قهوة النشاط !

[أبو أماني]

[frame="7 80"]

المشاركة الأصلية كتبت بواسطة نزار حسن علي

ناس غيب وتعال
الكلام دخل الحوش
غايتو بعد كده عرفته الزول التاني ده غايب مالو قال احسن اخلي خيتي دي براها عشان كان جاها شئ اكون بعيده وما عندي دخل انا بشجعه ساكت وكت بتخافن كده لامات كومكن مع كوم الوجيه ابواماني مالكن اها ده ود سعد شفتو كلامو باقي ليكم شيخكم عسوم غايتو بلو راسكم والله ما عايزين ليكم غير التوبة ما توبوا لينا توبوا لله والرسول اما زولك الزائغ داك خلي ساكت ما معروف بعمل في شنو خلاص شكلو كده اتلبش عديل كده وغايتو وجاهه ابواماني ان شاء الله تغشاكم قولوا يا اميييييييييييييييييييييييييييين
مودتي بلا حدود

[/frame]

يهمني يانذار تعرف بعض الحقائق..طبعا لاحظت غيبة أمال رئيسة الجماعة وكده والكل مستغربين وناس تحفة حواء وسارة وروبس واقفات براهن بكل (رجولة) في الساحة وأكيد لاحظت تذبذب مواقف الرائع الجنرال ود سعدمش كده؟ وناس تحفة بقوا زي الصحافة الرياضية(104)! بيغطوا غياب رئيسة التنظيم وكل يوم ينجرن ليهن نجرة .. والحقيقة زولتك راقدة كنب متووكة بلحيل! ..أوضح القصة من طق طق للسلامو عليكم..

طبعاسبق أن عملت بوستر وعملت بالآية الكريمة (وأما بنعمة ربك فحدث) وبحسن نية تكلمت عن نعمة انعمها الله على عبده الفقير إليه أبو أماني وهي نعمة (السماحة والجمال) ياأخي سماحة شنو وجمال شنو ولا سنو وسنو وسنو؟ تصدق بالله يا مؤمن وماليك علي حلفان مرات كتييرة بصل مكتبي متأخر مرور شنو يا أخي؟ مرآية مرآية..أكون بسرح شعري قدام المراية أنسى نفسي وعيييك!أيام الزواج الأولي كنت بعاني عشان أقنع أم أماني تفكتي أمشي شغلي.. المهم ما أطوول عليكم هذه الكذبة!.. أوب سوري قصدي الحقيقة دي ماصدقها زول في سودانيات ومقتنعين تماما إني فاكيها فيهم وفي روحي .. بإستثناء نفرين أنا وأمال .. وطبعا كلكم عارفين أمال لو ختت حاجة في رأسها بتجيب آخرها .. وبذكائها الحاذ جمعت أطراف خيوط ولما عرفت أنه فيصل سعد ود حلتنا مسكت طرف الخيط وشئ مييل وشئ فيمييل وشئ ماسينغر لحدي ما المسكين رسل ليها صورة قديمة كان عمري أياميها قريب لعمر (مهند راجل نور التركية)! وكانت شئ عجب زولتك من ما شافت الصورة وسرحت مع اللون الخمري والخد الزهري والحواجب المقرونة والنونة هي لاكين نونة واحدة؟ ماتلاتة!! في الحنك واحدة وفي كل خد واحدة وكان للشامة خلوها سااااكت ..المهم أمال من ديك وعييييك .. ليوم الليلة تاني ماطقت حنك .. غير همسات متواترة ميزوا منها بكل صعوبة حاجة كده قريبة من .. بختك يا أم أماني .. ومرة مرة تقول غايتو أبو أماني ده يخلي المرأة تحرد الرجال عديل وتشيل الآهة ومرات تختها ومرات تخليها معلقة فوق وتشحتف روح الحاضرين.. لاكين إطمئنوا دلوقتي هي بتجتاز فترة نقاهة والدكتور النفساوي كان دفعة الوالد الله يرحمه في كيمبريدج..طمني عليها وقال لي خرجوها أول أمبارح .. تمام التمام .. عليك الله يانذار ياخوي خاتي أنا كان دسيت صورتي منهن .. أها عاد نبقى لجنس ده؟..وتنظيم شنكبة عنكبة وعضلات تبش رأح شمار في مرقة ...
وهييييييي سيطرة ..
أبو أماني حلو حـــلا
وهيييييي مقدددرة
أبو أماني زيو براه ... [/color][/font][/size][/B]

