(دو...ري...مي...فا...صو...لا...سي...دو)

[قمر دورين]

[align=center]وممكن مع ناس نسكت ويغلبنا الكلام في وجودهم
ولكن زي ما قالوا...
سكت الكلام!!
أو كما قيل....
إنّ في الصمت كلاما !!!!

وناس كده بيمرّوا مرور سريييييع لكن مرورهم السريع ده بنغني معاه ونقول....

يا ماري أجمل مرور
بين المرح والسرور
ما بين أغاني الطيور
تسمع حفيفك زهور
مع النسيم العليل

[/align]

[قمر دورين]

[align=center]وناس ممكن تنحرم من شوفة ناس تانية وطبعاً الأسباب هنا كتيرة ومختلفة...
وهنا الشخص بيقعد يسأل نفسو...

( يا الله هل طاريني قلبو)....

وصورتو تكون في البال وساكنة جوة القلب
وزي ما غنّى الكابلي..

يا الحرموني شوفتك ...
أنا في قلبي صورتك
كل ما جابوا سيرتك
تزداد بي شجوني ..
ويجفو النوم عيوني
ويزحم قلبي حبك

ومع ده كلو بيكون عندهم أمل ...

و(عساهم يسمحوا لي بوصلك)

والمهم هنا...

منعونا التلاقي
لكن رغم ذلك
ظل هوانا باقي

وشوفوا بالله التفاؤل ده كيف....

وأكيد أكيد ح نتقابل
تصدق آمال و تطول آجال
و نتقابل

[/align]

[فيصل سعد]

المشاركة الأصلية كتبت بواسطة قمر دورين

[align=center]وناس ممكن تنحرم من شوفة ناس تانية وطبعاً الأسباب هنا كتيرة ومختلفة...
وهنا الشخص بيقعد يسأل نفسو...

( يا الله هل طاريني قلبو)....

وصورتو تكون في البال وساكنة جوة القلب
وزي ما غنّى الكابلي..

يا الحرموني شوفتك ...
أنا في قلبي صورتك
كل ما جابوا سيرتك
تزداد بي شجوني ..
ويجفو النوم عيوني
ويزحم قلبي حبك

ومع ده كلو بيكون عندهم أمل ...

و(عساهم يسمحوا لي بوصلك)

والمهم هنا...

منعونا التلاقي
لكن رغم ذلك
ظل هوانا باقي

وشوفوا بالله التفاؤل ده كيف....




[/align]

[align=center]سلام يا قمر دورين يا بهاء منبرنا و صفاه ، شكرا لسردك و ايرادك
لهذه الاغنية الوضيئة ، و لا يفوتك علما بانهاء احدى درر امير العود
الراحل المقيم حسن عطية .. بحاول انزلها ليك هنا بصوت فرفور..

ابقي طيبة ،،[/align]

[قمر دورين]

[align=center]كثيرين بنرتاح لوجودهم في حياتنا وبنلقى بعد كده نفسنا ما بنملك الا اننا نخت ليهم مكانة كبيرة في قلوبنا لأسباب كثيرة
لأنّوا الزيّهم بيستحق هذه المكانة وبنعرف معاهم يعني شنو المعنى الحقيقي
لكلمات كثيرة كنّا بنسمع أو نقرأ عنها في قاموس الحياة وأضحت جليّة المعاني
وعميقة الأثر بوجودهم.

بمعنى...

ما إنت نغم رنان في خيالي
ما إنت عشم فنان زي حالي
عارفك ساحر أزمان قبالي
تسحر أزمان جاياك وليالي

كيف ما أريدك لو كان أحوالي
بيك تتباهى وتزدان وتلالي
ياروح سر الألوان يا غالي
صاحب عظمه وسلطان ومعالي



[/align]

[قمر دورين]

المشاركة الأصلية كتبت بواسطة فيصل سعد

[align=center][color=#660099]
شكرا لسردك و ايرادك
لهذه الاغنية الوضيئة ، و لا يفوتك علما بانهاء احدى درر امير العود
الراحل المقيم حسن عطية .. بحاول انزلها ليك هنا بصوت فرفور..

