منديل حرير !!! النور يوسف
قيامة دولة المتحولون الانسانية !!! أسعد
خِلِّي العيش حرام - عبر الأجيال !!! أشرف السر
آخر 5 مواضيع إضغط علي او لمشاركة اصدقائك! سودانيات .. تواصل ومحبة > منتـديات سودانيات > منتـــــــــدى الحـــــوار بنهديك المشاعر وتخون الأمانه اسم العضو حفظ البيانات؟ كلمة المرور التعليمـــات مركز رفع الملفات مشاركات اليوم البحث البحث في المنتدى عرض المواضيع عرض المشاركات بحث بالكلمة الدلالية البحث المتقدم الذهاب إلى الصفحة... صفحة 2 من 3 < 1 2 3 > أدوات الموضوع انواع عرض الموضوع 30-12-2007, 11:54 AM #[16] الفاتح :: كــاتب نشــط:: - صباح الخير ولدابوك (كان المتحدث أبو علب ومعه نيال دينق) - صباح النور - أصبحتو طيبين! - الحمد لله - يلا قوموا إتحركوا عربية الإداره وصلت , أنا كلًمت برخت حينتظركم... .... ولدابوك دقيقه بللاي. - ..... - جيبك كيف - بدا يسخًن والله - معليش ما عندي حاجه أرقعك بيها, لكن بعد ما تتطمن على بت أبوك جهًز القوقو بتاعك دار نرفع" كاريستي" في بير دهب قالوا راشًه.. كويس!! أنا بعدين بجي المعسكر بوريك الحاصل شنو. جاو - Caio الله والرسول **** - كيف أصبحتو؟ - كويسين والله - أسمعي قبل ما نتحرك على الإداره داير البيانات الكامله بتاعتك يمكن ألقى لي زول مسافر أرسل ال case للخواجيه **** - كمي حدركا ( صباح الخير) - دحن حوًي.. إزي من ( تمام آاخوي.. دي منو؟) - سوداناويه وإنطلقت السياره مخلًفة ورائها كمًا هائلاً من الغبار, وكنت أخلًف أسئلتي بعيداً لتخلفني فوضاي ثانية. وها قد وصلنا. - هيه الفتح.. معاذ مسًيخا.. إزي من ( جيت بتين يا الفاتح.. ودي منو المعاك دي) - محمد نور أللخم ( محمد نور موجود!) - وا ( نعم) الفاتح مشاهدة ملفه الشخصي إرسال رسالة خاصة إلى الفاتح البحث عن المشاركات التي كتبها الفاتح 30-12-2007, 01:02 PM #[17] عكــود Administrator اقتباس: المشكلة إني - بكتب على الهواء مباشرة- ما أعديت المادًه دي ويمكن تلاحظ إختلاف اللغة في كل مرًه بكتب فيها.. دي ما بيسموها مشكلة يا المبروك . . دي بيسمّوها موهبة فذّة الله يحفظك ويغطّيك. التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو. عكــود مشاهدة ملفه الشخصي إرسال رسالة خاصة إلى عكــود البحث عن المشاركات التي كتبها عكــود 31-12-2007, 08:58 AM #[18] الفاتح :: كــاتب نشــط:: حاول أن يبدو لطيفاً أثناء إستجوابه لمشاعر تحدث عن العلاقات السودانية الإريترية بلغة مهترئة ولا تخلو من كونها مرتجله.. سألني إن كان ثمة معرفة من قبل فأجبت بأنها من بلدياتي وإنني أعرف أهلها وإخوتها.. - يعني ممكن تتزوجا.. وبعدين ممكن تسافرو سريع - !!! - ما شايف أخوانك في أسمرا ! في كم أسره سافرت! - أسمع مع إحترامي ليك.. إنت دايرني أتاجر بالقضية دي والا شنو !! بعدين الكلام ده سابق لأوانو كل واحد عندو قسمتو.. عموماً ..شكراً ليك على كلامك الطيب..