صدق أو لا تصدق!.. أبو أماني بالفضائية السودانية!

[عادل عسوم]

صدق أو لا تصدق!.. أبو أماني بالفضائية السودانية

علي بي جملة الأيمان أنت تستاهل تطلع في مونت كارلو والبي بي سي والجزيرة زاتا

[مواطن]

الحبيب عدول ... صباحك جيتانا ...
لسوف أفترض هنا حسن النية المطلق في إختيارك لهذه القنوات قياساً على مستوى ذكاءك الرفيع ، وهي كما يشير تخصصها قنوات إخبارية صرفة يظهر بها غلاة الأرقام كصبغة الله مجددي وأسامة بن لادن وبيت الله محسـود ..وأيمن الظواهري .. "فرَ" {فعل أمر من يرى} أين وضعته ، وأملي ألا تكون قد نصبته من حيث وودت رفعه.
وبما أنني إكتشـفت أنه صديق يتخفى في ثوب عضو .. فأتمنى له الظهور في دريم و LBC أو المستقبل مثلاً أوقناة شخلع .. {خصماً على إدعاءه الوسامة اليوسفية} وكلو بثوابو ..
لك كل المنى

[مواطن]

المشاركة الأصلية كتبت بواسطة بابكر مخير

العندو الفضائية السودانية
لو يشوفها حسي
والله ظنيتو يكسر التلفزيون ذي كدي وباكر ما نقدر نشوف أبو أماني allias أبو رآمي والمتفق عليهو الزين
لا حول الله
حاااااااااااااااااالة سعبة

تحياتي يا دكترة ...
أياهو "أبو رامي" بذاآآتـو ... الغريبـة يوم كنا في ضيافة أبو ريم إتكلم معاه عادل ولما أداني التلفون شعرت كمن سمع هذا الصوت قبلا .. ولكنه كان محظوظاً لأن وقت المحادثة المتاح كان قصيراً والأهم من ذلك أنه لم يتمـتـم كالعادة "على الأقل معي" ولكن عندما تبادل معه عادل الحديث كان صوته يختلج بالتمتمة ، فقلت للشباب "الزول ده تمتام" .. ومع ذلك لم أربط أجزاء الصورة ببعضها.

ولو تتذكر إشتكيـت ليك من مداخلاته معاي أكثر من مرة وقلت ليك الزول ده رافع الكلفة و"جاريهو" بساط أحمدي لدرجة المكاوية قبال ما نتعارف حتى ؟؟ وما زال في نفسي شيئ من حتى.

أشـتم من تعقيب عادل بعض الإستئناس للمقلب الشربو سيادتي من هذا العضو .. (ما خلاص بقى عضو ) زين العابدين ..

بالمختصر وخصماً على رصيد معرفتي المتراكم والمرحل مع "زينكو" أستطيع أن أقول أن هذا فلم وكرتون كمان .. أها كان ما طلع "وود بيكـر" ما تديني إيدك .

أقعد بالعافية

[عادل عسوم]

المشاركة الأصلية كتبت بواسطة هاشم طـه

الحبيب عدول ... صباحك جيتانا ...
لسوف أفترض هنا حسن النية المطلق في إختيارك لهذه القنوات قياساً على مستوى ذكاءك الرفيع ، وهي كما يشير تخصصها قنوات إخبارية صرفة يظهر بها غلاة الأرقام كصبغة الله مجددي وأسامة بن لادن وبيت الله محسـود ..وأيمن الظواهري .. "فرَ" {فعل أمر من يرى} أين وضعته ، وأملي ألا تكون قد نصبته من حيث وودت رفعه.
وبما أنني إكتشـفت أنه صديق يتخفى في ثوب عضو .. فأتمنى له الظهور في دريم و LBC أو المستقبل مثلاً أوقناة شخلع .. {خصماً على إدعاءه الوسامة اليوسفية} وكلو بثوابو ..
لك كل المنى

أستاذنا هاشم
أستصحابا لوسامة (أجمع الناس) بأنها فيه...فهو بالفعل أدعى لأن (يظهر) في القنوات التي تذكر...
لكن ألا ترانا نصوّب هنا الى (خبر) جاءنا به ...ففعل بك وبالناس الأفاعيل؟!

[مواطن]

العزيز أبو أحمـد ..
يا شقيقي .. أنا ما في التلفزيون .. يطير التلفزيون والقائمين على أمره .. أنا في الفلم العملو معاي ..
الزول ده قد ما جريت وراهو عشان يشترك في سودانيات رفض رفضاً بيناً حتى حسبته من "الروافض". ثم دارت الأيام ونسيت الدعوة والإلحاح إلى أن أتي يوم على المؤمنين عسير في بواكر العام عندما إلتحق بسودانيات متنكراً ودون إخطاري ، مموهاً شخصيته وسنّـه وعنوان سكنـه .. ولم يدر بخلده ولو لجزء من الثانية أن يبلغني أنه إنما أصبح أكثر قرباً مني ، ولكن صدق الشاعر عندما قال :
[align=center]ستبدي لك الأيام ما كنـت جاهلاً .... ويأتيـك بالأخبار من لم تـزود[/align]
فو الذي روحي بيده لأركبنه طبقاً عن طبق .. هذا الهبنوق الدعيّ ..
ولك كل الود

[مواطن]

المشاركة الأصلية كتبت بواسطة عادل عسوم

أستاذنا هاشم
أستصحابا لوسامة (أجمع الناس) بأنها فيه...فهو بالفعل أدعى لأن (يظهر) في القنوات التي تذكر...
لكن ألا ترانا نصوّب هنا الى (خبر) جاءنا به ...ففعل بك وبالناس الأفاعيل؟!

العزيز عادل ..
هذا رأي يحمل وجاهة لا يأتيها باطل ، ولكن أما لك أن تفرّق بين "الخبر" ومظهر صاحب "الخبر" ..!!

[تحفة حوا]

عمو هاشم هل حصل دعيت ليك واحدة عشان تشترك في سودانيات ؟

[مواطن]

الشفيف طارق
هذا أمرؤ قـُد من عبث ..
وهكذا ديدنه مذ أن أعثرني الزمن به .. وأنا لا أرعوي .. وأساءل نفسي ، هل أنا مؤمن حقاً قياساً على القول " لا يلدغ مؤمن من جحر مرتين" ، وإن كنت أبرئ صاحبي من الجحر وذوات الجحور وأحسبه ضمن ساكنات "المناحل" ، وأؤكد لك أنها لن تكون اللسعـة الأخيرة ..
تمنياتي لك بالعافية.

[همس الشوق]

المشاركة الأصلية كتبت بواسطة هاشم طـه

الشفيف طارق
هذا أمرؤ قـُد من عبث ..
وهكذا ديدنه مذ أن أعثرني الزمن به .. وأنا لا أرعوي .. وأساءل نفسي ، هل أنا مؤمن حقاً قياساً على القول " لا يلدغ مؤمن من جحر مرتين" ، وإن كنت أبرئ صاحبي من الجحر وذوات الجحور وأحسبه ضمن ساكنات "المناحل" ، وأؤكد لك أنها لن تكون اللسعـة الأخيرة ..
تمنياتي لك بالعافية.

[align=right]هههههههههههههههههههه

عمو هاشم

ياخ كله إلا صحتك وكدا

أعصابك وتعيش وتأخد غيرها

وخليك من أبو أماني


شكيتك يا أبو أماني خليت عمو هاشم مركب مكنة لسان العرب والزمخشري


لكن أقول حاجة يا عمو هاشم بناءاً على وصفك التفصيلي لأبو أماني منعوني أحضر السهرة وقالو لي انت سغيرة ما تحضر برامج الرعب في الليل[/align]

[فيصل سعد]

المشاركة الأصلية كتبت بواسطة أبو أماني

[frame="7 90"][/frame]

الحبيب فيصل سعد احمد الشيخ .. شبل من ظهر اسد هصور والده رحمه الله وأسرته قاطبة قنوات نضال وطني لاينكر لها فعل ولا ينكسر لها رمح ولا يلين لها جانب تشرفني صلة القربى بيننا وفي خاطري ووجداني تلكم الأيام الوضيئة المضيئة من حياتنا عندما كانت مدينة (بري) الصامدة قلعة نضال ومربط فرسان وأفراس وفوارس وعرين أسد شماريخ .. ضمت أسماء يعج بها تاريخ النضال الوطني ضد الإستعمار بشقيه الباطن والسافر ويكفينا فخرا يابن العم أن كان لأسلافنا في صحيفة النضال يدا سلفت فوالده سعد رحمه الله من أوائل الإعلاميين الجهابذة كان يشار إليه بالبنان بدولة الكويت الشقيقة وكان هو مؤسس أول وكالة للأنباء بالسودان وهي الثمرة التي غرسها يوما فصارت ~(وكالة سونا العالمية للأنباء) وعمه المرحوم مصطفى أحمد الشيخ ثوري ونضالي لدرجة أن قضى معظم سنوات عمره داخل معتقلات قمع الفكر الثوري القائد نحو التحرر والإنعتاق وعمته سعاد الشيخ طالما قادت جحافل المناضلات الثوريات بالإتحاد النسائي السوداني بمواجهة كل اشكال الديكتاتورية العسكرية أعلن لكم ما أحسبه يقينا معلوما لديكم سلفا لا منا ولا أذى ولا تبجحا ولا إستعراضا .. بل لأن من لا يشكر الناس لا يشكر الله .

عزيزي فيصل سعد تحياتي لأسرتك الكريمة ولأختنا سهير وأسرتها وللوالدة سميرة وتقبل سلام أسرتي الصغرى والكبرى وخاصة ناجي ونادر وفرحة وعفاف وعبوي والجميع ..

الأخوات العزيزات قائدات تنظيم (شنكبة عنكبة) وبخاصة الأخوات تحفة حواء وروب ((شوفوا ليكم .. غراب ميت .. جزوه)) .. ولا كيفن يا شبارقة؟؟؟؟

المشاركة الأصلية كتبت بواسطة فيصل سعد

عابدين محجوب بابكر السيد

يا لمحاسن الصدف ،، و سلامات ايها الاخ الفاضل الاكرم
و التحايا لك و لعموم الاهل الكرام .. و شكرا لانعاش الذاكرة
بعبق و ذكرى تلك الايام الخوالي الطيبة التي حفرت في الذاكرة..
كيف لا نذكر امجاد والدك العظيم له الرحمة و المغفرة و اياديه
البيضاء و قلبه العامر بحب الناس و قفشاته في الكونكان و داره
العامرة التي كانت ملاذ و مرتع الخير و الجمال ، و كم دنكلنا معه
الفول و الفتة و المطايب و كنا نفرشها في مسطبته العامرة في شارع
النص و يرتادها الغاشي و الماشي دون من و اذى في كرم فريد، و نذكر
كذلك دعمه اللا محدود لفرقنا الرياضية في الليق و الروابط عندما كان
بالسعودية و كم اتحفنا و ابهج ايامنا خيرا و مودة .. و لا ننسى كذلك
خوتك العزيزة و رعايتك و اشرافك و دعمك اللامحدود لنا كأخ اكبر
ساهمت بقوة و علمتنا ان نشق الدروب بقوة و حمارة عين، و حقيقة انت
كنت نعم الاخ الموجه العطوف و الكريم و كنا نستمد قوتنا منك و امثالك
يا عابدين ذو القلوب النقية العامرة قلال و يندر وجودهم، ابقى طيبا يا
رجل و لا تندم على شيئ لان الدنيا الفرندقس دي ما بتدي حريف
زي ما عارف، مجدد التحايا لكم جميعا ..

و كونوا بخير ..

عزيزنا هاشم طه لك التحايا الطيبة و الاشواق الكثيفة:

انا بتاريخ 13 ابريل 2009 في مداخلة لي معه بقهوة النشاط ، و بالصدفة العابرة بسلام عرفت من هو ابو اماني و فتيتوا ليكم و اديتكم آخره و كدا لكن متابعتكم لم تكن لصيقة يا ابا مهيد، و ربما شغلكم الشديد القوي كما يقول طارق كانديك ، اعلاه صورة من تلك المداخلة و تجدها في قهوة النشاط صفحة رقم 25 بضبانتها .. عشان ما تتجهجهوا صحصحوا معانا و تابعوا ركزوا كويس

يديكم العافية ..

[تحفة حوا]

المشاركة الأصلية كتبت بواسطة فيصل سعد

عزيزنا هاشم طه لك التحايا الطيبة و الاشواق الكثيفة:

انا بتاريخ 13 ابريل 2009 في مداخلة لي معه بقهوة النشاط ، و بالصدفة العابرة بسلام عرفت من هو ابو اماني و فتيتوا ليكم و اديتكم آخره و كدا لكن متابعتكم لم تكن لصيقة يا ابا مهيد، و ربما شغلكم الشديد القوي كما يقول طارق كانديك ، اعلاه صورة من تلك المداخلة و تجدها في قهوة النشاط صفحة رقم 25 بضبانتها .. عشان ما تتجهجهوا صحصحوا معانا و تابعوا ركزوا كويس

يديكم العافية ..

فيصل ازيك يا ود عمك
اي والله انا متذكرة المداخلة دي تماما وحفظتا منها اسم ابو اماني وحصل قلتو ليهو تاني وفي قهوة النشاط
بس كمان ما تنسى عمو هاشم كان مختفي فترة يمكن تكون نفس الفترة دي
غايتو يا فيصل أقعد انت للبحيت
يعني انت في صف ابو اماني ؟
أنا غايتو ( الحكم بعد المداولة أقصد السهرة )
ههههههه

[أبو أماني]

المشاركة الأصلية كتبت بواسطة kabashi

[align=justify]العزيز أبو أماني
ياخي يكفى شفناك بين حروفك الانيقة الخفيفة الدم انا اتوقع الليلة سهرة جميلة لو معتز إبني أعطاني فرصة في الريموت ـ لأن مقدمها رجل يمتلك التعبير الرصين والدم الخفيف والله يستر لا يكون كلامك أكثر من ضيوفك عشان بكرة بنجي ..... خليها لبكرة .[/align]

عبق الطيب ينم عن مصدره..كلامك أثلج صدري ونشر في جوانحي الثقة في أني سوف أشرف كل ناس سودانيات في هذه الحلقة وأرفع رأسكم عاليا بإذن الله .. ورأي رقم مثلك يهمني كثيرا لك مني خالص المودة ..

[قمر دورين]

[align=center]أبو أماني
يعني ظهر الحقّ و....كده!
وسواء كنت أبو أماني أو أبو رامي فلك التقدير والإحترام....
فمن حديثك الطيّب وروحك المرحة توسّمنا فيك الكثير الجميل من قبل ومن بعد...
والله جد...تحيّاتي لك أينما تكون....
دمت جميل الدواخل....عظيم المقالب..

[/align]

[فيصل سعد]

المشاركة الأصلية كتبت بواسطة تحفة حوا

يعني انت في صف ابو اماني ؟
أنا غايتو ( الحكم بعد المداولة أقصد السهرة )
ههههههه

السلام و التحايا يا تحفة حواء و عساكم طيبين ،،
في صفو بس انا صف الحبايب فيه و كل العاشقين خلفي كما يقول
حبيبنا الريس ود الطاهر الله يديو الصحة و العافية .. و انت لو ركزتي في
مداخلة الخال ود الحاج الفوق دي ماك محتاجة مداولة و سهرة و تضييع زمن

في احتمال سيد الوجاهة بدقس فيكم بالسهرة و البرنامج و هكذا جغمسات، خاصة
زعيمنا الاحمر الوهاج امورو ما ظابطة الايام دي لكن رغم ان الجمال جمال
الروح و الخلق و الاخلاق ، الواحد ملاوز انه اخونا نزار حسن علي ما ياكل نيم و كدا

ابقوا طيبين ..

[فيصل سعد]

المشاركة الأصلية كتبت بواسطة تحفة حوا

فيصل ازيك يا ود عمك

غايتو يا فيصل أقعد انت للبحيت

ههههههه

يا بت عمك علي بالليمان بحيتي دا عاجبك و ساري بالك
بس مكابرة ساكت و كدا بعدين دا بحيت خير و الفة
و مودة لزول جميل الدواخل و عامرا علما و محبة و تواضع ..
و الله شوقتونا لمشاهدة هذه السهرة القنبلة قطع شك ..