صدق أو لا تصدق!.. أبو أماني بالفضائية السودانية!

[AMAL]

المشاركة الأصلية كتبت بواسطة معتصم الطاهر

لمتين تاخدوا الأمور بأريحية و حسن نية ..

البوست دا .. ظل ظلوا خفيف حتى دخلت أنا ..

لم أعرف أنى مرفوض هنا

حتى رجعت لأجد أن مداخلتى الاولى لم يرد عليها ..

و دخلت تانى ..( غباء .. شلاقة .. )

تاريك راقد لى بشيتا كتر ..( الكلام دا للزمن.. الذى ليس هو الله ) ..

للباش الجميل معتصم
حاشاك الشتاره والغباء والتطفل
لا بتشبهك لا بتجي جمبك
قلتها لك في الخاص واقولها هنا
اعتز جدا اني كاتبتك في الخاص
فلم اري منك غير الاحترام ولا تحتاج لشهادتي قطعا
يا بن نيلي سلمت ودمت
ومن يلزمه الاعتذار ابواماني اولا ومنال ثانيا
لتحميلهم لكلمات معتصم اكثر مماتحتمل
محزن جدا ذلك لوتعلمون
ولا يشبه ابدا دفق المحبة واريحية التعامل
وتلقائية التواصل الذي يسود هذا المكان
محزن واسيف
فقليل من الحكمة والتروي
قبل اطلاق عنان الظنون
وارسال الكلام علي عواهنه

[مواطن]

أفتـكر بعـد "الحـوليـة" العملها فوفو من كـندا ..
ممـكن ندخل الشـوط التاني ناقصين لاعب .. (لاعب زمزغ إسمو معتصم) ..

وما دايريــن حكـام زي ما طالبـت "منال" ..

وأبو رامي عـندو كـرت أصفـر من "جمال الوالي" شخصياً ..

فدعـوا الجمال يتـدفق ويواليـنا بصلاحـو ..

أصلوا المريخاب ديل زمزاغيــن ..

[أبو أماني]

المشاركة الأصلية كتبت بواسطة فيصل سعد

بسم الله، و الصلاة و السلام على رسول الله

في سياق البوست و مسار العلاقات الحميمة
في هذا الصرح الذي يجمعنا، اعتقد ان مداخلة
الاخ معتصم الطاهر مع الاخت منال عادية
و الجملة الاستفسارية "ماسك عليها شنو؟" رغم
غلاظتها لم يقصد بها سؤ كما اوضح لاحقا،
على العموم سؤ الفهم يحدث احيانا و الامزجة
لا تبقى رايقة و صافية دائما .. ان كان هناك صوت لوم،
فانا بكامل المحبة و الاحترام و التقدير ارسله الي كل من:

الاخت العزيزة منال لتسرعها، و معذورة كلنا نتسرع احيانا
و تقديري لظروف قلقك بما سببه لك بوست (منال و تولا) كما اوضحتي ..

الاخ العزيز ابو اماني، و رغم حسن النية الظاهر في ردك على معتصم،
و مطالبته بالاعتذار، لكن لو كان جليته او اجلته شوية ، ربما لم تصل الامور
لما وصلت اليه ..

مطلوب من الجميع ان يتحلوا بالحكمة و الصبر، و الحلم عند الغضب،
و اوصيكم و نفسي، بزيادة المحبة و المحنة و الالفة و التعاضد و الثقة
و التروي ما استطعنا الى ذلك سبيلا ..

و لكم جميعا، وافر الود و التقدير،

فيصل سعد
عضو و زميل منبركم العامر..

