قهوة النشاط !

[أبو أماني]

المشاركة الأصلية كتبت بواسطة تحفة حوا

يا بنات وين أبو أماني
يعني الليلة عدم شراب القهوة ما عمل لي صداع شديد ولا قادرة أشوف
أبو أماني عسى المانع خير

يا ولد (حقوس) جيب قهوة كااااربة لست الكل وشيشة بحجر من إختيار (رشا)!..أولا سوري غبت اليومين ديل عنكم لشوية مهام كلفتني بيها حرمنا المصون أم أماني أطال الله عمرها وعود مفراكتها آمييين..أسكتي يا تحفة يا أختي أنا ممغوص جنس مغصة..سرورة عملت فيني فاصل سيدنا أيوب ما يصبر عليو .. شفتي الصورة حقت النصيبة الجابتها دي؟ غايتو يا تحفة (سرورة) دي فاتت ليك أمال ظاااطها ..وقات ليها إتي بتعرفي شنو لعكننة أبو أماني!..والعروس الجابتها لي بسم الله ما شاء الله.. نان هي جنس رحرحة وبحبحة .. معقولة يا أخواني في ناس بالرشاقة دي؟..عروس لقطة بشكل! وسمحة المهلة يا وليدي.. وغرتك لصرتك يا يابا محل ما تمد إيدك تحمد سيدك..أنا ما مزعلاني العروس المزعلني الخباثة الجديدة الظهرت عند سارة دي .. تصوري إنها بدبلوماسية أشارت بطرف خفي لأنو الكتب الرسالة في الخاص وطالب العروس هو الفقير لله تعالى .. الغنيان سماحة.. والطالق في الناس النارية والكتاحة .. سيد الوجاهة أبو أماني ..! .. والمزعلني بالأكتر .. ضرتي عادل عسوم .. داك كمان يا إتي ما صدق طووالي شب في الموضوع .. ولبسني الطاقية .. أصلو من زمان كايس ليو فرصة زي دي فوقي .. أما الحبيب تربيع (شبارقة) فطبعا فرحااان طائر السماء .. لأنو مرق منها زي الشعرة من العجين ووقعت فوقي أنا .. أنا أبوك يا أماني .. بركز ليها مكره أخاك لا بطل لكين أصبر يا شبارقة
مردودة في مناسبات (سارة) يا أخوانا البفكني شنو من سارة دي..حتى في الدعوات طالعة لي!

أبو ريم .. هوووي .. الحقني يا با أصلو ماعندي صليح في سودانيات غيرك خسوسا بعد زوغة الرائع نزار .. البحلني شنو من الورطة الوقعتني فيها سرورة دي؟! أنا غايتو قبلت بالقسمو لي ربي .. الدبارة كيفن يا أخوي كان لقصة الكساء والغذاء ما في مشكلة .. عندي عمي عنده محل أقمشة .. والأكل عندنا دفار والسوق المركزي قريب .. الكلام في البيت البيشيلها وغرفة النوم والسرير الدبل .. السرير الدبل لازم يكون XXXL ومصمم من الخراسانة والأسمنت المسلح .. والمرتبة إسفنج مصلح .. المشكلة في موقعي أنا من الإعراب على ذلك السرير!!

يعني بيني وبينك يا أبوريم (عادل) الجمجار ما يسمعمنا..إفرض إنو نحن نائمين والنوم سلطان وقالت كدي إنقلبت على ساااي.. على الناحية المكرفس فيها أنا بي جاي.. باقي ليك آ.. عشاي ناس سودانيات عن بكرة أبيهم تاني يوم ما بتلموا في أحمد شرفي؟!.. والنصيبة كمان أكون محشور في كفن ومسجى على عنقريب بلا حراك وسامع كل شئ حولي .. أسمع ليك الردحي والحي وووب والفاتحة .. وصوت ما قدرت أميزه .. بقول للمعاه .. والله قالوا أذكروا حسنات موتاكم .. لكن زولكم ده .. غايتو الله يرحموا كان فاكيها في روحو فكة .. عامل فيها سمح ودمه خفيف، فتح ليو قهوة نشاط في سودانيات وقعد يبرطع فيها والله يا أبو ريم قدر ما حاولت الغي جنازتي وأقوم أشرط الكفن عشان أعرف البتكلم ده منو .. تب ما قدرت .. عموما في لقاء قادم .. حا .. أقول ليكم تفاصيل التعليقات السمعتها وحافظها أثناء موتي .. فلنا عودة ..
أخوكم المرحوم .. شهيد واقعة (سرورة) ... تشاوووو

[سارة]

god dag alle sammen

[أبو أماني]

المشاركة الأصلية كتبت بواسطة سارة

god dag alle sammen

محسي وبرطن .. وخريج كلية لغات بس برضو طلعت كيييت .. عليك النبي قاصده شنو يا سارة .. ما تعقديني .. براي ماناقص .. ولك معزتي ..

