لغة المدن

مي التجاني · 13-12-2009, 12:21 AM

شاءت الأقدار اني عشت فترة سنتين في مدينة اوسلو، اكتر حاجه كانت مزعجه انه لما امشي في الشارع ما بحس انه المدينه بتتكلم معاي. بحس المدينه غارقه في الصمت، جربتا شوارع مختلفه ، البحر ، الغابه بس لقيتها كلها صامته، قررتا اوقف محاولاتي للكلام واسمي اوسلو الجميله الصامته. من فتره لفتره كان بتراودني رغبه في انه احاول اكسر الصمت و اتكلم مع الشوارع بس كل محاولاتي باءت بالفشل. حاولتا اسال الاصحاب كيف اكسر الصمت بس مالقيت جواب شافي. الكان بوترني اكتر انه في حلتنا كنت بحس كلام الشارع، في اماكن تانيه كنت ما بحتاج رفقه وبحس المباني بتميل علي وتحكي تاريخه وحكايته،، بحس برابط مع الشارع وبكون دايره ارجع ليه وازوره وانا متاكده انه حيعرفني. كل الخبره والمحاولات ما كانت مجديه مع اوسلو، لكن مؤخرا وقع في يدي كتاب لكاتبه امريكيه الايزابيز غيلبيرت، الكاتبه في واحد من حواراته بتتكلم عن لغة المدن وفرحته لانه مشكلتي مع أوسلو بدات تتحلي.
الكاتبه بتقول انه السر عشان تفهم المدينه واهلها انه تعرف الكلمه المميزه للشارع، وبتقول انه اي مدينه ليها كلمه بتعّرفه وبتعّرف معظم الناس الساكنين فيها، واذا قدرتا تقرأ مابدور في خاطر الناس المارين حولك في الشارع حتعرف انهم بفكروا قي نفس الفكره، والفكره البتدور في ذهن الأغلبيه هي الكلمه البتعّرف المدينه، واذا كان الكلمه البتدور في خاطرك مابتشبه كلمة المدينه ده معناه انت ما بتنتمي للمكان. وبتقول انه الكلمه البتعرف روما هي جنس، اي زول ماشي في شوارع روما في اي وقت بفكر في الجنس، الكلمه البتعرف لوس انجلوس النجاح، نيويورك الانجاز، استوكهولم مطابقه (سعي للتشابه). واصلتا ادي المدن اسامي الكلمه في حلتنا حنيه، الكلمه في باريس حضاره. انا دايما بفتش للكمه في في الشوارع وقررتا اعاين في عيون الناس بس برضو في اوسلو صامته. مطابقه، كلمه ممكن تنفع تعّرف واسلو، لكن بقيت ارتاح اكتر لفكرة انه انا واوسلو ما بنتكلم نفس اللغه عشان كده كانت عصيه علي، ببساطه انا ما بنتمي للمكان.

سارة · 13-12-2009, 12:36 AM

الجميلة مى اولا مرحب بك فى سودانيات ومرحب بك وانتى كنت احد سكان المدينة التى اخاطبك منها الان
اوسلو الجميلة الصامتة لقد قرأت مفرداتك بفرح شديد لا ادرى هل لانك فكيت طلاسم

دارت بخاطرى يوما أم لاننى حسيت بانى اعرفك فقط لمجرد ذكرك اوسلو

اوسلو فعلا صامتة ولكنها بلغتى انا ان كنت قراتها كما يجب او حاورتها كما أظن

هى وديعة رقيقة نقية بكل ما تحمل هذه الكلمة من معنى لا تحمل صفات المدن الاوربية

الاخرى اذ يغطيها الهدوء وهى فى اوج فرحها وحتى فى قمة حزنها سكنت لمدة سبعة

سنوات وما زلت من سكانها.. رغم حبى لها احيانا يزعجنى صمتها

مرة تانية سعدت جدا باطلالتك فى سودانيات وياريت تطلى علينا فى اوسلو قرييييييييب

مودة واحترام

مي التجاني · 13-12-2009, 12:50 AM

ساره
جا صديقي هشام للاستقرار في اوسلو وسالني رأي فيها، قلتا ليه السكن في اوسلو ذي الزواج من اجمل الجميلات، اذا كان بكفي لاستمرار الحياه الجمال بدون وجود حوار فحيسعد في أوسلو.

