قهوة النشاط !

[نزار حسن علي]

سيد الفرح والجمال
ابوامانى
نهاركم جميل
شفته ربى متصديه للموضوع كيف نفسه قام عديل كده المشكله في المسكينه الورطته معاها دي يحلوها كيف ربى بالله عليك الله طمنينا عليها لانو الغيبه طالت نحنا ناس حنين ما جافيين زي ناس كده والله عندي ليك نكته تضحكي فيها لما سنونك تظهر بس شوفي لينا الزوله وين لانو زعيم الوجاهة بسال منها وما ممكن نكسر ليهو امر كمان نحنا عايشين بنفسو معانا
ودقي يا مزيكة

[rubs]

المشاركة الأصلية كتبت بواسطة نزار حسن علي

سيد الفرح والجمال
ابوامانى
نهاركم جميل
شفته ربى متصديه للموضوع كيف نفسه قام عديل كده المشكله في المسكينه الورطته معاها دي يحلوها كيف ربى بالله عليك الله طمنينا عليها لانو الغيبه طالت نحنا ناس حنين ما جافيين زي ناس كده والله عندي ليك نكته تضحكي فيها لما سنونك تظهر بس شوفي لينا الزوله وين لانو زعيم الوجاهة بسال منها وما ممكن نكسر ليهو امر كمان نحنا عايشين بنفسو معانا
ودقي يا مزيكة

هو دا شنو ؟؟؟ ما قاعد تكتب فى النكت يمين وشمال بس لما قلنا عجبتنى عملته قام اتعزز الليمون ... وتااانى بحذذذذرك اختى ابو امانى دا .. ياخى دا من سنت 46 يعنى مخزونو مليااااااااااااان شوك .. وعشان تعيش بى سلام وويئام اختى اللوئام ..

[معتصم الطاهر]

اتو القهوة دى لسه فاتحة لى نص الليل ..

بالليل دا ماشى وين ؟

[rubs]

المشاركة الأصلية كتبت بواسطة معتصم الطاهر

اتو القهوة دى لسه فاتحة لى نص الليل ..

بالليل دا ماشى وين ؟

ما نص الليل ولا حاجه انت الظاهر عليك نسيت تقلع نظارت الشمس .... كدى اقلعها وقول بسم الله ... بس بى سوط واااااااااااااااطى عشان ناس نزار وابو امانى ديل ما نقوم نلقاهم مافى

[rubs]

هاهاهها حلوه والله يا نزار ... بس ما كنت قايلاك عمر احساس وكدا ..
ودقى يا مزيكه..

[أبو أماني]

[frame="7 80"]

المشاركة الأصلية كتبت بواسطة rubs

هو دا شنو ؟؟؟ ما قاعد تكتب فى النكت يمين وشمال بس لما قلنا عجبتنى عملته قام اتعزز الليمون ... وتااانى بحذذذذرك اختى ابو امانى دا .. ياخى دا من سنت 46 يعنى مخزونو مليااااااااااااان شوك .. وعشان تعيش بى سلام وويئام اختى اللوئام ..

[/frame]

هيهيهيهييييييي يا ..! العتب علي النظر ياحبيبة قساي ..ولا حكم السن يا اختي؟ هسع دحين كان لبستي نضارتك المتل قعر الكوز دي (كوز شراب ما تفهمونا غلط)! ..هوا إحنا ناقصين؟؟ بس بالجد ياروبس عاذرك .. أكيد لو كتي لابسة النضارة إياها ماكان كتبتيها 46 وقلبتي الأرقام .. لكن بقّدر عامل السن وأحكامه يا طانط روبس.. نزار ياروعة مقهانا شايفك قائم بالجماعة سداري لمن قطعت نفسهن .. ومرة ومرة تديهم (دوز - جرعة حنان) يا اخي والله إنت تحفة آدم .. على فركة .. هي بيس.. فركة شنو ؟.. قصدي علي فكرة تحفة حواء مالها كبت الزوغة ؟ ولا أااااه!! الله يجازيك ياسارة .. قالوا مابتحب ريحة .. ال...ب .. هو قالوا إسمو شنو يافيصل؟!

