قاسم أمين...

شوقي بدري · 03-05-2009, 11:10 AM

[align=center]

[/align]
[align=center]"كتلوك الناس القصر
الناس المأفونين
الناس البالة مغطى
والساسة المبيوعين"[/align]

الابنة بسملة فى سودانيات تسائلت عن من هو قاسم أمين .
قبل سنتين دعاني الدكتور محمد جميل في ألمانية لقضاء نهاية أسبوع معه، وكان هنالك الدكتور الرجل الرائع الأخصائي بولس من أسرة بولس المسيحية في أبروف أم درمان وهذه أسرة سودانية رائعة. كان لجدهم خلوة لتعليم أبناء المسلمين في دارهم في أبروف عرفت بخلوة بولس .وذهبنا الي محطة القطار لاستقبال الاعلامي البروفسور الماحى اسماعيل رئيس القسم العربى فى اذاعه كولون . وعندما شاهدته من البعد علي الرصيف ذكرني بشخص ما . ولم استطع ان احدد من هو .
السنة الماضية عندما اتي البروفسور الماحى اسماعيل مع زوجته السويدية الالمانية اتصل بي الدكتور الماحي اسماعيل ودعاني لمأدبة (قريفص) وهو نوع من سرطان المياه العذبة , فى منزل اهل زوجته فى جنوب السويد . وفي أثناء الأكل والونسة عرفت بمن يذكرني دكتور الماحي إسماعيل. ولم يكن الشبه فقط في ارتفاع القامة ، بل كان الشخصان يمثلان النبل ويعطونك إحساس بالأمن وأنك أمام بشر خلقوا ليكونوا قوادا أو زعماء يضيئون الطريق.
فجأة خطر بذهني التشابه بين شخصية الماحي إسماعيل وقاسم أمين .فالزعيم قاسم أمين كان رجلا فريدا . وحتى البوليس الذي كان يأتي لاعتقاله في عطبرة أيام الاستعمار كان يتعامل معه بإحترام كما كان يجد الإحترام من معتقليه من السلطات البريطانية .
لقد سعدت بالإلتقاء بقاسم أمين في نهاية الستينات عندما سكن في براغ . وكانت شقته خلف مسكن الطلبة (كومينسكيهو) بالقرب من فندق سافيو في براغ رقم 6 وهذه الداخلية كانت عبارة عن مركز لإستقبال الطلاب الجدد ومسكن لمبعوثي طلاب الدراسات العليا .
المناضل قاسم أمين كان يتعامل مع الجميع وكأنهم أصدقاء حياته ، ويهب لملاقاة أي انسان ويتذكره ويناديه باسمه . ويمازح بدون سماجة ويتبسط مع الجميع . وأذكر به نقاشات مع الدكتور المهندس منصور الذي كان يتقعر ويصر علي التحدث بالعربية الفصحة ويدخل الكثير من الكلمات الغريبة في كلامه أو بيوت الشعر المكسورة . وكان قاسم أمين يعلق علي ذلك فقال دكتور منصور : أنا بتكلم ولو غلطت صلحوني . وأذكر قاسم يقول له مداعبا : يا أخي إنت إنسان لما تغلط بصححوك لكن العربية لما تخسر بصلحوها وإنت ما عربية.
قاسم أمين كان سمح الروح يحب الدعابة والنكتة، لا يتحدث كثيرا ولكن عندما يتحدث يجبرك علي الإنصات إليه . وكان يعرف الكثير عن الشعر والأدب والتاريخ الأوروبي والعالمي، ولم يكن من الذين يتبجحون بمعرفتهم أو اطلاعهم.
أذكر أن الدكتور أخصائي الأطفال بشير الياس رحمة الله عليه وزوجته دكتورة كلارة السلفاكية والتي لها محطة باسمها في شمال الخرطوم بحري لأنها كانت تعالج المرضي دون أجر فى الستينات . كانت تنادي ابنها الطبيب ب قاسم أمين ، والإبن الآخر بالقرشي. والقرشي هنا ليس شهيد أكتوبر من القراصة. بل الشهيد القرشي الزعيم العمالي ورفيق قاسم أمين .
