قهوة النشاط !

[أبو أماني]

المشاركة الأصلية كتبت بواسطة أحمد محمد زين حسين

العزيز خالس خالس
ابواماني
ده لوح ثلج فاكينو من الطابق الثالث في شارع الزلط

منال
روبس
الكلام الفوق ده مشروع عرسة رابعة
ادوها صنة اسع الررررررراجل بقوم يكب النقة
ويشرح ليكم طريقة العرس في النرويج ودول اسكندنافيا

سمح يا (كلبظة!) أتاريك الفولة ما بتتبل في خشمك .. لاكين تاني كان أديتك سري .. عليك الرسول تقول لي .. البوووووووم !! سارة .. سارة .. تاني ما تكلمي أحمد ده بأسرارنا .. على فركة .. هي بسم الله قصدي فكرة .. الشبكة جاااااهزة .. ما تمشوا بعيد ما الشبكة الفي بالكم قصدي الشبكة .. حقت المعز محجوب .. تشاوووووو

[ابوريم]

بقت بايخة
و ...مريخاب

[سارة]

المشاركة الأصلية كتبت بواسطة ابوريم

بقت بايخة
و ...مريخاب

ابو ريم العود احمد مساء الجمال
وينك يا راجل

[أبو أماني]

المشاركة الأصلية كتبت بواسطة ابوريم

بقت بايخة
و ...مريخاب

معقولة بس بعد غيبتك الطالت دي كلها تخش علينا بالدخلة المقتضبة دي.. يا أخي والله ده فاول علاء شلاليت ما عملو .. تقولي لي مريخاب ..؟؟.
عموما طلتك بالدنيا وبأي شكل كانت .. هي عسل على قلوبنا .. الراجياها يجي سنين .. بطل دلال .. سيبك من مريخ وهلال .. بس تعاااااال .. ولو بي .. (خمسة ) قول أحبك .. قول أحبك .. قوووووووول أحبك .. تشاوووو .. وعشان ماتتأخر تاني علينا هااااااك :-

[نزار حسن علي]

حبــــــــــــــــــــــــــيب سودانيــــــــــــــات
ابوامانى
ايامك افراح وسعادة
وباقي العقد الفريد مشتاققققققققققققققققققققققققققققون

[احمد زين]

ابواماني
الراجل ده انا عايز اشغلو مع هيوفة
رايك شنو؟

[أبو أماني]

المشاركة الأصلية كتبت بواسطة أحمد محمد زين حسين

ابواماني
الراجل ده انا عايز اشغلو مع هيوفة
رايك شنو؟

[align=center]
أنا شخصيا موافق ومقتنع .. لاكين البيقنع .. عادل عسوم شنو؟؟ إنت نسيت إنو صاحب العصمة؟ واللللليييييلااااا .. عادل عسوم جاء مسخن .. أعملوا ساتر .. يا .. ساتر ...!! [/align]

[أبو أماني]

نشأت فكرة قيام قهوة النشاط عندي بوجود مقهى راقي مواجه لمقر مكتبي بالعمارات يدعى (إيريا فيفتي ون) وهو قد قام على نمط مقهي بالولايات المتحدة الأمريكية بجوار قاعدة كيب كينيدي الجوية .. وقد أنشأ هذا المقهى الأخ الصديق د. مجدي السوداني حامل الجنسية الأمريكية وهو مقهى فايف إستارز بإستايل شرقي الملامح إفريقي المظهر .. يقدم خدمات تشمل المأكولات والمشروبات الباردة والساخنة بأنواعها .. والقهوة الشرقية والغربية والشيشة بأنواعها ولا تذهبوا بعيدا فلا أظن أن (السمسمية) تدخل في عداد تلك الأنواع وليعاود صديقي الودود فتحي مسعد إسترخائه مترقبا لمسيرة (جنازة يشبع فيها لطم)! .

