(وأقول إمكن أنا الماجيت) .. البكا في الأغنية السودانية..(حالة نفسية) ..

[أسامة معاوية الطيب]

المشاركة الأصلية كتبت بواسطة خالد الحاج

محجوب عندو يا أحمد جميلة ومستحيلة
بالله شفت (يا صبية الريح وراي خلي من حضنك ضراي)
ده كلام شحمان علي قول حبيبنا منعم شوف
ولا لما يقول:
"حدثت عنك نجمة جاره
وزرعت أسمك حاره حاره
فى مناديل العزاره
وفى مشاوير الحيارة
فى لحا الاشجار كتبتو نحتو فى صم الحجاره
بحت للشمس البتقدل فى مداره .
يامراسى الشوق تعالى
من ضواحى الدنيا جيت وعلي رحالي.
ريحينى استرى حالى
عيوني فى الدمعات وحيلة
أسمحيلها تشوف عيونك اسمحيلها.

انت منك لابدايه
ولانهايه
مره اضحك
ومره ابكى
ومره تغلبنى القرايه.
ياصبيه
الريح ورايه
خلي من حضنك ضرايه ."

خلي بالك لما تحته خط

ده بكي عميق والله ... يا أحمد ... ومحجوب مظلوم لأن أشهر أغنياته هي الوطنيات
لكن لو قريت ليه عاطفياته تقف كثيرا ...

خالد وأحمد
ندخل ناخدلنا غتسات نصااااااح في بكاكم (العميق ) دا ونمرق زي الشعرة من العجين
أبكو ... أبكو
الله لا قطع العشم
أحمد ... طلعت بتاع مناديل كبير ونحن ما عارفين
نحن ناس
كانت في يديه زهرتان حين مات
وكان يشتعل اشتياقا كحنين الأمهات
لحبيبته يغني (كالبكاء) ولأمه صلى على أوتار قهوتها وفات

مستمتع جدا ... جدا

[فيصل سعد]

[align=center]جميلة و مستحيلة[/align]

[align=center][rams]http://www.sudani.ws/s-data03/mohamedwardi/jameela_w_mostaheela.mp3[/rams][/align]

[فيصل سعد]

[align=center]قبل ما نعرف قليبك
يرضى ريدنا ولا يابى
جينا بفرح الطفولة
زي شتل
راجي السحابة ...[/align]


[align=center][rams]http://sudaniyat.net/up/uploading/gablimanarif.mp3[/rams][/align]

[somiaadam]

نطلع من الاغنيه السودانيه شويه
وهاكم ابيات جميل بثينه(حتي اسمو قلبو ليهو
يقولون جاهد ياجميل بغزوة واي جهاد غيرهن اريد
لكل حديث بينهن بشاشه وكل قتيل بينهن شهيد
باقيلكم في السودان ده في

[فيصل سعد]

و طالت وقفة الاشواق
معاي جنب المكان زاتو
انا و رعشة ظلام الليل
و قلبي حزينة دقاتو ..

[فيصل سعد]

نضر الله وجه ذاك الساقي
انه بالرحيق حل وثاقي

و تبكوا بس

التحايا لاستاذنا عصمت الذي طال غيابه
و لرهط القافلة التي مرت من هنا مع عميق
الود و وافر المحبة ..

[خالد الباشا]

دون مرعاة من الطرف الآخر "البلومة" لحالتك النفسية أو العمرية أو الزمكانية ..

خالد الحاج ...

والله ده اكتر تعبير عاطفي حنني ..(دون مراعاة لحالتك النفسية والعمرية )

ومن زمان كان نفسي اقول الكلام ده بس بتذكر .

عزة نفسي مابييا علي .................
.................... وحاجات تاني حامياني

وعارف ..

مناحة صيوانك ده ممكن تكون بيتين شعر من الشاعر الراحل جادالله ...

واااااعذابي انا لو فقدتك .. من بعد مابقيتي روحي
وكان حصل لاقدر الله .. وين اروح ساعة تروحي ..