أنشاء الله ياساره تقدري تقولي لهشام كلمه تخليه يقدر يبدأ حوار مع أوسلو.

أكيد حنتلاقى.

hatim ALi · 13-12-2009, 01:41 AM

الاخت العزيزة مي التجاني

لكم سعدت بما تكتبين عن لغة المدن

كثيراً ما تستوقفني المدن لأنني ملول بطبعي

و اترحل احياناً كثيرة

مشكلتي الازلية مع كل المدن التي مررت بها

هو انني اجهل لغتها !!

او لنتوخى الدقة لا ارغب في سماعها

فانا منفصم حتى الدهشة بمدن (السودان) التي فارقتها

ففي الصيف اتذكر حر (ام درمان) اللاذع و عنقريب (حبوبة)

و الارض المرشوشة بالماء لترطيب الجو و رائحة البوخ المميزة

في الشتاء تسحرني بورتسودان لكم احببت شتاءات تلكم المدينة الباسمة

الخريف في الابيض و بارا به نكهته المميزة

لذا كل مدينة زرتها تاهت عني معالم لغاتها

واجد نفسي مجبولاً على التعاطي معها

_______________

خارج النص عليك ب(سارة) فهي من اهل اوسلو القدامى

تحياتي و مودتي

مي التجاني · 13-12-2009, 01:56 AM

ده شجن كتير على الليل ده ياحاتم، براحه علينا كده.

نزار حسن علي · 13-12-2009, 12:01 PM

الاخت الكريمة
مى
نهارك جميل

عارفة الكلام ده سمعته من صديقي كنا في الاسكندرية سمعته بتكلم قلته ليهو انته حلمان قال لي بتكلم مع الاسكنديرة قال لي انا بعرف لغة المدن وسالني هل عندي فكرة عن لغة المدن رديت عليهو قلت ليهو انا باقي صاموله واحدة عايز تفكها كمان
مودتي بلا حدود

مي التجاني · 14-12-2009, 12:31 AM

نزار سلامات كتيره،
انا قلقتا على الصواميل وعديته لقيته تامه،،، تقريبا

سمورية · 14-12-2009, 01:09 AM

اقتباس:

المشاركة الأصلية كتبت بواسطة مي التجاني

شاءت الأقدار اني عشت فترة سنتين في مدينة اوسلو، اكتر حاجه كانت مزعجه انه لما امشي في الشارع ما بحس انه المدينه بتتكلم معاي. بحس المدينه غارقه في الصمت، جربتا شوارع مختلفه ، البحر ، الغابه بس لقيتها كلها صامته، قررتا اوقف محاولاتي للكلام واسمي اوسلو الجميله الصامته. من فتره لفتره كان بتراودني رغبه في انه احاول اكسر الصمت و اتكلم مع الشوارع بس كل محاولاتي باءت بالفشل. حاولتا اسال الاصحاب كيف اكسر الصمت بس مالقيت جواب شافي. الكان بوترني اكتر انه في حلتنا كنت بحس كلام الشارع، في اماكن تانيه كنت ما بحتاج رفقه وبحس المباني بتميل علي وتحكي تاريخه وحكايته،، بحس برابط مع الشارع وبكون دايره ارجع ليه وازوره وانا متاكده انه حيعرفني. كل الخبره والمحاولات ما كانت مجديه مع اوسلو، لكن مؤخرا وقع في يدي كتاب لكاتبه امريكيه الايزابيز غيلبيرت، الكاتبه في واحد من حواراته بتتكلم عن لغة المدن وفرحته لانه مشكلتي مع أوسلو بدات تتحلي.
الكاتبه بتقول انه السر عشان تفهم المدينه واهلها انه تعرف الكلمه المميزه للشارع، وبتقول انه اي مدينه ليها كلمه بتعّرفه وبتعّرف معظم الناس الساكنين فيها، واذا قدرتا تقرأ مابدور في خاطر الناس المارين حولك في الشارع حتعرف انهم بفكروا قي نفس الفكره، والفكره البتدور في ذهن الأغلبيه هي الكلمه البتعّرف المدينه، واذا كان الكلمه البتدور في خاطرك مابتشبه كلمة المدينه ده معناه انت ما بتنتمي للمكان. وبتقول انه الكلمه البتعرف روما هي جنس، اي زول ماشي في شوارع روما في اي وقت بفكر في الجنس، الكلمه البتعرف لوس انجلوس النجاح، نيويورك الانجاز، استوكهولم مطابقه (سعي للتشابه). واصلتا ادي المدن اسامي الكلمه في حلتنا حنيه، الكلمه في باريس حضاره. انا دايما بفتش للكمه في في الشوارع وقررتا اعاين في عيون الناس بس برضو في اوسلو صامته. مطابقه، كلمه ممكن تنفع تعّرف واسلو، لكن بقيت ارتاح اكتر لفكرة انه انا واوسلو ما بنتكلم نفس اللغه عشان كده كانت عصيه علي، ببساطه انا ما بنتمي للمكان.

