات التشيز كيك، تغيرت لغة زوجتي الى لغة العشق الأولى، و اتخذت موقعها في طابية ( انا راجلي ما برضى فيهو و لا كلمة)، و توافقا مع فكرة عملي فقد اصبح كل سائقي التاكسي من الشرق الأوسط مجرد ارهابيين، و تحول زعيق الصباح حول فراشي الى همس رقيق ( امشو برة يا اولاد ابوكم نائم تعبان يا حليلو، انتو ما عارفين حاجة ساكت)، ثم قبلة على خدي، و في نصف اغماضتي ، رأيتها و هي تتأملني في وله و أعجاب، فكأنما وجهي لم يعد مثل (البونية) كما كانت تطلق عليه في الأسابيع الماضية ( انا ما اخترتك ساكت ، من زمان عارفاك ما هين...هسة لكن يقشرو بيك كيف؟؟).
توالت الأيام، و قضت زوجتي كثيرا من مشاويرها دون أن تدفع اجرا لسائقي التاكسي من فقراء البنغال و الأفغان، و صارت كلما تحدثت الى صديقاتها، تختم حديثها بجملة (عندنا ناس ما تخافي، مش القرين ده بنحرك ليك الكيس، يجيبو ليك في خشم بابك)، و لكنها رغما عن تحذيرات ( جيسي) بتحري السرية، فأنها لم تكف لحظة عن تعليق الطعم في وجهي ( و الله مرات كده، انت بتكون غامض خلاص، ده العاجبني فيك بالمناسبة)، أو (البلد دي الزول ما يضمن يكونوا مركبين ليهومكرفون في الحمام، الخوف كاميرا في اوضة النوم، ياب شرا).
و في شهور قليلات، اتسعت دائرة الأحترام، فشملت كثيرا من الأسر و أفراد الجالية، ما حللت بتجمع أو منشط عام، الا و انحسر( فوليوم) اللغط حتى قارب الصفر، الا و رافقتني نظرات الحسان حتى مقعدي، سعدت بتحلق القوم حولي بنظراتهم الواجفة، و تذكير بعضهم لى ( يا حليل الدويم و ايام الدويم)، بالرغم من انني لست من الدويم.
و اتى صباح ايقظتني فيه زوجتي من النوم في عجلة، و قالت و رنة الفخر تعلو صوتها، بأن جماعة من ناشطي المناطق المنكوبة ببلادنا يودون مقابلتي، قمت على ( مهلي و اقل من مهلي)، قابلتهم في صالون البيت، فبادر زعيمهم بالأعتذار (و الله نحنا البيت كان ما بيتنا ما بنجيك توش كدة)، طمأنته بهزة من راسي ، فمضى يقول ( جايينك نوضح ليك حاجة، نحنا و الله والله والله ، القروش حقت الأغاثة دي بنرسلا اول بأول، شوف، الشفافية دي نحنا لو كانت ملاح ما بناكل غيرها، ما تشوف البيوت الأشتريناها دي ، و الله كلها من قروش الديليفري)، و في ختام الأجتماع قال رئيسهم ( و الله نحنا ما سمعنا من الزول الأسمو حسين ده، لكن عارفين بوضعك ده من زمان، فياخي شوف لينا جماعتك ديل يسهلو لينا ورق الكونتينرات ديل).
و في مساء ذلك اليوم، اتصل بى السيد ( هاشم الحسن) قائلا (يا خي القاش ده جنن اهلنا، شوف جماعتك دي يمسحوهو ولا ينقلو نا س غرب القاش ديل لجبيت) ، أما عبد المنعم الجزولي اللدود، فقد توقف عن مغالطتي المزمنة، و بلغني عنه انه قال( هو قطع شك في المخابرات، مافي ا تنين تلاتة، صاحبي و بعرفو، جندوه قدامي في الحلفاية من زمان، لكن ما تسمعو كلام انو عب كبير و بتاع، مشغلنو صبي طباخ، و في احتمال ينقلوهو يلملم).
تماديت في العسل و غوايته، حتى صدقت نفسي، ازدادت ثقتي بنفسي و أنا اشهد زوجتي تتحدث بالصوت العالي و كأنها قد اهتدت الى مواقع الكاميرات الوهمية، فتصيح بافادتها ( اها قصرنا معاهو في شي؟؟ )، يعقب ذلك سقوطها جثة هامدة على السرير و سرعان ما يملأ صوت غطيطها المكان.
و أتى اليوم الذي لم تقدر فيه مفاصل صبرها على الصمود، فصارحتني بقولها ( عارف..انت وكت اصلك بتصل لغاية يلملم..ما تغشى بالمرة عمي عوض الكريم في ابها و تجيب لى دهب من هناك)
فأسقط في يدي.