لكن كدي باللاي رتب لينا موضوع أختنا دي - مافي مشكله.. شوف إذا في طريقه تقعد مع ناس حسنين والا مكي. - في تعيينات ليهم !! ( مواد غذائية : دقيق, سكر, ملح) - مافي.. إنت عارف إجراءاتم ما إكتملت. - الله كريم .. بتتباصر. بكل ما أوتي لي من قوة تعاملت مع هذه ال " بتتباصر".. الريال الإريتري يمد لسانه ساخراً عند مدخل المعسكر.. وشخبط على حائط بؤسنا " حضرنا ولم نجدكم " أبو القدح يشد الرحال بعيداً مخلفاً قدحه لجيوش الجياع.. الرفاق يلعبون القمار بالبطاطس.. ولد أبوك يتوسد حلمه بأن تصطدم سيخته بكيلو ذهب.. كنت بين الحين والآخر أظفر ب لحوم " أبوعشوم, أبونضلاف, أبشوك" حين كان أبو النوم يظفر بي.. كنت أدعي إنتمائها للضأن حتى تستوعبها معدتهم بيد أنني لم أتحرفن أمام متطلبات الطفل : علبة لبن.. دواء.. هدوم.. إلخ. كانت تجلس بوضعية آه ونص تغسل ملابسها وطفلها , وكانت هنالك بروه miss call تقبع بهدوء على تل الملابس.. تنظر بحنو إلى هذه البروه وتسرق النظرات لي من وقت لآخر. مرًنت عضلاتي ب دعك الهدوم وحلقومي بهذا الحوار الذي أعددته من قبل: - مشاعر!.. في موضوع دار أقولو ليك لكن خايفك تفهميني غلط! - في شنو - إنت شايفه هنا الحاصل شنو.. الناس دي كلها مفلًسه وفي متطلبات لازم الواحد يغطيها, الحاصل إنو حآخد لي خفسه كم يوم إشتغل في الدهب وأنا واثق بإنو حأطلع بقروش تمشينا باقي الشهر, ما تقلقي .. ما قاعده براك أخوانك في.. وصيت ليك عم عبد الرحمن ورحب بالفكره " في مقام بنتي" فما تقلقي , كل الدايرو منك تخلي بالك من روحك, تتغطو كويس , ما تتحاومو في الليل في سكارى غالبيتم عساكر مسلحين , وكلها يومين تلاته وبرجع ليك.. خلاص! نهضت , حاولت أن تحضنني ف كشحت طشت الغسيل. - يتبع- الفاتح مشاهدة ملفه الشخصي إرسال رسالة خاصة إلى الفاتح البحث عن المشاركات التي كتبها الفاتح 01-01-2008, 10:11 AM #[19] الفاتح :: كــاتب نشــط:: كل سنه وإنتو طيبين.. نواصل: اللعنه..هذا الحمار المكادي يحمل أسفاره بإيقاع متزن.. نسير قرابة الخمس ساعات ولم يسقط متاعه أو..* الجركانات الفارغه تصطدم ببعضها لتصدر إيقاعاً يتماشى وجلبة السيخ والسمبك. الخيران تتجاوز حضورك الذهني في أن تحصيها , بل أبعد من ذلك إذ تتجاوز تباهيك بلياقتك إن لم يسقط متاع تصنًعك الجلد والصبر. الزمزميات بدأت تصدر صفيراً حاداً.. ومع السراب تتمدد مسارب الروح , ويطل رؤاي , وإصبح بعيد.. بعيد.. بعيد. وماذا إن لم أوفق! بدأت أدرس كل الخيارات.. لا عليك ..كمائن الجير والطوب تفي لأن أنفخ جيبي ثانية.. لكنني إلتزمت بأن أعود قبل إسبوع , طمأنت نفسي بأنه من المحال أن أخفق .