مي ازيك ومرحب بيك
انتي الكتاب حل ليك المشكلة و وراك السر وين
وانتي بالمقابل وريتينى مشكلتى مع المدينة الانا فيها دي وين
وهي فعلا انو حتي لو فهمت الناس والشوارع بتقول شنو
في حاجز وسور عالي بينا سور يمنع الالفة ويسمح بقدر من التعايش
والحاجز دا زيو زي عدم الفهم لما يقال
وفسر لي الحنين والشوق والشعور العجيب
لما ذاكرة الروائح تستثار بدعاش ولا حتي كتاحة

دمتي سالمة

أسامة معاوية الطيب · 14-12-2009, 08:38 AM

مي
يا سلام عليك
كانت كسلا ومازالت تهامسني ...
على الرملِ
كان القاش يبذر أغنيات الحبِّ في الأحداق
فتنبت وردةً حمراءَ
تأخذ شكل هذا القلبْ
وكانت لوعة العشّاقْ
تنام على سرير العشبْ
على الرملِ
زرعنا الوعدَ باللقيا
وبتنا طيَّ هذا العشقِ أغنيتينِ من أشواقْ

في أذني الكثير من همس المدن ... ولكن لغة كسلا تفضح قلمي وتهتك ستر أشواقي
لك في أوسلو الصامتة هذي ( صخب سوق الخضار ) هناك اللغة مرصوصة على العربات الكارو ... وتحفظها الاحصنة العجوزة عن ظهر ( كلب )
أها نعمل شنو مع الصباح الباظ دا ؟
كدا كويس ؟

معتصم الطاهر · 14-12-2009, 09:10 AM

مى

سلامات

ممكن أقيف فىصف المعجبين

تعجبنى الكتابة البسيطة دون سطحية

خاصة لامن تكون بالعامية في قمة عمقها

أها

وجدت الكلمة السرية او البتعرّف اوسلو
وهى ليست بأى حال سببا لهجرك للمدينة
ألا وهي ( الصمت) ..

جانيت · 14-12-2009, 09:42 AM

صباحك هايدي وساندرين وفل لو عايزين

مي يازهرة اوسلو انت ناقصك التفاعل مع المدينه حاولي تحسي بانك منها وفيها حتحضنك وتلقيها بتحكي ليك ومره تصرخ فيك وتشكي وتضحك وتلاعب احاسيسك ..............

بالمره حاولي اعرفي لي لغة الخرطوم شنو عشان ما قادره اسمعها ولا اتكلم معها مدينة الخرمجه

مي التجاني · 15-12-2009, 02:06 AM

مساكم خير
سعيده بيكم
انا بحس ورطتنا انه الكلمه في السودان مابتشبه الكلمه في اي مدينه تانيه، وعشان كده بغلبنا نتوالف مع غيره او نبعدعنه، لما الزول يصحي من الصباح ما بكون مهموم بالنجاح ذي لوس انجلس ولا بالجمال ذي باريس، بالنا بكون مشغول بالحوالينا ، نطايبهم ونبدأ نعمل تفاصيل يوم كلها بتعتمد على التفاعل بينا وبينهم،،، الاقي اصحابي امشي ناس حبوبتي،،، المدن كلها ماشه على كلمه فرديه ذي انجح، استمتع بس كلمتنا لسه فيها اللمه ذي نفرح وننجح.
.
جانيت،،، الخرطوم (الخرمجه) ممكن تكون وحده من كلماته لكن حنكون بنظلمه لو قلنا الكلمه الطاغيه
لسه السؤال قائم الكلمه البتعّرف السودان شنو،، ولا احسن نعّرف كل مدينه بكلمه براها !!