[سارة]

ابو امانى ( يا رجلا بحجم الوطن ) دا كسير تلج عشان الليلة بس الزعلة راحت واحتمال

انا بقول احتمال الى غير رجعة الكلام الفوق دا يا سيدى معناه ياسيدى الامنت ليك

(( ياناس القهوة هووووووى اريتكم طيبين وبريدكم كلكم يريدكم البعاتى ان شاء الله)

دا كلو فى الكلمات دى شفت الخووايج ديل راقين كيف

تشااوووور الحقوق محفوظة

[أبو أماني]

المشاركة الأصلية كتبت بواسطة سارة

ابو امانى ( يا رجلا بحجم الوطن ) دا كسير تلج عشان الليلة بس الزعلة راحت واحتمال
انا بقول احتمال الى غير رجعة الكلام الفوق دا يا سيدى معناه ياسيدى الامنت ليك
(( ياناس القهوة هووووووى اريتكم طيبين وبريدكم كلكم يريدكم البعاتى ان شاء الله)
دا كلو فى الكلمات دى شفت الخووايج ديل راقين كيف
تشااوووور الحقوق محفوظة

يا ستي ما عاش اللي يزعلك .. ولا يزهجك .. فكيها يا ست الكل .. وأبسمي للدنيا تبسم ليك هوا في حد واخد منها حاجة؟ ما أهو الواحد بيدخلها عريان ويطلع منها برضو عريان .. أضربي الكره بالفرح يطلع واحد تفاؤل وبسمة وأمل .. وما أكثر الأمال .. وعلى ذكر أمال أين هي تلك النسمة العطرة الفواحة؟ وما سبب مقاطعة ناس فرشوا ليها قلوبهم ورد ورياحين؟ شو .. خيتو أمال؟؟ ما بدك تتعطفي وتعطري أجواء القهوى ..؟؟ ولكم جميعا خالص الود وعشان خاطرك بس والله .. تشاااااااووووووو

[أبو أماني]

المشاركة الأصلية كتبت بواسطة نزار حسن علي

سيد الوجاهة والقيافة
صباحك خير وفرح وكل المعاك
روبي
صباحكم خير وسعادة
سروره
صباحك عسل
تحفه حواء
صباحك خير وفرح
نور
صباحك عسل ينقط........
امال
صباحك خير وفرح وشوقنا ماسورة محلوجة
سودانيات الحلوييييييييييييييييين صباحكم خير وفرح وفرج يا رب
مودتي بلا حدود

نزار يا أخ الحكاية شنو؟؟ والله غيبتك مسخت علينا القهوة .. يا أخي عليك الله أظهر وبان .. وين نكاتك الحلوة وروحك المرحة وظرفك الفايت الحد .. مشيت وشلت كل النوار معاك .. وبعض لحلوين زييك برضو مسجلين غياب .. يا أخوي كان ناس شنكبة عنكبة ديل وجدن ليهن (لينك) ووصلوا المدام حرشوها عليك ومنها وبقيت ما قادر تخش النيت .. وكاطعتنا .. كلمني .. هو أنا زعيم أوانطة ولا أيه؟ على اليمين والشمال كمان .. عندي قوات ردع بقيادة البريقدير أبو المجتبى هو أسع في ألمانيا بيعمل في ماجستير هيئة الأركان الحربية .. عيلا اعمل ليو إستدعاء أخلى ليك ريحة الحروم ديل طير طير .. هيييييع ..
أنا الرييس أبو أماني واقف أسد بوراكـــا ..
العمرو ما قعدلو فوق صاج ولا محراكة..
أنا الما بيخاف من مراة ولا شيطان ولا مفراكة
وفي الحفلات بيغني لي ترباس .. الكنداكـــــة
* * *
أرجع آآآل حبيب .. أنا البي كلو هيين .. أريتك إنت تبقى طيييب ..!!!