[نزار حسن علي]

الزول الفايت الناس قيافة
ابواماني
مساءك سعادة وخير
شفتة الحريم ديل وجاهنك دي كاتلاهن ما قادرين يهضموها شفته حساده زي دي غاينو سرورة دي خليها ساكت اما غيب وتعال ده حكايتو حكاية موضوعو طويل الظاهر والله انا محيرني الزول البتسو في بص السيرة كبه الزوغة وفات قال ده شغل معلمين وتكون قالت لنفسة انا كان ما مجنونه اباري جتس كده وكده بتقصد صاحباته اقول مالي يجي ناطي لية فكي في الحلم كمان عارف زولنا العامل فيها صامد ده بيعافر ساكت ما قدر الشغلانية لكن اهو شغال
ربي
وين الوعد يتاع فتيش خيتك طمنينا برسالة منها

مودتي بلا حدود

[سارة]

نزار خليك قاعد تسمع القصة عشان راسك يشيب وتعرف انت بتساند اى نوع من الناس

[سارة]

بعد يا جماعة الخير الولية ام وشا زى البونية دخلت وقفلت الباب انا بصراحة ستين عفريت ركب فى راسى ...قلت لصحبتى الغبيانة شوفى يا بنت الناس انا خوتى معاك لى الليفة بس بعرك دا ابعدى منى .. آخر الزمن اخم بعر ؟؟ ودورت طوالى على التكسى الانحنا موقفينو قريب

جرتنى ليك من توبى ودموعها سايلات عشرة عشرة ... وقالت : بتتخلى عنى انا يا سرورة؟؟

انا امل يا سرورة؟؟ وبينى وبينكم هى بتعرف كيف ترقق قلبى القلب بعيد عنكم ما دلقان والهواء

شايلو..قلت ليها لكن يا امل يااختى انتى بى بعرك دا قطعتى اى امل لخوتنا فى الاستمرار

شوفى يا بنت الناس انا شخشيا سرورة دى عندى راى فى الرجال البدفعوا فيهم قروش

وبزوروا ليهم البنية وبيدفعوا بياضهم بالوقية تجى اخر العمر تخممينى البعر ...لا ..لا

تانى بقول ليك بعرك دا براااااااااااك اناما بدخل فيهو.

قالت لى خلاص انتى بس انتظرى هنا وانا بدخل اخم البعر ال الله بيقسموالى وبمرق

.. انتظرت انا برة وبعد دقيقتين جاءتنى تتراجف زى مرقة الضلافين قالت لى ....

وبانكسار شديد ما عرفت التيس من الغنماية.... قلتها قلتى شنو ؟؟؟ ما عرفتى التيس

من الغنماية؟؟ نان يا عروس السجم والرماد المعرسها ليها شنو ؟؟ استغفر الله العظيم

من كل ذنب عظيم انا ياربى دى قسمة شنو ؟؟يوم الله يدينى صحبة تكون دى نهايتى

اطلع من الاملاك وانتهى بزريبة غنم مرورا بى حتة كدى بعد القماير؟؟؟

صحى الشقى يلقى عضم فى الكبدة وانا يا كافى البلا يا حايد المحن يوم رب العالمين

ادانى صحبة ياها السجم دى لكن نسوى شنو( الناس رضو بحكم الانقاذ انا رضيت بحكم الله )

دخلت معاها ومن اول نظرة عرفت شقى الحال صاحبنا التيس( ملحوظة مافى زول يجى يسالنى

اى سؤال تعسفى يقول لى عرفتى كيفن ..انتهى التهديد) المهم اراد الله انه صاحبنا اقصد التيس بعر داك يا البعر الماخمج كوبار وليهو بوخ يعنى البعرة لو دقوا بيها ابو المجتبى

فى صلعتو تفلعو .. التيس وبّعر يخموهو كيفن؟؟ ويخموهو فى شنو؟؟ طبعا صحبتى واقفة

زى صنفور المحطة لا بتعاشم ولا بتكاشم بس ترمى فى دموعها ...قلت ليها وقت ما منك اى

فايدة اقيفى هنا احرسى البعر واوعاكى يتلخبط مع اى بعر تانى ..طلعت ومشيت لصاحب

التكسى لقيتو شايل جريدة عامل نفسه منهمك فى القراءة وخاصة لمن حس بى ماشة عليهو

وانا عارفاهو ابن ال... كان بيرفع فى عيونو ويتشمشر داير يعرف البنات ديل شغلتهن شنو

مع الغنم هو الظاهر بتاع شمارات زى نوع ناس نزار حسن وابو امانى وشلتهم العجيبة ديك

وعندو صلعة بيسالنى الله بس كورة العصيدة المكفية وملاحها شوية ولا الشنب ياكافى البلا

الا تكتب عليهوشنب زى قعر البصلاية (خلونا من وصف الراجل الله يغفرلينا من حقو) المهم

شلت الجريدة ومشيت دخلت الزريبة وما مدسة منكم الغنم قعدوا يتفرجوا فينا المهم وانا متفنة

فى الواطة بخم فى البعر تلم غنماية بى ضهرى تمضغ ليكم توبى وانا ما جايبة خبر..جيت

اقوم احس بى شىء جبدنى شكيت محنك لى الله انا اجر فى توبى والغنماية تجر الله وكيلكم

مرقت التوب بى كرامة بليلة..الغيرة ان شاء الله تطير ..قدر ما حاولت افهم الغنماية التعيسة دى

انه كل غرضنا بعر ما صدقتنى ( أنعل ابو الغيرة ياخ) والله فى الغنم ما حلوة

عشان نفسى قام بجيكم بعدين للبقية

[نزار حسن علي]

الوجيه وفايت الناس قيافه
ابواماني
صباحك فل وياسمين
غايتو جماعة البعر ديل نعمل ليهم شنو شفته محنن الحريم ديل طفشوا بنت الناس من سودانيات عليك الله يا وجيه ديل مضمونات فكوها عكس الهواء وكان لصاحبنا الشغال لينا ده ده بياع ما عندو خوه قلت ليها فتشي خيتك طنشت ديل خوتن خوت لستك غايتو يا وجيه وجاهتك كاتلاهن حساده بس زي ما بقولوا المغاربة الله غالب
غيب وتعال
صباحك زي الورد عملته شنو البنيه ما لقيتيها لسه ولا طنشتي طبعا انتي اصلوا راح ليك الدرب في المويه شوفيها وين تكسبي فيها ثواب او لو عايزة تلقيها قول يا ابواماني تلحقني
نكته لربي
ادروب عسكرى قالو ليهو نديك شريطين تمشى دارفور قال والله لو اديتونى مسجل ما امشى .
ودقي يا مزيكة

[Nour]

ناس القهوة وصاحب القهوة صباح الخير, سارة بالغتي لكن في قصة البعر بس ما يكون حايعملوه للمقصود محاية.

[معتصم الطاهر]

حقو سارة تنزل باقى القصة فى المسابقة بتاعت شليل ..

[نزار حسن علي]

ابوالوجاهة والاناقة
ابواماني
نهارك سعاده وفرح
يا سيدي الجماعة خلاص تعبوا بس انته عارف صنفهم ما بقولوا كده عملوها بعر وغنم وكده شفته محنن الحريم ديل عافي منك يا وجيه فرقتقتهم تب واحدة الطرطشة ما فايتاها والتانية رايحه خرج ولم يعد والتالته ضاربه البرد والرابعة شتتنا ليها السكر غايتو شلتن راحت عشان يرجعوا تعايزين وقت طويل
ربي
ايامك ورد وزهور
قلنا ليكم اقتنعوا خلاص الوجيه ده لو ما قلتو يا ابواماني تلحقنا براكم بتقولوها في النهاية وبالله اوفي بوعدك فتشي خيتك دي شوفيها وين شفقتينا عليها لان الوجيه بسال منها بالله اتكرمي واسالي منها ما قلنا ليكم ما كان من الاول احسن اعترفوا فقط ما كان خشينا في فيلم هندي زي ده
مودتي بلا حدود

[نزار حسن علي]

سيد السعاده والفرح
نهارك عسل
الجماعة ديل خليهم ساكت في اجتماعات متواصلة عاملين زي القراصنة بتاعين الصومال
ربي
تحياتي وليك قصة حدثت في بص الحاج يوسف
قالوا واحد قاعد في البص وجنبو واحد واقف سكران كل مرة السكران يتلصق في القاعد قام القاعد قال ليهو ما تحترم نفسك امشي يا سكران قام السكران رد قال ليهو انا سكرتي دي بكرة بتفك لكن انته شناتك دي البفكها شنو
ودقي يا مزيكة

[أبو أماني]

[frame="1 70"]

المشاركة الأصلية كتبت بواسطة معتصم الطاهر

اتو القهوة دى لسه فاتحة لى نص الليل ..

بالليل دا ماشى وين ؟

[/frame]

عليك الله يا باش ماتحرمنا منك وتقعد تحندك فينا من بعبد بعيد .. تبقى لي زي صاحبي الجلكين ود مخير .. يوعدنا ويبخل بالصورة عليك الله جرو من دقنوسو الملآن ده وشرفونا اللتـنين وشوف تاني كان فضل في القهوة (كرسي) فاضي .. ياأخي والله بلاكم القهوة مسييييخة وبنها ممجر .. وكمان عندي عندك طلب عارفك وعارف تأثيرك (الإسفيري) على الجميع ممكن تبقي لينا واسطة خير وتّرجع لينا العزيزة AMAL للمنتدى عامة وللقهوة على وجه الخصوص أنا خائف أكون أخطاءت في حقها ولو بحسن نية .. أصلي عارف روحي كيوييس لساني بيقول وقلبي خالي من جنس غرض وعارف إني دايما بغلط بدون قصد مع الناس العندهم (معزّة) خاصة في قلبي وكمان لكل ناس سودانيات أقول لو حدث ذلك فلكم العتبى حتى ترضوا .. وسامحوني .. شكرن آ الحبيب..على قولة الحبيب أصلا..