مدرسة الصناعات خرجت جيل رائع . ومن هذه المدرسة تخرج الكثير من قادة السودان, أحدهم الشفيع أحمد الشيخ الذي لا يحتاج لتعريف، وهو الحاصل علي وسام لينين الذي كان يحلم به خرتشوف رئيس الإتحاد السوفيتي وآخرين . ومن تلك المدرسة تخرج الرجل العالمي ورئيس اتحاد النقابات العالمي إبراهيم زكريا من مدينة العفاض في شمال السودان . ومن زملاءهم المناضل سلام الذي وقف مع المزارعين في النيل الأبيض وذهب إلي النيل الأبيض عندما التهبت الأمور في الخمسينات بعد حوادث جودة .
في الفترة التي كان فيها قاسم أمين في براغ أتت كمية ضخمة من المبعوثين خاصة بعد 67 والمقاطعة العربية . وفتحت سفارة سودانية , والسفير كان وقتها مصطفي مدني ابشر ويساعده من الدبلوماسيين قمر الأنبياء رحمة الله عليه والشاعر الدبلوماسي الأديب محمد المكي إبراهيم . وكانت العلاقة جيدة مع قاسم أمين . كان قاسم أمين سفارة قائمة بذاتها. يجتمع الناس حوله وله مقدرة خرافية في كسب احترام وود الآخرين .
فاسم يجبرك لأن تحبه وترتاح إليه وتود أن تلتقيه مرتين وثلاثة ، ولو كان قاسم شيخا صوفيا لكان له أكبر عدد من المريدين ولنصبت له أكبر قبة .
عندما أتي النميري في يونيو سنة 1970 بصحبة وزير الخارجية فاروق أبوعيسي وجوزيف قرنق وخالد حسن عباس وأبوالقاسم إبراهيم والمحامي أحمد سليمان رحمة الله عليه ، كان الجميع يتحلقون ويسهرون مع قاسم أمين . وفي أحد الليالي بعد السهرة رفض النميري أن يعود إلي القصر الجمهوري الذي لم يكن بعيدا عن مسكن قاسم أمين وأصر علي النوم في شقة قاسم أمين الصغيرة وكان يقول : أنا ألقي قاسم أمين وين أنا طول حياتي كنت أتمني أقابله وأقعد معاه . وهذا هو نفس الرجل الذي عذب قاسم أمين وكانوا يسكبون الماء البارد علي جسده ويضربونه بالسيطان . وقاسم أمين كان شجاعا كل حياته . ولصموده كانوا يريدون كسره وكأنهم سيحطمون الحزب الشيوعى فى شخصه .ولقد رجع إلي السودان عندما رفع الحزب الشيوعي شعار (سنعود حتى ولو نصبوا المشانق في مطار الخرطوم) .
قاسم كان يتصدي للمهام الصعبة كما تمتع بقوة جسدية عالية وقامة فارعة وفكر ثاقب. يذكر الأستاذ محمد خير البدوي في كتابه قطار عمر كيف أتي لهم حراس السجن في عطبرة برؤوس"النيفة" -الباسم- فلم يستطيعوا إدخالها إلي الزنازين بسبب القضبان فقام قاسم أمين بيديه بفرد القضبان .
هذا الجسد القوي فتك به صبيان الأمن عند نميري لدرجة أن قاسم عندما حضر إلي براغ للمرة الأخيرة كان قد أصيب بالشلل. ولهذا سيغني الناس لقاسم أمين وسنذكره وستلاحق اللعنات جعفر النميري وزبانيته .
قاسم كان يتصدي للمهام التي يكره الآخرين القيام بها فلقد كان يخصص مبلغ عشرة جنيهات لأسر المعتقلين وهذا حد أدني . وكان هنالك قرار منذ أيام الإستعمار أن المعتقل يتحصل علي نصف مرتبه من الدولة . وأذكر أن أحد رجال أمدرمان كان له ثلاثة أبناء معتقلين ورابع صغير لا يكف عن الطلبات فقال له مستاءا : إنت المقعدك شنو ما تمش مع أخوانك .
لعدة مرات كان المبلغ أقل من عشرة جنيهات وتردد البعض في إيصال المبالغ لوالدة المعتقل ولكن قاسم كان يقوم بتوصيل المبلغ رغم الإحراج.
ويحكي قاسم أمين أن والدة أحد المعتقلين سلمها عدة مرات ثمانية جنيهات بدلا من العشرة عندما تردد الآخرون. وعندما أتي عبد الخالق بالمبلغ كان كاملا وبالسؤال عن حالها قالت الوالدة : شكرا يا ولدي بس القريشات ما ترسلوها مع العب الطويل ده بيبرشت منهن .