[نزار حسن علي]

الوجيه
ابوامانى
صباحك عسل
بعد ده خلاص الجماعة ديل من التراجع للسقوط بعد كلامك الاخير ده وحتى القائده بتاعتن بعد كسيره ده الجماعة تحصيل حاصل عشان كده انا قلته ليها خيتك دي كبت الزوقه زى الزول البقولوا ليهو بكره بنجي نقبضك يقعد يقولوا ليهو امشي معانا او اشرب ده او اكل ده او رد على التليفون يقول ما بقدر انا بكرة حا يقبضوا عليه عافي منك يا ابواماني البدرج العاطله تب سكتهم وشيخن زاغ شاف الموضوع كبير عليهو شغلين معلمين وطبعا جماعتو تعبانين وما قايلين الموضوع بيصل لحد الوجيه ابواماني وغايتو منتظرين الجرسة نشوفه وتلقاهم يا وجيه في الخاص شلبته شديدة وكل العايزين يقولوهو طار منهم حريم اخر زمن
اظهر وبان وعليك الامان
مودتي بلا حدود

[rubs]

المشاركة الأصلية كتبت بواسطة أبو أماني

[frame="7 80"][/frame]

يهمني يانذار تعرف بعض الحقائق..طبعا لاحظت غيبة أمال رئيسة الجماعة وكده والكل مستغربين وناس تحفة حواء وسارة وروبس واقفات براهن بكل (رجولة) في الساحة وأكيد لاحظت تذبذب مواقف الرائع الجنرال ود سعدمش كده؟ وناس تحفة بقوا زي الصحافة الرياضية(104)! بيغطوا غياب رئيسة التنظيم وكل يوم ينجرن ليهن نجرة .. والحقيقة زولتك راقدة كنب متووكة بلحيل! ..أوضح القصة من طق طق للسلامو عليكم..

طبعاسبق أن عملت بوستر وعملت بالآية الكريمة (وأما بنعمة ربك فحدث) وبحسن نية تكلمت عن نعمة انعمها الله على عبده الفقير إليه أبو أماني وهي نعمة (السماحة والجمال) ياأخي سماحة شنو وجمال شنو ولا سنو وسنو وسنو؟ تصدق بالله يا مؤمن وماليك علي حلفان مرات كتييرة بصل مكتبي متأخر مرور شنو يا أخي؟ مرآية مرآية..أكون بسرح شعري قدام المراية أنسى نفسي وعيييك!أيام الزواج الأولي كنت بعاني عشان أقنع أم أماني تفكتي أمشي شغلي.. المهم ما أطوول عليكم هذه الكذبة!.. أوب سوري قصدي الحقيقة دي ماصدقها زول في سودانيات ومقتنعين تماما إني فاكيها فيهم وفي روحي .. بإستثناء نفرين أنا وأمال .. وطبعا كلكم عارفين أمال لو ختت حاجة في رأسها بتجيب آخرها .. وبذكائها الحاذ جمعت أطراف خيوط ولما عرفت أنه فيصل سعد ود حلتنا مسكت طرف الخيط وشئ مييل وشئ فيمييل وشئ ماسينغر لحدي ما المسكين رسل ليها صورة قديمة كان عمري أياميها قريب لعمر (مهند راجل نور التركية)! وكانت شئ عجب زولتك من ما شافت الصورة وسرحت مع اللون الخمري والخد الزهري والحواجب المقرونة والنونة هي لاكين نونة واحدة؟ ماتلاتة!! في الحنك واحدة وفي كل خد واحدة وكان للشامة خلوها سااااكت ..المهم أمال من ديك وعييييك .. ليوم الليلة تاني ماطقت حنك .. غير همسات متواترة ميزوا منها بكل صعوبة حاجة كده قريبة من .. بختك يا أم أماني .. ومرة مرة تقول غايتو أبو أماني ده يخلي المرأة تحرد الرجال عديل وتشيل الآهة ومرات تختها ومرات تخليها معلقة فوق وتشحتف روح الحاضرين.. لاكين إطمئنوا دلوقتي هي بتجتاز فترة نقاهة والدكتور النفساوي كان دفعة الوالد الله يرحمه في كيمبريدج..طمني عليها وقال لي خرجوها أول أمبارح .. تمام التمام .. عليك الله يانذار ياخوي خاتي أنا كان دسيت صورتي منهن .. أها عاد نبقى لجنس ده؟..وتنظيم شنكبة عنكبة وعضلات تبش رأح شمار في مرقة ...
وهييييييي سيطرة ..
أبو أماني حلو حـــلا
وهيييييي مقدددرة
أبو أماني زيو براه ... [/color][/font][/size][/B]