ابقي طيبة ،،[/color[/align]]

[align=center]يسعد صباحك
هي فعلاً أغنية وضيئة جداً جداً (مع حفظ الملكية للأخ عادل عسوم بكلمة وضيئة دي )
رحم الله الفنان القامة حسن عطية... و نسمعها بصوت فرفور

تقديري لكلماتك
ودمت بألف خير
[/align]

[قمر دورين]

[align=center]وأحياناً في ناس بنضّيعم من يدّنا مع انّهم بيكونوا قريبين منّا ولكن ما بنكتشف روعتهم
ولا حتى بنلقي لهم بالاً الا بعد ما يمشوا وممكن يكون من الصعب علينا ساعتها تاني إرجاعهم.
عشان كده لازم ننتبه للناس الجميلة الحولنا قبل ما تمشى.
وللأسف أحياناً ما بنعرف قيمة الشئ البين يدّينا الا بعد أن نفقده..ونبقى في
(مرّت الأيام.... وكانت لنا أيام ...والذكريات صادقة و نبيلة وبنقول حليلها وكده)

وجماعة كده تقول معاهم يا لطيف ويا ساتر ( أها ديل خليناهم بس بنقول ..الله في!)

وفي ناس كتيرة...
ممكن ننساهم....
أو حتى نتناساهم....
أو لا ولم ولن ننساهم.

جمعكم الله بمن يكون تواجدهم كالنغم في حياتكم وجعل الله أيّامكم كلها سعادة

[/align]

[قمر دورين]

[align=center]



والزوزو رمز الألف
(يا قسيم الريد)



[flash=http://www.youtube.com/v/HN0fc-LbIIA&hl=en&fs=1]WIDTH=400 HEIGHT=350[/flash]

محمد خضر بشير
والإبن سرّ أبيه

[/align]

[منال]

المشاركة الأصلية كتبت بواسطة قمر دورين

[align=center]
ارجعتمونا الى محطات كثيرة والى اللحظات الجميلة...
والذكريات صادقة ونبيلة...
الذكريات احتلت مكانة كبيرة بين الأغاني السودانية...
والبعض الآخر يستجدي الذكرى من المحبوبه، فيتغنوا ب....
أذكريني يا حمامه..
كل ما هطلت غمامة
في مساك أو في صباحك

[/align]

القصيدة

كتبت بأم درمان سنة 1940-
كلمات محمد بشير عتيق
لحن وغناء عبد الحميد يوسف

[align=center]أذكرينى يا حمامة كلما ساجع ترنم
بي هواي وحب جمالك
كلما هطلت غمامة
أذكرينى يا حمامة
فى مسائك أو فى صباحك
وفي غدوك أو فى رواحك
وكلما بارق تبسم أو نسيم الصبح نسم
عني دايماً يكون سؤالك

فيم هجراني وعلام
يا الهواك صار لى علامة
شاهرة لى دايماً سلاحك
وموتي واجب فى اصطلاحك
طرفى عن رؤياك يُحْرَم
وذنبى إيه غير أني مُغْرَم
ولي هواك من بدرى مالك
كل من فى الكون ناما
وعينى ليه فقدت مناما
وانت يا لكاحلك نعاسك
يزدرى الأغصان مياسك
حظى زى ليل فرعك أسحم
والجحيم من هجرك أرحم
عني يالشاغلك دلالك
صرت أعشق فيكي قاما
خصرها يعيرني السقاما
فيها أشرق نور صباحك
لي سنا البرق افتضاحك
فكري زي خِصرك مُقسّم
وخَطبي زي ردفْك مُجسم
هل يصح ويرضيك ذلك
روحي لو وافت حِمَامَا
أذكريني يا حمامة
في ذهابك أو في إيابك
ثم في فترة غيابك
وهاكي دُرر شِعري المُنظم
وانت ياالقدرك معظم
في نعيم جنات ظلالك[/align]

و نسمعا بصوت المبدع طارق ابوعبيدة اهداء للجميع
و كل من يغنى للحمامة


[rams]http//sudanesehost.net/uploads/uploads/7mamah.mp3[/rams]

[فيصل سعد]

الاخت العزيزة
قمر دورين :

مساء الخير و عساك طيبة و في امن و امان ،
تم دمج البوستين حسب طلبك السابق ..

كوني بخير ..

[wadosman]

المشاركة الأصلية كتبت بواسطة قمر دورين

[align=center]وناس ممكن تنحرم من شوفة ناس تانية وطبعاً الأسباب هنا كتيرة ومختلفة...
وهنا الشخص بيقعد يسأل نفسو...

( يا الله هل طاريني قلبو)....

وصورتو تكون في البال وساكنة جوة القلب
وزي ما غنّى الكابلي..

يا الحرموني شوفتك ...
أنا في قلبي صورتك
كل ما جابوا سيرتك
تزداد بي شجوني ..
ويجفو النوم عيوني
ويزحم قلبي حبك

ومع ده كلو بيكون عندهم أمل ...