[AMAL]

ابو اماني
وحبايب القهوة
مشتاقييييييييين
البنات اللذيذات
سرور العسل
هموس
تحفة
قمر
روبس مشاكل
سمية
نور
هيام
مرافي
وكل الجميلات
انا قااااااعدة
اودع كيف
وافارق كيف
بس مشاغل الدنيا ياشباب
هاكم بنات الجامعة
كيتا في شبارقة ومن لف لفه


[flash=http://sudaniyat.net/up/uploading/banat_algamaa.mp3]WIDTH=400 HEIGHT=350[/flash]

اهداء مخصوص
لفيصل سعد ببراي كندا
اوببراي المحس ايهما اقرب

[أبو أماني]

المشاركة الأصلية كتبت بواسطة AMAL

ابو اماني
وحبايب القهوة
مشتاقييييييييين
البنات اللذيذات
سرور العسل
هموس
تحفة
قمر
روبس مشاكل
سمية
نور
هيام
مرافي
وكل الجميلات
انا قااااااعدة
اودع كيف
وافارق كيف
بس مشاغل الدنيا ياشباب
هاكم بنات الجامعة
كيتا في شبارقة ومن لف لفه
[flash=http://sudaniyat.net/up/uploading/banat_algamaa.mp3]WIDTH=400 HEIGHT=350[/flash]
اهداء مخصوص
لفيصل سعد ببراري كندا
اوببراري المحس ايهما اقرب

العزيزة أبدا .. ودائما إيمولا ..وهيئة الأركان المبجلة ..
بمناسبة الإحتفالية المئوية لميلاد رئيسة التنظيم السيدة الفضلى (أمال الشيخ) وعودها الميمون لقهوة النشاط مما أثار موجة من الغبطة والفرح الغامر غمرت كل أفراد القهوة .. وأهو داك شايف الحبيب تكعيب سليل العلم والأدب ود مخير يرسل عبر الأثير بسمة ملائكية ويداعب في شاربه الكث في سرور خفي .. وينوي الحضور!.. وعادل عسوم واقف قدام المراية وبيسرح في شعرو بعد غياب إمتد شهور .. وشليل وشبارقة وقيقا (الغائب الحاضر بالقلوب) وحتى المتمرد الدخل الغابة ..نزار أتوقع عودتهم حالا..وكيفن عاد؟ ما الملكة عادت لعرشها عموما تكريما لهذا الحدث الفريد قررت أنا الوجيه لله تعالى أبو أماني إعلان السلام العام الغير مشروط مع زهرات حياتنا وزينتها .. وإنتزاع كل الأسلحة وتسليمها ما عدى الساطور حسب توجيهات الفريق أول عادل عسوم .. وذلك لزوم كسير التلج لأجمل وأروع نساء في الكرة الأرضية .. (إتحدى راجل كسر تلج قدر ده!!) تحفة كيف بلاهي ؟؟ ما عجبتك؟! سارة ما تحدري لي بي تحت تحت .. وبطلي غيرة .. الكلام برضو بيشملك .. بعدين عليك الله الكيماوي حقك الشايلاو 24 ساعة في شنطتك ده ما تستعمليو معاي .. ما بسوي لي الحبة.. أنا تحفة حواء الله يطول عمرها رسلت لي حجاب سيوبر .. خلى ليك أم أماني بقت تقول على الفقراء والشيوخ .. ها .. ديل كلهم دجالين ساكت!!.
عموما إتو قائلين ياناس ياسمين وسمية آدم وهمس الشوق وروب..س ومنال ومرافي وكل نسوانا السودانيات الحلوين قائلين الدنيا غيركن ليها طعم ؟ .. حاشا وكلا .. فليعود لقهوتنا كل (يعسوب أو فراشة) ولنبدأ مسيرة تلقيح البراعم الفكرية والثقافية .. ونعيش أجمل لحظات بكم ومنكم وإليكم .. ومعكم ..

[AMAL]

بمناسبة الإحتفالية المئوية

دا اسمو السم في الدسم

سيرة البحر دي البتقوم الحرب

كلو من هاشم طه

وانت يابتاع الهدنة

عملتها مئوية

كلهم تسعتاشر سنة بي الجمع والعطلات

اها داحس والعمراء جاتكم

[أبو أماني]

