عاجل جدا سادومبا يوقع للهلال الآن

[faris mohamed]

قبل قليل وقع اللاعب الزيمبابوى سادومبا للهلال بعد وصول كرته الدولى

[faris mohamed]

الصورة من موقع كوورة سودانية
بصم بصم بصم

[فخري الزين]

مبروك والله يستر مايطلع ماسوره زي حجاج الجماعه الطيبين
تحياتي

[بابكر مخير]

المشاركة الأصلية كتبت بواسطة faris mohamed

بصم بصم بصم

فارس
سلام
بس خايف الغلام
يكون ما تمام
فرة ولا فرخ حمام
الابيض يبقالو بشكير حمام
ينشف فيهو عرق زولن ضارب في الميدان الحوام
والأزرق مع اللون قشرة ساهي وكترت كلام
يابا باكر يوم الوطيس ولو زولك فطيس
نبقى رحنا مداسة تحت الأقدام
وهلالنا ما بنرضالوا جنس دآ
لأنو عرين الأسود والرجال العظام








طبعن آخر الأخبار المتداولة،
أنه مؤسسة المريخ، هذا الصرح الوطني التليد "وهو شئ يحز في القلب" متستر عليها لتكون مؤسسة غسيييييييييييييل (قالوا كدآ وعلى ذمة البيقولوا)
لكن السؤال برضو؟؟؟
هل هو غسيل لأسماء أندية كبيرة وهزيمتها في الملاعب، هل غسيل وبي كترة الشطف تنشطف سمعة مدربين أجانب، هل غسيل فترينة النادي من السيكافا وبعد الستة الهزيمة بمزيل الكوؤس "لعيبة عجايب"
ولا غسيل أموال والحاضر يكلم الغايب
سنة يا وطني
مؤتمر ولا متأمر ولا شغل خاص بين العلينا صَعاااااااااب وسطهم حبايب

[faris mohamed]

يا بابكر

قلت لى مؤسسة وطنية
هاهاهاهاهاهاهاهاهاهاهاهاهاهااااااااااااااااااااااا ااااااااااااااااااااااااااااي
وناس مؤتمر الخريجين يطلعوا شنو
ياخ سيبنا من ناس نجمة فكتوريا ديل
الليلة الرش جوة استاد الحكومة
و ساساساساساسا سيدا وسيد ابوها
و ساساساساساسا سااااااااااادووووووووووووووومبا
جيب من جوة يا ( أسبع الهادى سليم )

[بابكر مخير]

المشاركة الأصلية كتبت بواسطة faris mohamed

يا بابكر

قلت لى مؤسسة وطنية
هاهاهاهاهاهاهاهاهاهاهاهاهاهااااااااااااااااااااااا ااااااااااااااااااااااااااااي
وناس مؤتمر الخريجين يطلعوا شنو
ياخ سيبنا من ناس نجمة فكتوريا ديل
الليلة الرش جوة استاد الحكومة
و ساساساساساسا سيدا وسيد ابوها
و ساساساساساسا سااااااااااادووووووووووووووومبا
جيب من جوة يا ( أسبع الهادى سليم )

فارس الحبيب
والله دقات قلبي!؟
سكتت ساعة بيغ بن..
دوو دوو دوو مبآآآآآآآآآآآآآآآآآآآآآآآآ

ربك يستر وأنا ماشي أشوف الكورة مع عدد من الرشاشات
التقول بس ميدان النجم الاحمر
أححححححححححححححححححمر..

ربنا لا تشمت فينا عبد العزيز وفيصل ومليجي وفريد شوقي

[أبو أماني]

المشاركة الأصلية كتبت بواسطة بابكر مخير

فارس الحبيب
والله دقات قلبي!؟
سكتت ساعة بيغ بن..
دوو دوو دوو مبآآآآآآآآآآآآآآآآآآآآآآآآ

ربك يستر وأنا ماشي أشوف الكورة مع عدد من الرشاشات
التقول بس ميدان النجم الاحمر
أححححححححححححححححححمر..

ربنا لا تشمت فينا عبد العزيز وفيصل ومليجي وفريد شوقي

يا ربنا ما تقبل كلامو ده وشمتهم فيه ومعاهم أبو أماني يا رب .. لكين ندعوه بصدق .. ربنا يهديك .. عموما مبروك كرت سادومبا .. بس قول لي خانتو كيييييف مع مزمل العكليتة الطالع ليكم في البخت ده ؟؟؟ غايتو والله يا بوكو يا أخوي مزمز ده .. باقي لي يوم بكتل لو لخوية ..
اللون الأحمر أشرف الألوان .. واللون الأزرق .. يسوي خمة نفّـــس .. تشاوووو على عدد الأقوان الداخلة المعز بإذن الله وباقي نص ساعة بس .. أمسكو وارقو ... قبل أعمل شوتينغ .. إتذكرت هواية وارقو (صائم ديمة) قال حالف يفطر في شبكة المعز يعني بقوا ... أررررربعة ..

[faris mohamed]

قلت لى يفطر وين
سبحان الله غايتو لو ما الحكم كان نادي المريخ إتفرتق أمس وبمناسبة إفطار وارغو أهديك التعريف دا من حبايبنا فى سودانيز اونلاين
منقول
تعريف الصمرقع
سألنا عنها شيخنا جِرَامَروَيْه، وهو كما سيتبين لكم من إسمه ضليع بنحو العرب والفرنجة، فقال أصل الصمرمقع أن أحدهم جاءني ذات يوم وقدّم نفسه لي بإفرنجيةً فصيحة قائلاً (ماي نيم إذ وارقو)، وقال أن أنه يريد يتعلم كليماتٍ بلغة العرب يريد أن يُسكت بها اللغط الداير بعد كل مبارة يلعبها مع فريقه (المريخ) ولا يُصيب فيها الهدف (ولن يفعل حسب ما تواتر لنا أخبار)، لأنه يشعر أن كل الأنظار موجهة له، فقلت له (يا صاح لغة العرب عصية علي من هم مثلك ولكن سأعلمك كليمات إن قلتها لهم صمتوا) فقال (إلحقنى بها يا جرامرويه) فقلت له ( إذا تكلم أحدهم معك فقل له (صه، هذا أمر وقع) فعلمته وذهب، وحينما حلّت الطآمة السيكافية، وصاح احد النَظّارة (أي المشجعين بلغة أهل سودانيز اونلاين) في وارقو بدارجية فصيحة (إنت جابوك من وين بِلاهي)، فإذا بوارقو يصيح به بأعلى صوته (الصمرقع) ويريد أن يقول له (صع هذا أمر وقع)

[أبو أماني]

المشاركة الأصلية كتبت بواسطة faris mohamed

قلت لى يفطر وين
سبحان الله غايتو لو ما الحكم كان نادي المريخ إتفرتق أمس وبمناسبة إفطار وارغو أهديك التعريف دا من حبايبنا فى سودانيز اونلاين
منقول
تعريف الصمرقع
سألنا عنها شيخنا جِرَامَروَيْه، وهو كما سيتبين لكم من إسمه ضليع بنحو العرب والفرنجة، فقال أصل الصمرمقع أن أحدهم جاءني ذات يوم وقدّم نفسه لي بإفرنجيةً فصيحة قائلاً (ماي نيم إذ وارقو)، وقال أن أنه يريد يتعلم كليماتٍ بلغة العرب يريد أن يُسكت بها اللغط الداير بعد كل مبارة يلعبها مع فريقه (المريخ) ولا يُصيب فيها الهدف (ولن يفعل حسب ما تواتر لنا أخبار)، لأنه يشعر أن كل الأنظار موجهة له، فقلت له (يا صاح لغة العرب عصية علي من هم مثلك ولكن سأعلمك كليمات إن قلتها لهم صمتوا) فقال (إلحقنى بها يا جرامرويه) فقلت له ( إذا تكلم أحدهم معك فقل له (صه، هذا أمر وقع) فعلمته وذهب، وحينما حلّت الطآمة السيكافية، وصاح احد النَظّارة (أي المشجعين بلغة أهل سودانيز اونلاين) في وارقو بدارجية فصيحة (إنت جابوك من وين بِلاهي)، فإذا بوارقو يصيح به بأعلى صوته (الصمرقع) ويريد أن يقول له (صع هذا أمر وقع)

ماورد أعلاه من العزيزالغالي Faris من هضاريب وكلام خارم بارم .. هو تشخيص واضح لأعراض حمى الوارقونايزيشن التي تصيب اللخويات .. فتجعلهم يقولون كلام الطير في زريبة العيش .. وقد نصح الطبيب الإستشاري الشهير أخصائي أمراض اللخويات بحبة ثلاثة مرات يوميا من مضاد حيوي يسمى .. وااااااااارقو .. الهلال حااااااارقو .. على فكرة الطبيب المذكور أعلاه وقع على هذه الروشتة بتحويل من طبيب آخر أسمه الطوربيد والشهير بلقب الشرباك فهو شرباك المعز في الشباك .. وقد عمل تحويل للدكتور / الضباح .. والأخير هذا سره بااااااتع !! لما يطلع سكينه من الجراب .. دفاعكم بيعمل ساتر والمعز بيسف التراب وهناك طبيب آخر اشتهر وعمت شهرته الأصقاع والآفاق .. رغم تخرجه من كلية متواضعة بزريبة العيش .. أسمه البروفيسور كلاتشي .. الشهير بلقب الأباتشي .. هذا ولازالت عزيزي فارس الأنباء الواردة من العرضة شمال .. تفيد بأن المغلق الذي بها يستورد كل أنواع المواسير وأن مخازن مواسيرهم تمتد من شندي لل .. بسابير .. بالشمالية شمال .. وقد سكتت الجارية شهرزاد عن الكلام المباح عندما أشرق الصباح وأمرها الأمير شهريار الغالي المسمى بالوالي أن تقول لوصيفنا الأرباب .. شهر تسعة قررررب خليك جمب الباب .. تشاوووووو

[فخري الزين]

الغالي ابو اماني كيف حالك
سمعت بالرقصه الجديده في السودان اسمها جدعة وارقو دي ياربي بتكون كيييييييييف ؟
وقالوا كمان اخر الرقصه بقولوا ( معقوله ياوارقو ؟ )
تحياتي

[أبو أماني]

المشاركة الأصلية كتبت بواسطة فخري الزين

الغالي ابو اماني كيف حالك
سمعت بالرقصه الجديده في السودان اسمها جدعة وارقو دي ياربي بتكون كيييييييييف ؟
وقالوا كمان اخر الرقصه بقولوا ( معقوله ياوارقو ؟ )
تحياتي

كيف يا الحبيب ما سمعت بيها .. أي بلحيل سمعتبا وفاتت أضاني كمان .. لكين رايك شنو في الناس السنين يسمعوا ويطنشوا .. الشكية لاأب إيدا قوية طوروش عديييك كدي .. وعشان كده بحاول أذكركم وكان طرشانين بكورك بطول ما عندي ..
رقصات كتيرة وغنوات كتيرة يا الحبيب .. ألفها الزعيم ورقصها الوصيف اللخوية أب صفرا قدر الهقلة .. ولحنها الموسيقار على أحمد كمان .. منها ..
(1) رقصة الحمامة الشهيرة وكطع الرحط والعروس إسمها الرشيد فيصل والعريس يطراه الله بالخير .. إسمو المهندس محمد موسي.. قالوا يا ود أمي حنتو لي أسي شايلة خلى الكورة وبقي يحكي نكت .. تهئ هئ هئ والحفلة أكانت في المقبرة .. أقيف لسع .. وأقيف واسمع ..
(2) رقصة لفة طمبل .. العرض وكمبل وفي شباك المعز (قنبل) وعلى جمهور الصفوة قبل وأدي التمام ..كلاااااام يا عوض دكام .. الله يرحمه.. ماش وين تعال أقيف لسع أقيف واسمع.
(3) رقصة الشربكة .. لما المعز محجوب قدام الطوربيد .. قرب يقول باع .. لما برشو في النجيلة ودخل قونه تحت الفنيلة والفك المعز من الشربكة .. جزاهو كان الشطب .. أقيف يا إتا بتتململ مالك .. قرصتك (لخوية) ولا شنو؟
(4) رقصة خروف العيد .. والعريس كان الضباح .. النيجيري الصاح .. الخلى أم هلا هلا تمسك صلاح .. صلاح منو؟؟؟ أجي ما بتعرفو ؟؟ خلااااس خليه نقول ليك .. البطاح النطاح الطمبال..البكى الكاردينال.. ودق مسماره في تابوت الهلال.. ما تزعل يا الحضري مريخاب بيجيبوا ليك تارك ..
(5) فخري الزين .. إت عزيز على بلحيل وما بدور زعلك .. دحين عشان خاطري ..خلى الكوبار .. والبوبار ولباس الدهب في بيت الإيجار .. الزم دارك .. عشان تحفظ مقدارك وأول سبتمبر.. اتوكل على الحي الدائم وأكل نارك..قالوا وارقو حلف.. متل اللخويات يطلع شمارك على فكرة سبتمبر .. بتلعبوا معانا وين؟ .. أقول ليكم قولة .. نأجر ليكم ملعبنا الرديف ؟!حالكم يحنن الصهاينة يا ود أمي .. والمرة دي .. دقي يا مزيكة !!

على فكرة .. عندي بوستر نازل قرييييب أسمه (وارقو الهلال حارقو ) ترقبوه احبائي اللخويات وفي رواية أخرى .. الصـــــفـــــراب!!!
[align=center] [/align]

[فخري الزين]

أبواماني كيف حالك
قلت لي كوبار وبوبار ذي حقكم الفي سيكافا دا ياجماعه اختشو الرقيص نحن خليناه لاكرم
الحمدلله الماشلتو الكاس عشان ما يجيب لينا رقصه جديده .

[أبو أماني]

المشاركة الأصلية كتبت بواسطة فخري الزين

أبواماني كيف حالك
قلت لي كوبار وبوبار ذي حقكم الفي سيكافا دا ياجماعه اختشو الرقيص نحن خليناه لاكرم
الحمدلله الماشلتو الكاس عشان ما يجيب لينا رقصه جديده .

الحمدلله الماشلتو الكاس عشان ما يجيب لينا رقصه جديده .. وانا بقول الحمد لله الما شلنا الكأس عشان ما تقولوا الوالي باع واشترى .. والقصة مطبوخة .. طلعت براءتنا رغم كيد الحسود .. وكان كأس في متناول ايادينا .. بس برضو بسعلك يا ود حشاي إتو بتجيبوا كأس متلو متين ؟؟ جمهوركم الغلبان زهج ونحن ظاطنا زهجنا .. مية سنة كاس واحد من برة ما تجيبوه وبرضو تتبجحوا وتقولوا نحن فريق بطولات .. بطولات ولا بعرضات .. يا فخفخ يا أخوي .. أنا غايظني ود مخير الدكتور الراقي المهذب المثقف الشبهو شبه الصفوة .. غاظني قال هلالابي .. وما قدرت وحاتك اقول ليو .. (كل زول عاجبو الصاريو!) .. أصلي بعزو ولساني ما بطاوعنى حتى لو كان بيتملى باللخويات الزييكم ديل .. غايتو أجرم في حق نفسه نعمل لو شنو؟؟ تشااااوووووووو

[أبو أماني]

المشاركة الأصلية كتبت بواسطة فخري الزين

أبواماني كيف حالك
قلت لي كوبار وبوبار ذي حقكم الفي سيكافا دا ياجماعه اختشو الرقيص نحن خليناه لاكرم
الحمدلله الماشلتو الكاس عشان ما يجيب لينا رقصه جديده .

الحمدلله الماشلتو الكاس عشان ما يجيب لينا رقصه جديده .. وانا بقول الحمد لله الما شلنا الكأس عشان ما تقولوا الوالي باع واشترى .. والقصة مطبوخة .. طلعت براءتنا رغم كيد الحسود .. وكان كأس في متناول ايادينا .. بس برضو بسعلك يا ود حشاي إتو بتجيبوا كأس متلو متين ؟؟ جمهوركم الغلبان زهج ونحن ظاطنا زهجنا .. مية سنة كاس واحد من برة ما تجيبوه وبرضو تتبجحوا وتقولوا نحن فريق بطولات .. بطولات ولا بعرضات .. يا فخفخ يا أخوي .. أنا غايظني ود مخير الدكتور الراقي المهذب المثقف الشبهو شبه الصفوة .. غاظني قال هلالابي .. وما قدرت وحاتك اقول ليو .. (كل زول عاجبو الصاريو!) .. أصلي بعزو ولساني ما بطاوعنى حتى لو كان بيتملى باللخويات الزييكم ديل .. غايتو أجرم في حق نفسه نعمل لو شنو؟؟ تشااااوووووووو

[faris mohamed]

سلامات يا أبو أمانى
انتو الكاسات خلوها لانو بقروشكم ما حتقدروا تجيبوها ( سيخافا مثلا )

أحلى كاريكاتير كان بعد كورة أهلى مدنى قاليك سفاري قال للباشا
(لو ما المواسير المعانا ديل كان غرقنا )

وخلوا بالكم نيجيريا فيها مطر يعنى زى ما درسونا زمان
(نزل المطر وبرد الجو والسبعة محمداك يا أكرمhttp://sudanyat.org/vb/images/smilies/biggrin.gif