هذه المنطقه راشًه دهب صاح. - ولد أبوك بتفكر وين, وصلنا.. وششش بدت المنطقه كمن كانت مرتعاً خصباً لمراح أبونضلاف, حلت عليها لعنة الحفر, بل أن بعضها " هبرك" داكاً بداخله تطلعات الرفاق البريئة بأن يصبحوا أثرياء بين يوم وليلة. أشار لنا أحد قدماء رفاق التايات بالبير المتهمه وتكهن بأن سر الدهب سيكون بذلك الإتجاه. - كيف ياولد أبوك نداوس طوًالي - جيج جاب! " جيش شعب: ويشار بها إلى الجيش الشعبي في صلابته ومنعته. - جيج جاب. " إيذاناً بأن التيم جاهز" يقتضي الوصول لمستر/ دهب بإتباع الآتي: أن تحفر رأسياً لمسافة تختلف من مكان إلى آخر على حسب تواجد القريره – وهي طبقات رقيقة مترادفه من الصخور الخضراء- وينبغي أن تنتبه قبيل وصولك إياها وذلك لإختلاف طبيعة التراب ذلك أن الدهب يتواجد فوقها على مسافه شبر , ولك كامل الحرية في أن تتشكك في تغيير التراب وأن يغسلها زميلك بصحن خارج البئر. ووقتما أشار عليك زميل الصحن بوجود إشاره ( جوج: ذرات ذهب/ أو حجاره: كتل من الذهب) هنا يأتي دور السيخ لتنخًس في كافة الإتجاهات, وبالتنسيق مع زميل الصحن تعرف أي إتجاه داخل البئر راشًي حينها تتجه عمودياً إلى أن تمل, أو تكتفي ,أو تسقط عليك البئر!. ويتباهى الجميع بأنهم لا يخرجون ترابهم بالقفه بل يقذفونها بواسطه الكوريك غض النظر عن عمق البئر ثلاثة أمتار أم إثنتي عشر- حيث كان ذلك نصيبنا-. لذا فولد أبوك لم يغن هذه المرًه: بنيًه مالكي.. زعلانه مالكي. بل هذا ال moral الجماعي والذي يزيد من همًتنا: - قوات كبير.. قوات كبير جوكم - جايي ليك سوا - الليله - سوا - وبكره - سوا - وبعدو - سوا - ياجيش سودان - جوبا جوبا جوبا - جوبا يا توريت.. الدوشكا ولًع - عمر بشير إتشلع - الدانه ولًع - عمر بشير إتشلًع - ولًع ولًع ولًع.. وي ييي - يي. وهكذا في متواليه لا تتخللها سوى بعض الإعتقاد ب كشح كأس من الجن في البئر حتى ننال رضا السيد الجن ويدلنا على سر الدهب !. ـــــــــــــــــــــــــــــــــــــــــــ * مفرده لها رائحة سيئة. الفاتح مشاهدة ملفه الشخصي إرسال رسالة خاصة إلى الفاتح البحث عن المشاركات التي كتبها الفاتح 05-01-2008, 08:56 AM #[20] الفاتح :: كــاتب نشــط:: تصحى المدينه وتقوم تستحمً وتولًع سيجاره تسخًن تدخًن بشاي الصباح وحق الملاح وسيد الجزاره. بعد أن إجتررنا أغنياتنا مراراً وتكراراً قيًل معنا السيد سانتا كلوز لبضعة أيام. علت ضحًاكاتنا , ونمت في جضومنا بعض الوجنات. جفً جمًام الأخبار التي بالكاد تجيئنا متقطعة من المعسكر. تحسست وجناتي فوجدتها بخير. - شباب..أنا رافع.. أبقو عشره على روحكم ما تطمعو كتير. - بالسلامه ياولد أبوك كان في حاجه جديده بنرسل ليك زول.. وورينا كان في خبر من الخواجيه. - أي وصيًه تانيه !.... جاو - جاو الله والرسول. هذه المرًه بدت معالم الطريق أكثر وضوحاً, أستطيع أن أحصي خطواتي. بعد أن تتلاشى هذه الخيران سأتسوق قليلاً , بدأت أسرج خيل تأملاتي.. ما الذي تحتاجينه أيتها المشاعر " فرشاة أسنان, لبن, لحمه, صابون, إلخ" !! يعوزك الكثير.. نفقت إستنتاجاتي وبدأت في إعادة صياغة هذا التساؤل: ما الذي نحتاجه ؟ ذلك لمسئوليتي تجاهها , هذه المشاعر تحتاج لأن ترتب غرفة مشاعرها لتستقبل هذا الضيف الثقيل.. عبء الحياة. بدأت معالم واجباتي تجاهها تتضح, وكذلك معالم هايكوتا . إمتلاً قوقوي بما جادت به بعض الأرفف, وببعض الأمنيات الطيبة, وشوية مشاعر. فركبت الشارع. - يتبع- التعديل الأخير تم بواسطة الفاتح ; 07-06-2009 الساعة 08:53 AM. الفاتح مشاهدة ملفه الشخصي إرسال رسالة خاصة إلى الفاتح البحث عن المشاركات التي كتبها الفاتح 05-01-2008, 09:08 AM #[21] معتصم الطاهر :: كــاتب نشــط:: [ الريال الإريتري يمد لسانه ساخراً عند مدخل المعسكر.. وشخبط على حائط بؤسنا " حضرنا ولم نجدكم " أبو القدح يشد الرحال بعيداً مخلفاً قدحه لجيوش الجياع.. الرفاق يلعبون القمار بالبطاطس.. ولد أبوك يتوسد حلمه بأن تصطدم سيخته بكيلو ذهب.. كنت بين الحين والآخر أظفر ب لحوم " أبوعشوم, أبونضلاف, أبشوك" حين كان أبو النوم يظفر بي.. كنت أدعي إنتمائها للضأن حتى تستوعبها معدتهم بيد أنني لم أتحرفن أمام متطلبات الطفل : علبة لبن.. دواء.. هدوم.. إلخ. - يتبع-[/QUOTE] وبرضو فيها يتبع ..!!! التوقيع: أنــــا صف الحبايب فيك ..و كـــــــــــل العاشقين خلفي معتصم الطاهر مشاهدة ملفه الشخصي إرسال رسالة خاصة إلى معتصم الطاهر البحث عن المشاركات التي كتبها معتصم الطاهر 05-01-2008, 07:49 PM #[22] omrashid :: كــاتب نشــط:: والله متابعين omrashid مشاهدة ملفه الشخصي إرسال رسالة خاصة إلى omrashid البحث عن المشاركات التي كتبها omrashid 06-01-2008, 09:50 AM #[23] الفاتح :: كــاتب نشــط:: هندسه , أم راشد.. طابت أوقاتكما.. نواصل: بدا لي المعسكر يغط في سكون موحش , حتى إنني لم أسمع هرج الرفاق وهم يلعبون الورق , دلفت إلى قطيتي, وقبل أن أضع قوقوي, وجدتهم ينتعلون هذه الأغنية " بنهديك المشاعر وتخون الأمانه" - أبشر.. أبشر بدا لي أنهم يهظرون فتصنًعت عدم الجدية , إلا أن إصرار أحدهم أن يغنيها بشكل حاد ورديء هو ما حدا بقرنا إستشعاري أن ينتصبا. - أها.. البت دي كيف؟ - .............. - إنشاء الله خير! - والله قبل يومين جا محمد نور وسأل منها , قال حيوديها لل immigration بتاع تسني عشان يعملو ليها إجراءات الدخول , وما جات راجعه - كيف الكلام ده ؟عبد الرحمن وينو؟ مشا معاها؟ واللاي الليله أطلًع... تملكني الغضب , ولم ترق لي فكرة "ألعن إبليس". - الحصل شنو يا عبد الرحمن! - حمد الله على السلامه ياخ قول السلام وعليكم الأول. - .............. - أول البارح حدًثني حسنين إنو البت دي داير يسوقا محمد نور لتسني عشان يعملوليها إجراءات الدخول , ووالله العظيم بعت الميز بتاعي عشان إتحرًك معاها , محمًد نور رطن مع بتاع المكتب ده فتره طويله وبعد داك طلع خلانا, مدير المكتب طبعا تعرفو حسن مقريشن ما خلاني أقعد معاها, أها قعدت ربع ساعه برًه أسمعلك البت تبكي, حاولت أخش أدًوني عكازين فوق راسي ما إحترمو شيبتي... بعد فتره جات طالعه دايرين يركبوها عربيه زاغت منهم ومسكت في جلابيتي.. دقونا الإتنين.. جيت راجع, ده