المشاركة الأصلية كتبت بواسطة AMAL

دا اسمو السم في الدسم

سيرة البحر دي البتقوم الحرب

كلو من هاشم طه

وانت يابتاع الهدنة

عملتها مئوية

كلهم تسعتاشر سنة بي الجمع والعطلات

اها داحس والعمراء جاتكم

تكريما لعودة نوارة المنتدى .. مزاجي رائق وعاوز أدردش معاكم شوية ..
* * * *
دخلت قهوة النشاط الليلة مبكرا وبصورة سافرة .. يعني أي زول ممكن الليلة بالذات يشوف أبو أماني عيانا بيانا كت زمان بتاوق من بعيد بعيد وبكون حريص مافي زولة تشوفني خوفا من الفتنة والمشاكل الزوجية ( وأنا غير مسئول عن العواقب أو ما يترتب عليه من مشاكل) مخيرين .. كل واحدة تأكل نارها .. ما أصلو لازم في يوم من الأيام .. تتواجهو بحفيد سيدنا يوسف ده ..!!

الحبشي حقوس مدير المقهي من ما شافني جمب الباب الرئيسي للقهوة جاني جاري يتكبكب أهلا يا استاذ .. أول مرة تشرف القهوة .. وجري على طاولة قصية تحت شجرة كبيييييرة .. تعود يقعد فيها العزيز عادل عسوم وشلته ومعاه العود وتنثاب الألحان العذبة من بين اصابع عدولة كحبات عقد من اللؤلؤ بين أصابع جواهرجي .. كنت أول الوافدين .. وجلست أتمعن في أرجاء قهوة النشاط وامخمخ في القهوة الكاربة ومرة مرة آآخد لي شفطة من الشيشة واسمع كركرة الهموم وهي تغرق داخل الإناء الزجاجي الفخم .. فتنفرج اساريري اللي اصلها منفرجة خلقة (145 درجة) عندما أشاهد عند مدخل المقهى .. إمراتان كبدرين متلاصقين في سماء واحد .. وكانت كل واحدة فيهما تضاهي الأخرى جمالا وروعة وأناقة وعرفتهما على الفور، العزيزة روبس والأنيقة تحفة حواء ولأني خبير بقرأة الشفائف عن بعد by remote فقد تابعت شفائف روبس وهي تتلفت في أنحاء المقهى وتقول لتحفة .. ما في زول جاء لسع بس في زول هناك في شدرة ناس عادل عسوم يلاكي عليو .. باين عليو جديد خلينا نتعرف بيو .. وبدأت المسيرة الظافرة نحوي .. وكلما إقترب موكب الحسان مني كلما تبدى لهما بدر التمام سافرا .. وكانت حركة شفائف روبس التي لا تهدأ تقول لتحفة .. ووووب على يا أتي .. ده ما ملاك راسو عديل .. عليك الله شوفي السماحة دي ده ما بشر تعرفي يا تحقة بسماحتو دي أكيد يكون أبو أماني .. وفي منتصف الطريق يعترضهما حقوس فتسأله تحفة .. حقوس القاعد هناك ده منو؟ فينظر الحبشي لتحفة بإستخفاف .. الله إنتا ما تأرف ده منو؟ ده ما سيد القهوة دي .. وصرخت روبس أبو أماني .. وأشوف ليك سباق الضاحية وقد بدأ باتجاهي .. كل واحدة فيهما تحاول أن تفوز بقصب السبق في الوصول قبل الأخرى .. ونيل شرف لقاء أبي أماني قبل الاخرى ..ولما وصلني يناهدن قالن لي بنفس مقطع .. إنت أبو أماني طبعا .. فنحيت الشيشة جانبا وأومات بالإيجاب .. وقمت لكي اصافحهما .. ولكن أحرجتني تحفة حواء لما سألتني بكل عفوية وطفولة محببة .. عليك الله ياأبو أماني الوصلتك قبال التانية منو فينا؟ عليك الله مش أنا الوصلت باللوال؟؟ وقبل أن أحاول إجابة دبلوماسية .. صاحت روبس بإنفعال .. عليك الله عان دي .. يمين أنا وصلت أبو أماني قبالك .. وعينكم ما تشوف إلا النور .. نسن الخوة الما قدر عشانا .. وإتشابكن بالأيادي .. والشمطة قامت وأنا قعدت أحجز فيهن .. كدي يا حلوات باركوها .. عموما أهو أنا قدامكن .. ولم أجد سوى الحيلة .. فتظاهرت بالنظر للباب الرئيسي وصحت الله أهوداك بابكر مخير ومعاه المعتصم وباقي الشلة داخلين القهوة .. ففكت كل واحده مسيرة التانية ولحسن حظي ظهرت في تلك اللحظة كوكبة من حسان وفوارس سودانيات وفعلا كان في مقدمتهم ود مخير ولما شافونا من بعيد مشوا علينا .. ولما وصلوا وعرفوا أني موجود .. التزم الجنس اللطيف جانب التحفظ وكتم الأعصاب ومدن إيدهن يسلمن على في تحفظ شديييييد .. أما الرجال فهاك يا أحضان وسلام حار بوخو طالع .. وبعضهم أوسع خدودي الحريرية تقبيلا وحقيقي يا همس الشوق .. خدودي خدرن من القبلات الخشنة المطعمة بشعيرات أشناب ما أنزل الله بها من سلطان .. وتقبلت الأحضان الخشنة والقبلات الأخشن بصبر الأبطال وجلد من يدفع ضريبة النعمة .. وكنت عند كل قبلة وأخرى أغمض عيناي وأتخيل أن تقع على خدي ..قبلة ناعمة تنزل بردا وسلاما وتستقر ناعمة شفافة يفوح منها عطر نسائي .. ولكن هيهات وهل تحققت أحلام (زلوط) يوما ..
****
هذه النقطة .. هى أول الغيث .. ولنا عودة ... تشاووووو

[شبارقة]

المشاركة الأصلية كتبت بواسطة AMAL

كيتا في شبارقة ومن لف لفه

[align=justify][align=center]حـِكـَم وأمثال كيتن في آمال [/align]

[align=center]لو تعلق قلبك بإمرأة لذهبت حياتك .

لم تنهى المرأة عن شيء قط .. الا وفعلته .

من أطاع زوجته فقد أضاع نفسه.

دموع المرأة دليل كذبها .

المرأة كالحرباء .. تتلون كيفما شاءت.

أستشر زوجتك ثم نفذ ما تراه أنت (غايتو ده مثل مهم جدا ً جدا ً )[/align][/align]

[align=justify]تاني أشوف لي إنتايا تجي تنطط بي جاي [/align]

[align=justify]بعد ده ممكن نشرب فنجان قهوة بمزاج ... صب لينا فنجان قهوة يا حرقس (إسمو منو؟ )

ومرحبا ً بكم دائما ً في ركن (ممنوع دخول النساء) في قهوة النشاط .[/align]

[تحفة حوا]

أبو أماني قصرتا معاك ؟
أها اختار براك وما تحتار
غايتو الاتنين الفي النص ديل برشح ليك واحدة فيهن

ملهوظة : روبس عندها علاقة بالجماعة بتاعين شرق اسيا ديل مما صورتك بالجوال يوم جيناك القهوة وورتن صورتك لبسن فساتين الزفاف ( شفتا الاعجاب دا )وجنك شان تختار

[نزار حسن علي]

سيد الوجاهةالقيافة والاناقة والحضارة والذوق
ابوامانى
نهارك جميل انته وام البنات وباقي العقد الفريد
ابوريم
يا راجل يا ملك نهارك جميل
ابوالمجتبى
القائمقام نهارك صحة وخير
الحلوييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييين
ربى
نهارك عسل مشتاقيييييييييييييييييييييين كثير كثير وعندي ليك نكت كثيرة
تحفه حواء
نهارك جميل زيك مشتاقققققققققققققققققققققققققققققققققققققققققققققق ققققققققققققققققون
سرورة
شوقنا طال طال يا جميل
نور
شوقنا كتاحه يا عسل
امال
حبيبه سودانيات شوقنا ماسورة محلوجة
عادل عسوم
يا راجل يا عزيز نهارك عسل وكل المعاك
باقي سودانيات لكم مليون بوسسسسسسسسسسسسسسسسسسسسسسسسسسسسسسسسسة
عندي شغل بنتهي بعد اسبوع وبرجع ليكم
مودتي بلا حدود

[سارة]

واحد قهوة عل الريحة


انتو الناس دى طفشت وين

ياربى يكونوا هاجروا ولا غاطسين ليهم فى صحن بامية مفروكة بالشمار

اللخدر

[احمد زين]

العزيزة تحفة
ديل جبتيهم من وين؟
والله بالغتي عديييييييييييييييييييل
ابو اماني تلقيهو اسي عندو امبرد
بس انا مع ابو اماني برشح ليك عرسان للباقيات
اولا خالد الحاج لانه قال لفائقة يس تفتش ليهو عروس
والباقين عمك بابكر مخير ما تنسيهو وعادل عسوم وود عثمان
وكان في باقي انا بخش
رايك شنو؟