جانيت · 15-12-2009, 06:40 AM

صباح الفل مي يا جميله احسن نشوف الكود بتاع كل مدينه على حدا لكن الخرطوم اول حاجه بتجي في بالي الخرمجه ده لزوم التخاطب معاها بعدين في لغات كتيره ما حنظلمها

فتحي مسعد حنفي · 15-12-2009, 08:48 AM

اقتباس:

المشاركة الأصلية كتبت بواسطة مي التجاني

مساكم خير
سعيده بيكم
انا بحس ورطتنا انه الكلمه في السودان مابتشبه الكلمه في اي مدينه تانيه، وعشان كده بغلبنا نتوالف مع غيره او نبعدعنه، لما الزول يصحي من الصباح ما بكون مهموم بالنجاح ذي لوس انجلس ولا بالجمال ذي باريس، بالنا بكون مشغول بالحوالينا ، نطايبهم ونبدأ نعمل تفاصيل يوم كلها بتعتمد على التفاعل بينا وبينهم،،، الاقي اصحابي امشي ناس حبوبتي،،، المدن كلها ماشه على كلمه فرديه ذي انجح، استمتع بس كلمتنا لسه فيها اللمه ذي نفرح وننجح.
.
جانيت،،، الخرطوم (الخرمجه) ممكن تكون وحده من كلماته لكن حنكون بنظلمه لو قلنا الكلمه الطاغيه
لسه السؤال قائم الكلمه البتعّرف السودان شنو،، ولا احسن نعّرف كل مدينه بكلمه براها !!

السودان بلد الحنان الما بتلقي في أي مكان..
حتة يغلبنا نتعايش مع غيرو دي ما بوافقك عليها....السودانيين أكتر شعوب العالم مقدرة علي التعايش والانصهار في الشعوب الأخري.ودا عن تجارب ما ساكت..
أنا مثلا عشت ولاحظي بقول عشت ما زرت في تلاتة قارات مع عدة شعوب كنت فيها بعد وقت قصير بحس اني عايش في البلد دا من سنين وحافظ طبايع ناسو وبتعامل معاهم حسب طبايعم..
ودا بتلقي كل السودانيين عايشين بيهو..تلقي السودانيين أحسن ناس بيتكلمو لغة البلد الهم فيها وتلقيهم أكتر ناس بصاحبو سياد البلد وأكتر ناس بيعرسو من البلد وبيعتبروا من أكتر الشعوب الأخدت جوازات سفر البلاد العايشين فيها ودا بخللي أهل البلد يحسو انو السودانيين بقو من ناسم مش أغراب..
قولك شنو في الكلام دا

مي التجاني · 15-12-2009, 02:10 PM

سلاماااااااااااااات
قولي انه احنا بنعيش ولا بنتعايش !
بنتعلم لغة البلد البنطقوها ولا البعشوها!
حنان هي الكلمه البتعرفنا وبتدور في بالنا احنا السودانين معظم الوقت وبنفتش ليه، وممكن تكون بتنافسه الايام دي كلمة بلد، لاننا كلنا مهمومين بالبلد ماشه على وين.
اذا الكلمه البتشغل بالنا ماهي كلمة المدينه الاحنا فيها اشك في انه نعيش بس ممكن نتعايش،
العالم ماشي مادي واحنا لسه مهمومين بحاجه معنويه، البلاد في مرحلة كيف تتطور واحنا في مرحلة كيف نتكون.
انا ماشايفه انه البشغل بالنا ممكن يكون بشغل بال اي زول في النرويج، عشان كده شايفه حتى لو السوداني اتكلم اللغه النرويجيه برضو حتلاقيه مشكلة كيف يخلق حوار عميق مع زول نرويجي،
بس شكله ياعم حنفي جرابك مليلن كلملت ودايما بتلقى الكلمه البتخليك تتماهى في البلد.

