لكل متوجه لصلاة الجمعة

[بابكر مخير]

الحبيب عدولي
شكرن ليك على المبالغة في المجاملة
وحسن الإيضاح عن عظمة هذا اليوم،،،

المشاركة الأصلية كتبت بواسطة عادل عسوم

شكر الله لك دكتور بابكر على التذكرة
مودتي

يا سيدي تقول ليا شكرن على التذكرة وأنا على ثقة تكاد أن تتساوى مع اليقين، بأنك لو نسيت آي شئ في الدنيا،،
صلاة جمعتك دي ما بتمر عليك،،
الحبيب، عظمتك في جمال قولك
ليك مني الشكر على أن ثبت ليا حلاوة أهل سودانيات الببالغو في محبة بعض الي درجة المبالغة في القول المعقول....
ربنا يستجيب الدعوات ويحققها ليك ولينا كلنا..
دمت

[بابكر مخير]

جمعتكم مباركة

البطلبو منكم
وأترجاكم فيهو
بعد صلاتكم المقبولة إن شاء الله
ترفعو يدينكم وتدعو ليا،،
للشاغل بالي يتسهل
وأمره ينكشف خير
والامور تمشي تمام التمام لمن ينحلى بالسلامة

[ميرغني الشريف سليمان]

المشاركة الأصلية كتبت بواسطة بابكر مخير

جمال العيد،
فرحة للحجيج بعد حجةٍ لبيت العالي المتعالي
وجمال يوم الجمعة أنه تكرار بشكل إسبوعي
لزيارة مساجد المولي الرحيم الغفور،
يلتقي فيها الطيبون مثلكم بالطيبين أمثالكم
فهنيئاً لهم بكم
وهنيئاً أنتم لهم..
جمعة مباركة ودعاوات مستجابة، إن شاء الله

أخى بابكر
أنار الله طريقك وأطال عمرك وأنشاء الله كل جمعاتك مباركه ودعواتك مجابه وما تنسانا نحن وجميع المنتدياب ،،،

[بابكر مخير]

[align=center]يا عباد الله
ويامسلم في نص يومك
إتذكر تنهض لصلاتك
الجمعة المبروكة!!
دارت وجاتك،،،

أقصد لي بيت الله
إن راجل، عدد خطواتك
طول مشوارك لو بي عجلاتك
بتكتر من حسناتك

وهناك
أمام المولى بي كل خشوع
نظم صفك
ركز ركعات
طول سجداتك

وفي حضرت ربك
صل علىَّ نبيك
فكل مراتك
إستغفر لي ذنبك وذلاتك
والله غفور بقبل دعواتك

أذكر أمك وجداتك
خالاتك وعماتك
آطرآ أبوك وكل أبواتك

والفقران والمرضى لا تنساهم
أديهم حتة في لستت شفاعاتك
والفاتو هناك برضك
خليهم في قائمة ذكرك
وسجلاتك

أطلب قدر ما تقدر
ما هو عزيز
بقبل طلباتك
وإن دربك شايك
بفتح ليك، دريباتك
وإن فلسان
بسهل عليك في قريشاتك
ولو قلبك خاوي
طمئنينة بملاهو
وتفرح بي مسراتك

لا تتأخر
الحق، الكع
ولا تقصر في المقبولة
صلاتك


إن شاء الله [/align]

[ميرغني الشريف سليمان]

[color=#00FF00]أصبحت فذكرتكم جميع أهلى بالمنتدى ورفعت يدى للسماء فدعوت الله لكم ، اللهم صبحهم بدفع الهموم ،وأرزقهم عافيه تدوم ، وأرفع مقامهم يا رافع السماء والغيوم ، وأجمعنى وإياهم فى الفردوس الاعلى يا حى يا قيوم . (اللهم أمين ) وصلوا على الرسول الامين [/color]...

[قيقراوي]

المشاركة الأصلية كتبت بواسطة ابوريم

بابكر ود مخير
لك الود
نهارك عيد
...
يقول محمود درويش:
القمح مرٌ في بلاد الآخرين
والماء مالح
والغيم فولاذ
وهذا النجم جارح
...
للاسف بعض من يؤمون -صح- الناس وقرأون الخطبة يسببون لك احساس غير ماتحسه عندما ينحاز لمذهب ضد آخر ويذم آخرين ويسخر منهم ويعبر عن وجهة نظر هي سياسية في الاساس ولا يحق لك مناقشته فيما يقول وليس لك الحق في ذلك, فضلا عن الائمة الذين يكرسون خطبهم للانحياز للتقاليد والعادات الباليه المناهضة لحقوق النساء واقلها حضور تلك الخطبة والصلاة في المسجد ناهيك عن الاخطاء النحوية التي يقترفها الامام.
...في الاخير من المغصة تقول ياريتني ماجيت

سلام و محبة للجميع

و متعك الله بالصحة يا ابو ريم بركة الجمعة الجامعة و الدعوة السامعة . . . آمين
تحضرني حادثة طريفة في احد مساجد المنطقة الشرقية - و العهدة على الراوي - حكى انو مرة بعد دعاء الامام على كل الفرق و النحل المغايرة لطائفته و قام قعد - قام قعد دي حلوة - اها قام اخد البريك بين الخطبتين ،قام " فيصل شبو " رفع يدو طالب فرصة للنقاش !!
ها 11 يونيو يعاود النزيف في بحر الاسى يا فيصل من جديد : في ذكرى نازك احمد عبد القادر . . . فيصل شبو
دعواتكم لنازك . . . و لفيصل و احمد و غسان و سحر

د. مخير
ربنا يديك الفي مرادك و يزيدك من زوائد الخير كلها . . .

