الى مسااااااافرة...!!!

[wadosman]

[align=center]الى مسااافرة
كلمات الشاعر عثمان خالد
الحاان وغناء الفنان حمد الريح [/align]

[align=center]يا قلبى يا مكتول كمد
أعصر دموع ....هاك غنوة لى سيد البلد.....يحليلو
حليلو قال سايب البلد...يحليلو
حليلو كيفن يبتعد
كيفن نسيبو يروح بعيد
فى رحلة مجهولة الأمد
ياحليلو
كل العمر كان لحظة واحدةنشوفو والشوق يستجيب
نسكر نغيب
نسكر نغيب ..من لطفوا..من دلو الحبيب
من لونو زى كرز المغيب
الراقى محلو السمر
دى شفايفو زى ياقوت ندر
من شكلو زى نص القمر
مبتل مثير
مبتل مثير ....مخلوق اشان أحلى الزهور
وأشواقنا تتعطر تطير..من نفحة من مجرى العبير
من لمسة جيدو النضير
من لفظة من ثغر المثير
الفيهو أيام السمر
بيهو القلوب كم تأتمر لو مرة سيد الناس أمر
بنظرة بتدوب حجر ...لى بسمة بتضوى العمر
يا حليلووووو
حليلو قال ناوى السفر ...كيف الوداع لامن يحين وقت السفر
أهديك زهور ...حاشاى انا وانت ندى الزهر
أهديك حروف...يا اجمل احرف فى الدهر
اهديك حنان..ما قلبى عندك من زمان...وأنا راجى عطفك منتظر
أهدييك حروف...ما قالا زول و ما أظن يقولا وراى بشر
اهديك عيونى...فى الدنيا اشان استريح..الدنيا بعدك مابتسر....يا حليلو[/align]

[align=center][media]http://scotland.indymedia.org/usermedia/audio/1/abuosman1.wma[/media][/align]
[align=center]لينك الحفظ[/align]

[Garcia]

يا الله علييييييك يا ودعثمان ياذوق اختيار فى الصميم ..
دعنا نسرح فى عوالم عثمان خالد الرحبة ......
ونعصر دموع والم لفراق عثمان خالد مبكرا ... ويا حليلو ...
الدنيا حقيقة بعده لا تسر ... فليرحمه المولى بقدر ما امتعنا من قصائد بديعة ...
الم اقل انه مكتبتك تجمع الدرر النادرة .. لك كل الشكر بلاحدود لهذه الروعة ...

[wadosman]

المشاركة الأصلية كتبت بواسطة Garcia

يا الله علييييييك يا ودعثمان ياذوق اختيار فى الصميم ..
دعنا نسرح فى عوالم عثمان خالد الرحبة ......
ونعصر دموع والم لفراق عثمان خالد مبكرا ... ويا حليلو ...
الدنيا حقيقة بعده لا تسر ... فليرحمه المولى بقدر ما امتعنا من قصائد بديعة ...
الم اقل انه مكتبتك تجمع الدرر النادرة .. لك كل الشكر بلاحدود لهذه الروعة ...

[align=right]الاخ المرهف جارسيا..
مرحبا بك و انت الحاضر دايما فى دوحة الغناء الجميل..
الشاعر المبدع والمرهف عثمان خالد ... صاحب اشعار بديعة وكلمات عذبة ..
وقد كان الراحل ذو ذوق رفيع وحس مرهف ويبدو هذا جليا فى قصائده
التى يفيض منهاالحنان و الشجن ..
لقد كتب الراحل عدد كبير من القصائد... ولقد تغنى له عدد كبير من
الفنانين ومنهم على سبيل المثال :
محمد مرغنى / عبدالعزيز المبارك/ حمد الريح/ البلابل/صلاح بن البادية
بعض من قصائده و اغنياته:
بتقولى لا / عبد العزيز المبارك
الى مسافرة / حمد الريح
ننساك / ( رحلة عيون ) - صلاح بن البادية
سلافة الفن / البلابل
سمحة الصيدة / محمد مرغنى
المغفرة و الرحمة للشاااعر عثمان خالد ..الذى ستبقى ذكراه واشعاره باقية على مر الزمن ...