هنالك شيء سخيف إلتصق بسمعة قاسم أمين . وقاسم أمين في عمله السياسي وجد الكثير من الغرابات والمشاكل . ففي أحد المرات عين له شخص مدروش للاتصال وفي أثناء اختفاء قاسم أمين وهذه عملية تحتاج لحنكة وحس أمني عالي . وبعد أن أوصل رجل الاتصال الجرايد والمجلات والمتطلبات لقاسم طلب منه قاسم أن يأتيه بنصف كيلو موز في المرة القادمة . ولكن الشخص رجع مرة أخري ضاربا عرض الحائط بالإجراءات الأمنية وسأل قاسم : يا زميل أنا سمعت غلط ولا إنت عايز نص كيلو موز ؟
كيف يا زميل إنت رجل مناضل تاكل موز؟
ولهذا السبب أجبر قاسم أمين بحسه الأمني بتغيير المكان . وعندما أعتقل رجل الاتصال بواسطة البوليس طلب منه البوليس إيصالهم إلي مخبأ قاسم أمين . فوافق بسرعة وأخذهم للموقع القديم . فقالوا له لا عايزنك توصلنا للمحل الجيد فقال لهم : يا حلاة دقدق.
قاسم كان يقول لنا أن العمل السياسي يجبر الانسان مرات للتعامل مع ناس غريبين .
بالرغم من أن علاقتي لم تكن جيدة مع فرع الحزب الشيوعي في براغ وفي بعض الأحيان كانت تصل لمرحلة العداء ، إلا أن قاسم كان يعاملني بود ويحسسني بأنني شخص مهم. وكان هذا الإحساس يجده كل من تعامل مع قاسم أمين . وكنت أقابله كثيرا مع صديقنا المشترك إبراهيم صالح وهو من شيوعي مصر في الخمسينيات وارتبط بعطبرة وكان مبعوثا من وزارة المالية في براغ .
الشخص الذي اتهم قاسم أمين بأنه تحرش به جنسيا في فترة من الفترات, جمعتني به الظروف لأنه كان صديقا لعمي محمد بدري . وطرد من الحزب وصار من أثرياء السودان . وهذا الشخص لا يمكن أن يكون سويا . لأنه وبدون أي مبرر قد أدخلني في مشاكل مع صديقي وقدوتي وعمي محمد بدري . فعندما أخذني به محمد بدري لزيارته كان يتحدث بحقد وألم عن مغترب أشتري أرض بالقرب من منزله في بحري وأن المغترب إبن الكلب قد قدر أن يقنع ما يقارب من الأربعين من الورثة في بيع قطعة الأرض وكان يكن حقدا علي المغترب الذي لم يعرفه.
المناسبة الثانية هو أنني سمعت بأن بعض أهلنا يريدون أن يبيعوا منزلهم في وسط أم درمان لأن المنزل قد صار ضيقا وينقصه "سايفون" فأرسلت خطابا لصديقي وعمي محمد بدري وطلبت منه أن يثنيهم عن البيع لأن أي إنسان يبيع بيت سيندم يوم من الأيام . وأرفقت في خطابي شيك بمبلغ 5000 جنيه استرليني لعمل السايفون.
وبما أن محمد بدري كان يأتيني كل سنة ونقضي الإجازة سويا فقد ذكر لي بأن صديقه الشيوعي السابق والذي اتهم قاسم أمين قد احتاج للشيك لأن ابنته تدرس في الخارج الذي سلمه 5000 جنيه سوداني وقد سلم محمد بدري المبلغ لجدنا . وفي سنة 1983-1984 كان الجنيه الاسترليني يساوي ثلاثة جنيهات سودانية ولم اهتم لأني أعلم أن محمد بدري لا يهمه أبدا المال .
في سنة 1985 كنت أقف أمام مكتبنا "النيل الأزرق" في شارع الجمهورية بالقرب من الجمعية البيطرية وهذا هو مكتب المارلبورو كما يتذكره البعض . وكان المكتب قد أقفل والساعة قد تعدت الثالثة بعد الظهر وأنا في انتظار السائق الذي ذهب للبنزين ، فأتي صديق محمد بدري ومتهم قاسم أمين ماشيا وكانت الدنيا قد ابتسمت له كثيرا وصار يسكن في منزل ضخم بالقرب من شارع الجمهورية خلف مكتبنا فحييته بود وتحدثت معه قليلا واستأذن وذهب لحاله .
وأذكر أنه قبل فترة بسيطة أنني حضرت إلي الورشة في بحري ووجدت أن العمل متوقف والعمال يقفون أو يجلسون وبالسؤال عرفت من المهندس ابن خالتي عثمان محمد عبد السلام أن الكهرباء مقطوعة وأن المولد لا يعمل لأن المهندس السويدي مايكل هو الذي يعرف كيف يشغله وبالسؤال عن مايكل السويدي عرفت أن عمي محمد بدري قد حضر وأخذه . وبعد ساعتين حضر محمد بدري مع مايكل وبالسؤال عرفت أن صديق محمد بدري قد اتصل به لإحضار الخواجة لأن المكيف في غرفة نومه "بشخشخ" ؟
وعند السؤال لماذا لم يأخذ الزين رئيس العمال أو شخص آخر؟ كان الرد بأن صديقه أصر علي احضار الخواجة فقط . فاستغربت وتضايقت لتلتلة عمي محمد بدري الذي يكبر هذا الشخص عمرا والنفخة الفارغة والإصرار علي احضار الخواجة . بواسطة المناضل والشيوعي السابق الذي كان محمد بدري يقول عنه انه عندما طرد من الحزب كان يبكي وأصيب بإحباط .
بعد يومين من المقابلة أمام مكتبنا كان صديقي وعمي محمد بدري وهو في أشد حالات الغضب وقال لي أن المناضل السابق قد أتاه غاضبا قائلآ : الحمد لله أنا ما مشيت معاك أجازة عشان أزور ود أخوك في السويد لأنه إنسان ما عنده أدب . أنا قابلتو قدام مكتبه ما قال لي اتفضل خش. دي ما أخلاق سودانية .ود أخوك ده أوروبا خسرتو .
فقلت لمحمد بدري : أول حاجة المكتب كان مقفول وأنا واقف في الحر ، ولما شفت صاحبك كنت زعلان من نفسي لأني أخرته وحايكون ماشي بيتو واضطر يقيف يسلم علي. بعدين الساعة ثلاثة أنا لوكنت طلبت منه يخش في المكتب القافل كان حا يخش؟
كان رد محمد بدري: طبعا ما كان حا يخش لكن كان مفروض اقول ليه وتعزمو علي كل حال .والرجل اعطى محمد بدرى فكره خاطئه وكأنه قابلنى والمكتب مفتوح واننى رفضت دعوته للدخول .
فقلت لمحمد بدري : صاحبك ده بس عايز مشاكل ساكت ، ودلوكت أنا مقتنع أنه خلق المشكلة بتاعة قاسم أمين لأنو زول بتاع مشاكل ساكت . وحتى لو حصل مني غلط مافي لزوم كان يثير ليك الموضوع ده ويزعلك ويخلق مشاكل بيناتنا .
وتوقف محمد بدري من زيارتي وصارت العلاقة بيننا مشدودة ومتأثرة بما كان يظنه إساءة لصديقه , الذي لم يفكر لماذا لم يدعوني للغداء في منزله الفاخر وأنا أقف في الطريق .
البعض لسوء الحظ يحمل الآخرين أخطاءه ويتشنج . في سنة 1992 عندما كان محمد بدري في لفربول مع زوجته فاطمة عبد الكريم بدري التي كانت تحضر للدكتورا وجدت نفسي استيقظ وأقرر الذهاب إلي ليفربول ، ووصلتها في الساعة التاسعة مساء . وبعد العشاء قال لي محمد بدري : جيت إنجلترا عندك شغل؟ فقلت له لا . جيت أودعك لأني عندي احساس ما حا نتلاقي تاني . فابتسم وقال لي تفتكر كده؟ ثم تطرقنا لصديقه ووجدت تفهما منه . وفي الصباح عندما ذهبت فاطمة بدري للجامعة أخذنا جولة صغيرة في البلد ثم أوصلني بالسيارة إلي المطار ولم نلتقي بعدها , فلقد انتقل الى جوار ربه بعد فتره قصيره . وتذكرت الشخص الذي تسبب في قطيعة بيني وبين عمي وصديقي ، بدون أي سبب ، ولعنته لأنه تسبب في الإساءة إلي قاسم أمين الذي هو من أعظم قادتنا .

