و إلى أم درمان

[تحفة حوا]

ستقام مباراة مصر والجزائر في استاد المريخ يوم الأربعاء القادم
لقد وصل الفريقان وتم استقبالهما بحفاوة وكرم سوداني فياض

يا ترى المشجع السوداني ح يشجع الفريق المصري ام الجزائري ؟

وياترى هل نستطيع أن نعكس لهم جمال الخرطوم وهل سنوفر لهم جميع الاحتياجات ؟

وهل نحن من الشطارة بحيث نستفيد من هذا الحدث ؟

أنا بفكر أمشي السودان وأشيل معاي كم ألف وأجر لي وليدات يبيعوا فشار وعشريف مشوي
وبارد وعصاير وموية والخ الخ
تفتكروا ما ح أغنى ؟

[احمد زين]

المشاركة الأصلية كتبت بواسطة تحفة حوا

أنا بفكر أمشي السودان وأشيل معاي كم ألف وأجر لي وليدات يبيعوا فشار وعشريف مشوي
وبارد وعصاير وموية والخ الخ

انت بس تعالي السودان والوليدات والفشار وعيش ريف مشوي
وبارد وعصاير وموية والخ الخ ده كله علينا

[تحفة حوا]

المشاركة الأصلية كتبت بواسطة أحمد محمد زين حسين

انت بس تعالي السودان والوليدات والفشار وعيش ريف مشوي
وبارد وعصاير وموية والخ الخ ده كله علينا

ههههههههه
أحمد زين والله مشتاقين يا أبو ملاذ
كيفنك ووليداتك وأمهم ان شاء الله عافية
والله كنت أتمنى نجي في اجازة عيد الأضحى
بس برضو كان لقينا حجز بنجي

دي مباراة لا تفوت

[منال]

المشاركة الأصلية كتبت بواسطة تحفة حوا

يا ترى المشجع السوداني ح يشجع الفريق المصري ام الجزائري ؟

تحفتنا ازيك

ما بفهم فى الكورة
ولكن لو لقيت طريقه ادخل الاستاد ( ألبس اصفر عشان اظهر) بغنى غناهم داك كلو فى المريخ و التحكيم فاااااشل - دى بتعجبنى كيف( و كمان تجيبو حكم مستورد يا ناس الفيفا)
و انطط فوق ... فوق .. سودانا فوق
لمن تكلتونا على الشمش ياخى
وده اللعب ... ده اللعب يا حلب
شوت الكوره ... يا ااااااا(جكسا و قاقارين ما تهدف)

و مع الصفارة
اهتف
ادنا قروشنا كوره اونطه
تجيبو لينا الحمام فى قفصنا



ده كلو منك يا شداد

[تحفة حوا]

المشاركة الأصلية كتبت بواسطة منال

تحفتنا ازيك

ما بفهم فى الكورة
ولكن لو لقيت طريقه ادخل الاستاد ( ألبس اصفر عشان اظهر) بغنى غناهم داك كلو فى المريخ و التحكيم فاااااشل - دى بتعجبنى كيف( و كمان تجيبو حكم مستورد يا ناس الفيفا)
و انطط فوق ... فوق .. سودانا فوق
لمن تكلتونا على الشمش ياخى
وده اللعب ... ده اللعب يا حلب
شوت الكوره ... يا ااااااا(جكسا و قاقارين ما تهدف)

و مع الصفارة
اهتف
ادنا قروشنا كوره اونطه
تجيبو لينا الحمام فى قفصنا



ده كلو منك يا شداد

منولة انتي عسل والله
قلتي لي حافظة التشجيع بس
خوفي يوم تكوني قاعدة في سايد المريخ وفجأة لما الهلال يجيب قون تشجعي الهلال
فوق فوق هلالنا فوق ولا اي تشجيع
غايتو الا تقومي جارية من ناس المريخ
عشان كدا وانا زيك بشجع اللعبة الحلوة اخير لينا نشجع من منازلهم
ولا شنو ؟

[عثمان]

المشاركة الأصلية كتبت بواسطة تحفة حوا

وهل نحن من الشطارة بحيث نستفيد من هذا الحدث ؟

أنا بفكر أمشي السودان وأشيل معاي كم ألف وأجر لي وليدات يبيعوا فشار وعشريف مشوي
وبارد وعصاير وموية والخ الخ
تفتكروا ما ح أغنى ؟

تحفتنا أزيك إنشاء الله عال وأهلك كلهم طيبين
تحفتنا إنتي شايقة ولا شنو شنو كلو حاجة عاوزين تتاجروا فيها
كلامك دا لفت نظري لحاجة تحفة تفتكري ح يجي يوم نحن نقدر نلعب فيهو زي المصرين ديل بكل غيرة وولاء للبلد والشعار بيقولوا المصرين وطنيين أنا ما بعرف مدى صحة الكلام دة لكن الشئ الشوفناهو وأقنعونا بيهو كورتهم حتى لو ما وطنيين المهم وطنيين في كورتهم ياربي نحنا في كورتنا متين ح نكون زيهم؟ ما تقولي لي نحنا كنا أسياد الكفر والوتر داك جيل راح وحقو محفوظ لكن وينا الليلة كورتنا؟
كسرة: أنا ما حصل شجعت فريق مصري أو منتخبهم أبداً يلعبوا مع أي فريق أو منتخب بقيف ضدهم لكن تحس إنهم يجبروك قصباً عنك تقيف معاهم بغيرتهم ولائهم لبلدهم وشعارهم.
التحية/ عثمان الطيب

[تحفة حوا]

المشاركة الأصلية كتبت بواسطة عثمان

تحفتنا أزيك إنشاء الله عال وأهلك كلهم طيبين
تحفتنا إنتي شايقة ولا شنو شنو كلو حاجة عاوزين تتاجروا فيها
كلامك دا لفت نظري لحاجة تحفة تفتكري ح يجي يوم نحن نقدر نلعب فيهو زي المصرين ديل بكل غيرة وولاء للبلد والشعار بيقولوا المصرين وطنيين أنا ما بعرف مدى صحة الكلام دة لكن الشئ الشوفناهو وأقنعونا بيهو كورتهم حتى لو ما وطنيين المهم وطنيين في كورتهم ياربي نحنا في كورتنا متين ح نكون زيهم؟ ما تقولي لي نحنا كنا أسياد الكفر والوتر داك جيل راح وحقو محفوظ لكن وينا الليلة كورتنا؟
كسرة: أنا ما حصل شجعت فريق مصري أو منتخبهم أبداً يلعبوا مع أي فريق أو منتخب بقيف ضدهم لكن تحس إنهم يجبروك قصباً عنك تقيف معاهم بغيرتهم ولائهم لبلدهم وشعارهم.
التحية/ عثمان الطيب

هوووي يا عثمان الطيب الشوايقة ديل هنا قالوا أكتر من الأسايطة
بعدين هم أحسن ناس وعقليتهم تجارية وعملية
أأي بخاف

أنا نهائي ما بشجع فريق سوداني لاعب مع فريق دولي عشان عارفة النتيجة مسبقا

بصراحة الفراعنة عندهم عزيمة وارادة وحبهم لمصر دافع كبير للفوز

والله يستر بعد المباراة من المغلوبين ما يكسروا لينا البلد

[تحفة حوا]

شاهدوا مباراة مصر والجزائر الان
على الفضائية المصرية وقناة نايل الرياضية
على النايل سات
مع تمنياتنا بمشاهدة ممتعة وأن لا تقطع الكهرباء
وان لا تحدث أي أعمال شغب