دولة الحسانية الكبرى وما جاورهم

عبد الباقي درار علم الهدي · 17-06-2009, 08:57 AM

[align=right]
ما دام كل ناس عملوا ليهم دولة نحن مالنا ما بنستاهل ؟
دولة الزغاوة الكبرى :دولة الشايقية العظمى : دولة البجا الصغرى :دولة الحركة الشعبية الديموقراطية .
خوفا من أن تتوطانا الخيل ونحن قاعدين نلعب السيجه وحرصا على الحسانيات فقد إجتمع مجلس قيادة الحسانية وبعد المداولات والمطاولات والمهاوشات في السكر والتموين وإنتخابات إتحاد المزارعين قرر المجلس بجلسته الموقرة الآتى .
1/إعلان قيام دولة الحسانية من جانب واحد .
2/ تكوين القياة العامة لقوات الحسانية .
3/ توحيد الزي الرسمي للحسانية والذي يتكون من العراقي والسروال فقط .
4/تزويد شباب الحسانية بسكاكين وعكاكيز خفيفة لزوم الدفاع عن الأرض والعرض حتى تكوين القوات المسلحة الحسانية .
يحد دولة الحسانية جنوبا دولة الحركة الشعبية ويحدها شمالا دولة الشايقية العظمى وشرقا دولة البجا وغربا دولة الزغاوة .وكل من لم يجد نفسه خارج هذة الحدود فهذا يعنى أنه ( بدون ) وعليه طلب حق اللجو الإنبطاحي من دولة الحسانية .
أدعو عقلاء المنبر وكبار السن ومن لف لفهم دعم توجهنا وعمل الدعاية اللازمة لقيام لدولة الحسانية الكبرى .
كما أرجو من العم أوباما والخالة كوندليزا دعم هذا المشروع براجمات عكاكيز وقاذفات سكاكين إستراتيجية وجميع أنواع الأسلحة التقليدية الخفيفة من كرابيج وحجارة والتي حتما ستتيح لهم موطىء قدم في القارة السمراء .
الجدير بالذكر أن دولة الحسانية ستمنح حق اللجو لكل واحد زعلان من مرته أو من جيرانه أو من نفسه حتى .
فضلا عن أن دولة الحسانية تمنح طالب اللجو ( حمار وبطانية وعكاز مضبب ) لزوم الإستقرار حتى يتمكن من إيجاد بلاد يزرع فيها ، كما لا يجوز لطالب اللجو الزواج من أي حسانية أو حتى الإقتراب منها أو التلميح بوصف لجمال الحسانيات .
وأخيرا أذكر كبار السن والعقلاء في هذا المنبر أنه في حال تخليهم عنى فأنا مضطر للإرتماء في أحضان كوريا الشمالية وساعتها لن يلومنى أحد ( والرهيفة التنقد ودرب الهبوب الينسد )
مجلس قيادة دولة الحسانية .
عنهم اللواء أركان طرطشه
.[/align]

بابكر مخير · 17-06-2009, 01:24 PM

[motr1]وجدتها
وجدتها[/motr1]

لمن بالروقة والحدوقة
كدئ أجيك راجع،،
أجي
ولا ما أجي
آجييييييي

Hassan Farah · 17-06-2009, 03:52 PM

هههههههههه والله موتني ضحك

الناس فى شنو--- و الحسانية فى شنو

AMAL · 17-06-2009, 05:19 PM

اقتباس:

/ توحيد الزي الرسمي للحسانية والذي يتكون من العراقي والسروال فقط

دولتكم دي عزابة ساي ؟

الحسانيات ودويتهن وين؟

مشن سباق الحمير ولا شنو

بابكر مخير · 18-06-2009, 01:38 AM

اقتباس:

المشاركة الأصلية كتبت بواسطة AMAL

دولتكم دي عزابة ساي ؟

الحسانيات ودويتهن وين؟

مشن سباق الحمير ولا شنو

والله يا آمولي
ما لبس رجال بس،،
ما إتو ما حاضرين أيام النسوان كانن نسوان بالجَّد،،
السروال دآ ظاتو وعراقي بي جيوبو،،،
الله يرحم الحاجة (دكتورة) حنينة،،
مراة سمممممحة وبيضا ومشلخآ مطارق،،،
وكانت بتركب عجلة،،
مفتش صحة في أمدرمان،،
ممكن شوقي بدري يفيض في الحديث عنها،،،

شبارقة · 18-06-2009, 07:30 AM

اقتباس:

المشاركة الأصلية كتبت بواسطة Hassan Farah

الناس فى شنو--- و الحسانية فى شنو

اقتباس:

المشاركة الأصلية كتبت بواسطة AMAL

الحسانيات ودويتهن وين؟

مشن سباق الحمير ولا شنو

[align=justify]

الجماعة العاوزين يعملوا دولة ديل أظن السباق بتاعم إنتهى ...و يا دوبم سمعوا بحملات الدفتردار

[/align]

[align=justify]ملحوظة : يا عبد الباقي يا أخوي ما تزعل مننا ... نحن بنضحك معاك سااااي ... ونحنا كلنا حسانية