و(عساهم يسمحوا لي بوصلك)

والمهم هنا...

منعونا التلاقي
لكن رغم ذلك
ظل هوانا باقي

وشوفوا بالله التفاؤل ده كيف....

وأكيد أكيد ح نتقابل
تصدق آمال و تطول آجال
و نتقابل

[/align]

[align=center]
[rams]http://sudaniyat.net/wadosman/uploading/harmooni.wma[/rams]

[/align]

[قمر دورين]

المشاركة الأصلية كتبت بواسطة منال;142318[B

أذكرينى يا حمامة كلما ساجع ترنم
بي هواي وحب جمالك
كلما هطلت غمامة
أذكرينى يا حمامة
فى مسائك أو فى صباحك
وفي غدوك أو فى رواحك
وكلما بارق تبسم أو نسيم الصبح نسم
[/B][/align]

و نسمعا بصوت المبدع طارق ابوعبيدة اهداء للجميع
و كل من يغنى للحمامة

[align=center]
منال ياااااامنال

ومداخلة بالأغنية الرائعة....
أذكرينى يا حمامة
كلما هطلت غمامة

هنا سكت الكلام برضو لكن (إن في الصمت كلاما ) وكلام كتييييير كمان....

غايتوا جئتينا بأغنية هي كلحظة غفوة واستكانة لسهاد ليل طويل أو كإشراق شمس في يوم صباحي جميل
هي بحق كل الحق من أغنيات الزمن الجميل....

شكراً للإهداء وبالفعل الفن لغة من لغات الجمال

والتحية للأخ طارق أبو عبيدة ولفنّه ولصوته الطروب وبخاصة في هذه الأغنية البديعة...


كل الود يا منال

[/align]

[قمر دورين]

المشاركة الأصلية كتبت بواسطة فيصل سعد

الاخت العزيزة
قمر دورين :

مساء الخير و عساك طيبة و في امن و امان ،
تم دمج البوستين حسب طلبك السابق ..

كوني بخير ..

[align=center]
جزيل الشكر لكم جميعاً أخ فيصل
وكل التقدير...[/align]

[قمر دورين]

[align=center]ود عثمان
يااااا ودعثمان

صباحك جميل....
شكراً للأغنية بصوت القامة كابلي....
والأخ فيصل سعد وعد يجيبا لينا بي صوت فرفور لي هسي ما جابا ..
شكلو كده مشى يجيب فرفور زاتو يغني الغنية.....

ونرجع لي ورا شوية في البوست لي خط الإستواء وناس (الأنجيرا والزغني) ونسأل سؤال...[/align]

المشاركة الأصلية كتبت بواسطة wadosman

[align=center]و ايقااع افريقى مخلوط بالبن الحبشى (اكلموى)
و الصوت السودانى الجميل...الكابلى..[/align]

[align=center]طبعاً واضح من أغنية ( ماريّا) السمعناها قبل كده ، انو في مزيج عجيب من الإيقاعات
على ماأظن هو هجين وخليط من ايقاع تم تم سودانى بطبول الكِبر لمملكة اكسوم
لكن نعطى العيش لخبّازو ونسأل...
نسمع بالإسكستا! فهل الإيقاع ده نفسه هو المسمى ب( الإسكستا)...
كمان ذّكرني ذلك الإيقاع الفنان عبد العزيز المبارك وأغنية ( نانو)..

[/align]

[فيصل سعد]

المشاركة الأصلية كتبت بواسطة قمر دورين

[align=center]

والأخ فيصل سعد وعد يجيبا لينا بي صوت فرفور لي هسي ما جابا ..
شكلو كده مشى يجيب فرفور زاتو يغني الغنية

[/align]

الاخ فيصل سعد دا واقع ليك في كرتلة ولا كيف
بعدين فرفور حاجزينو لقيدومة محمد ابو عاقلة و كدا ، لكن
برضو حنشوفوا لو رضى يجيكم بيجاي ..

سي يو لييييتر

[قمر دورين]

المشاركة الأصلية كتبت بواسطة فيصل سعد

بعدين فرفور حاجزينو لقيدومة محمد ابو عاقلة و كدا ، لكن
برضو حنشوفوا لو رضى يجيكم بيجاي ..

سي يو لييييتر

[align=center]
احنا الأغنية سمعناها بي صوت كابلي...فرفور خليه لزواج الأخ محمد أبو عاقلة...
وفاصل....



ثم نواصل....[/align]