الأخوة الأعزاء المتداخلين في هذا الموضوع الطارئ.. لا أذكر إسما ولا أستثني أحدا ..
لكم خالص حبي ومعزتي وإحترامي وتقديري .. قال رسولنا الكريم (صلعم) إن أعقل الناس أقبلهم لأعذار الناس..وبمثلما تدين تدان..وكل بن آدم خطأ.. جعلنا الله من الأخيار التوابين.. وكما تداخلت في الأمر وبحسن نية .. توسمت في الباشمهندس حسن النية أيضا .. ومنحتها له لحسم الأمر في مهده وتوقعت منه وبأريحيتيه المعهودة أن يفوت الأمر بسماحة نفس وكفى الله المؤمين شر القتال .. في غير معترك! .. فوجئت وآخرين برده الذي ينفي فيه قطعا توفر حسن النية .. وتلاه بكلام مبهم .. قد يفتهم منه ما يفتهم .. وهنا كان المنعطف الخطير الذي لا يقود إلا لمزيد سؤ التفاهم .. أنا لست مصريا لأقول لكم (ماليش دعوة بالموضوع ده خاااالص!) وكسوداني .. أمتثل لحديث الرسول (صلعم) من يحوم حول الحمى يوشك أن يقع فيه .. فلماذا نعرض أنفسنا للخطل أحبائي؟ .. رجائي أن تتركوا جميعا التداول في هذا الأمر وإعتباره كما لم يكن أصلا .. وبخاصة الآنسة الإبنة منال التي نكن لها وللباشمهندس نفس الحب والإعزاز والتقدير .. وإن عدتم لهذا الأمر ثانية .. عهدا مني شخصيا أن لا أعود إليه .. هيا يا شباب للمداخلة التي تلي هذا البوست .. ففيها خروج عن هذا الجو المشحون .. ولكم كل الحب

[بدور التركي]

المشاركة الأصلية كتبت بواسطة أبو أماني

الأحباء الأعزاء في مجتمع سودانيات الراقي
تحية عطرة عطر لقاءكم .. وبعد،

على ضوء المداولات السابقة بيننا منذ ان تشرفت بزمالتكم قبل سنة تقريبا، لا شك عندي بتعاظم رغبة معظم الأفراد منكم في مشاهدة المسمى بأبي أماني هذا..لمعرفة حقيقة الأمر!..وهل هو فعلا وكما يدعى دوما ذو وسامة وسماحة فايتة الحد..أم أنه إنسان عاااادي (فاكيها في روحو؟) كنت أنوي أن أفسحكم ردحا من الزمن دون أن أسبر غوركم .. ولكن تهب الرياح بما لاتشتهي السفن .. كنت عاوز أطيل إنتظاركم لهذه اللحظة كثيرا وما كنت ناوي أعيد لأذهانكم أغنية الحقيبة الخالدة التي يقول مطلعها :-
حاول يخفي نفسه .. وهل يخفي القمر في سماه ؟..
لا .. لا .. وطبعا لا.. شفــناهو .. شفــــناهو..!
وهاهي ذا الأقدار تضع لكم هذه الفرصة على طبق من ذهب.. كيف؟؟ .. كده ..

اليوم وعلى قناة السودان الفضائية وفي ساعة متأخرة تشاهدون سهرة سودانية مية المية .. في برنامج جديد من إبتكار العبد لله بعنوان (( نفحات من الزمن الجميل )) وسيكون معي ضيوفا أسماء ذات صيت ورونق ..أحجم عن تحديدها لعنصر المفاجاءة سيتم تقديمي في الحلقة بإسم : زين العابدين محجوب .. قررت أن أخطركم .. رغم ضيق الوقت حيث إتصل بي مخرج البرنامج هاتفيا وأخبرني بإستعجال إدارة التليفيزيون ببثه الآن (فجاءة) وكان مقرر له العرض خلال شهر رمضان المبارك ..

أرجو متابعته بإهتمام .. ورجاء خاص أن لا تركزوا على شكلي أو مظهري الخارجي الذي لا يهمني كثيرا .. واااااثق من روحي والحمد لله .. يهمني تعليقكم الصادق بدون مجاملة على كيفية ظهوري الأثيري عبر الشاشة البلورية .. وأسلوب أدائي إن كان عفويا أو متكلفا .. وأسلوب حواري وخلافه من ملاحظات .. فكلامكم يهمني كثيرا في هذا الصدد .. يمكن من خلال هذا اللقاء الأثيري بأحبابي في سودانيات من (المعجبين) لاحقا من الجنسين..أن يرسلوا لي تعليقاتهم التي تأخذ طابع الخصوصية في بريدي الخاص..