13-12-2009, 12:21 AM	#[1]
مي التجاني :: كــاتب نشــط::	لغة المدن شاءت الأقدار اني عشت فترة سنتين في مدينة اوسلو، اكتر حاجه كانت مزعجه انه لما امشي في الشارع ما بحس انه المدينه بتتكلم معاي. بحس المدينه غارقه في الصمت، جربتا شوارع مختلفه ، البحر ، الغابه بس لقيتها كلها صامته، قررتا اوقف محاولاتي للكلام واسمي اوسلو الجميله الصامته. من فتره لفتره كان بتراودني رغبه في انه احاول اكسر الصمت و اتكلم مع الشوارع بس كل محاولاتي باءت بالفشل. حاولتا اسال الاصحاب كيف اكسر الصمت بس مالقيت جواب شافي. الكان بوترني اكتر انه في حلتنا كنت بحس كلام الشارع، في اماكن تانيه كنت ما بحتاج رفقه وبحس المباني بتميل علي وتحكي تاريخه وحكايته،، بحس برابط مع الشارع وبكون دايره ارجع ليه وازوره وانا متاكده انه حيعرفني. كل الخبره والمحاولات ما كانت مجديه مع اوسلو، لكن مؤخرا وقع في يدي كتاب لكاتبه امريكيه الايزابيز غيلبيرت، الكاتبه في واحد من حواراته بتتكلم عن لغة المدن وفرحته لانه مشكلتي مع أوسلو بدات تتحلي. الكاتبه بتقول انه السر عشان تفهم المدينه واهلها انه تعرف الكلمه المميزه للشارع، وبتقول انه اي مدينه ليها كلمه بتعّرفه وبتعّرف معظم الناس الساكنين فيها، واذا قدرتا تقرأ مابدور في خاطر الناس المارين حولك في الشارع حتعرف انهم بفكروا قي نفس الفكره، والفكره البتدور في ذهن الأغلبيه هي الكلمه البتعّرف المدينه، واذا كان الكلمه البتدور في خاطرك مابتشبه كلمة المدينه ده معناه انت ما بتنتمي للمكان. وبتقول انه الكلمه البتعرف روما هي جنس، اي زول ماشي في شوارع روما في اي وقت بفكر في الجنس، الكلمه البتعرف لوس انجلوس النجاح، نيويورك الانجاز، استوكهولم مطابقه (سعي للتشابه). واصلتا ادي المدن اسامي الكلمه في حلتنا حنيه، الكلمه في باريس حضاره. انا دايما بفتش للكمه في في الشوارع وقررتا اعاين في عيون الناس بس برضو في اوسلو صامته. مطابقه، كلمه ممكن تنفع تعّرف واسلو، لكن بقيت ارتاح اكتر لفكرة انه انا واوسلو ما بنتكلم نفس اللغه عشان كده كانت عصيه علي، ببساطه انا ما بنتمي للمكان. التعديل الأخير تم بواسطة مي التجاني ; 14-12-2009 الساعة 12:32 AM.
مي التجاني :: كــاتب نشــط::

13-12-2009, 12:36 AM	#[2]
سارة :: كــاتب نشــط::	الجميلة مى اولا مرحب بك فى سودانيات ومرحب بك وانتى كنت احد سكان المدينة التى اخاطبك منها الان اوسلو الجميلة الصامتة لقد قرأت مفرداتك بفرح شديد لا ادرى هل لانك فكيت طلاسم دارت بخاطرى يوما أم لاننى حسيت بانى اعرفك فقط لمجرد ذكرك اوسلو اوسلو فعلا صامتة ولكنها بلغتى انا ان كنت قراتها كما يجب او حاورتها كما أظن هى وديعة رقيقة نقية بكل ما تحمل هذه الكلمة من معنى لا تحمل صفات المدن الاوربية الاخرى اذ يغطيها الهدوء وهى فى اوج فرحها وحتى فى قمة حزنها سكنت لمدة سبعة سنوات وما زلت من سكانها.. رغم حبى لها احيانا يزعجنى صمتها مرة تانية سعدت جدا باطلالتك فى سودانيات وياريت تطلى علينا فى اوسلو قرييييييييب مودة واحترام
سارة :: كــاتب نشــط::	التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا لك الرحمة ياخالد ولنا صبرا جميلا