عادل عسوم · 18-04-2009, 09:20 PM

التاج ياملك
القراءة لك ممتعة والله...
بيني وبينك...(كوابيس) من النوع أبو كديس...
يازول تعجب عجب

بس الكلام كلللو فيما يلي(يلملم) دي

ساعتها ليس لنا الاّ (الحوقلة) يالتاج ياأخوي
تسلم ياحبيب

فيصل سعد · 18-04-2009, 10:43 PM

سلام يا ود الملك يا تاج السر
صديقنا ود حلة حمد العامرة ،
يا زول لو كترة الغياب بتجيبك
لينا كدا كتر منو كتير و تعال مليان بهجة و القا..
بالله عليك دي جهبزتها بعد ماسنجرنا
النهاري و لا قبل كدا ..

أسامة الكاشف · 19-04-2009, 06:12 AM

تحايا يا ملك
كالعهد بك
لغة راقفية وحبكة متقنة
تجربة جد مغايرة

(بيني وبينك ممكن تسلفني عمك جيسي ده يوم ولا اتنين
أخوك مغروض فيه)

الفاتح · 19-04-2009, 03:42 PM

التاج يا ملك..
وأنا أقول إنت مشيت وين ..
الأتاريك منجض .. نجاض قبور
أموت في سمسميتك البتشكًل كتابتك الطاعمة دي
لو رسلت لي منها قرمه قرمتين تكون ما قصًرت تب
أخوك مشتهي الكتابة .

فيصل سعد · 19-04-2009, 03:49 PM

اقتباس:

المشاركة الأصلية كتبت بواسطة شليل

التاج يا ملك..
وأنا أقول إنت مشيت وين ..
الأتاريك منجض .. نجاض قبور
أموت في سمسميتك البتشكًل كتابتك الطاعمة دي
لو رسلت لي منها قرمه قرمتين تكون ما قصًرت تب
أخوك مشتهي الكتابة .

هسي كان اكرمك بحبة حبتين
تلفها بشنو خصوصا مع درشتك دي ..

الفاتح · 19-04-2009, 03:58 PM

اقتباس:

المشاركة الأصلية كتبت بواسطة فيصل سعد

هسي كان اكرمك بحبة حبتين
تلفها بشنو خصوصا مع درشتك دي ..

تلفها بشنو؟

اقتباس:

أول شي تفُكها.. بعدين تغمًسها .. بعدين تذوقها..

مع إحترامي لدعاية " جلاكسي" العاملنها العرب ديل.

ــــــــــــــــــــــــــــــــــــــــــــــــــ ــــــــ
وين يا بنج إنت طوالي خاتًي البريد الصوتي؟
التاج : معليش " سمسمنا " في بوستك لحدي ما تجي راجع.

طارق صديق كانديك · 19-04-2009, 04:04 PM

تاج السر ... سرك باتع والله .. !!

متعة كبيرة ورب الكعبة .. !!

قلت لي يا اب شرا ... ؟؟

غايتو خلينا في الصف بعد صديقنا اسامة الكاشف .. جيسيك ده .. يحل بلاوي كتيرة .. وانا خايفو عندنا يبقى علاجو زي زيت ريغان في الزمان العجيب داك .. !!