بسمله · 04-05-2009, 09:08 AM

الله الله عليك يا عم شوقى يا انسان يا تاريخ

طبعا يعنى ما عارفه اقول ليك شنو ..
حقيقه انا لامن سالت عن قاسم امين برضو قصدت الجانب الانسانى بالاضافه الى الاتجاه السياسى .. فانت طبعا كفيت ووفيت
بالجد عاجزه عن شكرك

خليتنى اعيش كلماتك دى لحظه لحظه ..

و دا شى ابدا ما غريب عليك لانك بأسلوبك المييز بتعمل جذب للزول لدرجه انو بيكون بيقرا بشغف من الحرف الاول الى الاخير ..

الغريب قبل كم يوم .. كنا بنتكلم انا و صديقى م . الفحل و هو برضو من المعجبين بيك جدا و كنا زمان بنتابعك بشغف لامن كنت بتكتب فى سودانيز اون لاين .. و قلت ليهو اننا محظوظين بوجودك معانا هنا فى سودانيات ...

ربنا يخليك يا عم شوقى .
امين .

محمد الامين · 06-05-2009, 09:03 AM

ماشين فى السكه نمـــد من سيرتك للجايين
شايفنك ماشى تسد ورديه يا قاسم أمين

[media]http://sudaniyat.net/up/uploading/GASEM.mp3[/media]

كتلوك وكان قاصدين ...
فى ذاتك ناس تانين

بسمله · 06-05-2009, 12:40 PM

محمد يا امين ...

شكرا على اللحن ..

طبعا انا لى ساعه بسمع فيهو ..

المشكله بقت انو فى السودان ناس عظيمين ... المشكله انو الواحد ما بعرفوم الا بعد وفاتوم ...

شوقي بدري · 12-05-2009, 09:10 PM

الابنة بسملة لك التحية والمودة
يسعدني سؤالك عن المناضل قاسم امين وهذا هو الطريق او باب المعرفة والتعرف .انت قال ليك الكلام العرفناهو دا ما لميناهو... بالمشاب...ا والتشبر والسؤال...
وده الكويس والمهم
واستمري في السكة دي ...وبعدين انتي ...حا تكتبي للناس
لك التحية ابنتي

شوقي بدري · 12-05-2009, 09:16 PM

الابن محمد الامين
شكرا على انزالك الاغنية الرائعة..... كلمات رجل رائع وتلحين وغناء رجل رائع
عن رجل اروع

التحية
شوقي

بسمله · 19-05-2009, 08:30 PM

اقتباس:

المشاركة الأصلية كتبت بواسطة شوقي بدري

الابنة بسملة لك التحية والمودة
يسعدني سؤالك عن المناضل قاسم امين وهذا هو الطريق او باب المعرفة والتعرف .انت قال ليك الكلام العرفناهو دا ما لميناهو... بالمشاب...ا والتشبر والسؤال...
وده الكويس والمهم
واستمري في السكة دي ...وبعدين انتي ...حا تكتبي للناس
لك التحية ابنتي

عم شوقى و لك كل التحيه يا راجل يا فاضل

و الله انا فى ناس كتار نفسى اعرف عنهم .. لانو بالجد مهم اعرف .. و انت مشاء الله عليك طريقتك فى السرد جميله و رائعه بشكل غريب ..