و تسلم الاخ الرائع جارسيا على المرور الراقى و الانيق.....[/align]

[Garcia]

ودعثمان تحية عطرة
الشاعر الراحل المقيم / عثمان خالد جمعتنا عشرة عمر طويلة ..
انزلت عدة مواضيع عنه فى المنتدى القديم ...
وقد كان الراحل ذو ذوق رفيع وحس مرهف ويبدو هذا جليا فى
قصائده التى يفيض منهاالحنان و الشجن .. وكان رحيله فاجعة للكبير
قبل الصغير وقدكان رحمه الله حلو المعشرودمث الاخلاق نعم الجار
والاب والاخ والصديق ومحبوبا من جميع اهل الحى الصغير قبل الكبير..
وقد كنت اسكن فى نفس الشارع الذى يقطنه الراحل ...
( حى الشيخ الجعلى - الملاصق لحى القلعة - بامدرمان ) .
وكان ذو شخصية مرحة ومحبوب من جميع سكان الحى ..
وله ثقافة عالية جدا, وفى نفس الوقت انسان لايخشى كلمة الحق فكان
ينتقد النظام فى اى حديث ويسمع رايه لشرازمة الامن عاليا ...
وتحية من هنا لاسرته الكريمة .. وخاصة للاخ والصديق د. خالد عثمان خالد ..
رحم الله عثمان خالد .. وستبقى ذكراك واشعارك باقية على مر الزمن ...

[wadosman]

المشاركة الأصلية كتبت بواسطة Garcia

ودعثمان تحية عطرة
الشاعر الراحل المقيم / عثمان خالد جمعتنا عشرة عمر طويلة ..
انزلت عدة مواضيع عنه فى المنتدى القديم ...
وقد كان الراحل ذو ذوق رفيع وحس مرهف ويبدو هذا جليا فى
قصائده التى يفيض منهاالحنان و الشجن .. وكان رحيله فاجعة للكبير
قبل الصغير وقدكان رحمه الله حلو المعشرودمث الاخلاق نعم الجار
والاب والاخ والصديق ومحبوبا من جميع اهل الحى الصغير قبل الكبير..
وقد كنت اسكن فى نفس الشارع الذى يقطنه الراحل ...
( حى الشيخ الجعلى - الملاصق لحى القلعة - بامدرمان ) .
وكان ذو شخصية مرحة ومحبوب من جميع سكان الحى ..
وله ثقافة عالية جدا, وفى نفس الوقت انسان لايخشى كلمة الحق فكان
ينتقد النظام فى اى حديث ويسمع رايه لشرازمة الامن عاليا ...
وتحية من هنا لاسرته الكريمة .. وخاصة للاخ والصديق د. خالد عثمان خالد ..
رحم الله عثمان خالد .. وستبقى ذكراك واشعارك باقية على مر الزمن ...

[align=right]شكرا الاخ جارسيا عن هذه المعلوماات الوافية عن الشاعر الراحل
انا شخصيا لا اعرفه معرفة شخصية لكن سمعت عنه الكثير
من الزملاء الذين يعرفونه جيدا وعاصروهو ببنك الخرطوم
بالمناسبة اغنية الى مسافرة قصيدة طويلة.. ولقد قدم الفناان حمد
الريح جزء يسير... انا املك تسجيل اخر لهذه الاغنية بكلماات
تختلف تماما من الاغنية الحالية....
شكرا للاضافة الاخ جارسيا.. وسوف احاول مراجعة البوستات القديمة
لمعرفة المزيد عن هذا الشاااعر..
تحيااااات................[/align]

[Abu Bashar]

ألف شكرا أن أتيت بإلى مسافرة .. ومعها ذكريات موغلة .. و موجعة ...
وهاهو المعايش الآخر غارسيــا ... ينفعل .. و تنغل الذكريات في شرايينه !!!
تمنيت أن اشركك وغارسيا .. و جميع الأحباب في منتدانا هذا .. بآخر تسجيل لمجموعة من أغنيات الراحل عثمان خالد في مهرجان أقيم بمناسبة ذكرى وفاته في أغسطس الفائت 2005 م في مسقط رأسه مدينة بارا .. و كنت أحدالمشاركين فيه مع إبنه الرائع د. خالد .. ولكنى ما زلت عند وعدى لك أخي الحبيب غارسيا ...

تحايا عطرات

[Garcia]

الاخ العزيز ابوبشار
تحيات نواضر وحمدالله انه حسابك اشتغل .... وهاهو ودعثمان يهيج ذكريات جميلة وموجعة فى آن واحد ..
ونتمنى ان تكتب لنا عن تلك الاحتفالية ... اضافة لانزال قصائد من دواوينه ...
ولك كل الود والتقدير ...

[wadosman]

المشاركة الأصلية كتبت بواسطة Abu Bashar

ألف شكرا أن أتيت بإلى مسافرة .. ومعها ذكريات موغلة .. و موجعة ...
وهاهو المعايش الآخر غارسيــا ... ينفعل .. و تنغل الذكريات في شرايينه !!!
تمنيت أن اشركك وغارسيا .. و جميع الأحباب في منتدانا هذا .. بآخر تسجيل لمجموعة من أغنيات الراحل عثمان خالد في مهرجان أقيم بمناسبة ذكرى وفاته في أغسطس الفائت 2005 م في مسقط رأسه مدينة بارا .. و كنت أحدالمشاركين فيه مع إبنه الرائع د. خالد .. ولكنى ما زلت عند وعدى لك أخي الحبيب غارسيا ...