13-12-2009, 12:50 AM	#[3]
مي التجاني :: كــاتب نشــط::	ساره جا صديقي هشام للاستقرار في اوسلو وسالني رأي فيها، قلتا ليه السكن في اوسلو ذي الزواج من اجمل الجميلات، اذا كان بكفي لاستمرار الحياه الجمال بدون وجود حوار فحيسعد في أوسلو. أنشاء الله ياساره تقدري تقولي لهشام كلمه تخليه يقدر يبدأ حوار مع أوسلو. أكيد حنتلاقى.
مي التجاني :: كــاتب نشــط::

13-12-2009, 01:41 AM	#[4]
hatim ALi :: كــاتب نشــط::	الاخت العزيزة مي التجاني لكم سعدت بما تكتبين عن لغة المدن كثيراً ما تستوقفني المدن لأنني ملول بطبعي و اترحل احياناً كثيرة مشكلتي الازلية مع كل المدن التي مررت بها هو انني اجهل لغتها !! او لنتوخى الدقة لا ارغب في سماعها فانا منفصم حتى الدهشة بمدن (السودان) التي فارقتها ففي الصيف اتذكر حر (ام درمان) اللاذع و عنقريب (حبوبة) و الارض المرشوشة بالماء لترطيب الجو و رائحة البوخ المميزة في الشتاء تسحرني بورتسودان لكم احببت شتاءات تلكم المدينة الباسمة الخريف في الابيض و بارا به نكهته المميزة لذا كل مدينة زرتها تاهت عني معالم لغاتها واجد نفسي مجبولاً على التعاطي معها _______________ خارج النص عليك ب(سارة) فهي من اهل اوسلو القدامى تحياتي و مودتي
hatim ALi :: كــاتب نشــط::	التوقيع: ____________________________ الليل و النهار واحد على العميان و اللوم و الشكر واحد على السجمان

13-12-2009, 01:56 AM	#[5]
مي التجاني :: كــاتب نشــط::	ده شجن كتير على الليل ده ياحاتم، براحه علينا كده.
مي التجاني :: كــاتب نشــط::

13-12-2009, 12:01 PM	#[6]
نزار حسن علي :: كــاتب نشــط::	الاخت الكريمة مى نهارك جميل عارفة الكلام ده سمعته من صديقي كنا في الاسكندرية سمعته بتكلم قلته ليهو انته حلمان قال لي بتكلم مع الاسكنديرة قال لي انا بعرف لغة المدن وسالني هل عندي فكرة عن لغة المدن رديت عليهو قلت ليهو انا باقي صاموله واحدة عايز تفكها كمان مودتي بلا حدود
نزار حسن علي :: كــاتب نشــط::

14-12-2009, 12:31 AM	#[7]
مي التجاني :: كــاتب نشــط::	نزار سلامات كتيره، انا قلقتا على الصواميل وعديته لقيته تامه،،، تقريبا
مي التجاني :: كــاتب نشــط::

14-12-2009, 08:38 AM	#[9]
أسامة معاوية الطيب :: كــاتب نشــط::	مي يا سلام عليك كانت كسلا ومازالت تهامسني ... على الرملِ كان القاش يبذر أغنيات الحبِّ في الأحداق فتنبت وردةً حمراءَ تأخذ شكل هذا القلبْ وكانت لوعة العشّاقْ تنام على سرير العشبْ على الرملِ زرعنا الوعدَ باللقيا وبتنا طيَّ هذا العشقِ أغنيتينِ من أشواقْ في أذني الكثير من همس المدن ... ولكن لغة كسلا تفضح قلمي وتهتك ستر أشواقي لك في أوسلو الصامتة هذي ( صخب سوق الخضار ) هناك اللغة مرصوصة على العربات الكارو ... وتحفظها الاحصنة العجوزة عن ظهر ( كلب ) أها نعمل شنو مع الصباح الباظ دا ؟ كدا كويس ؟
أسامة معاوية الطيب :: كــاتب نشــط::