ملحوووزة : للعزيزات من بنات حواء .. ممنوع منعا باتا .. مشاهدة البرنامج لمن تجاوزن ال 25 سنة فما فوق .. والزعل مرفوع ... رجاء أخير .. عليكم الله .. ما تجاملوني !! تشاو وإلى اللقاء مساء اليوم بإذن الله ... غدا .. اتلهف لسماع الآراء .. باي

يعنى امبارح كنت بكلم زول مشهور وانا ما عارفة

راحت علينا المقابلة اسف والله

ازيك يا وسيم الدواخل..

[احمد زين]

المشاركة الأصلية كتبت بواسطة بدور

يعنى امبارح كنت بكلم زول مشهور وانا ما عارفة

راحت علينا المقابلة اسف والله

ازيك يا وسيم الدواخل..

بدر البدور ازيك وازي اليمن السعيد

وانت الصادقة يا اختي وسيم الدواخل وبسسسسسسسسسسسسسسسسس
تابعي محمد ابوعاقلة وحا تشوفي الهوائل

[بدور التركي]

المشاركة الأصلية كتبت بواسطة أحمد محمد زين حسين

بدر البدور ازيك وازي اليمن السعيد

وانت الصادقة يا اختي وسيم الدواخل وبسسسسسسسسسسسسسسسسس
تابعي محمد ابوعاقلة وحا تشوفي الهوائل

اكثر من كدا هواائل ما في
فعلا لمست من محادثتي معه اشياء جميلة جدا
انسان بمعنى الكلمة

حسين الزين راجع صندوقك
رسلت لك رسالة خاصة

[عادل عسوم]

المشاركة الأصلية كتبت بواسطة منال

افهم شنو ولا اخلى شنو ... و أجلى كيف

قلتها ما بمسكو على شى اصلا ... لاقيتك وعينى فى عينك .. و عرفتنى و عرفتك ...و الدايرة اقولو بقولو ... و لى كما للاخرين تقدير فى ذلك ... امتلك من الوضوح ما يجعلنى قادرة ان ارفع رأسى و ارى الشمس ...
لاتهمنى نيتك هنا ولا بقيف عندها ... بجى السطر التانى ما بتشرح طيب

يا عضوية سودانيات
استحلفكم بالله

ان تشرحو ما قاله هنا
قولى بالواضح أو فى الخاص

الزول دا ماسك عليك شنو ؟

و الله انتم الفيصل بينى و الباشمهندس معتصم

و يا احبابى فى سودانيات قلتها كتير ... الخاص ( البوكس ) بتعامل بيهو مع اعضاء محددين جدن و لا يتعدو اصابع اليد الواحدة ... و اكن لهم كل التقدير و الاحترام ... و الكثيرين تواصلى معهم عبر الايميل ... و هذا شرف لا ادعيه .. وكتير جدن بكون اوفر كوتا لانو اصلا ما بتعامل بيهو كتير !!!
يهمنى جدن جدن ارائكم هنا ... و يجعلنى هذا اقوم المسير

لكم صادق مودتى

الأخت الغالية منال
أتت بي هذه:

يا عضوية سودانيات
استحلفكم بالله

فالله عظيم ...
وكلنا زملاء قمنٌ بنا أن (نتواصى) على الحق والخير والعدل...
...
لا أجد عليك تثريبا في ردودك على الأخ معتصم...
وان كنت أأخذ على الأخ معتصم (انتفاء) وضوح مراداته في مداخلته الأولى لك وهي (مداخلة في العام)!...
ثم كانت مداخلته الثانية (والتي كان ينبغي لها أن تكون مفسرة) تستصحب ذات (عدم الوضوح)!
فقد كان عليك أخي معتصم الأعتذار الى الأخت منال طالما (بان) لك عدم قبولها بايحاءاتك في مداخلتك الأولى...
وما الداعي ياأحباب أصلا الى ال(ابهام) في مداخلاتنا الى بعضنا البعض؟!
مودتي