[بابكر مخير]

الأحباء ميرغني وقيقراوي
أسعدت نهار جمعتي بطلتكم
وربنا يستجيب لكل الدعاوي الصادقات من بنو بشر

[بابكر مخير]

يالله
بي بركة الجمعة الجامعة
والدعوة السامعة

تتقبل في الجنان موتانا
تشفي مرضانا
تهدي أصحانا

وبعظمة اليوم
وسره المعلوم

بنطلبك يا الله
تولف بين القلوب
وبينهم التعامل بالحسنى والمعروف

سؤ الظن ينشال
والهم الفي البال

آآآآآآآآآآآآآآآآآميييييييييييييييين

[somiaadam]

عمو مخير جمعه مباركه لك وللجميع
وان شاء الله نجتمع في عرفات
امين ..امين ..امين

[ابوريم]

المشاركة الأصلية كتبت بواسطة قيقراوي

سلام و محبة للجميع

و متعك الله بالصحة يا ابو ريم بركة الجمعة الجامعة و الدعوة السامعة . . . آمين
تحضرني حادثة طريفة في احد مساجد المنطقة الشرقية - و العهدة على الراوي - حكى انو مرة بعد دعاء الامام على كل الفرق و النحل المغايرة لطائفته و قام قعد - قام قعد دي حلوة - اها قام اخد البريك بين الخطبتين ،قام " فيصل شبو " رفع يدو طالب فرصة للنقاش !!
ها 11 يونيو يعاود النزيف في بحر الاسى يا فيصل من جديد : في ذكرى نازك احمد عبد القادر . . . فيصل شبو
دعواتكم لنازك . . . و لفيصل و احمد و غسان و سحر

د. مخير
ربنا يديك الفي مرادك و يزيدك من زوائد الخير كلها . . .

قيقراوي
جمعتك مباركة
ما شفت مداخلتك الا حسي.
اقول شنو. اتجددت الاحزان مع مرور عام على رحيل الكوكب نازك احمد. ومن يوم ماقريت بوست فيصل شبو قي القرية المجاورة لم يتوقف دمعي من الهملان وفقدت الاشياء طعم حلاوتها وطيفها يزورنا ويطمننا انها بخير بي هناك...لا انسي ممازحاتي لها وحين شكتني لأمها ببراءة ونحن في رحاب بيتهم العامر بامدرمان الولد دة مجنني ويكاويني ويقول لي مابتعرفي تطبخي...وتضحك امها.وحين اشتد عليها المرض وهي ترجوني الدعاء لها ولكنها تستدرك قائلة: كان قبلوهو منك.
الله يرحمها ذات القلب النقي الذي لم يحمل غلا على أحد. والعزيمة التي قابلت المرض بضراوة وايمان وعزيمة لم تلن. دون ان تتأوه وتنهزم حتى آخر لحظة.
وجانا زهير فيصل (ابوسهى) وتم الناقصة وقام فات اقول شنو عن زهير؟ بقدر؟مستحيل اوفيهو. فرقتو مابتنسد.
كرهت اللمة مع الناس لما اعاين والفرقة محل قاعدين ...فراغ...كفاية ياقيقراوي.
الله يخلي احمد وغسان وسحر وسهى وسارة
ويصبر فيصل وام سهى
اما نحن فلنا الحزن والدموع.

[بابكر مخير]

الليلة!!
وذي ما بنقول قاصدين اليوم؟
يوم الجمعة..
يا الحب/ان-يبات الخاتين اللوم!
يوم البركة.
وأهل الأمة جمع ملموم|،
في الضهرية ؟
فرحة بتشمل والناس خالية هموم!؟!؟!؟
الفي المسجد وفوق المصلاية!؟
قاصدين لأجر بالكوم مردوم.

يتقبل صلاواتكم
يقبل دعواتكم
ولي إجابة طلباتكم
ترأها الملايكة!!
لافة ودايرآ تحوم...



جمعة مباركة

[wadosman]

جمعه مباااركه...

[قمر دورين]

[align=center]ربّنا يمتّعك بالصحة والعافية يا عم بابكر
ويُنعم عليك من خير نعمه وفضله
ويجعل هذا البوست في ميزان حسناتك

نسأل الله للجميع كل الخير والرضا والسعادة[/align]

[بابكر مخير]

المشاركة الأصلية كتبت بواسطة قمر دورين

[align=center]

ويجعل هذا البوست في ميزان حسناتك

[/align]

العزيزة قمر الدورين الساطع
وإن شاء الله لي دعاك المولى ديمتن سامع....

يعني باقي البوستات بالماينص هههه هههه

دمتي يما

[بابكر مخير]

المشاركة الأصلية كتبت بواسطة wadosman

جمعه مباااركه...

وإتا الخير والبركة يابا