فانا مطمئنه ما دام محاطه بيكم تدونا التاريخ بلا تزييف

ربنا يخليك لينا يا رب
دعوه خالصه من القلب

03-05-2009, 11:10 AM	#[1]
شوقي بدري :: كــاتب نشــط::	قاسم أمين... [align=center][/align] [align=center]"كتلوك الناس القصر الناس المأفونين الناس البالة مغطى والساسة المبيوعين"[/align] الابنة بسملة فى سودانيات تسائلت عن من هو قاسم أمين . قبل سنتين دعاني الدكتور محمد جميل في ألمانية لقضاء نهاية أسبوع معه، وكان هنالك الدكتور الرجل الرائع الأخصائي بولس من أسرة بولس المسيحية في أبروف أم درمان وهذه أسرة سودانية رائعة. كان لجدهم خلوة لتعليم أبناء المسلمين في دارهم في أبروف عرفت بخلوة بولس .وذهبنا الي محطة القطار لاستقبال الاعلامي البروفسور الماحى اسماعيل رئيس القسم العربى فى اذاعه كولون . وعندما شاهدته من البعد علي الرصيف ذكرني بشخص ما . ولم استطع ان احدد من هو . السنة الماضية عندما اتي البروفسور الماحى اسماعيل مع زوجته السويدية الالمانية اتصل بي الدكتور الماحي اسماعيل ودعاني لمأدبة (قريفص) وهو نوع من سرطان المياه العذبة , فى منزل اهل زوجته فى جنوب السويد . وفي أثناء الأكل والونسة عرفت بمن يذكرني دكتور الماحي إسماعيل. ولم يكن الشبه فقط في ارتفاع القامة ، بل كان الشخصان يمثلان النبل ويعطونك إحساس بالأمن وأنك أمام بشر خلقوا ليكونوا قوادا أو زعماء يضيئون الطريق. فجأة خطر بذهني التشابه بين شخصية الماحي إسماعيل وقاسم أمين .فالزعيم قاسم أمين كان رجلا فريدا . وحتى البوليس الذي كان يأتي لاعتقاله في عطبرة أيام الاستعمار كان يتعامل معه بإحترام كما كان يجد الإحترام من معتقليه من السلطات البريطانية . لقد سعدت بالإلتقاء بقاسم أمين في نهاية الستينات عندما سكن في براغ . وكانت شقته خلف مسكن الطلبة (كومينسكيهو) بالقرب من فندق سافيو في براغ رقم 6 وهذه الداخلية كانت عبارة عن مركز لإستقبال الطلاب الجدد ومسكن لمبعوثي طلاب الدراسات العليا . المناضل قاسم أمين كان يتعامل مع الجميع وكأنهم أصدقاء حياته ، ويهب لملاقاة أي انسان ويتذكره ويناديه باسمه . ويمازح بدون سماجة ويتبسط مع الجميع . وأذكر به نقاشات مع الدكتور المهندس منصور الذي كان يتقعر ويصر علي التحدث بالعربية الفصحة ويدخل الكثير من الكلمات الغريبة في كلامه أو بيوت الشعر المكسورة . وكان قاسم أمين يعلق علي ذلك فقال دكتور منصور : أنا بتكلم ولو غلطت صلحوني . وأذكر قاسم يقول له مداعبا : يا أخي إنت إنسان لما تغلط بصححوك لكن العربية لما تخسر بصلحوها وإنت ما عربية. قاسم أمين كان سمح الروح يحب الدعابة والنكتة، لا يتحدث كثيرا ولكن عندما يتحدث يجبرك علي الإنصات إليه . وكان يعرف الكثير عن الشعر والأدب والتاريخ الأوروبي والعالمي، ولم يكن من الذين يتبجحون بمعرفتهم أو اطلاعهم. أذكر أن الدكتور أخصائي الأطفال بشير الياس رحمة الله عليه وزوجته دكتورة كلارة السلفاكية والتي لها محطة باسمها في شمال الخرطوم بحري لأنها كانت تعالج المرضي دون أجر فى الستينات . كانت تنادي ابنها الطبيب ب قاسم أمين ، والإبن الآخر بالقرشي. والقرشي هنا ليس شهيد أكتوبر من القراصة. بل الشهيد القرشي الزعيم العمالي ورفيق قاسم أمين . مدرسة الصناعات خرجت جيل رائع . ومن هذه المدرسة تخرج الكثير من قادة السودان, أحدهم الشفيع أحمد الشيخ الذي لا يحتاج لتعريف، وهو الحاصل علي وسام لينين الذي كان يحلم به خرتشوف رئيس الإتحاد السوفيتي وآخرين . ومن تلك المدرسة تخرج الرجل العالمي ورئيس اتحاد النقابات العالمي إبراهيم زكريا من مدينة العفاض في شمال السودان . ومن زملاءهم المناضل سلام الذي وقف مع المزارعين في النيل الأبيض وذهب إلي النيل الأبيض عندما التهبت الأمور في الخمسينات بعد حوادث جودة . في الفترة التي كان فيها قاسم أمين في براغ أتت كمية ضخمة من المبعوثين خاصة بعد 67 والمقاطعة العربية . وفتحت سفارة سودانية , والسفير كان وقتها مصطفي مدني ابشر ويساعده من الدبلوماسيين قمر الأنبياء رحمة الله عليه والشاعر الدبلوماسي الأديب محمد المكي إبراهيم . وكانت العلاقة جيدة مع قاسم أمين . كان قاسم أمين سفارة قائمة بذاتها. يجتمع الناس حوله وله مقدرة خرافية في كسب احترام وود الآخرين . فاسم يجبرك لأن تحبه وترتاح إليه وتود أن تلتقيه مرتين وثلاثة ، ولو كان قاسم شيخا صوفيا لكان له أكبر عدد من المريدين ولنصبت له أكبر قبة . عندما أتي النميري في يونيو سنة 1970 