مرحب بالأستاذ سالم أحمد سالم في سودانيات.

[سالم أحمد سالم]

شليل يا خي صورتك دي كأني شفتها في
سوانيزاونلاين ..
تعرف عندما نشر المهندس بكري أبوبكر أول موضوع
لي في سودانيزاونلاين جاءت الكثير من التعليقات .. ووقعت أنا
في فخ الصور ..! فقد نشر البعض في البروفايل صور أولادهم وبناتهم
مع أسماء حركية مثل "جني" .. فكنت أرد على المداخلات من واقع الصور !
فقلبنا الراجل مره والمره راجل والراجل بنيّه .. !

ألف شكر على ترحيبكم

[somiaadam]

اخونا الاستاذ سالم احمد سالم
مرحبا بك في دار المحبه والتواصل وكل عام وانت بخير
ولك وقفه اجلال واكبار وترحيب خاص ..فالترحيب جاء من اعمامنا وكبارنا
وأبقي لي جـــــــــــــوه .
ودمتم بخير

[فتحي مسعد حنفي]

المشاركة الأصلية كتبت بواسطة سالم أحمد سالم

خلص الحديث وبقي الرصاص لغة الكلام
وروح الشهيد طالبانا دايرة الانتقام
أول نرجع حق ولادنا وبعدين نفكر في السلام
بعد الشقا وبعد العذاب لابد نضوق الابتسام
العيشة في حرية عز والعيشة تحت الذل حرام
كلمات مسعد حنفي

أستاذ فتحي مسعد حنفي
لك الشكر .. وكلماتك الفوق بطاقة حق وعيد سوف يأتي

معليش يا أستاذ سالم..دي ضريبة شهرة الآباء فقد استخسرت علي شرف كتابة هذه الكلمات التي خرجت من بين أضلعي ولكنني فرحت لأن كلماتي نسبت لشاعر كبير له وزنه..
لك التحية..

[نبيل عبد الرحيم]

المشاركة الأصلية كتبت بواسطة سالم أحمد سالم

الأخ النبيل نبيل عبد الرحيم

وأنت بين الأرسنال والزمالك أرسل لك
تحية "بينية" تحرز منها هدف الترجيح
لوطن غاب طويلا عن منصات التتويج ..

زميل الدراسة في الأميرية الخرطوم يوسف الشيخ دفع الله
وجد كل الفصل إما هلال أو مريخ .. فقال أنا موردابي !!
ومن ديك أصبح موردابيا بميول مريخي .. !
[إنت فريقك ياتو في السودان ؟

الأخ سالم
أشكرك على كلماتك الرقيقة ,
فريقى فى السودان هو الهلال ولكن باين إنك مريخابى .
لك المودة ومرحب بك مره أخرى

[سالم أحمد سالم]

يا استاذ فتحي مسعد حنفي

والله لم يكن قصدي إلا أن أنسب لك الكلمات
لكن غلبني الاختصار فكتبت "مسعد حنفي" ..
بس الموضوع ما خرج عن آل حنفي ..
فأنت في ذاتك مقطع من مقاطع الشاعر مسعد حنفي

لك المودة

[ابومشعل]

[align=justify]

استاذنا الموقر سالم احمد سالم

التحايا والاجلال وكل الاحترام لك .

فبكم يزدان المكان ومعكم ننعم بالرفقة المامونه .

وان كنا سعدنا سابقاً - قبل مجيئكم لحماً وشحماً - بالتجوال والسياحه الروحيه داخل عيون وينابيع وشلالات حروفكم المتفجرة من عقل مفتوح وفكر مستنير فتروي ظمأنا للمعرفه ومنها نهلنا الادب ولمسنا الحقيقه .

وطأتم سهلاً ... وحللتم اهلاً .... واصحاب دار فمرحا بكم .

بالمناسبة في السابق وبدون استئذانكم - احياناً - كنا نقوم بنقل مقالاتكم لتعميم الفائدة واحياناً للاستدلال واخرها ما كتبتم حول مشاركتكم في ملتقي او مؤتمر الاعلاميين العاملين بالخارج . [/align]

[فتحي مسعد حنفي]

المشاركة الأصلية كتبت بواسطة سالم أحمد سالم

يا استاذ فتحي مسعد حنفي

والله لم يكن قصدي إلا أن أنسب لك الكلمات
لكن غلبني الاختصار فكتبت "مسعد حنفي" ..
بس الموضوع ما خرج عن آل حنفي ..
فأنت في ذاتك مقطع من مقاطع الشاعر مسعد حنفي

لك المودة

أستاذي الفاضل شكرا لتوضيحك الراقي واسمح لي أن أزيدك من الكلمات أبياتا:

اشارة الهجوم طلقة رصاص كانت..... مكتوب عليها اسم القدر بالدم
فرسان في الوطن هناك قاعدين....... في لهفة منتظرين دايرين يزيلو الغم
شايلين سلاحم للحرب جاهزين........ لا بفكرو في البموتو ولا البيرجعو كم
دايرين متين ساعة الصفر تبدا ........ علشان البشير يفهم لازم يضوق الهم
كان قايل البترول بيحلو من الموت... غلطان وما بفهم مسكين أكيد بحلم
ما تفوقو يا اخوان من سكرة الأوهام.. فكرو بي عقل خلو البلد تسلم
بدل النهاية تكون ليكم خراب مضمون تسليم الحكم هسع أكيد بكون أكرم
جايز نفكر يوم نديكم الفرصة......... وبدل المشانق بكرة يمكن نحن نرحم
الكعة في أمدرمان كانت رسالة خفيفة.. الخوف من الجايات والبادي كان أظلم
والله ما دايرين نأذي البلد أكتر...... لكن نسوي شنو وعجوبة ما بتفهم
جربنا كل طريق ممكن يوصلنا..... درب السلامة معاهم وربنا بيعلم
وهسع ما فضل غير بندقية خلاس.. عمر البشير اتحدي وبعدها اتندم
ما كان من الأول تعقل كلامك داك قبل الوقت ما يفوت والناس تعوم في الدم


فتحي مسعد حنفي

[الجيلى أحمد]

استاذنا سالم

مرحبآ بك
واقامة طيبة

[أسامة معاوية الطيب]

أستاذنا الكبير سالم أحمد سالم
تعرف حينما تمر ببصرك ... متبطئا بصيرتك التي لا تلوي على صبر ... على اسم ضخم كهذا ... ترتد وبصرك وبقايا بصيرتك وما تبقى من مداد حسيرا ... تذروك الرياح
وهذا بالضبط ما دعاني للمرور الخافت ... دونما ترحيب بقلم لا أشك أن بعضا ( كبيرا ) من دمنا من مداده ... ياخي أقول ليك حاجة ... أتوكل على الله وأرحب بيك ... قلم لقلم كدة والله في
اسم كبير ... وقدّم للترحيب بك قلم كبير ... وشاركت أقلام كبار جدا في الاحتفاء
أستاذنا سالم أحمد سالم ... سلامات ... سلامات ... سلامات ... ونحن بقايا بلاد أصبحت حينما تمرّ على بلادها تقتلها اللهفة ... وينحت الشوق فيها تماثيل من غربة
ويا خالد الحاج كتر خيرك لامن تأبى
شوقي بدري ... اسم حين تقرأ له تحس بعبرة ... وحين تنتهي القراءة تتملي بالعبر ( بكسر العين ) لامن تدفق ...

[سالم أحمد سالم]

سميه آدم

القومه ليك ..
وكل عام وانتم بخير في وطني المحبة .. هذا الوطن
الصغير وذلك الوطن الكبير .. كبير بكم وبنا جميعنا

لك المودة

[سالم أحمد سالم]

يا أبا مشعل ..

أشعل الله لك قناديل الخير والسعادة

سعيد أنا لأن كلماتك أكدت لي حقيقة التواصل عبر الكلمات
من القلب إلى القلب ومن العقل إلى العقل .. هذا منتهى أمنيات
الكتاب متى كتب المرء بوجدانه لا بقلمه فحسب .. فما أكثر الذين يكتبون
لكن لا تحس التواصل الوجداني معهم ..

أنا أكتب بكم ومنكم وإليكم .. لذلك ما اكتبه فهو ملك لكم قبل أن أمهره باسمي ..
فلا تستأذنونني في شيء هو ملك لكم .. فائدة ما اكتب هي فائدتكم منه

تحياتي

[سالم أحمد سالم]

المشاركة الأصلية كتبت بواسطة الجيلى أحمد

استاذنا سالم

مرحبآ بك
واقامة طيبة

أخي الاستاذ الجيلي أحمد

منتهى الامتنان لكلماتك الطيبة المرحبة
وكل عام وأنتم بخير

ملحوظة: اسم "الجيلي" من الاسماء التي اقف عندها وأحاول أن أتفرس في معناها ومصدرها
ليتك يا أستاذ الجيلي أن تشير إلى بعض المراجع والمعطيات التاريخية تعميما للفائدة ولو في موضوع منفصل .. ولك الشكر والمودة

[قمر دورين]

[align=center]مرحباً بك أستاذ سالم
أمنياتي الجميلة لك بطيب الإقامة على أرض سودانيات


تحيّاتي أستاذ شوقي
وتقديري لكما[/align]

[عكــود]

كنّا نتنسّم عبير أحرفك من البُعد . .
فنتعلّم.
أمّا وأنت هنا . .
فقد ازددنا -فوق البيعة- كيلَ بعير . .
بأن نلنا، كمان، شرف الصُحبة.

ألف مرحب أستاذ سالم.

[أسامة الكاشف]

ألف مرحب استاذ أحمد سالم
نحن بالجد محظوظين لوجودك بيننا
والتحية لكل من جعل ذلك ممكناً