والله بالغته يا ابو امانى انا الليله ضحكته لمن ما قادره امسك نفسى ياخى عندك خيال ...هاهاهاه انا كان اترفدته بتكونو انتو السبب .. بقيت فى المستشفى اضحك براااااى واتبسم وكل ما زول اسالنى بقول ليه ناس القهوه وابدا اضحك .. بقولو لى قهوه شنو انت خرمانه ولا شنو ؟؟؟طيب ما تعزمينا (وانا بى قلبى اعزمكم عشان بكره تبقو زى جماعتنا وتقيفو لى فى حلقى وتعملوها سماحه وسيطره )..
ابو امانى انت سماحتك دى عرفناها واكان سماحه جد كان لى هسى قاعد فى بيتك من يوم عرسك وام امانى حامياك الطلعه مش قاعد طبرتع يمين وشمال دا ان دل يدل على القنع من الخلقه

[rubs]

المشاركة الأصلية كتبت بواسطة فيصل سعد

سلامات يا روبس و تحفة ،، اعملوا حسابكم ، ابو اماني دا بتاع كجور و بربط الباكات، و بزغلل حراس المرمى
و عنده اصحابو نيجيريين بتاعين تنزيل و زيبق احمر و كدا
و عنده ناس في المطار، و كان تقلتوا عليو و الجن ركبوا
بيقوم يقفل دخلتكم و مرقتكم و يشرشحكم في البلاك-لست و كدا ..
انا كلمتكم و انتوا مخيرين ، و لا عذر لمن انذر

اهلين يا فيصل .. مش نجيرين والله اكان جاين من جزر المالديف برضو ما فارقه بعدين انا محتاره فى جنس الجن دا هو فى جن اكتر منو ؟؟ .. وبعدين بلاك-ليست ولا بلاك -ليبل ما احلو الليله

[rubs]

المشاركة الأصلية كتبت بواسطة ابو المجتبي

ابشر يا القائد
الجماعة ما اختلفو وبقوا يضايرو
واحد مسكوه العصاية من النص وواحد عملوه زي ود الموية ونحن حررررررررررررم الا نعدمها طافي النار
واكان للبتزغرد دي اريتو شبالها طائر ده البخلينا نساوم في القضية دي
سلموا تسلمو
ويا الحميانة يا تحفة تقيفوا ولا بتجروا

ايووى يوووووووى يووووووووووووووووووووووى بركه يا ولد امى البقيت كويس اها فتره النقاها معاك كيف؟؟ وشويه غيرته من سمعا وطاعه لى ابشر الحمدلله العافيه درجات بس المره الجايه ابعد من حروب ابو امانى عشان قضيتهم خسرانه

[نزار حسن علي]