بصحبة وزير الخارجية فاروق أبوعيسي وجوزيف قرنق وخالد حسن عباس وأبوالقاسم إبراهيم والمحامي أحمد سليمان رحمة الله عليه ، كان الجميع يتحلقون ويسهرون مع قاسم أمين . وفي أحد الليالي بعد السهرة رفض النميري أن يعود إلي القصر الجمهوري الذي لم يكن بعيدا عن مسكن قاسم أمين وأصر علي النوم في شقة قاسم أمين الصغيرة وكان يقول : أنا ألقي قاسم أمين وين أنا طول حياتي كنت أتمني أقابله وأقعد معاه . وهذا هو نفس الرجل الذي عذب قاسم أمين وكانوا يسكبون الماء البارد علي جسده ويضربونه بالسيطان . وقاسم أمين كان شجاعا كل حياته . ولصموده كانوا يريدون كسره وكأنهم سيحطمون الحزب الشيوعى فى شخصه .ولقد رجع إلي السودان عندما رفع الحزب الشيوعي شعار (سنعود حتى ولو نصبوا المشانق في مطار الخرطوم) . قاسم كان يتصدي للمهام الصعبة كما تمتع بقوة جسدية عالية وقامة فارعة وفكر ثاقب. يذكر الأستاذ محمد خير البدوي في كتابه قطار عمر كيف أتي لهم حراس السجن في عطبرة برؤوس"النيفة" -الباسم- فلم يستطيعوا إدخالها إلي الزنازين بسبب القضبان فقام قاسم أمين بيديه بفرد القضبان . هذا الجسد القوي فتك به صبيان الأمن عند نميري لدرجة أن قاسم عندما حضر إلي براغ للمرة الأخيرة كان قد أصيب بالشلل. ولهذا سيغني الناس لقاسم أمين وسنذكره وستلاحق اللعنات جعفر النميري وزبانيته . قاسم كان يتصدي للمهام التي يكره الآخرين القيام بها فلقد كان يخصص مبلغ عشرة جنيهات لأسر المعتقلين وهذا حد أدني . وكان هنالك قرار منذ أيام الإستعمار أن المعتقل يتحصل علي نصف مرتبه من الدولة . وأذكر أن أحد رجال أمدرمان كان له ثلاثة أبناء معتقلين ورابع صغير لا يكف عن الطلبات فقال له مستاءا : إنت المقعدك شنو ما تمش مع أخوانك . لعدة مرات كان المبلغ أقل من عشرة جنيهات وتردد البعض في إيصال المبالغ لوالدة المعتقل ولكن قاسم كان يقوم بتوصيل المبلغ رغم الإحراج. ويحكي قاسم أمين أن والدة أحد المعتقلين سلمها عدة مرات ثمانية جنيهات بدلا من العشرة عندما تردد الآخرون. وعندما أتي عبد الخالق بالمبلغ كان كاملا وبالسؤال عن حالها قالت الوالدة : شكرا يا ولدي بس القريشات ما ترسلوها مع العب الطويل ده بيبرشت منهن . هنالك شيء سخيف إلتصق بسمعة قاسم أمين . وقاسم أمين في عمله السياسي وجد الكثير من الغرابات والمشاكل . ففي أحد المرات عين له شخص مدروش للاتصال وفي أثناء اختفاء قاسم أمين وهذه عملية تحتاج لحنكة وحس أمني عالي . وبعد أن أوصل رجل الاتصال الجرايد والمجلات والمتطلبات لقاسم طلب منه قاسم أن يأتيه بنصف كيلو موز في المرة القادمة . ولكن الشخص رجع مرة أخري ضاربا عرض الحائط بالإجراءات الأمنية وسأل قاسم : يا زميل أنا سمعت غلط ولا إنت عايز نص كيلو موز ؟ كيف يا زميل إنت رجل مناضل تاكل موز؟ ولهذا السبب أجبر قاسم أمين بحسه الأمني بتغيير المكان . وعندما أعتقل رجل الاتصال بواسطة البوليس طلب منه البوليس إيصالهم إلي مخبأ قاسم أمين . فوافق بسرعة وأخذهم للموقع القديم . فقالوا له لا عايزنك توصلنا للمحل الجيد فقال لهم : يا حلاة دقدق. قاسم كان يقول لنا أن العمل السياسي يجبر الانسان مرات للتعامل مع ناس غريبين . بالرغم من أن علاقتي لم تكن جيدة مع فرع الحزب الشيوعي في براغ وفي بعض الأحيان كانت تصل لمرحلة العداء ، إلا أن قاسم كان يعاملني بود ويحسسني بأنني شخص مهم. وكان هذا الإحساس يجده كل من تعامل مع قاسم أمين . وكنت أقابله كثيرا مع صديقنا المشترك إبراهيم صالح وهو من شيوعي مصر في الخمسينيات وارتبط بعطبرة وكان مبعوثا من وزارة المالية في براغ . الشخص الذي اتهم قاسم أمين بأنه تحرش به جنسيا في فترة من الفترات, جمعتني به الظروف لأنه كان صديقا لعمي محمد بدري . وطرد من الحزب وصار من أثرياء السودان . وهذا الشخص لا يمكن أن يكون سويا . لأنه وبدون أي مبرر قد أدخلني في مشاكل مع صديقي وقدوتي وعمي محمد بدري . فعندما أخذني به محمد بدري لزيارته كان يتحدث بحقد وألم عن مغترب أشتري أرض بالقرب من منزله في بحري وأن المغترب إبن الكلب قد قدر أن يقنع ما يقارب من الأربعين من الورثة في بيع قطعة الأرض وكان يكن حقدا علي المغترب الذي لم يعرفه. المناسبة الثانية هو أنني سمعت بأن بعض أهلنا يريدون أن يبيعوا منزلهم في وسط أم درمان لأن المنزل قد صار ضيقا وينقصه "سايفون" فأرسلت خطابا لصديقي وعمي محمد بدري وطلبت منه أن يثنيهم عن البيع لأن أي إنسان يبيع بيت سيندم يوم من الأيام . وأرفقت في خطابي شيك بمبلغ 5000 جنيه استرليني لعمل السايفون. وبما أن محمد بدري كان يأتيني كل سنة ونقضي الإجازة سويا فقد ذكر لي بأن صديقه الشيوعي السابق والذي اتهم قاسم أمين قد احتاج للشيك لأن ابنته تدرس في الخارج الذي سلمه 5000 جنيه سوداني وقد سلم محمد بدري المبلغ لجدنا . وفي سنة 1983-1984 كان الجنيه الاسترليني يساوي ثلاثة جنيهات سودانية ولم اهتم لأني أعلم أن محمد بدري لا يهمه أبدا المال . في سنة 1985 كنت أقف أمام مكتبنا "النيل الأزرق" في شارع الجمهورية بالقرب من الجمعية البيطرية وهذا هو مكتب المارلبورو كما يتذكره البعض . وكان المكتب قد أقفل والساعة قد تعدت الثالثة بعد الظهر وأنا في انتظار السائق الذي ذهب للبنزين ، فأتي صديق محمد بدري ومتهم قاسم أمين ماشيا وكانت الدنيا قد ابتسمت له كثيرا وصار يسكن في منزل ضخم بالقرب من شارع الجمهورية خلف مكتبنا فحييته بود وتحدثت معه قليلا واستأذن وذهب لحاله . وأذكر أنه قبل فترة بسيطة أنني حضرت إلي الورشة في بحري ووجدت أن العمل متوقف والعمال يقفون أو يجلسون وبالسؤال عرفت من المهندس ابن خالتي عثمان محمد عبد السلام أن الكهرباء مقطوعة وأن المولد لا يعمل لأن المهندس السويدي مايكل هو الذي يعرف كيف يشغله وبالسؤال عن مايكل السويدي عرفت أن عمي محمد بدري قد حضر وأخذه . وبعد ساعتين حضر محمد بدري مع مايكل وبالسؤال عرفت أن صديق محمد بدري قد اتصل به لإحضار الخواجة لأن المكيف في غرفة نومه "بشخشخ" ؟ وعند السؤال لماذا لم يأخذ الزين رئيس العمال أو شخص آخر؟ كان الرد بأن صديقه أصر علي احضار الخواجة فقط . فاستغربت وتضايقت لتلتلة عمي محمد بدري الذي يكبر هذا الشخص عمرا والنفخة الفارغة والإصرار علي احضار الخواجة . بواسطة المناضل والشيوعي السابق الذي كان محمد بدري يقول عنه انه عندما طرد من الحزب كان يبكي وأصيب بإحباط . بعد يومين من المقابلة أمام مكتبنا كان صديقي وعمي محمد بدري وهو في أشد حالات الغضب وقال لي أن المناضل السابق قد أتاه غاضبا قائلآ : الحمد لله أنا ما مشيت معاك أجازة عشان أزور ود أخوك في السويد لأنه إنسان ما عنده أدب . أنا قابلتو قدام مكتبه ما قال لي اتفضل خش. دي ما أخلاق سودانية .ود أخوك ده أوروبا خسرتو . فقلت لمحمد بدري : أول حاجة المكتب كان مقفول وأنا واقف في الحر ، ولما شفت صاحبك كنت زعلان من نفسي لأني أخرته وحايكون ماشي بيتو واضطر يقيف يسلم علي. بعدين الساعة ثلاثة أنا لوكنت طلبت منه يخش في المكتب القافل كان حا يخش؟ كان رد محمد بدري: طبعا ما كان حا يخش لكن كان مفروض اقول ليه وتعزمو علي كل حال .والرجل اعطى محمد بدرى فكره خاطئه وكأنه قابلنى والمكتب مفتوح واننى رفضت دعوته للدخول . فقلت لمحمد بدري : صاحبك ده بس عايز مشاكل ساكت ، ودلوكت أنا مقتنع أنه خلق المشكلة بتاعة قاسم أمين لأنو زول بتاع مشاكل ساكت . وحتى لو حصل مني غلط مافي لزوم كان يثير ليك الموضوع ده ويزعلك ويخلق مشاكل بيناتنا . وتوقف محمد بدري من زيارتي وصارت العلاقة بيننا مشدودة ومتأثرة بما كان يظنه إساءة لصديقه , الذي لم يفكر لماذا لم يدعوني للغداء في منزله الفاخر وأنا أقف في الطريق . البعض لسوء الحظ يحمل الآخرين أخطاءه ويتشنج . في سنة 1992 عندما كان محمد بدري في لفربول مع زوجته فاطمة عبد الكريم بدري التي كانت تحضر للدكتورا وجدت نفسي استيقظ وأقرر الذهاب إلي ليفربول ، ووصلتها في الساعة التاسعة مساء . وبعد العشاء قال لي محمد بدري : جيت إنجلترا عندك شغل؟ فقلت له لا . جيت أودعك لأني عندي احساس ما حا نتلاقي تاني . فابتسم وقال لي تفتكر كده؟ ثم تطرقنا لصديقه ووجدت تفهما منه . وفي الصباح عندما ذهبت فاطمة بدري للجامعة أخذنا جولة صغيرة في البلد ثم أوصلني بالسيارة إلي المطار ولم نلتقي بعدها , فلقد انتقل الى جوار ربه بعد فتره قصيره . وتذكرت الشخص الذي تسبب في قطيعة بيني وبين عمي وصديقي ، بدون أي سبب ، ولعنته لأنه تسبب في الإساءة إلي قاسم أمين الذي هو من أعظم قادتنا . التعديل الأخير تم بواسطة شوقي بدري ; 04-05-2009 الساعة 05:15 PM.
شوقي بدري :: كــاتب نشــط::	التوقيع: [frame="6 80"] العيد الما حضرو بله اريتو ما كان طله النسيم بجى الحله عشان خاطر ناس بله انبشقن كوباكت الصبر وتانى ما تلمو حتى مسله قالوا الحزن خضوع ومذله ليك يا غالى رضينا كان ننذله [/frame] http://sudanyat.org/maktabat/shwgi.htm رابط مكتبة شوقي بدري في سودانيات

