الجزائر مظلومة ومصر لا تستحق مباراة فاصلة

[دارمالى]

فى اعتقادى ان المباراة الفاصله هى البدايه
اعنى من هو الفريق الامثل فى ...التمثيل لكاس العالم ؟
اعتقد ان المباراة كانت حماسيه اكثر من اللازم (برغم استمتاعى بها وده راى شخصى)واندفاع الفريق المصرى اظهر الخلل الواضح فيه ...
حيث ان الفريق الجزائرى كان اداءه رائع جدا وواضح ان به كثير من اللاعبين المهره
وبصراحه كدا انا شخصيا متعاطف مع الجزائرييين لان بينهم لاعبين مهره وبلعبو بعقولهم
بخلاف المصريين فلا اعتقد ان مستواهم كلعيبه قد يثمر فى كاس العالم ربما بخلاف ابوتريكه وزيزو...
واعتقد ان كل من يشجع (اللعبه الحلوه ) غالبا سيشجع الجزائر ...
والى كاس العالم يا جزائر ...

بين قوسين
السودان جاك (بلا) يوم الاربعاء

[faris mohamed]

شكرا زوار البوست الكرام

المبارة القادمة تكتيكية من الدرجة الأولى ولن يجد المصريون المؤازرة التى كانت بإستاد القاهرة
عليه أعتقد سيلعب حسن شحاته بمهاجم واحد مع تكثبف الوجود فى منتصف الملعب ولكن الفارق المهاري سيلعب دوره لصالح الجزائر بما يمتلكون من مهارات فردية وإستغلال للضربات الثابتة

إلى الأمام الجزائر

Algeria Algeria Algeria

[سارة]

لله يا جزائر يا ومضة الروح

[faris mohamed]

أعملوا تكبير للصورة و حتشوفوا التسلل

[فتحي مسعد حنفي]

المشاركة الأصلية كتبت بواسطة faris mohamed

أعملوا تكبير للصورة و حتشوفوا التسلل

يافارس مع اني كنت ما ناوي اتكلم عن الكورة لغاية يوم الأربع لكن مجبور أرد عليك..
ياخ الهدف سجلو عماد متعب وعماد متعب هو اللاعب الواقف خاف المدافع والاتنين التانيين فعلا في موقف تسلل لكن ما تدخلو في اللعبة ..دا قانون الكورة البقول كدا ما أنا
مرة اللاعب لعب الكورة بعد ما عدت الخط ومرة اللاعب كان في موقف تسلل..
غايتو جننتونا وكرهتونا في عبد القادر الجزايري وبن بيللا وجميلة بو حيرد ذاتهم..

[عابد عقيد]

[align=center][flash=http://www.youtube.com/v/vMSDv_B1g-k&hl=en_US&fs=1&]WIDTH=400 HEIGHT=350[/flash][/align]

فتحي - ازيك

عماد متعب لحظة خروج الكرة من قدم اللاعب كان في حالة تسلل واضح كما في الفديو
والشي التاني في قانون الكرة حالة التسلل ما بالضرورة تحتسب علي اللاعب المشارك في الهجمة فقط
بل اي لاعب ..الكورة ماشة في اتجاهه وفي الحالة القدامنا تلاتة لاعبين تسلل .
ده حسب تحليل قناة الدوري والكاس .

[faris mohamed]

[color=#0000FF]والله يافتحى قون مصر دا حارقنى فى حنانى ذاتو[/color]
ياخى قبل المباراة تبدا كنت محايد خالص خالص
لكن لقيت نفسي بشجع الجزائر كأنها الهـــــــــــلال
المهم
ناسك ديل هنا مغلوبين مغلوبين إنشاء الله
والجمهور السودانى مع الجيريا

[فتحي مسعد حنفي]

المشاركة الأصلية كتبت بواسطة عابد عقيد

[align=center][flash=http://www.youtube.com/v/vMSDv_B1g-k&hl=en_US&fs=1&]WIDTH=400 HEIGHT=350[/flash][/align]

فتحي - ازيك

عماد متعب لحظة خروج الكرة من قدم اللاعب كان في حالة تسلل واضح كما في الفديو
والشي التاني في قانون الكرة حالة التسلل ما بالضرورة تحتسب علي اللاعب المشارك في الهجمة فقط
بل اي لاعب ..الكورة ماشة في اتجاهه وفي الحالة القدامنا تلاتة لاعبين تسلل .
ده حسب تحليل قناة الدوري والكاس .