ابوالوجاهة والسعاده
نهارك عسل
دحين الحريم ديل وجاهتك دي الا يحلموا بيها عارف وحده زاقت والثانية في الطريق للاستسلام من التراجع للسقوط وخلاص واحده عرفته اللعبة خسرانة دايرة معلمين وخيته ورطته ساكت معاها في الفيلم ده هي ما عندها طاقة للشغل ده اظنها قاعده بدون تركز زي البنت القالوا كانت مساهرة في عرس لما مشت المدرسة في الفصل ساله الاستاذ قالت ليهو والله هسة رقصته اها زولتن دي دي قصته والعامله فيها صامده دي انهدت خلاص
مودتي بلا حدود

[نزار حسن علي]

الوجيه والفايت الناس سماحه
ابواماني
نحكي للجماعة ديل نكته امكن يطلعوا شوية

قالوا واحد كسلان كسل رهيب قام حصل ليهو شلل ناس الحله عملوا الشربات وقسموا الفواكهة والهدايا تنهال عليه من هنا وهناك بعد اليوم انتهي قال ليهم والله يا جماعة الواحد من الفرحة خايف امشي
ودقي يا مزيكة

[rubs]

اصبرو يا ناس القهوه انا هسى ما فاضيه بس بجيكم بكره

[نزار حسن علي]

سيد الوجاهة
ابواماني
نهارك سعيد
عارف يا ابواماني والله قبل كده جيران قرايبنا في مدني جاء عرسو لبنتهم ام العروس رفضت قالت السبب العريس سمح بس سماحه ابواماني الجهجهة الجماعة وكهربتن عديل كدة
نحكي ليهم نكته علي الماشي
قالوا واحد مسطول عمل عملية تجميل لما رجع البيت قال ليهم والله العظيم ما عرفتكن
ودقي يا مزيكة
مودتي بلا حدود

[فيصل سعد]

المشاركة الأصلية كتبت بواسطة rubs

.. وبعدين بلاك-ليست ولا بلاك -ليبل ما احلو الليله

هلا هلا عرفتي ليو كويس يا الاخت
و ابو اماني طبعا كان ملك السواسيو ، و السواسيو دي
طبعا ما عندها اي علاقة بالجداد و الفراريج و كل انواع الشاورما
و هي اصغر فتايل البلاك ليبل و بتتصبن في اي جيب من
جيوبه بمزاج و كدا

و كان البلاك-ليبل ما حلاو الا
يقع فرنسا و فرنسا دي الا يجي يوريك
ليها هي شنو و بمشوها بوين و يفك ليك شفرتها..

لكن لقيتك مقرمة و تفتيحة و صاحية يا روبس
مع انه الدكاترة و السسترات و ناس المختبرات
حظهم قليل في الجغمسة الاسفيرية و كدا ..

اديكم معلومة عشان تحاربوا بيها الزول
دا لو ضيق عليكم الخناق :

طبعا هو اخونا الكبير و جارنا هيتة بالهيتة، و شوفتي
لوني الازرق دا اضربيو في اتنين، مطقم فول سوت و سفاري
حتى داخل حوش بيتهم، علمنا الماتشنغ و تلميع الجزم
و متين تشك القميص و متين ما تشكوا، علمنا فنون الدافوري و
الباسكت و البينغ بونغ و الفوليبول، ادخل ثقافة الحزام و زراير
اكمام القميص و تعليق المنديل في جيب البدلة الى مجتمعنا
المدني ، حرم و حظر لبس الشباشب و السفنجات خارج
نطاق الفريق و الحارة و الازقة، علمنا فنون النبلة و التشريك
للطير بسبيبة ضنب الحصان، معلم حلل و كوارع لا يشق له غبار
اقتصادي و بانكر و خبير مالي جهبوذ بالسودان و ليبيا و الكويت
و السعودية، تعلم و تدرب فينا اصول الملاكمة و البوكسنج، و لا ننسى
انه علمنا الحريق و الكونكان و الوست و الهارت و الضمنة
و الشطرنج و الليدو و السلم و الثعبان، كان ياخذنا معه الى كلوزيوم
و استاد الخرطوم و ميادين المولد و سباق الخيل ،لكنه يتركنا و يذهب
الى الاتني و سانت جيمس و الجي ام اتش و كترينا و ديم سلك لوحده
و كان بكرمس و بروس لما الدنيا كانت رايقة و هادية و رضية ..