[تحفة حوا]

منال والله ما كنت عايزة اتدخل لولا انك حلفتينا ولولا عادل عسوم ذكرنا

بصراحة ومن غير زعل
أنا مع منال
الهظار له حدود كما وقد يفهم البعض هذا الهظار خطأ والنتيجة ح تكون على راس منال
اعلم ان الاخ معتصم نواياهو طيبة ولكن النوايا لاتكفي
احترامي لكما

[أبو أماني]

المشاركة الأصلية كتبت بواسطة بدور

يعنى امبارح كنت بكلم زول مشهور وانا ما عارفة

راحت علينا المقابلة اسف والله

ازيك يا وسيم الدواخل..

****

العزيزة الغالية بدور (إسما على مسمى) أزييك وكيف حالك والعائلة الكريمة .. وعودا حميدا ما شفتي فتحي مسعد بعد وداعك من القاهرة يسوي في الحي ووب .. اتاريكي يا بت أمي إتي شخصية مؤثرة لهذا الحد؟!.. فعلا ..فكان لوقع مكالمتك الرقيقة الرائعة معي أمس فعل السحر في نفسياتي .. رفعتها ليك لسابع سماء ونستني الكوارث الكانوا حولي في الجبل ناس ناصر وأبو عاقلة والشغل أب فقرة معسمة ده البقولوا لو أبو مازن ده.. يا أخي صدقيني حديثك شدت ما حملني بجناح أغر..خلاني لما رجعت البيت دون أشعر قعدت أتكلم مع أم أماني برأس نخرتي.. تسلمي يا ست الظرف والكياسة .. وإنشاء الله نشوفك في ساعة خير .. وعلى فكرة ما تسمعي كلام أحمد زين ده .. أنا وسيم الدواخل .. والخوارج كمان .. بشهادة أم أماني (معذورة طبعا) وسرورة .. (مبهورة طبعا) ... أبقي طيبة .. تشاووووو

[مواطن]

أبو رامي
من مخزن 14 ليك وصية ..
البوسـتر ده حق شـنو .. مالك قاعد تصـقـّع وتطـقع ..
البوسـتر ده خاص بالسهـرة التي نقلـتها بقـدرة مقـتدر لرمضان والذي لم تحـدد حتى الآن في ياتو ســنــة .. !!!! (أنا وفخـري كاشفنـك) ..
الإبنة بدور تكاتبا هناك في البوسـتر بتاع عمها فتحي .. ما تجهـجـه المراكـب السايرة .. قـد يكون ذلك من آثار رحـلة الجبل ، ولكن حاول أن تتماسك يا صديقي .. وركـّـز شوية

[أبو أماني]

المشاركة الأصلية كتبت بواسطة هاشم طـه

أبو رامي
من مخزن 14 ليك وصية ..
البوسـتر ده حق شـنو .. مالك قاعد تصـقـّع وتطـقع ..
البوسـتر ده خاص بالسهـرة التي نقلـتها بقـدرة مقـتدر لرمضان والذي لم تحـدد حتى الآن في ياتو ســنــة .. !!!! (أنا وفخـري كاشفنـك) ..
الإبنة بدور تكاتبا هناك في البوسـتر بتاع عمها فتحي .. ما تجهـجـه المراكـب السايرة .. قـد يكون ذلك من آثار رحـلة الجبل ، ولكن حاول أن تتماسك يا صديقي .. وركـّـز شوية