كنت كلما دخلت هذا المقهى أتخيل إنه مقر لتجمع كل رواد ومنتسبي سودانيات من الجنسين وكنت حسب الوهمة التي أشبعني بها البعض بأن خيالي خصبا .. أتخيل في مكان ما يقبع الحبيب تكعيب بابكر مخير (قاشر) بهاشم طه وفتحي مسعد والعزيز رأفت ميلاد وعامل فيها رجل أعمال في عشاء عمل مع وفد مستمثرين أجانب!.. وطبعا أهلنا (الحلب) يعجبوك من ناحية العنطزة والفنطازية .. (واللآطة) والشياكة والقيافة مع اللون الأبيض المحرومين منو أنا وبوكو ده والشعر السبيبي اللامع والبدل (ثري بيسيس) ودبوس الكرافتة وزراير الألماظ هذا بجانب المبسم أو الكدوس وبوكو الحبيب يا حبة عيني زي أم العروس يجر جاي وجاي .. أبتسم في شماته عندما يصل خيالي الجامح لهذه النقطة .

وفي ركن آخر من المقهى أتصور إنفراد صديقي الحميم الحبيب الأريب (الوضئ) عادل عسوم بأفراد شلته الدائمة ناس كانديك وأبو ريم وأبو مهييد وهو (فاتل ليكم) شاسيهات أصدقائه الأعزاء وماسك عوده الرهيب يدندن في مقطوعة موسيقية لود اللمين .. وأتصور منظر ثلاثتهم على شاكلة منظر خادم الفكي .. وهم يؤدون صلاتهم في خشوع مصطنع يحاولون الربط بين ما يسمعونه من عدولة وود اللمين!.. (غايتو ربنا يستر من هجمة عدولة .. أنا عارف لساني ده بيجيب لي الكوارث).

أما في قطية جانبية فقد تجمعت شلة شباب من مثقفي سودانيات منهم فيصل سعد، شليل، شبارقة وقيقراوي ونزار وحولهم بعض حسان من شباب سودانيات ..وسمعت حوار ميزت منه بالحرف كلام العزيز فيصل سعد قايم ليكم سداري بالجماعة ومن بعض ماقال: .. أنا شخصيا بفتكر أنو مسألة التأطير الأيدولوجي لقضية الراديكالية الحزبية الموغلة في المحلية تحتاج قطعا لبعض الثوابت المادية الملموسة وصولا لعلاج مسألة الإحتقان السياسي الذي يعم الساحة السودانية..
ومداخلة تالية من الحبوب شليل .. أنا بتفق مع رأي الأستاذ فيصل بس بختلف معاه في نقطة بسيطة وهي مسألة التأطير اللي ذكرها .. وأفتكر ده ما محلها .. يهتف عند هذا الحد صوت بداخلي يقول .. يا عمي فرتق .. تقعد سنة ما تفهم حاجة ..و.. شتات يافرده!.

وهنووووك في زاوية منزوية لمحت ليكم العزيزة أمال وبجانبها الأستاذه منال وقدامهن شوية حريم عاملين فيها مفتحات وفاهمات كل كلمة تتقال .. ويهزن في روسيهن مرة .. مرة وأمال بتلقي محاضرة تتحدث عن مضار الختان للبنات وما يترتب عليه من أثار نفسية مستقبلية سالبة على البنت .. بعدها تقدمت الأمورة منال لتحدثهن عن رفضهن التام لمبدأ التعددية الزوجية وتأييدهن الكامل .. لمبدأ التعددية الحزبية السياسية..!.

