حافظ جااااااااااااااااااااااكم - وافتتح بار المريسة مرحبا بحافظ حسين

[مي التجاني]

ده حافظ حسين بتاع حافظ حسين

انا حاطالب بمنتدي مغلق

[حافظ حسين]

يا أميري و ذي ما انت عارف البار دا ( عفوا قصدي البوست دا) زي ما انت عارف البوست دا مفتوح علي شرفي انا حاجمع بين الاختين لذا انا داير اكون عضو في البار الثالث و الرابع ... لانو الاول دا حيسحلب بينا اساسا نحنا ما ناقصين اما التاني الما عارف بنكهة مين داك دي مرحلة اتجاوزناها

عادل عسوم عادل عسوم ... عسوم؟ المهم للضمان كدا شكراً يا عادل علي الترحيب ... يا خي خلي حافظ دا يسمي زي ما داير انت ما عارف في حاجة اسمها عولمة الاسماء او الاسماء عابرة القارات*
-------------------------
بالمناسبة يا عادل سمعت قصة الخواجة مع الفدادية (الفدادية دي ست الانداية ... و الانداية دي بار بلدي ( بلدي خالص)) لو ما سمعت بيها قول عشان اكتب هنا انا اصلا جني و جن النكات المسموعة

[حافظ حسين]

المشاركة الأصلية كتبت بواسطة معتصم الطاهر

بنبرى

و عبارى

و نشوف سكرة حافظ

لو نفع

بنزل الراية ..

سجمي يا معتصم الطاهر انت مسجون من زمن الراية
شكراً معتصم علي الترحاب و ليك عبار بس تجيب بنبرك لانو ما عندنا بنابر زايدة

[حافظ اسماعيل احمد]

المشاركة الأصلية كتبت بواسطة حافظ حسين

يا أميري و ذي ما انت عارف البار دا ( عفوا قصدي البوست دا) زي ما انت عارف البوست دا مفتوح علي شرفي انا حاجمع بين الاختين لذا انا داير اكون عضو في البار الثالث و الرابع ... لانو الاول دا حيسحلب بينا اساسا نحنا ما ناقصين اما التاني الما عارف بنكهة مين داك دي مرحلة اتجاوزناها

عادل عسوم عادل عسوم ... عسوم؟ المهم للضمان كدا شكراً يا عادل علي الترحيب ... يا خي خلي حافظ دا يسمي زي ما داير انت ما عارف في حاجة اسمها عولمة الاسماء او الاسماء عابرة القارات*
-------------------------
بالمناسبة يا عادل سمعت قصة الخواجة مع الفدادية (الفدادية دي ست الانداية ... و الانداية دي بار بلدي ( بلدي خالص)) لو ما سمعت بيها قول عشان اكتب هنا انا اصلا جني و جن النكات المسموعة

والله ياعمك دا انت فحطة مليت عمك غبار
وانت جبت معاك سحلب برضو
جاتك مروة تقطع اصبيعنك
اههههههههههه اقصد مروحة

[حافظ حسين]

المشاركة الأصلية كتبت بواسطة عمر صديق

اذن انا ما براى الناس دى كلها مدورة
فعلا سودانيات عالم جميل

انت ما براك و الاخوان معاك يا عمر

سودانيات عالم جميل .... مش حتقدر تغمض عينيك

[سمراء]

نرحب بى سيد البار ..اقصد سيد العرقى بتاع البوست
هناى حافظ التانى بتاع حسين داك
وكل العالم المتفنه هنا

بس المحيرنى الرجال ديل تراهم معروفين ..
الحسس الحايم جوة ده ....بشرب
ولا سكران بالريحه وكدة
لوووووووووووول

هجمتو محاثيثى على والله ياديل

انتو الجيلى وينو النزل معاى من القطر داك ؟؟

[الجيلى أحمد]

ياحافظ ياحافيظ


___________________

ياشباب حقو بعد دا نرقمكم..


وللضمان كدا
أدونا عبار وبعدين نتفاهم
--------------------------

شليل دا فاطنو مالكم

[حافظ حسين]

سمراء كليل السمران
و كطلة بنت السلطان
تشكري يا سمراء و بعدين تعال هنا الخمر دي زمان اتشالت من اللسته دي

سارة ( في زولة زمان ضابط حركة في الخرطوم اسمها زي إسمك دا )...
بالله يا سارة عندك وارد الفاشر ؟

محمد عبدالرحمن شكرا علي الترحاب و نوعيتك دي نحنا بنجيها برواقة في بوست ليلي - خميسي منفصل

[حافظ حسين]

نبراس حبابك و انشاء الله اكون خفيف الظل

حسن فرح يا ود قلبها سلام و تشكر علي الترحيب

شكرا هيفاء علي الترحيب و خليك قريبة

طارق كانديك*
شكرا يا طارق علي الترحيب

* بالمناسبة يا طارق داير أسال سؤال لكن خليهو في الخاص؟

[اروي حامد عبد الله حامد]