جد ياعابد أنا ما عارف انت بتتفرج بي عيونك ولا بي كراهيتك..
ياخ عماد متعب ما كان متسلل وقت خروج الكورة من رجل سيد معوض ودا واضح في الصورة الجابا فارس.وفي اتنين فعلا كانو متسللين لكن ما شاركو في في لعب الكورة والقانون المعدل واضح وينص علي انو التسلل يحسب فقط علي اللاعب النفذ اللعبة وأسأل أهل العلم..
ياخ اختصارا للنقاش يوم الأربع حنعرف منو الأحق بالتؤهل لي جنوب أفريقيا..وبعدين انت ما ملاحظ انو مافي جزائري واحد من اللاعبين اعترض مع انهم كلهم محترفين وحافظين القوانين

[عابد عقيد]

والله يافتحي حيرتني
تابع الفديو ولمن سيد معوض يستلم الكورة اعمل ستوب وشوف اللاعبين واقفين كيف وبعد داك شغل الفديو تاني .. متعب هو اللاعب المتسلل والشغلانية واضحة .واللاعب العليهو السهم في الصورة الفوق هو عماد متعب .
وزي ما قلت ليك انا الفريقين ما عندي فيهم فهم لاني ما بشجع عرب نهائي رغم انو امبارح الجزائر متعتنا بالتابلوهات الفنية فلاعبين الجزائر مهرة .
تستحق النهائيات .

[فتحي مسعد حنفي]

المشاركة الأصلية كتبت بواسطة عابد عقيد

والله يافتحي حيرتني
تابع الفديو ولمن سيد معوض يستلم الكورة اعمل ستوب وشوف اللاعبين واقفين كيف وبعد داك شغل الفديو تاني .. متعب هو اللاعب المتسلل والشغلانية واضحة .واللاعب العليهو السهم في الصورة الفوق هو عماد متعب .
وزي ما قلت ليك انا الفريقين ما عندي فيهم فهم لاني ما بشجع عرب نهائي رغم انو امبارح الجزائر متعتنا بالتابلوهات الفنية فلاعبين الجزائر مهرة .
تستحق النهائيات .

يازول احنا الظاهر كل زول فينا بعاين بي الجوة قلبو وما حنصل لي حل ولا انت حتقتنع ولا أنا حأقتنع..فأحسن نخلي الموضوع معلق لغاية يوم الأربع مادام انت شفت الما شافوهو نص مليار مشاهد وزيد عليهم لاعبين الجزاير المعترضين علي انو الكورة اتعكست من أحمد عيد عبد الملك بعد ما طلعت من الخط ودا يمكن يكون صحيح ولكن غير مؤكد وحصلت قبل كدا انجلترا طيرت في السبعينات منتخب المانيا بي كورة عدت الخط بي متر واللاعب رجعا الميدان ودخلوها قون وعدت..كلو وارد لكن احنا لينا بالمحصلة النهائية والحمدلله اللعبة ما طيرت الجزائريين من التأهل وما زالت الكورة في الملعب والحشاش يملا شبكتو

[كيشو]

المشاركة الأصلية كتبت بواسطة عابد عقيد

والله يافتحي حيرتني
تابع الفديو ولمن سيد معوض يستلم الكورة اعمل ستوب وشوف اللاعبين واقفين كيف وبعد داك شغل الفديو تاني .. متعب هو اللاعب المتسلل والشغلانية واضحة .واللاعب العليهو السهم في الصورة الفوق هو عماد متعب .
وزي ما قلت ليك انا الفريقين ما عندي فيهم فهم لاني ما بشجع عرب نهائي رغم انو امبارح الجزائر متعتنا بالتابلوهات الفنية فلاعبين الجزائر مهرة .
تستحق النهائيات .