04-05-2009, 09:08 AM	#[2]
بسمله :: كــاتب نشــط::	الله الله عليك يا عم شوقى يا انسان يا تاريخ طبعا يعنى ما عارفه اقول ليك شنو .. حقيقه انا لامن سالت عن قاسم امين برضو قصدت الجانب الانسانى بالاضافه الى الاتجاه السياسى .. فانت طبعا كفيت ووفيت بالجد عاجزه عن شكرك خليتنى اعيش كلماتك دى لحظه لحظه .. و دا شى ابدا ما غريب عليك لانك بأسلوبك المييز بتعمل جذب للزول لدرجه انو بيكون بيقرا بشغف من الحرف الاول الى الاخير .. الغريب قبل كم يوم .. كنا بنتكلم انا و صديقى م . الفحل و هو برضو من المعجبين بيك جدا و كنا زمان بنتابعك بشغف لامن كنت بتكتب فى سودانيز اون لاين .. و قلت ليهو اننا محظوظين بوجودك معانا هنا فى سودانيات ... ربنا يخليك يا عم شوقى . امين .
بسمله :: كــاتب نشــط::

06-05-2009, 09:03 AM	#[3]
محمد الامين :: كــاتب جديـــد ::	ماشين فى السكه نمـــد من سيرتك للجايين شايفنك ماشى تسد ورديه يا قاسم أمين [media]http://sudaniyat.net/up/uploading/GASEM.mp3[/media] كتلوك وكان قاصدين ... فى ذاتك ناس تانين
محمد الامين :: كــاتب جديـــد ::

06-05-2009, 12:40 PM	#[4]
بسمله :: كــاتب نشــط::	محمد يا امين ... شكرا على اللحن .. طبعا انا لى ساعه بسمع فيهو .. المشكله بقت انو فى السودان ناس عظيمين ... المشكله انو الواحد ما بعرفوم الا بعد وفاتوم ...
بسمله :: كــاتب نشــط::

12-05-2009, 09:10 PM	#[5]
شوقي بدري :: كــاتب نشــط::	الابنة بسملة لك التحية والمودة يسعدني سؤالك عن المناضل قاسم امين وهذا هو الطريق او باب المعرفة والتعرف .انت قال ليك الكلام العرفناهو دا ما لميناهو... بالمشاب...ا والتشبر والسؤال... وده الكويس والمهم واستمري في السكة دي ...وبعدين انتي ...حا تكتبي للناس لك التحية ابنتي
شوقي بدري :: كــاتب نشــط::	التوقيع: [frame="6 80"] العيد الما حضرو بله اريتو ما كان طله النسيم بجى الحله عشان خاطر ناس بله انبشقن كوباكت الصبر وتانى ما تلمو حتى مسله قالوا الحزن خضوع ومذله ليك يا غالى رضينا كان ننذله [/frame] http://sudanyat.org/maktabat/shwgi.htm رابط مكتبة شوقي بدري في سودانيات

12-05-2009, 09:16 PM	#[6]
شوقي بدري :: كــاتب نشــط::	الابن محمد الامين شكرا على انزالك الاغنية الرائعة..... كلمات رجل رائع وتلحين وغناء رجل رائع عن رجل اروع التحية شوقي
شوقي بدري :: كــاتب نشــط::	التوقيع: [frame="6 80"] العيد الما حضرو بله اريتو ما كان طله النسيم بجى الحله عشان خاطر ناس بله انبشقن كوباكت الصبر وتانى ما تلمو حتى مسله قالوا الحزن خضوع ومذله ليك يا غالى رضينا كان ننذله [/frame] http://sudanyat.org/maktabat/shwgi.htm رابط مكتبة شوقي بدري في سودانيات