سلامات
بوست ريحتو ضااااااااااربة
حافظ سلامات وتحايا
جنبنا كان في واحد اسموعلي حربة عرقيه ظاااااااااااابط وبتو ضابط في (ما حاقول ليكم)
كل ما يكون في كشة ناس الوردية بيضربو يوروهم
المهم يمو الظروف ودتني (ما تفهمونا غلط وكدا)
وقاعدة علي وجل ومنططة عيوني وقاعدة قصااااااااد الباب والباب فااااااااااتح قرااااااااش
قامو كدا ناس الطارة جو والله بقيت اشوف 9 9 وقلبي وقف
وصلوهم وقالو ليهم الطارة جاية بكرة الصباح
انا كنتا في اللحظة ديك بفكر طارة وقبضوها وفي بيت امشي وين
لكن ربكم ستر
من اليوم داك انا كدا ما بقبل
قالو الكباية وصلت 7 حتي دي بقي غالي مع ان ما بكبو فيه سكر

[حافظ اسماعيل احمد]

المشاركة الأصلية كتبت بواسطة الجيلى أحمد

ياحافظ ياحافيظ


___________________

ياشباب حقو بعد دا نرقمكم..


وللضمان كدا
أدونا عبار وبعدين نتفاهم
--------------------------

شليل دا فاطنو مالكم

شنو يالجيلي خلاص خليت اللف
وجربت السلس برضو مانفع
عازو تجرب العبار
راس زي الحجار
الحق شالك من الغبار

حلوة شدييييييييييييييييييييييييييييييييييييييدة ياعمك يا برمة

[جانيت]

المشاركة الأصلية كتبت بواسطة اروي حامد عبد الله حامد

سلامات
بوست ريحتو ضااااااااااربة
حافظ سلامات وتحايا
جنبنا كان في واحد اسموعلي حربة عرقيه ظاااااااااااابط وبتو ضابط في (ما حاقول ليكم)
كل ما يكون في كشة ناس الوردية بيضربو يوروهم
المهم يمو الظروف ودتني (ما تفهمونا غلط وكدا)
وقاعدة علي وجل ومنططة عيوني وقاعدة قصااااااااد الباب والباب فااااااااااتح قرااااااااش
قامو كدا ناس الطارة جو والله بقيت اشوف 9 9 وقلبي وقف
وصلوهم وقالو ليهم الطارة جاية بكرة الصباح
انا كنتا في اللحظة ديك بفكر طارة وقبضوها وفي بيت امشي وين
لكن ربكم ستر
من اليوم داك انا كدا ما بقبل
قالو الكباية وصلت 7 حتي دي بقي غالي مع ان ما بكبو فيه سكر

ولد دا معاكم معلم

[الجيلى أحمد]

المشاركة الأصلية كتبت بواسطة سمراء

انتو الجيلى وينو النزل معاى من القطر داك ؟؟

يوم سعيد بنكهة البن الحبشى
ورائحة الموج الطازج
يوم زى سماحتك ياجميل,

لسه مشتاغون..

وأستغل هذه الثانحة
وأقدم لك العوة لاحتساء بعض الشعير خالى الكحول

على شرف ضيفينا
اللذان جهجهان أفكارنا
وجعلا المنتدى يطشم نهارآ جهارآ

[حافظ حسين]

المشاركة الأصلية كتبت بواسطة اروي حامد عبد الله حامد

سلامات
جنبنا كان في واحد اسموعلي حربة عرقيه ظاااااااااااابط وبتو ضابط في (ما حاقول ليكم)
كل ما يكون في كشة ناس الوردية بيضربو يوروهم
المهم يمو الظروف ودتني (ما تفهمونا غلط وكدا)
وقاعدة علي وجل ومنططة عيوني وقاعدة قصااااااااد الباب والباب فااااااااااتح قرااااااااش
قامو كدا ناس الطارة جو والله بقيت اشوف 9 9 وقلبي وقف
وصلوهم وقالو ليهم الطارة جاية بكرة الصباح
انا كنتا في اللحظة ديك بفكر طارة وقبضوها وفي بيت امشي وين
لكن ربكم ستر
من اليوم داك انا كدا ما بقبل
قالو الكباية وصلت 7 حتي دي بقي غالي مع ان ما بكبو فيه سكر

أروي عليكي النبي لو إنتي صدقتي نفسك نحنا حنصدق الجزء الاخير دا *
بس دي زي لو قلت ليك مستني بص الثورة حتصدقني
--------------------------------
أروي الرسول و النبي توريني محل علي حربه دا وين ... و الله انا ما عندي علاقة بالبوليس و اقول ليك في الانتخابات ذاتو ما بصوت ....
سمعتي يا اروي قصتك عمك المشي الحج ... المهم في رمي الجمرات كدا لقي ليك ست العرقي الما تغباهو قال ليهم ( خصمتك بالله و انتي الليله في بيته كان تاني تزيدي موية)

[سمراء]

المشاركة الأصلية كتبت بواسطة الجيلى أحمد

ياحافظ ياحافيظ


___________________

ياشباب حقو بعد دا نرقمكم..


وللضمان كدا
أدونا عبار وبعدين نتفاهم
--------------------------

شليل دا فاطنو مالكم

الجيلى جا
الجيلى جا
الجيلى جا

الجيلى ياخ مغرودة فى توقيعك الزمان داك ياخ ...ممكن تسلفنى ليهو اقشر بيهو لحد ماحردتك تفك
والصورة فوق اللبيعه اقلاها اشيل شالى منها وكدة