كل المودة

أم عمرو · 19-04-2009, 07:58 PM

( عارف..انت وكت اصلك بتصل لغاية يلملم..ما تغشى بالمرة عمي عوض الكريم في ابها و تجيب لى دهب من هناك)

خطيرة... ياأميرة..
لقيتك تفتيحة..

النور يوسف محمد · 20-04-2009, 12:26 PM

بسم الله الرحمن الرحيم

اقتباس:

قرن و يلملم و جحفة و عرق، و نيسابور)

اقتباس:

في احتمال ينقلوهو يلملم).

اقتباس:

اصلك بتصل لغاية يلملم

إيحاءات تشير الى جوامع الرؤى
والأشياء فى بعدها الأقصى
ثم تكثيف النص ,
فأسبغ هدوءً على أحداثه وشخوصه
(وانحسر فوليوم اللغط حتى قارب الصفر)
وتوقف عبد المنعم الجزولى عن المغالطة

اللغة المتفردة اسعفت الكاتب على الإمساك بتتابع الأحداث
وخياله البديع أبقى على تماسك الشخوص .
وتنوعت مداخل النص قى اتساق جميل .
.
.
جرعة عالية التركيز
شكراً ... أنا ممتن .

أسامة معاوية الطيب · 20-04-2009, 12:39 PM

اقتباس:

المشاركة الأصلية كتبت بواسطة النور يوسف محمد

بسم الله الرحمن الرحيم

إيحاءات تشير الى جوامع الرؤى
والأشياء فى بعدها الأقصى
ثم تكثيف النص ,
فأسبغ هدوءً على أحداثه وشخوصه
(وانحسر فوليوم اللغط حتى قارب الصفر)
وتوقف عبد المنعم الجزولى عن المغالطة

اللغة المتفردة اسعفت الكاتب على الإمساك بتتابع الأحداث
وخياله البديع أبقى على تماسك الشخوص .
وتنوعت مداخل النص قى اتساق جميل .
.
.
جرعة عالية التركيز
شكراً ... أنا ممتن .

وأنا ذاتي ممتن ... وجدا كمان
وهو ذاتو عارف يا النور ... وانت ذاتك أنا ممتن ليك للقراية العميقة ... الجايبة الموية
الفكرة كبيرة وكبيرة جدا ... لكني اعتقد - يا استاذي الملك - إنها خصمت شوية من جزالة وفداحة اللغة التي اعتدنا عليها
واللا شنو ؟
لكني ما زلت ممتن

النور يوسف محمد · 20-04-2009, 05:20 PM

بسم الله الرحمن الرحيم

اقتباس:

لكني اعتقد - يا استاذي الملك - إنها خصمت شوية من جزالة وفداحة اللغة التي اعتدنا عليها
واللا شنو ؟

أثـنــــــــــى
غير أنى أجد له العذر فى أن طبيعة النص ألزمته بسقف خفيض للحرف والمفردة والكلمة

شكراً اسامة

فيصل سعد · 22-04-2009, 04:50 AM

وينك يا ملك
و وين جيسي و سنسيميليتوا ،،
اظهر ياخي لانه صاحبك شليل منتظر ليو
حرباشة حرباشتين و بالعدم تشتاشة

تاج السر الملك · 23-04-2009, 03:17 PM

السلام عليكم جميعا
يا شباب باسويردي طشت بفعل الكبيوتر الجديد و لقيتها و جيت لقيتكم في الصالون و انا مافي لكن البيت بيتكم و سعيد بكل المداخلات

فيصل ود سعد ده خلو بالجنبة بى حرباشاتو ديل
و شليل ده بين الدودو و التمساح قصة براها

عادل عسوم
تحيتي لك و انت تبارك كتاباتي دائما

و يا أخي اسامة الكاشف
سلام ليك بى هنا و بى هناك

طارق صديق
في الصف و خاتين ليك طوبة نحجز بيها

أختي ام عمرو
هسة عليك الله التفتيحة منو اميرة ولا ناس الأغاثة؟؟
تحياتي

النور اخوى
و أنا اكثر منك امتنانا بقراءتك العميقة

اخي اسامة معاوية الطيب
مرات اللغة بتقيف فدرب الحكوة
لكنها ملاحظة قوية
شكرا لك و انا ممنون لك ايضا

لكم مودتي يا أهلي و رفقتي في سودانيات

الرزق سبح

الملك

فيصل سعد · 29-04-2009, 01:27 AM

سلام يا صاحب جيسي
ما زلنا مرابطون بالجوار و
منتظرين لينا كابوس جديد و كدا ..
مع كمبيوترك الجديد ، و الجديد شديد
زي ما عارف و فايت اضانك..