[فيصل سعد]

المشاركة الأصلية كتبت بواسطة نزار حسن علي

سيد الوجاهة
ابواماني
نهارك سعيد
عارف يا ابواماني والله قبل كده جيران قرايبنا في مدني جاء عرسو لبنتهم ام العروس رفضت قالت السبب العريس سمح بس سماحه ابواماني الجهجهة الجماعة وكهربتن عديل كدة
نحكي ليهم نكته علي الماشي
قالوا واحد مسطول عمل عملية تجميل لما رجع البيت قال ليهم والله العظيم ما عرفتكن
ودقي يا مزيكة
مودتي بلا حدود

[align=center]
يضحك نهارك يا رجل ..[/align]

[فيصل سعد]

المشاركة الأصلية كتبت بواسطة أبو أماني

[frame="7 80"][/frame]

وأكيد لاحظت تذبذب مواقف الرائع الجنرال ود سعدمش كده؟
وهييييييي سيطرة ..
أبو أماني حلو حـــلا
وهيييييي مقدددرة
أبو أماني زيو براه ... [/color][/font][/size][/B]

يا معلم نحن معاك ، لكن اخواتنا ديل
يظلوا النصف الحلو، و بهجة الدنيا
و شبابها و شركاء انسانية اصيلين
و عزاز محنة و طيبة و مودة
ما تعصر عليهم شديد

[سارة]

قادر الله قادر الله غاب اب شنب ومرح اب ضنب

انا جيت وبفتكم الليلة فتة الكلب الاكل الدريش

بسم الله نبدأ

[أبو أماني]

المشاركة الأصلية كتبت بواسطة سارة

قادر الله قادر الله غاب اب شنب ومرح اب ضنب

انا جيت وبفتكم الليلة فتة الكلب الاكل الدريش

بسم الله نبدأ

والله يانزار ياملك الظرف والكياسة لما قريت (هرشة) سارة الفوق دي قعدت أرجف من صوف رأسي أو ماتبقى منه! لكرعي وأم هلا هلا وأبوها وباقي العيلة مسكوني نان هي رجفة نصاح؟ حمى أم برد راسها عديل .. وقعدت اتمتم في سري ياربي تجيب العواقب سليمة وياربي فتة شنو الناوية تفتها لينا سارة .. أكان الفتة طلعت (بوش) وبموية فول كمان وتاني يوم لقيت ليك القصة مجرد هرشة وسارة طلعت (حشاش بدقنو) وطبعا مثل زي ده الحناكيش ما بعرفوا معناه عشان كدة مطلوب من الجنرال ود سعد شرحه لهن.. الله يجازي محنـّك يا سارة.. شنب وضنب وفتة خلاها الكلب وأكل الدريش هرشة كاااربة قدر ده؟ وعيييييك تكبي الزوغة؟ قلت لحبيبة القلب أم أماني وكنا بنتصفح القهوة سوا رائيك شنو؟ ( sweet heart ) فقالت لي وهي تداعب (الخصلات) الخلفيه من شعري بحنان .. بري ما بسألها! ثم أحاطت راسي بيديها الناعمتين وكانت نظراتها الحنونة تغمرني بإعجاب وحب دفين وانفرجت الشفتين كستارة مسرح عن عقدين منظومين من العاج الذي يماثل (حليب السعودية) بياضا وقالت لي.. رفقا بالقوارير يا حبيبي عشان خاطري عليك الله يعني مامعقول الجهجهة العملتها لبهن دي رئيستهن عملت ليها نفسيات وواحدات بقن يتاوقن برة برة وهيام عثمان طيرت ليها اللوجستية من رأسها.. يعني بعد ده إلا يقولن الرووب .. مع تحياتي لروبس .. وخالد عسوم الخاتات إيدهن عليو حصانه الراكبو سيد (الكارو) جه رجعوا منو والسيف طلع حق ولده الصغيير ووافقت فورا أصلي مستحيل أرفض ليها طلب عشان كده البشارة تحفة حواء وروبس وسارة بحلول هدنة قريبة .. تشاوو..
تخريمة /
سؤال موجه لسارة من ابو اماني ( بكل حسن نية وكده!) :-
لو سمحتي سوري يعني عاوز أسألك .. يعني أيه الدريش اللي بياكله بوبي يا طانط؟؟ ؟؟