[زول الله]

سلام ناس البيت كلكم بدون فرز

الكلام الكبار كبار دا مابنقدر عليهو لكن بنحاول ندلو بجردلنا معاكم يمكن يجيب مريسة ام زين
الغناوي الحنينة وبيت البكاء المركبين صيوانو من ايام هاشم ميرغني والطيب عبدالله هو السائد عندنا
ودا الخلا غنانا المشتهنو يجيب الرايحة من قولة تيت
كمان الحالة العمرية المزمنة وطلوع البوصلة القلبية خارج الشبكة هي سبب الريدة جات متأخرة والحاجات دي
اها لما نجي نقيس على ذلك بنلقى البكاء شيء عادي عندنا اتعودنا عليهو
والماعادي لما الأغنية تحمل مضامين فرايحية بتكون غير مهضومة نوعاً ما
نحن اتعودنا نحب ونتعذب ولوحبينا وما اتعذبنا مابنضوق حلاوتو
وحتى الحب زاتو لما تكون نهايتو عرس بكون ماحلو عشان مافي ذكريات وبيوت بكاء
ماعارف الكلام دا جا كيف لكن في النهاية انتو السبب بي هبيشكم الكتير دا


يديكم العافية

وليييييييييييييييييييييي قداااااااااااااااااااام









و............الباقي على الله

[فيصل سعد]

[align=center]

بكيت من جوة قلبي
ليك بأحر دمعة
عشان اجلب سعادتك
بشوف الامي متعة
بشوف احزاني بهجة
بشوف في المتعة لوعة
عشان اسعاد حياتك
اضوي واذوب كشمعة

ليك اهديت شبابى
عشان اسعاد شبابك
و اهديتك عواطفى
قلبى الكاوية نارك
ليك اضحى باسم
و شاعر انى هالك
و رغم البى دا كلو
بشوف مافيش مثالك

قلبي هواك صانو
و ما ممكن يخونو
مهما ازداد عذابو
و ازدادت شجونو
حيكون برضو صابر
ما بتدمع عيونو
عشان يرضيك آلامو
و تتهني بانينو

اهداء الى جميع الاحباب بسودانيات،
و كونوا بخير .. [/align]
[align=center]
[rams]http://sudaniyat.net/up/uploading/BAKAIT.ram[/rams][/align]

[التربال]

سلام يا الحبايب....
ربنا يأجرنا،، ويأجركم... والفقد واحد..
يشهد الله بكاكن ده أنا ما سمعت به خالص.. أصلي كت بي تحت (قرّاع) وما سمعت (الصايح)، علّي بعد ما وصلت (درب الترك) حتى سمعت الكواريك والمناحة..
وما قدرت أصل البيت أرمي للغنيمات عشاهن وأجي،، قلت أحسن أديكم طلة وأنا فوق حمارتي وأراحمكم،، وأخت حقي في الكشف،، وأجيكم راجع بعدين

[ramv]http://sudaniyat.net/up/uploading/damaa_aldam.mp3[/ramv]

[AMAL]

عشان ماتبكي
ببكي انا
واحاكي الطرفة
في نص الخريف بكاي

اها دا يشكو لي منو؟؟












شخبطة بالفحم علي باب بيت البكا

[فتحي مسعد حنفي]

المشاركة الأصلية كتبت بواسطة AMAL

عشان ماتبكي
ببكي انا
واحاكي الطرفة
في نص الخريف بكاي

اها دا يشكو لي منو؟؟
شخبطة بالفحم علي باب بيت البكا

يشكوهو للقال مصيرك بكرة تتوجع وبتوجع أنا

[سمراء]

وردى قال (بى مغصة ) :

أسوووووووووى شنو .....براهو الواهب العطاى


والله اجمل بوست قابلنى فى الدواليب الغاااااايسة دى
ارح نواصل لحد مايجى سيدو بالسلامة من كوبر ولا شالا ماعارفة

[سمراء]

المشاركة الأصلية كتبت بواسطة معتصم الطاهر

يا خالد .
الغناء للكرعين كثير ..
بس انت ما منتبه
و زى ما قال واحد أخونا
يوصفوا ليك الشعر و ينزلوا للوجه .. ثم ..الشفاه .. والصدر والحشا .. والكفل ..
ثم هوى يا ليلي ...
وقيل " هوى يا ليلى " دى أقصى درجات البكا ..

والله مداخلة شحمانه بصورة مبااااااااااالغه لكن
قلت لى اتاريها هوى ياليلى عبارة عن زوغة وكدة

انا لله ياخ

[نبراس السيد الدمرداش]

ان لله منك يا سمراء

ما تخلينا نبكي على كل شيء

والخال ربنا يعودو بالسلامه
لكن هو في كوبر مع ناس الشيكات