تحايا عطرات

[align=right]الاخ ابوبشار..
لك التحية وانت تشارك بالحضور فى الى مسااافرة
و فعلا كان الغرض من هذه الاغنية هو تسليط الضوء
على الشااعر الرقيق عثمان خالد و لقد كانت ضربة
البداية عن طريق الاخ جارسيا بانزاله لاغنية بتقولى لا
و حقيقة هناك الكثير من الاغانى الجميلة التى كتبها هذا
الشااعر..
و نحن فى انتظااار تسجيلك لمجموعة اغنيات الراحل
عثمان خالد فى المهرجان الذى اقيم بمناسبة ذكرى وفاته
كل الود...[/align]

[Garcia]

[frame="1 80"]الله يا احلى البنات ..
عثمان خالد


الله يا احلى البنات
لو كان لقيت سر الغنا
كان طرت عانقت الخيال
حلقت عبر الأزمنة
وقلت الخيال يصبح حقيقة
ونهدي ليك خاتم المنى
شان تسرحي وتتخيلي
وتتوهي في بحور الخيال
تتمني فيها وتسألي
ويتم ليك كل المنى
****
تستاهلي العرش البشيل
حسنك يطوف بيك العصور تستاهلي
ويمر بيك عبر الزمان
شان تمرحي وتتخيلي
كيفن تجيك ليلى بتغير
يبين عليها وينجلي
وكيفن تجيك الغيث ترش
دربك ورود لو تقبلي
ويطل جميل وكتير يقولوا
بيوت شعر مرهف طلي
وتمري بي عهد الرشيد
ويغني ليك الموصلي
*****
تستاهلي لو ردتي من قلبي القمر
باقات أساور أو حلي
أو حتى من كل النجوم
عنقود مبهرج ومنطلي
كان خف لي لقاك القمر
منصات وقال ليك أسألي
وكان حفو دنياك النجوم
إتباكوا ليك شان تعزلي
وأنا في هواك يا ست هواي
لليلة دايب في الغنا
*****
شفتيني كيف حاضن هواك
غيران عليك من كم سنة
شفتيني كيف ساعة الوداع
أنا كنت دمعة محننة
والليلة يا نعمة حياتي
بذوب حنان وبذوب منى
والليلة عايش أمنيات
يا حليلة لو كان ممكنة
أحكيك حروف أشواقي ليك
وأسمع حروفك وأحضنا[/frame]

اهداء لكل من ودعثمان وبشار ... ولكل عشاق ومحبى اشعار عثمان خالد ...

[wadosman]

المشاركة الأصلية كتبت بواسطة Garcia

[frame="1 80"]الله يا احلى البنات ..
عثمان خالد


الله يا احلى البنات
لو كان لقيت سر الغنا
كان طرت عانقت الخيال
حلقت عبر الأزمنة
وقلت الخيال يصبح حقيقة
ونهدي ليك خاتم المنى
شان تسرحي وتتخيلي
وتتوهي في بحور الخيال
تتمني فيها وتسألي
ويتم ليك كل المنى
****
تستاهلي العرش البشيل
حسنك يطوف بيك العصور تستاهلي
ويمر بيك عبر الزمان
شان تمرحي وتتخيلي
كيفن تجيك ليلى بتغير
يبين عليها وينجلي
وكيفن تجيك الغيث ترش
دربك ورود لو تقبلي
ويطل جميل وكتير يقولوا
بيوت شعر مرهف طلي
وتمري بي عهد الرشيد
ويغني ليك الموصلي
*****
تستاهلي لو ردتي من قلبي القمر
باقات أساور أو حلي
أو حتى من كل النجوم
عنقود مبهرج ومنطلي
كان خف لي لقاك القمر
منصات وقال ليك أسألي
وكان حفو دنياك النجوم
إتباكوا ليك شان تعزلي
وأنا في هواك يا ست هواي
لليلة دايب في الغنا
*****
شفتيني كيف حاضن هواك
غيران عليك من كم سنة
شفتيني كيف ساعة الوداع
أنا كنت دمعة محننة
والليلة يا نعمة حياتي
بذوب حنان وبذوب منى
والليلة عايش أمنيات
يا حليلة لو كان ممكنة
أحكيك حروف أشواقي ليك
وأسمع حروفك وأحضنا[/frame]

اهداء لكل من ودعثمان وبشار ... ولكل عشاق ومحبى اشعار عثمان خالد ...

[align=right]التحية لك الاخ جارسيا وانت تنثر هنا
ابداعاات الراحل عثمان خالد...
تسلم يا رائع... وشكرا على القصيدة الجميلة[/align]