[/align]

شبارقة · 18-06-2009, 07:42 AM

اقتباس:

المشاركة الأصلية كتبت بواسطة بابكر مخير

ما إتو ما حاضرين أيام النسوان كانن نسوان بالجَّد،،
السروال دآ ظاتو وعراقي بي جيوبو،،،

[align=justify]

النسوان اللي بالجد كانن بلبسن عراقي وسروال ... طيب النسوان الجابن خالد الحاج ديلك كانن نسوان كضـُّب كضـُّب يعني ولا ّ شنو ؟؟

وما وضحتا لينا يا جدو بابكر.. جيوب العراريق بتاعتن دي كانت بي ورا ولا بي قدام ؟

[/align]

عبد الباقي درار علم الهدي · 20-06-2009, 10:51 AM

اقتباس:

المشاركة الأصلية كتبت بواسطة بابكر مخير

[motr1]وجدتها
وجدتها[/motr1]

لمن بالروقة والحدوقة
كدئ أجيك راجع،،
أجي
ولا ما أجي
آجييييييي

والله عليك جنس محن .
هسع نحن منتنازلين عن وزارة علشان سعادتكم وتقول أجي والله ما أجي
يا زول الغلط علينا ما عليك .
واحد يدوه وزارة سفسفه ويدلع ذي دلعك ده غايتو دي لو لقاها واحد من جماعة الحزب ...... أمانه ما يسوى ليه دولة في شهر بس
الحق ما هو عليك الحق على الحسانية .
تعال يا زول سريع ما تتأخر لأنه في واحد قال عاوز يدفع خلو رجل في الوزارة دي .
تعال سريع علشان تتفاوض مع الراجل .عبد الباقي

عبد الباقي درار علم الهدي · 20-06-2009, 11:14 AM

اقتباس:

المشاركة الأصلية كتبت بواسطة Hassan Farah

هههههههههه والله موتني ضحك

الناس فى شنو--- و الحسانية فى شنو

يا زول بدل الضحك ده كان عبيت ليك أورينك 144( طلب حق الجو لدولة الحسانية )
ما كان أحسن ليك .
بعدين المثل ده شنو الجايبه .
إنت ناسى إنه الحسانية بقت دولة .
شوف يا تعتزر عن هذا المثل يا نبلغ قنصلياتنا فى الخارج
يبهدلوك ويعملوا مذكرة توقيف بحقك .
عبد الباقي

عبد الباقي درار علم الهدي · 20-06-2009, 11:32 AM

اقتباس:

المشاركة الأصلية كتبت بواسطة AMAL

دولتكم دي عزابة ساي ؟

الحسانيات ودويتهن وين؟

مشن سباق الحمير ولا شنو

[align=center]أمل !!!!!!
جابيت ليها سباق حمير كمان .
إنت شكلك الإنتربول قاعدين يفتشوا عليك الآن.
أنصحك لا تركبي طيارة ولا تسافري بالبص ولا تأكلى سمك
بعدين تعالي إنت ما قريتي التعميم لطالبي حق اللجو بعدم التعرض للحسانيات لا من قريب ولا
من بعيد .
عبد الباقي [/align]

عبد الباقي درار علم الهدي · 20-06-2009, 11:40 AM

اقتباس:

المشاركة الأصلية كتبت بواسطة شبارقة

[align=justify]

الجماعة العاوزين يعملوا دولة ديل أظن السباق بتاعم إنتهى ...و يا دوبم سمعوا بحملات الدفتردار

[/align]

[align=justify]ملحوظة : يا عبد الباقي يا أخوي ما تزعل مننا ... نحن بنضحك معاك سااااي ... ونحنا كلنا حسانية

[/align]

[align=center]إنت خليك في الضحك على الحسانية .
لما تجيك حملات الحسانية الإنتقامية في البيت .
بعدين إنت حساني ده ذاته عاوزه إثبات لأنه الحساني الآن يحمل إمتيازات أحسن من
الأمين العام للأمم المتحدة .
الحساني أفضل حالا من البريطاني والفرنسي الآن .علشان كده لو عندك عرق في الحسانية
ألحق أطلب الجنسية الحسانية سريعا حتى تكون في مأمن من المسآلة في المطارات .
عبد الباقي .[/align]

Hassan Farah · 20-06-2009, 02:22 PM

[QUOTE=عبد الباقي درار علم الهدي;151113][B][size=6][font=Arial Narrow]يا زول بدل الضحك ده كان عبيت ليك أورينك 144( طلب حق الجو لدولة الحسانية )
ما كان أحسن ليك .
بعدين المثل ده شنو الجايبه .
إنت ناسى إنه الحسانية بقت دولة .
شوف يا تعتزر عن هذا المثل يا نبلغ قنصلياتنا فى الخارج
يبهدلوك ويعملوا مذكرة توقيف بحقك .