في صالة ال VIP يقبع عدة نساء من حسان سودانيات يتابعن من وراء الزجاج المظلل المشهد الخارجي للمقهى بإنتظار إطلالة الوجيه أبو أماني ..وكل واحدة فيهن تمنى النفسى في سرها أن يمن عليها الوجيه بمداعبة أو كلمة حتى تكايد بها الأخريات .. ولكن هيهات فأم أماني محرجة علي ما أدي المعجبات ريق حلو .. وقالت لي ما عافية ليك كان عملتها.. معليش يا أخوانا هارد لكم .. أو بالأحرى .. (لكــن..) أما الختام فقد كان قرب بوابة الخروج حيث يقبع الكاشير وكانت سرورة بدمها ولحمها وكل حضورها البهئ .. واقفة (تناجض) ليكم في الكاشير المسكين وتقول ليو .. ليه يعني أسعاركم عالية كده؟ .. معقولة بس قزازة المشروب بره بخمسمية وعندكم بي إثنين جنيه ونص ..! أصلو إتو كابين فيها.. ب..بــ ..بعـ.. بع..؟ أها خليتها..والله ووالله.. هناك عندنا في النرويج .. في محلات بقدموها مجاني .. حاول الكاشير يهدي من ثائرتها وقام دقس قال ليها معليش يا .. خالة .. وعينك ما تشوف عيلا النور .. سرورة قرررربت تدق الراجل مسكتها منو يا الله.. وقالت ليو.. خالة؟ الخلا الليبلعك يا يابا إنشاء الله.. قال خالة قال .. شحدت ربي عليك يخلخل ضروسك وتنفر منك عروسك.. وتروح وما تلقى اليكوسك.. غايتو بالتلتلة مرقت ليكم سرورة من المحل والنصيبة لمن تزعل عشرة رجال ما يقدروا عليها .. يمين لما رجعت البيت اليوم داك .. أم أماني الله يخليها .. تدلك لي في ضهري وكرعي لقريب الصباح.

يا أخواني عليكم الله تسامحوني .. ده كلو مجرد خيال .. وباقيلي كلام العزيزة مرافي صاح .. تقول على أبو أماني ده قاعد يمشي مع فتحي مسعد اليومين ديل .. وأنا مللللي ده كلام مرافي تشااااووووو

[نزار حسن علي]

حبيب سودانيات
صباحك عسل ينقط
سودانيات الحلويييييييييييييين صباحكم فرح وفرج
نكته كاربه
مرة واحد مسطول قاعد جنب مويه المطرة ومبسوط جدا من منظر الموية الكتيرة قام جاء واحد راكب عربية عاوز يعدي في الموية وخايف وسأل المسطول هل ممكن اعدي ورد عليه المسطول طبعا ما في مشكلة ولما مشي شوية العربية غرقت وطلع منها السواق زعلان من المسطول وقال ليهو ما قلت لية ما في مشكلة رد عليه المسطول والله حسي دي جات بطه مشت عديل
ودقي يا مزيكة

[Wad Elnour]