[أبو أماني]

المشاركة الأصلية كتبت بواسطة فيصل سعد

هلا هلا عرفتي ليو كويس يا الاخت
و ابو اماني طبعا كان ملك السواسيو ، و السواسيو دي
طبعا ما عندها اي علاقة بالجداد و الفراريج و كل انواع الشاورما
و هي اصغر فتايل البلاك ليبل و بتتصبن في اي جيب من
جيوبه بمزاج و كدا

إإإإيييييه .. والله كانت أيام ياجنرال .. السواسيو كانوا عندهم جو خاص .. ومرات القعدة تحللو والسواسيو يكبروا يبقوا بالنتاين وكروفواسيير وفودكا وشمبانيا والذي منه .. بس دلوقت الله هدانا بقينا الموية نشربها بعد نتلفت ..
و كان البلاك-ليبل ما حلاو الا
يقع فرنسا و فرنسا دي الا يجي يوريك
ليها هي شنو و بمشوها بوين و يفك ليك شفرتها..

أواه يا صديقي .. فرنسا؟ .. والله قد نكأت جرحا كاد يندملا ...
لكن لقيتك مقرمة و تفتيحة و صاحية يا روبس
مع انه الدكاترة و السسترات و ناس المختبرات
حظهم قليل في الجغمسة الاسفيرية و كدا ..

هازول ها .. مقرمة ساااكت؟ على الليمان تبيعك إت وأبو أماني بتاعك ده..
اديكم معلومة عشان تحاربوا بيها الزول
دا لو ضيق عليكم الخناق :

طبعا هو اخونا الكبير و جارنا هيتة بالهيتة، و شوفتي
لوني الازرق دا اضربيو في اتنين، مطقم فول سوت و سفاري
حتى داخل حوش بيتهم، علمنا الماتشنغ و تلميع الجزم
و متين تشك القميص و متين ما تشكوا، علمنا فنون الدافوري و
الباسكت و البينغ بونغ و الفوليبول، ادخل ثقافة الحزام و زراير
اكمام القميص و تعليق المنديل في جيب البدلة الى مجتمعنا
المدني ، حرم و حظر لبس الشباشب و السفنجات خارج
نطاق الفريق و الحارة و الازقة، علمنا فنون النبلة و التشريك
للطير بسبيبة ضنب الحصان، معلم حلل و كوارع لا يشق له غبار
اقتصادي و بانكر و خبير مالي جهبوذ بالسودان و ليبيا و الكويت
و السعودية، تعلم و تدرب فينا اصول الملاكمة و البوكسنج، و لا ننسى
انه علمنا الحريق و الكونكان و الوست و الهارت و الضمنة
و الشطرنج و الليدو و السلم و الثعبان، كان ياخذنا معه الى كلوزيوم
و استاد الخرطوم و ميادين المولد و سباق الخيل ،لكنه يتركنا و يذهب
الى الاتني و سانت جيمس و الجي ام اتش و كترينا و ديم سلك لوحده
و كان بكرمس و بروس لما الدنيا كانت رايقة و هادية و رضية ..

خلاااااس آ الناجح فكيت آخري وقعدت ؟.. أسع دي الجستابو الحريمي يطلعني في الستين .. محفض ومنفض يا يابا .. أحمد الله من سنة 1999 لااتقدمت لا إترقيت لسع دي رابط في 48 سنة من عمري مازادت يوم.. أحممممده وأشششششكره ... باي