18-04-2009, 06:47 PM	#[1]
تاج السر الملك :: كــاتب نشــط::	كوابيس نهارية وافق صديقي الأمريكي ( جيسي) على مساعدتي اخيرا، و بدأ في التدرب على أداء الدور الذي رسمته له بصورة يومية، بدأنا بشراء الثياب التنكرية من سوق الملابس المستعملة في ( ألن تاون رود)، بذلة سوداء لعل صاحبها كان سفيرا ، أو قسيس او استاذ جامعي، و حذاء ( بوسطونيان ) على مقاسه او اوسع قليلا، ربطة عنق و حمالات بنطال كلاسيكية، موشاة برسومات قوطية، و من دكان الرهائن، اشترينا بطاقة رسمية من الجلد الأسود، تتوسطها قطعة من النحاس المحفور على هيئة صقر و شعار فيدرالي عنيد، كانت مزيفة ، و لكنها كافية للوفاء بالغرض. ( جيسي) صديقي، رجل ابيض في منتصف العمر، مديد شديد، تقاطيعه مطمئنة، تدل على نزاهة و مكر في آن معا، يعمل في تنظيف حدائق البيوت ، و المداخن و عديد من أعمال الصيانة، تنتشر على أفق شعره الأسود اسلاك فضية رفيعة ناعمة، طيب يعشق البيرة ولعبة ( البولينغ) في الأمسيات، مطلق، يسكن لوحده، تزوره ابنته الوحيدة في عطلة الجامعة في الصيف، سعيد بحريته، ولكنه لا يخفي اشفاقه على حال اصدقائه و خاصة المتزوجين منهم، دائما ما يتدخل لفض النزاعات، يصلح الشقاق حتى وان لم يطلب منه أحد التدخل، بيد انني طلبت منه ذلك، و عرضت عليه مشكلتي و خطتي الجهنمية لعلاجها، فقبل مساعدتي بعد تردد لم يطل قائلا ( وت ذي هيل). في الصباح الباكر، ارتدى ( جيسي) بذلته السواء، و حذاءه الجديد العتيق، وضع نظاراته الشمسية بأحكام، صفف شعره، و استأجر سيارة ( تاون كار) سوداء، و عطف في طريقه على المدرسة التي تعمل فيها زوجتي، كنت قد غذيته بما يحتاجه من معلومات، راجعنا كل التفاصيل بدقة و حذر في الليلة التي سبقت نهار المؤامرة، تحسبا للمفاجآت، فبدا كل شيء على ما يرام. في مكتب الأستقبال، التقت به زوجتي بعد سماعها اسمها يتردد في ابهاء المبنى عبر الميكرفونات، أتت في عجل كعادتها، تدق الأرض بخطواتها دقا، لتجد السيد ( جيسي) في انتظارها متنكرا، سالته في لهفة أن كان الأمر يتعلق بأحد ابنائها، فأجاب محركا راسه بالنفي و هو يمد يده بالمصافحة، طلب منها أن تصحبه الى الخارج، و هنالك اتكأ بظهره على ( التاون كار) السوداء، فاكتسب سواد بذلته بعدا رسميا جديدا، سألته عني دون أن يبدو عليها الأنزعاج هذه المرة، و اضافت ( كنت متوقعاكم تسجنو من زمان)، و لكنه خيب ظنها هذه المرة ايضا، ثم ابتدرها قائلا ( السيدة ( اميرة) ، اعرفك بنفسي اولا، اسمي ( روبرت ماكلوفلين)، صفتي رئيس مكتب العلاقات الأسرية بوكالة المخابرات الأمريكية – سي-آى-أيه، و قد تتعجبين لمجيئي لمقابلتك في مكان عملك، و لكن لن يطول عجبك اذا أخبرتك بأن زوجك عميل لدينا بالوكالة، منذ سبعة عشر عاما، هي عمر زواجكما على ما اظن، اتسعت عينا ( اميرة) بالدهشة، و همهمت بكلام مختلط ، ذكرت الكلب و الجحيم و اشياء اخرى و امي، و هنا اعترضها ( مستر ماكلوفلين) قائلا (أنا سعيد جدا بأنه لم يطلعك على طبيعة عمله الحقيقي، و قد يساعدك أعترافي هذا على ايجاد تفسير لكثير من تصرفاته المريبة) ، تنفست ( اميرة) الصعداء وهي في موقف عدم التصديق، اختلجت مشاعرها فلم تقو على أخفاء حيرتها، بينما واصل ( جيسي) حديثه مكتسبا ثقة لا حدود لها، مواصلا في كذبه دون وازع ( زوجك يا سيدتي، مسؤلنا الأول في مناطق قرن و يلملم و جحفة و عرق، و نيسابور)، وأضاف ( و الآن