في أيام الجامعة كان عندنا شلة كلما الإمتحانات تقرب، بنقوم كلنا نعسكر سوا في بيت واحد للمذاكرة، و كان كل واحد مبرز في مادة يقوم يشرح للباقين المقرر و كدة! و في واحدة من المعسكرات دي كنا بنستعد لإمتحان المحاسبة، و كان المبرز في المادة دي واحد من أظرف ظرفاء الشلة ، قبل الإمتحان بيوم قام شرح لينا المقرر كلو، و مشى نام بدري اليوم داك، و الود و لا كأنو داخل إمتحان مكشوف! و فعلاً و للأمانة كان شارب المحاسبة دي شراب و مقطعه تقطيع، زي تقطيعو في الكلام ( كان تمتام )!
المهم صبحنا و مشينا الجامعة للإمتحان، وحسب ما أسامينا بتبدأ بنفس الحرف كان معاي في قاعة إمتحان واحدة، دخلنا القاعة و صحبي مبسوط يدندن ساكت، و هو كان قاعد قدامي في نفس الصف و بيني و بينو نفرين، إستلمنا الإمتحان و صاحبنا لسه ( بدندن )!
و أول ما بدا يقرا الإمتحان راسو شطب؛ لأنو الإمتحان كان صعب حتى ليهو هو المقطعه دا
قام من قولة ( تيت ) و الكلام دا كان الصباح زي الساعة تمانية و شوية، رفع يدو للمراقب و بإشارة حرك يدو قدام خشمو من غير كلام يفهم منها ( إنو داير موية ) طبعاً القاعة كلها قعدت تضحك فيهو
المهم الفرَّاشة جابت جردل الموية و ملت منو كوز و أدتو ليهو، و صاحبنا
قُرْطُعْ ... قُرْطُعْ ... قُرْطُعْ
شفط كوز الموية للنهاية، و عشان يتأكد إنو آخر قطرة في الكوز دخلت في جوفو ( المحروق )، قام مسك الكوز بي يد و دنقس راسو لي ورا و الكوز لسه في خشمو و دقاهو بأصابع يدو التانية ( و القاعة ميتة من الضحك رغم صعوبة الإمتحان )
بعد ما شرب الموية قام مد الكوز للفراشة، و الفراشة شالت منو الكوز و دنقرت عشان تشيل الجردل و تمشي، قام قال ليها:
- تععاعالي هيهنا ممماشة ويووين؟ ( تعالي هنا، ماشة وين )؟!!!
- شاشايفة الواووراي دددة؟ ( شايفة الوراي دا )؟
- آآآي
- خخخليهو ( خليهو )
- شاشايفة الواووراهو؟ شايفة الوراهو؟
- آآآآي!
- جججليهو ( جليهو )
- شاشايفة الواووراهو؟ ( شايفة الوراهو؟) ( قاصدني أنا طبعاً )
- آآآي شايفاهو
- أديديهو كوزيززين ( أديهو كوزين ) ( مع إشارة بالسبابة و الوسطى ) تشير للرقم إتنين

[تحفة حوا]

يكفيك أن تدرس اخلاق وطباع الثعلب,,,, لتوفر على نفسك دراسة نفسية الرجل

ثلاثة لا امان لهم
المال ولو كثر
والسلطان ولو قرب
والرجل ولو طالت عشرته

ثلاثة اشياء لايمكن ان تدوم
صداقة العظماء
دف الشتاء
وفاء الرجل

اذا رأيت رجلا يفتح باب السيارة لزوجته
فاعلم ان احدهما جديدة
السيارة .......او الزوجة

اذا كذب الرجل فإن ألف إمرأة ستصدقه
وإذا كذبت المرأة فلن تجد من يصدقها

أكثر ما تخشاه المرأة من الرجل هو صمته
وأكثر ما يخشاه الرجل من المرأة هو كلامها

الرجال يصنعون عظائم الامور هذه حقيقة
ولكن النساء يصنعن الرجال هذه حقيقة ننساها دائما

[أبو أماني]

المشاركة الأصلية كتبت بواسطة تحفة حوا

يكفيك أن تدرس اخلاق وطباع الثعلب,,,, لتوفر على نفسك دراسة نفسية الرجل

ثلاثة لا امان لهم
المال ولو كثر
والسلطان ولو قرب
والرجل ولو طالت عشرته

ثلاثة اشياء لايمكن ان تدوم
صداقة العظماء
دف الشتاء
وفاء الرجل

اذا رأيت رجلا يفتح باب السيارة لزوجته
فاعلم ان احدهما جديدة
السيارة .......او الزوجة

اذا كذب الرجل فإن ألف إمرأة ستصدقه
وإذا كذبت المرأة فلن تجد من يصدقها

أكثر ما تخشاه المرأة من الرجل هو صمته
وأكثر ما يخشاه الرجل من المرأة هو كلامها

الرجال يصنعون عظائم الامور هذه حقيقة
ولكن النساء يصنعن الرجال هذه حقيقة ننساها دائما