كل الحاصل. *** - هيه.. محمد نور اللو. - إندعي. لم أجد ذلك التافه. *** ثانية رفعت قوقوي قاصداً تسني , هنالك بمكتب ال UNHCR لم أجد الخواجيه بل وجدت قطيع الإريتريين والذين غالبيتهم يتبعون للإستخبارات . إنسهكت شدًتي بين المشاوير التي قطعتها بين الإخوه السودانيين , التجار, المحظيات فلم ألتقط أي معلومه. وبين المشوار الذي وعدتها إياه بأننا سنقطعه سويا إنتصبت عشرات الإنشوطات حول كلمتي " وهي كل ما أملك", طفولتها, دميتها.. عفواً طفلها. أسدل الستار على هذا المشهد فترنًحت هذه الضفائر: • قبل أن تخمد هذه القصة نظمنا مظاهرة أطلق فيها النار علينا وأودعنا السجون , لكن هذه الواقعه صحًت مشاعرنا تجاه مبدأ التضامن. * حتى لحظة مغادرتي تلك المقبره كانت تتواجد داخل القوقو " بزازه , علبة لبن, لبسه للطفل" وأغنية" بنهديك المشاعر وتخون الأمانه". الفاتح مشاهدة ملفه الشخصي إرسال رسالة خاصة إلى الفاتح البحث عن المشاركات التي كتبها الفاتح 07-06-2009, 08:58 AM #[24] الفاتح :: كــاتب نشــط:: بيننا مليون عصفور وصورة ومواعيد كثيره أطلقت نارا عليها بندقيه الفاتح مشاهدة ملفه الشخصي إرسال رسالة خاصة إلى الفاتح البحث عن المشاركات التي كتبها الفاتح 07-06-2009, 10:07 AM #[25] التباري :: كــاتب جديـــد :: باسعيد على سبيل المرور والتحية والمتابعة والاستمتاع .. أوع تكون انتهت .. هذه المشاعر سعيد .. ما بشبهك يا المسنوح التباري مشاهدة ملفه الشخصي إرسال رسالة خاصة إلى التباري البحث عن المشاركات التي كتبها التباري 08-06-2009, 11:39 AM #[26] الفاتح :: كــاتب نشــط:: اقتباس: المشاركة الأصلية كتبت بواسطة التباري باسعيد على سبيل المرور والتحية والمتابعة والاستمتاع .. أوع تكون انتهت .. هذه المشاعر سعيد .. ما بشبهك يا المسنوح تباري البي حالي ماهو داري وين البلد ركًت؟ السرد إكتمل الا رحم الواقع ده لسه خصيب بكذا " مشاعر" الفاتح مشاهدة ملفه الشخصي إرسال رسالة خاصة إلى الفاتح البحث عن المشاركات التي كتبها الفاتح 09-06-2009, 07:45 AM #[27] أم سعيد :: كــاتب جديـــد :: ونحن ياابو سعيد نهديك كل المشاعر..... فلقد عطرت الاجواء بتلك الكتابات الرائعه.... لك الشكر مقرونا بالمحبه...... واصل يا ابو سعيد ...... أم سعيد مشاهدة ملفه الشخصي إرسال رسالة خاصة إلى أم سعيد البحث عن المشاركات التي كتبها أم سعيد 09-06-2009, 07:56 AM #[28] jezabell :: كــاتب نشــط:: اقتباس: المشاركة الأصلية كتبت بواسطة أم سعيد ونحن ياابو سعيد نهديك كل المشاعر..... فلقد عطرت الاجواء بتلك الكتابات الرائعه.... لك الشكر مقرونا بالمحبه...... واصل يا ابو سعيد ...... شنو يا ال شليل دايرين تقلبوها اقطاعية سودانيات دي والا شنو؟ jezabell مشاهدة ملفه الشخصي إرسال رسالة خاصة إلى jezabell البحث عن المشاركات التي كتبها jezabell 09-06-2009, 07:59 AM #[29] jezabell :: كــاتب نشــط:: اقتباس: بنهديك المشاعر وتخون الامانة غايتو قريتها بطريقة في البداية لمن شكيت انو بيني وبين معتصم الطاهر قرابة jezabell مشاهدة ملفه الشخصي إرسال رسالة خاصة إلى jezabell البحث عن المشاركات التي كتبها jezabell 09-06-2009, 08:15 AM #[30] الفاتح :: كــاتب نشــط:: اقتباس: المشاركة الأصلية كتبت بواسطة أم سعيد ونحن ياابو سعيد نهديك كل المشاعر..... فلقد عطرت الاجواء بتلك الكتابات الرائعه.... لك الشكر مقرونا بالمحبه...... واصل يا ابو سعيد ...... حبيبتي البتلبس فصول الخصوبه.. بتضحك أغاني وتدفق عذوبه.. وبتنزل مطر.. عشقتك لأنك حبيبتي وبحبك بحر.. عشقتك لأنك خواتم الحقيقة وطريق الوصول.. لأنك بداية الخليقة وأساس القبول.. إزيك يا فردة ياخ أنا البهديك كل المشاعر بطلتك الجميله دي.. أو بهديك ولاشي وأعبر وديان السهو مشي الفاتح مشاهدة ملفه الشخصي إرسال رسالة خاصة إلى الفاتح البحث عن المشاركات التي كتبها الفاتح صفحة 2 من 3 < 1 2 3 > تعليقات الفيسبوك « الموضوع السابق | الموضوع التالي » أدوات الموضوع مشاهدة صفحة طباعة الموضوع انواع عرض الموضوع العرض العادي الانتقال إلى العرض المتطور الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules الانتقال السريع لوحة تحكم العضو الرسائل الخاصة الاشتراكات المتواجدون الآن البحث في المنتدى الصفحة الرئيسية للمنتدى منتـديات سودانيات منتـــــــــدى الحـــــوار خـــــــالد الـحــــــاج موضوعات خـــــــالـد الحـــــــــاج ما كُتــب عن خـــــــالد الحــــــاج صــــــــــــــــور مكتبات مكتبة لسان الدين الخطيب محمدخير عباس (لسان الدين الخطيب) مكتبة أسامة معاوية الطيب مكتبة الجيلي أحمد مكتبة معتصم محمد الطاهر أحمد قنيف (معتصم الطاهر) مكتبة محي الدين عوض نمر (nezam aldeen) مكتبة لنا جعفر محجوب (لنا جعفر) مكتبة شوقي بدري إشراقات وخواطر بركة ساكن عالم عباس جمال محمد إبراهيم عبدالله الشقليني أبوجهينة عجب الفيا نــــــوافــــــــــــــذ الســــــرد والحكــايـــــة مسابقة القصة القصيرة 2009 مسابقة القصة القصيرة 2013 كلمـــــــات المكتبة الالكترونية خاطرة أوراق صـــــالة فنــــون فعــــاليات إصــدارات جديــدة الكمبيــــــــــوتــر برامج الحماية ومكافحة الفايروسات البرامج الكاملة برامج الملتميديا والجرافيكس قسم الاسطوانات التجميعية قسم طلبات البرامج والمشاكل والأسئلة قسم الدروس وشروح البرامج منتــــدي التوثيق ارشيف ضيف على مائدة سودانيات مكتبة سودانيات للصور صور السودان الجديدة صور السودان القديمة وجوه سودانية صور متنوعة المكتبة الالكترونية نفــاج خالــد الحــاج التصميم Mohammed Abuagla الساعة الآن 03:17 PM. زوار سودانيات من تاريخ 2011/7/11 اتصل بنا / مقترحات القراء - سودانيات - الأرشيف - الأعلى Powered by vBulletin® Version 3.8.8 Beta 2Copyright ©2000 - 2026, vBulletin Solutions, Inc.