نعد الى سبب زيارتي) ، قاطعته بقولها ( هل هو بخير)، ( هو بخير) أجابها ( و لعله الآن في هاواى في زيارة سريعة لقضاء مهمة عاجلة، و قد يعود في المساء و يحدثك بأنه كان مع صديقه كمال طيفور، لأداء واجبات عزاء في ريستون، نحن في الوكالة نهتم بصحة عملاءنا النفسية و الجسدية، نراقبهم و نراقب الناس اللصيقين بهم ، و أفراد اسرتهم، و نركز على سلوك زوجاتهم بالتحديد) شهقت زوجتي من الرعب ، و هاجمتها الكوابيس النهارية، و همت بالأعتراف بما لا يجوز ذكره، و الأعتذار، اغرى فزعها ( جيسي) بالخروج عن النص و فتح ثغرة لتلقي الشمار،و لكنه عاد الى النص الأصلي موصدا الباب في وجه فضوله العنيد، عاد الى حديثه عاقدا ما بين حاجبيه ( و قد صبرنا كثيرا على صنوف العذاب و النقة غير المبررة التي يتعرض اليها عميلنا الجليل على يديك، كل يوم من ايام الأسبوع، صباحا و عشية، و شهدنا في صبر و تأثر، كيف اثرت هذه النقة المتصلة على ادائه المتميز، مما اضر ضررا فادحا بمصالح البلاد العليا و سلامة المواطنين، و لم يعد الوضع يحتمل السكوت عليه، فأجبرنا تحت ضغط ( ابو كبير)، و بعد مشاهدة افلام ثلاثين كاميرا منصوبة في منزلكم، و سبعين جهازا لألتقاط الأصوات و تسجيلها، اتضح لنا انه لا مفر من التعامل معك باعتبارك عدوا للشعب من الدرجة الأولى، و قد انزعجنا في الوكالة من محاولاتك المتعددة لأغتيال هذا الرجل، مرة بصب الصبغة في شاى الصباح، و مد سلك الكهربا ( العريان) في حوض استحمامه، و قد قمنا بأفشال كل هذه المحاولات كما ترين، بأعلامه قبل أن يقع الفاس في الراس، وقد تجدين جوابا على تساؤلاتك عمن افشل هذه الخطط، و الكف عن القاء اللوم على اخته و اولياء الله الصالحين في بلاده). شهقت اميرة مرة أخرى و هزت رأسها تعجبا و استسلاما ( كان بأمكاننا الزج بك في السجن، او ايداعك بين أسوار غوانتانامو، حتى تتعلمي معني الحياة الزوجية الحقة، و بالمناسبة فأن الحسان اللاتي يحادثهن زوجك بأستمرار، لسن سوى طاقم واكسسوار، مثلما يحدث في افلام بوند، كل ذلك حتى نموه على الأعداء بتبيانه في مظهر الرجل السفيه ، غير المسئول، لا اكثر ولا اقل) و هنا قاطعته اميرة( حتى بسينة؟؟)، فأجابابها في ثقة ( بسينة زاتا). و في ختام لقاءه و قبل أن ينصرف، حذرها من مغبة أن يعلم اى أحد عن ذلك اللقاء ووقائعه ، لما في ذلك من عواقب وخيمة، علينا و على اطفالنا، و على امن و سلامة الوطن. عدت كعادتي مساء ذلك اليوم، فتلقاني صبيتي عند الباب صائحين ( جبتا الحاجات..جبتا الحاجات؟؟)، أحتضنتهم في فرح مخابراتي حازم، و أومأت لزوجتي بالتحية المقتضبة، كانت ترغي على الهاتف، مع اختها حسب ظني، حيث انها قامت بقطع المكالمة دون وداع، و أظنني رأيتها و هي تمسح السقف و الأركان بعينيها بحثا عن أجهزة الترصد دون جدوى، حيتني في رقة طال عهدي بسماعها، سالتني في رفق بلاستيكي شفاف ( اتأخرت كده مالك الليلة؟؟ ضربت ليك ما رديت!!)، لم اتوان عن أجابتها بما اتفقت عليه مع ( جيسي) (مشيت مع ناس كمال طيفور لبيت بكا في ريستون)، بدت بيارق النصر في عينيها، و ابتسامة مبتسرة ، طنطنت ( بى ياتو خطوط؟؟ الفرنسية؟؟ ) ثم بالصوت العالي (مشيتو بي شنو)، تظاهرت بعدم سماعي للطنطنة، و اجبت ( بالمترو)، و لم تكن تعلم أن المترو لا يمر بريستون. عادت ايام العسل، و سنوات التشيز كيك، تغيرت لغة زوجتي الى لغة العشق الأولى، و اتخذت موقعها في طابية ( انا راجلي ما برضى فيهو و لا كلمة)، و توافقا مع فكرة عملي فقد اصبح كل سائقي التاكسي من الشرق الأوسط مجرد ارهابيين، و تحول زعيق الصباح حول فراشي الى همس رقيق ( امشو برة يا اولاد ابوكم نائم تعبان يا حليلو، انتو ما عارفين حاجة ساكت)، ثم قبلة على خدي، و في نصف اغماضتي ، رأيتها و هي تتأملني في وله و أعجاب، فكأنما وجهي لم يعد مثل (البونية) كما كانت تطلق عليه في الأسابيع الماضية ( انا ما اخترتك ساكت ، من زمان عارفاك ما هين...هسة لكن يقشرو بيك كيف؟؟). توالت الأيام، و قضت زوجتي كثيرا من مشاويرها دون أن تدفع اجرا لسائقي التاكسي من فقراء البنغال و الأفغان، و صارت كلما تحدثت الى صديقاتها، تختم حديثها بجملة (عندنا ناس ما تخافي، مش القرين ده بنحرك ليك الكيس، يجيبو ليك في خشم بابك)، و لكنها رغما عن تحذيرات ( جيسي) بتحري السرية، فأنها لم تكف لحظة عن تعليق الطعم في وجهي ( و الله مرات كده، انت بتكون غامض خلاص، ده العاجبني فيك بالمناسبة)، أو (البلد دي الزول ما يضمن يكونوا مركبين ليهومكرفون في الحمام، الخوف كاميرا في اوضة النوم، ياب شرا). و في شهور قليلات، اتسعت دائرة الأحترام، فشملت كثيرا من الأسر و أفراد الجالية، ما حللت بتجمع أو منشط عام، الا و انحسر( فوليوم) اللغط حتى قارب الصفر، الا و رافقتني نظرات الحسان حتى مقعدي، سعدت بتحلق القوم حولي بنظراتهم الواجفة، و تذكير بعضهم لى ( يا حليل الدويم و ايام الدويم)، بالرغم من انني لست من الدويم. و اتى صباح ايقظتني فيه زوجتي من النوم في عجلة، و قالت و رنة الفخر تعلو صوتها، بأن جماعة من ناشطي المناطق المنكوبة ببلادنا يودون مقابلتي، قمت على ( مهلي و اقل من مهلي)، قابلتهم في صالون البيت، فبادر زعيمهم بالأعتذار (و الله نحنا البيت كان ما بيتنا ما بنجيك توش كدة)، طمأنته بهزة من راسي ، فمضى يقول ( جايينك نوضح ليك حاجة، نحنا و الله والله والله ، القروش حقت الأغاثة دي بنرسلا اول بأول، شوف، الشفافية دي نحنا لو كانت ملاح ما بناكل غيرها، ما تشوف البيوت الأشتريناها دي ، و الله كلها من قروش الديليفري)، و في ختام الأجتماع قال رئيسهم ( و الله نحنا ما سمعنا من الزول الأسمو حسين ده، لكن عارفين بوضعك ده من زمان، فياخي شوف لينا جماعتك ديل يسهلو لينا ورق الكونتينرات ديل). و في مساء ذلك اليوم، اتصل بى السيد ( هاشم الحسن) قائلا (يا خي القاش ده جنن اهلنا، شوف جماعتك دي يمسحوهو ولا ينقلو نا س غرب القاش ديل لجبيت) ، أما عبد المنعم الجزولي اللدود، فقد توقف عن مغالطتي المزمنة، و بلغني عنه انه قال( هو قطع شك في المخابرات، مافي ا تنين تلاتة، صاحبي و بعرفو، جندوه قدامي في الحلفاية من زمان، لكن ما تسمعو كلام انو عب كبير و بتاع، مشغلنو صبي طباخ، و في احتمال ينقلوهو يلملم). تماديت في العسل و غوايته، حتى صدقت نفسي، ازدادت ثقتي بنفسي و أنا اشهد زوجتي تتحدث بالصوت العالي و كأنها قد اهتدت الى مواقع الكاميرات الوهمية، فتصيح بافادتها ( اها قصرنا معاهو في شي؟؟ )، يعقب ذلك سقوطها جثة هامدة على السرير و سرعان ما يملأ صوت غطيطها المكان. و أتى اليوم الذي لم تقدر فيه مفاصل صبرها على الصمود، فصارحتني بقولها ( عارف..انت وكت اصلك بتصل لغاية يلملم..ما تغشى بالمرة عمي عوض الكريم في ابها و تجيب لى دهب من هناك) فأسقط في يدي.
تاج السر الملك :: كــاتب نشــط::