عبد الباقي

يا زول وعلى القسم وانا ما مطلوب حليفة--- عشت واشتغلت فى الجزائر وبرضو لقيت اهلكم بى هناك--- وشغلهم يا هو زاتو--- الهمبتة-- دحين قبل ما نطلب حق اللجؤ ونعمر الاورنيك 144 رجعوا لينا جمالنا الهمبتوها يا كاوبويات-- او بالاصح يا كاميلبويات

17-06-2009, 08:57 AM	#[1]
عبد الباقي درار علم الهدي :: كــاتب جديـــد ::	دولة الحسانية الكبرى وما جاورهم [align=right] ما دام كل ناس عملوا ليهم دولة نحن مالنا ما بنستاهل ؟ دولة الزغاوة الكبرى :دولة الشايقية العظمى : دولة البجا الصغرى :دولة الحركة الشعبية الديموقراطية . خوفا من أن تتوطانا الخيل ونحن قاعدين نلعب السيجه وحرصا على الحسانيات فقد إجتمع مجلس قيادة الحسانية وبعد المداولات والمطاولات والمهاوشات في السكر والتموين وإنتخابات إتحاد المزارعين قرر المجلس بجلسته الموقرة الآتى . 1/إعلان قيام دولة الحسانية من جانب واحد . 2/ تكوين القياة العامة لقوات الحسانية . 3/ توحيد الزي الرسمي للحسانية والذي يتكون من العراقي والسروال فقط . 4/تزويد شباب الحسانية بسكاكين وعكاكيز خفيفة لزوم الدفاع عن الأرض والعرض حتى تكوين القوات المسلحة الحسانية . يحد دولة الحسانية جنوبا دولة الحركة الشعبية ويحدها شمالا دولة الشايقية العظمى وشرقا دولة البجا وغربا دولة الزغاوة .وكل من لم يجد نفسه خارج هذة الحدود فهذا يعنى أنه ( بدون ) وعليه طلب حق اللجو الإنبطاحي من دولة الحسانية . أدعو عقلاء المنبر وكبار السن ومن لف لفهم دعم توجهنا وعمل الدعاية اللازمة لقيام لدولة الحسانية الكبرى . كما أرجو من العم أوباما والخالة كوندليزا دعم هذا المشروع براجمات عكاكيز وقاذفات سكاكين إستراتيجية وجميع أنواع الأسلحة التقليدية الخفيفة من كرابيج وحجارة والتي حتما ستتيح لهم موطىء قدم في القارة السمراء . الجدير بالذكر أن دولة الحسانية ستمنح حق اللجو لكل واحد زعلان من مرته أو من جيرانه أو من نفسه حتى . فضلا عن أن دولة الحسانية تمنح طالب اللجو ( حمار وبطانية وعكاز مضبب ) لزوم الإستقرار حتى يتمكن من إيجاد بلاد يزرع فيها ، كما لا يجوز لطالب اللجو الزواج من أي حسانية أو حتى الإقتراب منها أو التلميح بوصف لجمال الحسانيات . وأخيرا أذكر كبار السن والعقلاء في هذا المنبر أنه في حال تخليهم عنى فأنا مضطر للإرتماء في أحضان كوريا الشمالية وساعتها لن يلومنى أحد ( والرهيفة التنقد ودرب الهبوب الينسد ) مجلس قيادة دولة الحسانية . عنهم اللواء أركان طرطشه .[/align]
عبد الباقي درار علم الهدي :: كــاتب جديـــد ::	التوقيع: وأكره من بضاعته المعاصي وإن كنا سويا في البضاعة .

17-06-2009, 01:24 PM	#[2]
بابكر مخير :: كــاتب نشــط::	[motr1]وجدتها وجدتها[/motr1] لمن بالروقة والحدوقة كدئ أجيك راجع،، أجي ولا ما أجي آجييييييي
بابكر مخير :: كــاتب نشــط::	التوقيع:

17-06-2009, 03:52 PM	#[3]
Hassan Farah :: كــاتب نشــط::	هههههههههه والله موتني ضحك الناس فى شنو--- و الحسانية فى شنو
Hassan Farah :: كــاتب نشــط::

20-06-2009, 02:22 PM	#[12]
Hassan Farah :: كــاتب نشــط::	[QUOTE=عبد الباقي درار علم الهدي;151113][B][size=6][font=Arial Narrow]يا زول بدل الضحك ده كان عبيت ليك أورينك 144( طلب حق الجو لدولة الحسانية ) ما كان أحسن ليك . بعدين المثل ده شنو الجايبه . إنت ناسى إنه الحسانية بقت دولة . شوف يا تعتزر عن هذا المثل يا نبلغ قنصلياتنا فى الخارج يبهدلوك ويعملوا مذكرة توقيف بحقك . عبد الباقي يا زول وعلى القسم وانا ما مطلوب حليفة--- عشت واشتغلت فى الجزائر وبرضو لقيت اهلكم بى هناك--- وشغلهم يا هو زاتو--- الهمبتة-- دحين قبل ما نطلب حق اللجؤ ونعمر الاورنيك 144 رجعوا لينا جمالنا الهمبتوها يا كاوبويات-- او بالاصح يا كاميلبويات
Hassan Farah :: كــاتب نشــط::