[align=justify]يا عمنا فتحي
كلام عابد سليم مية المية، والهدف من تسلل واضح
وللفائدة التسلل يكون على اللاعب الذي يستفيد من الكرة، وكذلك اللاعب العائد من التسلل أو الذي يتسبب في تشتيت انتباه الحارس حتى لو لم يستفد من التمريرة
المهم عندي أن المصريين لعبوا برجولة وحماس واستحقوا الفوز[/align]

[فتحي مسعد حنفي]

المشاركة الأصلية كتبت بواسطة كيشو

[align=justify]يا عمنا فتحي
كلام عابد سليم مية المية، والهدف من تسلل واضح
وللفائدة التسلل يكون على اللاعب الذي يستفيد من الكرة، وكذلك اللاعب العائد من التسلل أو الذي يتسبب في تشتيت انتباه الحارس حتى لو لم يستفد من التمريرة
المهم عندي أن المصريين لعبوا برجولة وحماس واستحقوا الفوز[/align]

يعني ياكيشو تديني بونية وتضحك لي

[كيشو]

المشاركة الأصلية كتبت بواسطة فتحي مسعد حنفي

يعني ياكيشو تديني بونية وتضحك لي

[align=justify]أنا تابعت الكورة والهدف من تسلل واضح "حسب تقديري في تلك اللحظة" وربما يحاسب الحكم من الفيفاعلى تفويت الحالة ولكن الهدف يظل محسوباً والكورة "أقوان"، ومن خبرتي "الشوية" إنو حالات التسلل في اللحظات دي ما بيحسبها إلا حكم قلبو جامد، وهي تشبه ضربة الجزاء لا يقدر على احتسابها كل الحكام في اللحظات المشابهة
المهم من الخطأ ترك الأمر لتقدير الحكم، كان على لاعبي الجزائر التغطية الفعلية في آخر دقيقة بدل الاعتماد على التغطية القانونية بنصب مصيدة التسلل وترك مصيرهم لرجل الراية الذي لا يلبس خوذة ولا سترة واقية من الرصاص؛ وهو أول من تصل إليهم الجماهير الغاضبة "ويا روح ما بعدك روح"[/align]

[احمد زين]

المشاركة الأصلية كتبت بواسطة عابد عقيد

[align=center][flash=http://www.youtube.com/v/vMSDv_B1g-k&hl=en_US&fs=1&]WIDTH=400 HEIGHT=350[/flash][/align]

فتحي - ازيك

عماد متعب لحظة خروج الكرة من قدم اللاعب كان في حالة تسلل واضح كما في الفديو
والشي التاني في قانون الكرة حالة التسلل ما بالضرورة تحتسب علي اللاعب المشارك في الهجمة فقط
بل اي لاعب ..الكورة ماشة في اتجاهه وفي الحالة القدامنا تلاتة لاعبين تسلل .
ده حسب تحليل قناة الدوري والكاس .

سلامات يا شباب وشياب
1\ فارس حكمك على التسلل من صورة ثابتة غير منطقي ولا يؤخذ بالصور الثابتة في الاتحاد الدولي وانما بالصور المتحركة (فيديو يعني) عشان كده صورتك دي شيلها لينا برة
2\اللقطة المعروضة فوق دي لا يوجد بها تسلل زي ما قال فتحي مسعد لانو لو تلاحظو انو متعب عند استلام زميله سيد معوض للكورة بدأ عماد متعب في الحركة للخلف للخروج من التسلل وعند ما لعب معوض الكورة كان متعب بالظبط خارج التسلل

ولمن سيد معوض يستلم الكورة اعمل ستوب وشوف اللاعبين واقفين كيف

مش ده كلمك يا عابد
سيد معوض لما إستلم الكورة عماد متعب كان في التسلل بس لما لعبها متعب كان خارج التسلل
يعني التسلل بتحسب قبل الكورة ما تتلعب يا اخوي
اما قولكم هناك لاعبين آخرين في التسلل فالقانون واضح في ذلك( يا كيشو) ولا تسلل في هذه اللعبة والحكم صاااااااااااااااااااااح 100%

[faris mohamed]

إلى الأمام يا جزائــــــــــــــــــــــــــــــــــــــــــــر


موعدنا الأربعاء مع تأهل الجزائر بمساعدة ودعم الجمهور السودانى

Algeria Algeria Algeria