18-04-2009, 09:20 PM	#[2]
عادل عسوم :: كــاتب نشــط::	التاج ياملك القراءة لك ممتعة والله... بيني وبينك...(كوابيس) من النوع أبو كديس... يازول تعجب عجب بس الكلام كلللو فيما يلي(يلملم) دي ساعتها ليس لنا الاّ (الحوقلة) يالتاج ياأخوي تسلم ياحبيب
عادل عسوم :: كــاتب نشــط::	التوقيع: المرء أن كان مخبوءا في لسانه فإنه - في عوالم هذه الأسافير - لمخبوء في (كيبورده)

18-04-2009, 10:43 PM	#[3]
فيصل سعد :: كــاتب نشــط::	سلام يا ود الملك يا تاج السر صديقنا ود حلة حمد العامرة ، يا زول لو كترة الغياب بتجيبك لينا كدا كتر منو كتير و تعال مليان بهجة و القا.. بالله عليك دي جهبزتها بعد ماسنجرنا النهاري و لا قبل كدا .. التعديل الأخير تم بواسطة فيصل سعد ; 20-04-2009 الساعة 12:04 AM.
فيصل سعد :: كــاتب نشــط::	التوقيع: اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة

19-04-2009, 06:12 AM	#[4]
أسامة الكاشف :: كــاتب نشــط::	تحايا يا ملك كالعهد بك لغة راقفية وحبكة متقنة تجربة جد مغايرة (بيني وبينك ممكن تسلفني عمك جيسي ده يوم ولا اتنين أخوك مغروض فيه)
أسامة الكاشف :: كــاتب نشــط::