تحفة حواء والله العظيم مشتاق ليك وإنقطاعك عن القهوة خلاها بائسة جدا .. كنتي شعلة نشاط وتحركي كل اركان القهوة والحكمة صاحبتك روبس المن ما مشت السودان وتاني ما شفنا معاها عافية تب .. بالله عاوزين نرجع زي زمان نتحارب ونتصالح ونستعيد ذكريات الطفولة لما الواحد يعمل مشكله مع اخوه أو أخته ويكون في حيريب حيريب ..وصيليح .. صيليح .. ولا الواحد يقيف للتاني بعيد ويبل أصبعه السبابة بريقو ويخت الأصبع فوق الجبين ويقول للتاني أشخت ؟ ورغم إنه صلب وشو كعلامة للحيريب .. شويتين تلقيهم كان بنات يلعبن ويتضاحكن تحت الضل وراسمين ليهن مربعات .. ويلعبن (حجلة) ويتضاحكن .. وأريكا .. عمياء .. بالله عود لينا يا ليل الفرح .. وأملي القهوة بإشراقاتك البهيجة .. لبتين تقعدي من المطبخ للصالون للجيران وبالعكس والشهادة الأكاديمية تحمد سيدها .. قاعدة فوق الحيطة في الصيلون تشبه أب كشحة وحبة غبار حول الإطار .. كانها فتحي مسعد بعد المعاش .. عائشة على ذكريات الجامعة لما كنتي فراشة حرة طلقة تملاء أرجاء مدرجات الجامعة ودهاليزها وأركان نقاشاتها .. وتحلمين بغد زاهر مشرق يختلف عن مستقبل من سبقوك من زميلات .. قشي دميعاتك يا خيتي وإستغفري الله وأحمديه وقومي شوفي الشافع ده طفش وين .. تعالي ما تمشي حفيانة .. البسي شبشبك ده ..
وقبال تمشي .. قشقشي دميعاتك ديل .. معقول تخسري إتنين وظيفة وجواهر ؟
ملحووووزة ود مخير:-
هذا الكلام بالنص أرسلته لشقيقتي فرحة المتزوجة من كم وعشرين سنة والتي تعيش مع زوجها بالسعودية والتي تخرجت من الجامعة بتقدير عال في مجال الهندسة المعمارية وأقول ليك شنو ؟ يا هو دا الســـودان ... تشــااااووووو

[نزار حسن علي]

يا حلوييييييييييييييييييييييييييييين صباحكم عسل
نكته للناس الفي بالي
واحد رباطابى معزوم عشاء مع واحد صاحبو مشي لقي الكهرباء قاطعة عند صاحبو قعدو يتونسوا الرباطابي جاع جوعة شديدة قال لصاحبو يا خي الزمن اتاخر وانا جعته جيب العشاء صاحبو قال ليهو العشاء ما بطلع الا الكهرباء تجي الرباطابي قال ليهو اصلو عشاء ولا شريط فيديو

ودقي يا مزيكة

[صلاح الدين هجو النحاس]

المشاركة الأصلية كتبت بواسطة سارة

ابو ريم العود احمد مساء الجمال
وينك يا راجل

[أبو أماني]

المشاركة الأصلية كتبت بواسطة نزار حسن علي

يا حلوييييييييييييييييييييييييييييين صباحكم عسل
نكته للناس الفي بالي
واحد رباطابى معزوم عشاء مع واحد صاحبو مشي لقي الكهرباء قاطعة عند صاحبو قعدو يتونسوا الرباطابي جاع جوعة شديدة قال لصاحبو يا خي الزمن اتاخر وانا جعته جيب العشاء صاحبو قال ليهو العشاء ما بطلع الا الكهرباء تجي الرباطابي قال ليهو اصلو عشاء ولا شريط فيديو

ودقي يا مزيكة

والله مشتاااااق ليك يا نزار .. شوق الكديس للفار .. وشوقي ليك يشيلوا في دفار والباقي فوق ضهر الحمار .. شوقا مباشر ما بدور لو (سمسار) .. كيفك وعيالك وبتين الجية نشوفك نبل شوقنا فيك يا وضئ يا رائع .. سلم لي على الكارثة ود أبو عاقلة .. تشاووووو