14-12-2009, 09:10 AM	#[10]
معتصم الطاهر :: كــاتب نشــط::	مى سلامات ممكن أقيف فىصف المعجبين تعجبنى الكتابة البسيطة دون سطحية خاصة لامن تكون بالعامية في قمة عمقها أها وجدت الكلمة السرية او البتعرّف اوسلو وهى ليست بأى حال سببا لهجرك للمدينة ألا وهي ( الصمت) ..
معتصم الطاهر :: كــاتب نشــط::	التوقيع: أنــــا صف الحبايب فيك .. و كـــــــــــل العاشقين خلفي

14-12-2009, 09:42 AM	#[11]
جانيت :: كــاتب نشــط::	صباحك هايدي وساندرين وفل لو عايزين مي يازهرة اوسلو انت ناقصك التفاعل مع المدينه حاولي تحسي بانك منها وفيها حتحضنك وتلقيها بتحكي ليك ومره تصرخ فيك وتشكي وتضحك وتلاعب احاسيسك .............. بالمره حاولي اعرفي لي لغة الخرطوم شنو عشان ما قادره اسمعها ولا اتكلم معها مدينة الخرمجه
جانيت :: كــاتب نشــط::	التوقيع: عشان القاك

15-12-2009, 02:06 AM	#[12]
مي التجاني :: كــاتب نشــط::	مساكم خير سعيده بيكم انا بحس ورطتنا انه الكلمه في السودان مابتشبه الكلمه في اي مدينه تانيه، وعشان كده بغلبنا نتوالف مع غيره او نبعدعنه، لما الزول يصحي من الصباح ما بكون مهموم بالنجاح ذي لوس انجلس ولا بالجمال ذي باريس، بالنا بكون مشغول بالحوالينا ، نطايبهم ونبدأ نعمل تفاصيل يوم كلها بتعتمد على التفاعل بينا وبينهم،،، الاقي اصحابي امشي ناس حبوبتي،،، المدن كلها ماشه على كلمه فرديه ذي انجح، استمتع بس كلمتنا لسه فيها اللمه ذي نفرح وننجح. . جانيت،،، الخرطوم (الخرمجه) ممكن تكون وحده من كلماته لكن حنكون بنظلمه لو قلنا الكلمه الطاغيه لسه السؤال قائم الكلمه البتعّرف السودان شنو،، ولا احسن نعّرف كل مدينه بكلمه براها !!
مي التجاني :: كــاتب نشــط::

15-12-2009, 06:40 AM	#[13]
جانيت :: كــاتب نشــط::	صباح الفل مي يا جميله احسن نشوف الكود بتاع كل مدينه على حدا لكن الخرطوم اول حاجه بتجي في بالي الخرمجه ده لزوم التخاطب معاها بعدين في لغات كتيره ما حنظلمها
جانيت :: كــاتب نشــط::	التوقيع: عشان القاك

15-12-2009, 02:10 PM	#[15]
مي التجاني :: كــاتب نشــط::	سلاماااااااااااااات قولي انه احنا بنعيش ولا بنتعايش ! بنتعلم لغة البلد البنطقوها ولا البعشوها! حنان هي الكلمه البتعرفنا وبتدور في بالنا احنا السودانين معظم الوقت وبنفتش ليه، وممكن تكون بتنافسه الايام دي كلمة بلد، لاننا كلنا مهمومين بالبلد ماشه على وين. اذا الكلمه البتشغل بالنا ماهي كلمة المدينه الاحنا فيها اشك في انه نعيش بس ممكن نتعايش، العالم ماشي مادي واحنا لسه مهمومين بحاجه معنويه، البلاد في مرحلة كيف تتطور واحنا في مرحلة كيف نتكون. انا ماشايفه انه البشغل بالنا ممكن يكون بشغل بال اي زول في النرويج، عشان كده شايفه حتى لو السوداني اتكلم اللغه النرويجيه برضو حتلاقيه مشكلة كيف يخلق حوار عميق مع زول نرويجي، بس شكله ياعم حنفي جرابك مليلن كلملت ودايما بتلقى الكلمه البتخليك تتماهى في البلد. التعديل الأخير تم بواسطة مي التجاني ; 15-12-2009 الساعة 03:12 PM.
مي التجاني :: كــاتب نشــط::