صدقني حاولت اركز .. بس ما قدرت .. المريخ لاعب الليلة مباراة حياة أو موت .. أم أماني بي غادي .. زانقاني في قريشات إدينتهن منها لي هسع ما رجعتهن ليها .. ولي تلاتة يوم الغداء يا حق الليلة وملحو التقول جلد خروف .. يا بايت وريحتو تكطع الخميرة من البيت .. وحتى يوم الجمعة لما (دقسوني) تصور دقسوني أنا الدقستك إت يا ملك الديقيس .. وياريت كان جات من ناسا ليهم شنة ورنة .. جات من ناس ود الزين ود ابو عاقلة .. والجنا أب راسا متل لديتر العربية البقولو لو ناصر أب نضارات ده .. والله يا هاشيم مشيت عشان لقاء مدام خالد الحاج وأولاده وتكريم سارة وشوفت العرسان وبيريك الصفاح الليلهم .. وشوفة الوجيه عكود الحلف إلا يخليني براي .. مع ناس زي ديل .. أسكت يا هاشم .. الجنا المطوفش الإسمو محمد أبو عاقلة ده .. بشتني ليك جنس بشاتن يشيل ويصور فيني ويتضحك زي نار القصب عامل سنونو الصفر الزي ساندوتش الفاصوليا ده..أشوف فيك يوم يا (ود الزين)..عليكم الرسول شوفوا الجنا المتل فندك الفلاتة ده ؟ .. باقي إت ما شفتو يا هاشيم ما كدي؟؟ والله ياخي محظوظ أوصفو ليك كيفن اقول ليك قولة أنبوبة الغاز بتشيل كم رطل .. 120 ما كدي؟ تخيلوا أنبوبة غاز 240 رطل كدي والله كان ما ظرفو وخفة دمه وخمسين ستين خصلة حلوة عنده .. كان وديناو أنا وإنت لسوق أمال الزمااان داك القربو يبيعوا فيو عادل عسوم .. نزار .. أوعي تاني تقول لي يا وجيه وفايت الناس .. شنو ماعارف .. الجماعة ديل قع يضحكوا فينا .. قرط على كده وبس .. وا .. مغيستي .. وابطينتي .. واشريري أنا .. وو.. أسفاي أكان ما كت من ناس ديل وناس سودانيات ما ناسي .. أرقدوا عافية ...

[مواطن]

تمنياتي الصادقة للمريخ الشقـيق بالفوز .. وأنا منذ الآن وحتى التاسعة والنصف مريخي الهوى والنزعة .. أحملها نجمـة فخار على صدري .. ربنا يوفقـنا.

يا زول مالك.. !! بسـم الله الرحمن الرحيـم .. يلحقك وينجدك ود الحفيان ... أبو عاقلة سويت شنو في ود الناس ..؟؟

لكل أجــل كـتاب ..

وجاهـتك دي باتت تتـناقلها الركبان في كل فدفدٍ جـردِ .. السهـرة ويـن يا وجيــه ..؟؟؟ خليـنا في الموضوع ..
عاوزين إجابة محددة وواضحـة.

[معتصم الطاهر]

بما أن كتابتى للأخت منال لم تصل بما قصدت ..
وجب علينا أن نعتذر لها و منها ..
و موصول لأبو رامي

شكرا للجميع و خاصة الحريصين على سودانيات .. التواصل و المحبة

على من يحملون العويش ان يرموا بحزمهم .

شكرا آمال /فيصل/ هاشم/ بدور / ابو ريم / مرافى/ مخير و كل الألف عضو فى سودانيات .

[مواطن]

كبـير والله يا معتـصم .. وزدت في أعيـننا درجـة.
لك كل التقدير

[ابوريم]

المشاركة الأصلية كتبت بواسطة معتصم الطاهر

بما أن كتابتى للأخت منال لم تصل بما قصدت ..
وجب علينا أن نعتذر لها و منها ..
و موصول لأبو رامي

شكرا للجميع و خاصة الحريصين على سودانيات .. التواصل و المحبة

على من يحملون العويش ان يرموا بحزمهم .

شكرا آمال /فيصل/ هاشم/ بدور / ابو ريم / مرافى/ مخير و كل الألف عضو فى سودانيات .

معتصم
يازول ياجميل
تحياتي ليك ولعقابك الجميل ونبيل!
...
منال
ست البنات لي حدهن
نقطه.