صدق أو لا تصدق!.. أبو أماني بالفضائية السودانية!

[wadosman]

[align=center]اديتونا السهر...نطالب بتعويض كامل
و نحول الملف لامال لاجراء اللازم....

هاشم يا اخوى...

انا بديت اصدق كل الكلااام القلتو فى صاحبك دا...[/align]

[سارة]

المشاركة الأصلية كتبت بواسطة wadosman

[align=center]اديتونا السهر...نطالب بتعويض كامل
و نحول الملف لامال لاجراء اللازم....

هاشم يا اخوى...

انا بديت اصدق كل الكلااام القلتو فى صاحبك دا...[/align]

wad osman

[wadosman]

المشاركة الأصلية كتبت بواسطة سارة

wad osman

و عند جهينة الخبر اليقين...

شكلك دقسوك برضو...

[wadosman]

المشاركة الأصلية كتبت بواسطة عادل عسوم

نحنا غايتو ماقلنا حاجة

شكلك مشترك فى الفيلم دا..

[احمد زين]

الحبيب الغالي ابواماني
ساهرت بي .. يساهرن بيك بنات افكارك قوووول آآآآآمين
قددت عيونا بالسهر الله يقد جيبك اكتر من ما هو مقدوووود
تعرف يا وجيه
المدام بالليل سالتني سؤال قالت لي يا راجل الليلة مالك سايب الكمبيوتر وحارس التلفزيون الكله مديح و برنامج حيوانات ده ... بيني وبينك قلتا ليها في سري احتمال ابو اماني يطلع في نصهم
وحياة خوتك الما ببدلها بي دستة كبابي شاي كاااااااملة ان ما وريتك اكون انا ما احمد زين

[تحفة حوا]

المشاركة الأصلية كتبت بواسطة أحمد محمد زين حسين

الحبيب الغالي ابواماني
ساهرت بي .. يساهرن بيك بنات افكارك قوووول آآآآآمين
قددت عيونا بالسهر الله يقد جيبك اكتر من ما هو مقدوووود
تعرف يا وجيه
المدام بالليل سالتني سؤال قالت لي يا راجل الليلة مالك سايب الكمبيوتر وحارس التلفزيون الكله مديح و برنامج حيوانات ده ... بيني وبينك قلتا ليها في سري احتمال ابو اماني يطلع في نصهم
وحياة خوتك الما ببدلها بي دستة كبابي شاي كاااااااملة ان ما وريتك اكون انا ما احمد زين

أحمد زين
حتى انت يا بروتس ؟
أها والله يا أبو أماني حننتني
غررنا نقيف في صفك
وود الزين دا كدي يقدر يسألك

[بابكر مخير]

الحب/يبات/ان
ضوء الكشافات الهايلآ
المنصوبآ في الأعمدة الميلا
اللي الوقوع أيلآ
الإتعرض ليهو أمس في تلفزيون الأحلام
دآ سبب عشان يكون!!
كفاهو تب من مدفعيتنا المتل شمس القايلآ
نقينا فيهو لما الدمعة من عينو جات سايلآ
غلطو شنو؟؟
أنو ظهر ولا الغلط في أنو ما ظهر
دا لب الموضوع وكبير الأسئلة الحايرآ

[احمد زين]

المشاركة الأصلية كتبت بواسطة تحفة حوا

أحمد زين
حتى انت يا بروتس ؟
أها والله يا أبو أماني حننتني
غررنا نقيف في صفك
وود الزين دا كدي يقدر يسألك

قررنا بالقاف ... تقيفي في صف التمباك ان شاء الله

[أبو أماني]

المشاركة الأصلية كتبت بواسطة تحفة حوا

ح نحتفظ بي هدوءنا ورصانتنا الى ما بعد السهرة
وأرجى الراجيك يا ابو اماني
يا حليلك شماتك كتار
والصقر كان وقع كترة البتابت عيب

يا سيد القيافة وفايت الناس مسافة

دي نهاية النفخ والفشخرة
لكن سؤال مهم ؟
الناس دي ما كانت ح تجيب خبر وكلهم ما بحضروا التلفزيون
وريتم لييه وكلمتهم بالسهرة ؟

معزتي وتقديري

والله يا تحفة .. عشان إنتي بالذات ما تشكي في مصداقيتي (التي أشك فيها أنا شخصيا)! سوف أشرح لكي الموضوع من طق طق للسلام عليكم .. وصدقيني حتجي اللحظة التي تشاهدي فيها البرنامج .. وتقولي أبو أماني صح وأبو مهييد تجني عليه وبعد داك بمشي (لشكلة جاهزة) قصدي أمال أخليها تتور لي محامي .. رد شرف وكده .. ده كان فضل فوقو شئ!!!
الحقيقة : البرنامج صوروا معاي آخر شهر سبعة الفات ده .. وبعد عدة جلسات وبروفات تم تجربته وكان روعة .. وشاهدته .. قالوا لي حيكون ضمن برامج شهر رمضان الكريم .. قبل أيام اتصل بي المخرج الأستاذ الرائع الشاب المذهل نصر الدين حسن على وقال لي حبيبثوه الليلة لظروف برمجة .. وتاني قال لي بكرة .. أمبارح اتصلت بيو فأكد لي أنو حيكون في رمضان .. فإلي ذاك الوقت ليتناحر المتناحرون بين مصدق ومكذب .. وأرجو أن تكوني من المؤمنين قصدي الصديقين زي دكتورنا الحبيب بوكو وأمال وباقي الجماعة الفي صفي والناس البقوا مع هاشم طه سيكونوا بإذن الله في كشف أوكامبو .. عفوا قصدي أمال .. تشاوووو

[مواطن]

[color=#9900CC]
[align=justify]العزيز ود عثمان ...
أما شاهدت صديقنا "أبا رامي" بالأمس ..؟ وهـو يسرق الأضواء من الضيوف الكرام .. لا تقل أن السهرة قد تعدتك ولم تلحق بركابها .. البرنامج تحديداً بدأ في الساعة العاشرة إلا عشر دقائق على القناة التجريبيـة .. لذلك زال إندهاشي السابق عندما علمت من "الزين" أن التأجيل إنما تم لأربع وعشرين ساعة فقط .. ومع الأسف أطلقت عليه حملة شعواء بحسبان أنه ليس في رأسنا قنابير ..وأن القناة الرسمية لها برمجة سابقة الإعداد.
عمـوماً من كان يتابع القناة العامة فقد ضل الطريق ، ولكنـه خطأ "أبورامي" أو خطأ المخرج فمن المفترض أن ينبه الجميع أن البرنامج سيبث عبر القناة التجريبيـة ..
سهـرة بالجـد شهادتي فيها مجروحـة فربما تأثر تقويمي لها بما يربطني "بأبي رامي" .. عموماً أطلب منه عبر هذه المداخلة أن يسعفنا بتسجيل لها ... ونحـن لها ..
ولك الود المصفى[/color[/align]]

[مواطن]

العزيز أحمد زين .. سيـد الدائرة 31 أمدرمان ..
كيفك يا راجل يا ثورة .. ؟
أما ترى إنك قد كنـت عنيفاً نوعاً ما مع "أبو رامي" ..
الرجل قدم السهرة المطلوبة .. وإن كنت ساهرت فهذا هو مرامـه .. ومقصـده .. ومنتهاه ..
أخطأ في (أو لم يخبره المخرج) أن السهرة في القناة التجريبيـة وبالتالي .. خب القوم نحو القناة العامة والتي كان يحتلها البشير بمعاونة بعض المداح ..
عموماً دعوناه إلى تقديم تسجيل لنشاهده أجمعين ، أو إخبارنا بموعد الإعادة لأنه عادة ما تلجأ القنوات التجريبيـة لتكرار برامجها.
لك كل ودي

[تحفة حوا]

المشاركة الأصلية كتبت بواسطة أحمد محمد زين حسين

قررنا بالقاف ... تقيفي في صف التمباك ان شاء الله

احي انا الواحد ما يهظر في البلد دي اصلو ؟
أها والله عارفاها بالقاف
بعدين اللغة العربية دي ما يغلبني فيها الا ابو مهيد

اتمبك راسك دا

[أبو أماني]

المشاركة الأصلية كتبت بواسطة فتحي مسعد حنفي

يالزين خسمتك بالخلقك وسواك كما انت.خسمتك توريني السمسمية حقتك دي بتجيبا من وين.عشان انا قايم السودان والكلام عندي كمل

وكمان بكل براءة تسألني بجيبها من وين ..وإنتو أسيادها يا توحة يا ملك السمسمية يا الكلك ذوق وظرف وشفافيه .. يا أخي أنا والله وسطكم (عنقالي) وسط أفنديه .. تسلم يا رفيع المقام .. ولك من الحب اطنان .. وشوق بحجم سد مروي .. تشاوووو

[مواطن]

تحفة .. إزيك ..
أها كده كويس يا أحمد زين ..
لحقـك راس الســوط ...
هي في الحقيقــة "بال غ" وقـد تم التغـرير .. وإسدل الستار .. فلماذا تصحح الصحيح ليصبح حاصل ضرب الموجبين سالب .. !!
أقعد بالعافية

[أبو أماني]

المشاركة الأصلية كتبت بواسطة تحفة حوا

احي انا الواحد ما يهظر في البلد دي اصلو ؟
أها والله عارفاها بالقاف
بعدين اللغة العربية دي ما يغلبني فيها الا ابو مهيد

اتمبك راسك دا

والله عجبتيني تب يا تحفة .. كده النسوان ولا بلااااش .. تاني في زول عنده كلمة عاوز يقولها؟ تحفة خليك قريبة يمكن أبو مهييد يجي ناطي أسع .. أصلي برتبك وكمان هوا مشييع عليا أني بتمتم .. مع العلم ووحاة الله في سماه .. قع يتمتم هو بالظات لما يقيف قدام بت .. التمتمة وبلع الريق والوش اللحيمر داك يبقى زي الفشفاش النافخينو هسع ..!! ماتشوفي فصاحتو دي بسويها مع الزين بس .. حقيرة حقيرة الحيطة القصيرة .. وأسد عليا وقدام الجيكس يمامة .. بااااي