رحـــــــــــيــــــــــل

[نهلة محكر]

[align=center]وحيد وسط الخلق والناس

لا زولاً يقول كيفك

ولا طيفاً يسامرك ليل

حزين مكسور جناح خاطرك

لا طرفاً يحن يغشاك ...

لا روحاً تقاسمك ويل

بعيد تايهات شراعاتك

لا قمراً يضويلك ...

لا نجمات سماك دليل

دموعك سايلة في خدك ...

لا كتفاً سند راسك ...

لا كفاً صبح منديل

براك يا قلبي مين يطراك ؟!!

لا نبضك صبح مسموع

لا قلباً عليك يميل

تجرع في كؤوس حزنك ...

لا بتقدر بلاهو تعيش ...

تشيل الهم وليكَ يشيل

خلاص فارق خطاهم فوت

لا أسفاً عليك ببقى ...

لا بيوجع عليك عويل

وحيد أرحل بلا ذكرى ...

وخلد ذكرتك في النيل[/align]

[بابكر مخير]

بت أخويا
قدر ما قولك جميل
ساهلن يتقري
وهينن ينهضم
إلا في قولك دآ
بقول؟؟
أريت الصندوق الماسي ما كان كبر حجم المكتوب،،

يا ريتو لو كان إنفتح وإتي فرحانة
كل الناس تسأل عليك
وجنيحاتك سالمات يضربن في الهواء ويعزفن نغم غنية، تقول:
نجيمات السما ديل
سابحات في مجراتك

[قمر دورين]

[align=center]مرحب بيك نهلة....

الوحدة قاسية والرحيل أقسى منها
ولكن....
ما زالت في النيل تجري المياه

تقديري لقلمك....
وكل الود....[/align]

[مواطن]

تسلمي يا نهلة .. قصيدتك جيدة ... تملكين الموهبة وحسن الصياغة ...
البيـت الأخير يمكن أن يحمل على غير ما أريد منه ..
لك التحايا .. وفي إنتظار مزيد من كتاباتك .

[بابكر مخير]

المشاركة الأصلية كتبت بواسطة هاشم طـه

تسلمي يا نهلة .. قصيدتك جيدة ... تملكين الموهبة وحسن الصياغة ...
البيـت الأخير يمكن أن يحمل على غير ما أريد منه ..
لك التحايا .. وفي إنتظار مزيد من كتاباتك .

هشومي
أسمح ليا بي شوية فلسفة وفذلكة كدآ
معاكم يا ناس القلم البيتدفق درر،،،

النيل زمن الفراعنة ولي حسي عند المصاروة
ولا حائط المبكى عند اليهود
وولا نافورة البندقية الشهيرة
فيهو الناس بتتمنى وفيهو الناس بتودع أسرار وفيهو الناس بتسطر ذي سيقان الشجر القلاد البيكتوبو فيها الحبان أول حروف من اساميهم في نص قلب وسطو سهم طالع من قوس كيوبيد رسول الحب،،،
اها ظنيتو النيل أكتر مكان يؤتمن لحفظ المكنون جوآ القلب،،
لحين عودة ولقاء أو غياب ويفضل عندو في طئ الكتمان،،
غربان وإدفن........
معليش نهولة وعذر هشومي،،
بس ياها كدي هجمتني كلمات...

[Mema]

العزيزة نهلة

في كل الامكان جميلة
كما نحبك
دائما



مودتي

[نهلة محكر]

المشاركة الأصلية كتبت بواسطة بابكر مخير

بت أخويا
قدر ما قولك جميل
ساهلن يتقري
وهينن ينهضم
إلا في قولك دآ
بقول؟؟
أريت الصندوق الماسي ما كان كبر حجم المكتوب،،

يا ريتو لو كان إنفتح وإتي فرحانة
كل الناس تسأل عليك
وجنيحاتك سالمات يضربن في الهواء ويعزفن نغم غنية، تقول:
نجيمات السما ديل
سابحات في مجراتك

عمي العزيز ...
هي لحظات مرت على الواحد وكان لابد تترجمها الحروف
مابنقدر ننكر وجود المر في حياتنا اضافة للحلو ...
ول ما طعم المر ما كان استمتعنا بالحلو
وعذرا ان كانت الافتتاحية موغلة في اللون الرمادي


لكن برضو الصندوق ما انفتح ..
اتحايلت عليهو وكتبت مكان تاني وجبتو هنا

[احمد زين]

العزيزة نهلة محكر
هذه الكلمات لا تحتاج لكل هذه الضخامة في الخط
هي ضخمة في معانيها وسلاستها
الله يديك العافية .............. واصلي كلام جميل

[wadosman]

يا نهله...

ما تتخوفي... دي النسمة بتجيب الأمل
والأمل بصبح رفيق..

تحايا...

[نهلة محكر]

المشاركة الأصلية كتبت بواسطة قمر دورين

[align=center]مرحب بيك نهلة....

الوحدة قاسية والرحيل أقسى منها
ولكن....
ما زالت في النيل تجري المياه

تقديري لقلمك....
وكل الود....[/align]

وما زال القلب ينبض ... وينتظر من يؤنس وحدته
وما زالت السفينة مشرعة ... تبحث عن مرفأ لتستريح من وعثاء السفر
خالص الود

[سارة]

[ramv]http://www.3aza.com/upload/user_uploads/mohamedosmanfae4/itnin.wma[/ramv]

يا نهلة دى هدية قديمة من ود عثمان بهديها ليك وللحبايب ضيوفك

[نهلة محكر]

وسط الخضم والموج
ياروح كفاكي رحيل

[أشتر]

المشاركة الأصلية كتبت بواسطة نهلة محكر

وسط الخضم والموج
ياروح كفاكي رحيل

طيب ارجعي شوية لكلام مواطن ...
وما ترحلي تاني

[مي التجاني]

نهلة لي الكلام المتعب ده!!!!!!!!!!!!!!!

انتي من الناس الزول بتزكرهم لما يكون داير يفرح

[معتصم الطاهر]

سلام نهلة

دا موال مغنى

و بكا خمجان ..

برجع ليك فى كلام تانى نقولو عن القصيدة ..