19-04-2009, 03:42 PM	#[5]
الفاتح :: كــاتب نشــط::	التاج يا ملك.. وأنا أقول إنت مشيت وين .. الأتاريك منجض .. نجاض قبور أموت في سمسميتك البتشكًل كتابتك الطاعمة دي لو رسلت لي منها قرمه قرمتين تكون ما قصًرت تب أخوك مشتهي الكتابة .
الفاتح :: كــاتب نشــط::

19-04-2009, 04:04 PM	#[8]
طارق صديق كانديك :: كــاتب نشــط::	تاج السر ... سرك باتع والله .. !! متعة كبيرة ورب الكعبة .. !! قلت لي يا اب شرا ... ؟؟ غايتو خلينا في الصف بعد صديقنا اسامة الكاشف .. جيسيك ده .. يحل بلاوي كتيرة .. وانا خايفو عندنا يبقى علاجو زي زيت ريغان في الزمان العجيب داك .. !! كل المودة
طارق صديق كانديك :: كــاتب نشــط::	التوقيع: الشمس زهرتنا التي انسكبت على جسد الجنوب وأنت زهرتنا التي انسكبت على أرواحنا فادفع شراعك صوبنا كي لا تضيع .. ! وافرد جناحك في قوافلنا اذا اشتد الصقيع واحذر بكاء الراكعين الساجدين لديك إن الله في فرح الجموع الفيتوري .. !!

19-04-2009, 07:58 PM	#[9]
أم عمرو :: كــاتب جديـــد ::	( عارف..انت وكت اصلك بتصل لغاية يلملم..ما تغشى بالمرة عمي عوض الكريم في ابها و تجيب لى دهب من هناك) خطيرة... ياأميرة.. لقيتك تفتيحة..
أم عمرو :: كــاتب جديـــد ::

22-04-2009, 04:50 AM	#[13]
فيصل سعد :: كــاتب نشــط::	وينك يا ملك و وين جيسي و سنسيميليتوا ،، اظهر ياخي لانه صاحبك شليل منتظر ليو حرباشة حرباشتين و بالعدم تشتاشة
فيصل سعد :: كــاتب نشــط::	التوقيع: اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة

23-04-2009, 03:17 PM	#[14]
تاج السر الملك :: كــاتب نشــط::	السلام عليكم جميعا يا شباب باسويردي طشت بفعل الكبيوتر الجديد و لقيتها و جيت لقيتكم في الصالون و انا مافي لكن البيت بيتكم و سعيد بكل المداخلات فيصل ود سعد ده خلو بالجنبة بى حرباشاتو ديل و شليل ده بين الدودو و التمساح قصة براها عادل عسوم تحيتي لك و انت تبارك كتاباتي دائما و يا أخي اسامة الكاشف سلام ليك بى هنا و بى هناك طارق صديق في الصف و خاتين ليك طوبة نحجز بيها أختي ام عمرو هسة عليك الله التفتيحة منو اميرة ولا ناس الأغاثة؟؟ تحياتي النور اخوى و أنا اكثر منك امتنانا بقراءتك العميقة اخي اسامة معاوية الطيب مرات اللغة بتقيف فدرب الحكوة لكنها ملاحظة قوية شكرا لك و انا ممنون لك ايضا لكم مودتي يا أهلي و رفقتي في سودانيات الرزق سبح الملك
تاج السر الملك :: كــاتب نشــط::

29-04-2009, 01:27 AM	#[15]
فيصل سعد :: كــاتب نشــط::	سلام يا صاحب جيسي ما زلنا مرابطون بالجوار و منتظرين لينا كابوس جديد و كدا .. مع كمبيوترك الجديد ، و الجديد شديد زي ما عارف و فايت اضانك..
فيصل سعد :: كــاتب نشــط::	التوقيع: اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة