خريجو جامعة أسيوط لمزيد من التواصل

[الجيلي عبد الله الريح]

المشاركة الأصلية كتبت بواسطة محمد ابراهيم قرض

سلام يغشاكم ..

أنا كنت في أسيوط
من 1900 الى 1905
ألقى منكم زول دفعتي ؟؟
شكرا

الى الاخ قرض ...مليون سلام ويا مرحبا ...
كنا في الجمعية الطبية نتمرن كل خميس في نادي الواي، في ذلك الملعب الصغير الذي يستخدم ايضا كملعب لكرة اليد، في واحد من التمارين لاحظت ان هناك مايشبه منصة حوض السباحة في ذلك الملعب، فقلت لي سيف اليزل :انت ياسيف الميدان ده كان حوض سباحة ? شايف المنصة ديه ؟ فما كان من سيف الا ان انفجر ضاحكا وقال لي: دقيقه بس....ثم صاح الى عبد المجيد الطريفي :يا بيجن ممكن تجاوب سؤال الجيلي ده ..؟
والآن اخونا قرض يسأل .. هل من معاصر لتلك الفترة وهل من كرجويلي ... او عازف اورج ..؟ واقول ليه بالحيل ... اخونا عصام عليش موجود .. واذا لم يكن هناك شاهدا فدائما مانجد في اسيوط الذكرى العطرة لاولئك الذين سبقونا ونحتوا اسمائهم في سجل اسيوط العامر ...وحتى بالبطانية...؟
اخي قرض يآآآآلف مرحب بك واملنا كبيرفي كم من الذكريات الجميلة واملي اكبر في عودة الاخ العزيز ابو عمر ...كيمو ...

[د.عصام الدين عليش]

المشاركة الأصلية كتبت بواسطة الجيلي عبد الله الريح

الى الاخ قرض ...مليون سلام ويا مرحبا ...
كنا في الجمعية الطبية نتمرن كل خميس في نادي الواي، في ذلك الملعب الصغير الذي يستخدم ايضا كملعب لكرة اليد، في واحد من التمارين لاحظت ان هناك مايشبه منصة حوض السباحة في ذلك الملعب، فقلت لي سيف اليزل :انت ياسيف الميدان ده كان حوض سباحة ? شايف المنصة ديه ؟ فما كان من سيف الا ان انفجر ضاحكا وقال لي: دقيقه بس....ثم صاح الى عبد المجيد الطريفي :يا بيجن ممكن تجاوب سؤال الجيلي ده ..؟
والآن اخونا قرض يسأل .. هل من معاصر لتلك الفترة وهل من كرجويلي ... او عازف اورج ..؟ واقول ليه بالحيل ... اخونا عصام عليش موجود .. واذا لم يكن هناك شاهدا فدائما مانجد في اسيوط الذكرى العطرة لاولئك الذين سبقونا ونحتوا اسمائهم في سجل اسيوط العامر ...وحتى بالبطانية...؟
اخي قرض يآآآآلف مرحب بك واملنا كبيرفي كم من الذكريات الجميلة واملي اكبر في عودة الاخ العزيز ابو عمر ...كيمو ...

[align=justify]الاخ العزيز الجيلي
السلام عليكم ورحمة الله وبركاته
نعم افتقدنا في البوست الاجيال الاولى ونحاول منذ فترة استدراج كل الاحبة في ذلك العهد للدخول في البوست نجحت في دخول احدهم الاخ امين سعد وانا متاكد من انه الان متابع البوست دخل معنا ولم يرجع واتمنى رجوعه مرة اخرى ورجوع باقي الزملاء القدامى الخطة السابقة للاستدراج التي قمت بها هي عرض الصور القديمة الابيض والاسود لكن هذه الصور لاتربط بين العهد القديم والعهد الحديث الذي يثري هذا البوست وسوف اقوم انشاء الله بعرض بعض الصور في اخر عهدنا ومنتصف عهدكم وبداية عهد شباب هذا البوست
لك الف تحية والى لقاء
[/align]

[د.عصام الدين عليش]

المشاركة الأصلية كتبت بواسطة محمد ابراهيم قرض

سلام يغشاكم ..

أنا كنت في أسيوط
من 1900 الى 1905
ألقى منكم زول دفعتي ؟؟
شكرا

[align=justify]اخى العزيز محمد ابراهيم
السلام وعليكم ورحمة الله وبركاته
مرحب بك انا من دفعتك وممكن اكون قبلك نحن من الدفع الغير مصنفة يعني الدفعة الي قبل البرنسات الي جات بعدها الاطباق الطائرة والرهائن والفدائيين والواعدين تقريياً انت من الدفعات الغير مصنفة ناس عمار وجعفر وعبد المجيد بيجن وقبلكم كان في ناس حسن برعي وكان معنا في طب صلاح كارجويل وقاسم برنابا الثائي الشهير راجع صور البوست السابقة تلقي ناس دفعتك.
اخي كيف حالك واين انت الان نرجوا ان نعرف المزيد من اخبارك واتمنى رجوعك للبوست تشجيعاً لبقية اولاد دفعتك للدخول في البوست حتى يتم التمازج بين كل الاجيال في هذا البوست
لك الف تحية اخى محمد والى لقاء
[/align]

[مكي محمد الحسن]

المشاركة الأصلية كتبت بواسطة مكي محمد الحسن

السلام عليكم يا صعايده
وأعتقد بأنه عضواً في هذا الموقع العامر انه:
د.محمد أبراهيم قرض ( بطانيه ) صيدلة أسيوط

[img][/img]

السلام عليكم يا صعايده

وكان اعتقادنا في عضويته علي هذا الموقع ( سودانيات ) صحيحاً

المشاركة الأصلية كتبت بواسطة محمد ابراهيم قرض

سلام يغشاكم ..

أنا كنت في أسيوط
من 1900 الى 1905
ألقى منكم زول دفعتي ؟؟
شكرا

د.محمد ابراهيم قرض تعرفت عليه من خلال بوست الاسايطة في سودانيز أون لاين وتحدثت معه عبر الهاتف العام الماضي عندما كان مغترباً بسلطنه عمان وهو الان يقيم بالخرطوم وأسرته ..كما ايضاً التقيه أحيانا عبر ( الهوت ميل ماسنجر ) له مني عاطر التحايا والدكتور الصيدلاني قرض مشاركاً فاعلاً في لقاءات الصعايده كما ذكر لي الاخ محمد الحافظ أحمد فضل الله وكان آخرها لقاءهم بالأخت زهور نوبي وحضور الباشمهندس أحمد أبوالقاسم وجراهام وتوفيق بيومي ( من الرعيل الأول ) كذلك حضر اللقاء سيد أحمد أبوشعر وزينب علوم ,احمد البرلوم (تجارة ) د.عصام كمتور وقد بلغ العدد 56 حسب ما جاء في رسالة الاخ حافظ.

[مكي محمد الحسن]

المشاركة الأصلية كتبت بواسطة صلاح الدين هجو النحاس

با مكى امشى للناس ديل وقول ليهم اظهرو الحكايه شنو يا دكتوره يا جميل شنو ماشيفنكم دى استراليا ولا سجن طنجه تحياتى لكم

السلام عليكم يا صعايده
الاخ صلاح الدين هجو
انا مقيم بكندا والاخوة جلال الجميل ( تجارة ) ود.ياسمين ( بيطرة ) يقيمان في أستراليا والفرق بيننا (14 ساعة في التوقيت ) أحد الاخوة الاصدقاء من يجاورهما في سيدني قال لي مازحاً في مسالة فرق التوقيت دي فهم يسبقوننا ب ( 14 ساعة ) :
يعني لما القيامة تقوم عندنا حا نجر ليكم سلك عشان تستعدوا!!!!
ان شاء الله سوف أسعي نحو جعلهما من الناشطين بين ظهرانينا

الاخ شبارقة

شكرا ً يا ميكي والتحايا عبرك للأخ جلال والدكتورة ... لكن بصراحة أنا ما إتعرفت عليهم .. يجوز الزمان كان غير الزمان ... حاول جيب لينا صور قديمة ليهم لأنو نحن ذاكرتنا مبرمجة على الإرشيف ومن الأمس وكده

لا أملك صورة قديمة لهما ولكن علي ما اعتقد هنالك صور نزلت سابقاً هنا من بينها صورة فيها الاخ جلال الجميل ...كما سبق لي وان انزلت صور لقاء الاسايطة في منزل الباشمهندس جوهر آدم الطاهر وهما من بين الحضور..والاخ جلال الجميل انت عاصرته في أسيوط لانه دفعتنا..

[مكي محمد الحسن]

المشاركة الأصلية كتبت بواسطة الجيلي عبد الله الريح

انتو عايزين تخوفوا الواعد المبدع ... ذو الصوت الشجئ القادم من دفء بري ليذوب جليد كندا ...?
ماتخاف ياميكي من اي جماعات ..
واصل كفاحك وامسك جيدا بالمايك ...
فانت قنبلة الموسم والمستقبل امامك كبير ...
واما المشككون فنحن في انتظارهم وكذلك الاسماك ...

د.الجيلي الريح
سلامات يا أخي طالت غيبتك وجيتنا بعدها بي مداخلاتك الثره
اها يا دوك شيخي ( كيشو ) ده فعلاً في ناس كتار شكله راح ليهم من الذاكرة
ولما ( صورته الكان خائف عليها ...) نزلت بواسطة الاخ شبارقة ..
الجماعة يا دوبك عرفوا ليه أطلقت عليه لقب ( شيخي ) ده مش أحسن كان أسميهوا ( طالبان )؟؟ أما مسألة ( الجماعات ال.....) دي فهي لا تنطبق عليه لانه راجل بحب ( البهجة )
وعشان تشجيعك لموهبتنا الغنائية الظهرت مؤخراً فلك مني عهداً أغني ليك في عرس ولدك ان شاء الله قول آمين.

[arbab]

الاسايطة سلام
الكل تحياتى .. انت عارف ياكيشو انا تاملت صورتك (الخائف منها)بزاوية غير زاوية اخونا اسامة الكاشف ( ماشايق اسامة ابو شيبه علق على الصورة) فالوجه لسع شباب ومابانت عليه اى نوع من انواع التجاعيد او الكرفسات........
د الجيلى اين ركرك اخر مرة قابلته كان فى احد صيدليات كوينز(زى كيشو فى المظهر الخارجى) قبل 4-5 سنوات وتانى ماقابلته....
الاجازات قربت نداء للمغتربين اى زول جاى السودان يخظرنا فى البوست بس من اجل التحيات

[arbab]

تانى سلام
مكى تحياتى لك وعبر مداخلتك بخصوص ود الحافظ ... اضيف انو ود الحافظ وصلاح هجو وعمر مرزوق صراحة حركة ونشاط ورغبة حقيقية فى جمع الشمل دون كلل ولازهج مع علمى التام بمعاناتهم فى عمل تنسيق اللمات رغم ادعاءاتنا ( فاكنها فى نفسنا) بكثرة المشغوليات والواحد مالاقى وقت والكلام المستهلك....
بمناسبة عدم وجود زمن فى واحد قاعد فى البلد ما عند شغل سوى يمشى يقلب ابقة موية فى النخيل ( الموروث) ويجى .. الجماعة سالوه وينك يافلان ماك ظاهر ... قاليهم والله مشغول شديد فاقة اطلقبها المراة (معزرة اختنا حليمة) ماعندى....

[كيشو]

المشاركة الأصلية كتبت بواسطة مكي محمد الحسن

د.الجيلي الريح
سلامات يا أخي طالت غيبتك وجيتنا بعدها بي مداخلاتك الثره
اها يا دوك شيخي ( كيشو ) ده فعلاً في ناس كتار شكله راح ليهم من الذاكرة
ولما ( صورته الكان خائف عليها ...) نزلت بواسطة الاخ شبارقة ..
الجماعة يا دوبك عرفوا ليه أطلقت عليه لقب ( شيخي ) ده مش أحسن كان أسميهوا ( طالبان )؟؟ أما مسألة ( الجماعات ال.....) دي فهي لا تنطبق عليه لانه راجل بحب ( البهجة )
وعشان تشجيعك لموهبتنا الغنائية الظهرت مؤخراً فلك مني عهداً أغني ليك في عرس ولدك ان شاء الله قول آمين.

أنحنا البهجة جوانا ما بنفتش ليها ولا بسكّونا عشانا
بعدين يا ميكي ود الجيلي قول كدا بعرس بعد 15 سنة وانت وقتها حتكون آخر خرف، وأغانيك ما مواكبة
ياخي واحد في القرن الواحد وعشرين يغني بدلتي الكحلية ومن فراق تومي الفراقو قاسي عليّ؟، وكمان معاها خراب في العقيدة (فوقك النبي) دا بالإضافة لي إنو ناس كندا البتغني ليهم ديل ما بعرفو كلام من شاكلة يا (وليد الناس) ناسكم يا حبيبي البني آدم يسقط من ورقة الأسرة عند سن الـ 18

[Wad Elbeck]

المشاركة الأصلية كتبت بواسطة كيشو

لقيت فرصتك يا أسامة
ويا شبارقة أنا لو مكانك حأتمسك بإنو الفي الصورة ود البيك ( ما كتار البينسو نفسم)
وبعدين الجماعة ديل من زراعة، ومن مدني وممكن يتآمروا عليك، ولو كانوا بريئين خليهم يورونا الفي الصورة دا منو؟

والله يا كيشو برغم قناعتى التامه بأنك ملك متوّج للنقه والغلاط، لكن أول مره أشوف لى زول بغالط لى واحد فى نفسه!! ومتأكد لو دخلت معاك فى غلاط حتقنعنى إنو الزول الفى الصورة ديك أنا وإنو كان عندى بدله خضراء بالرغم من إنو بدلتى الفرمالة كان لونها رمادى..

مبنى كلية زراعة - عام 1982 (برالمه)

[arbab]

الاسايطة تحياتى
ياجماعة د محمد (قرض ) لو ماكتبو اسمو البيتشابه ليهم البقر ممكن يقولو الراجل عمر الازرق(شبه شديد)....
كيشو ابعد من اولاد مدنى .. زمان كنا عندنا اعتقاد جازم انو ناس مدنى تفتيحه فى كل شى.. والفن والكورة والسياسة كانت موشرات قوية لترسيخ تلكم الاعتقادات..
ياسلام عليك ياودالبيك وانت تقدل مع الرجل الخلوق المهذب متعدد المواهب.. كنا فى رحلة الى الوادى الجديد واذا بالنعدليب ولد الموردة عمار يصدح بصوت فيه كثير من الطرب وسط الزهور متصور.. ولو احترف الغناء لاجاد فيه لك وله كثير من السلام
د الجيلى الظاهر انا لخبطته ركرك ده فى بيطره انا قاصد امين فريجون

[أسامة الكاشف]

العزيز عادل جعفر

طبعاً أولاد مدني تفتيحة ونص وخمسة
بعدين الشبارقة دي ما بعيدة مننا والقضارف فركة كعب
(ده زر للرماد في العيون وكده تحاشياً للمداخلات النارية

تحيات نواضر للفنان "كفر ووتر" عمار عباس

[Wad Elbeck]

المشاركة الأصلية كتبت بواسطة كيشو

يا زاهر
ما يكون دا واحد من مقالبك الشهيرة
الليلة ود الكاشف وود البك وأولاد كتيرين راحو فيها
يا شبارقة أديني البياض أهو دا ود البك نسى نفسو
وسلم لي على مجذوب أونسة

والله يا كيشو لو بالجد مصدق "المكنة" بتاعت زاهر دى تكون فعلاً أُصبت بداء " حَوََل الذاكرة" وإلتحاس فى البُعد لبؤرى بتاعك
لا حول ولا قوة إلابالله...كلُ أول ليهو آخر..

[أسامة الكاشف]

تعرف يا ود البك ما تخدعك الصورة الوجيهة ديك
في ناس اللحسة بتخليهم حلوين
وفي ناس اللحسة بتعمل ليهم تساقط شعر (اسأل منتصر"

[عمر محمد عود]

سلام لجميع الأسايطة و للأخوان دكتور الجيلي و دكتور عصام و مرحب بالأخ حافظ في الموقع وده زي ما بيقول أخونا الشاذلي أنو نحن هنا موجودين