خريجو جامعة أسيوط لمزيد من التواصل

[Wad Elbeck]

المشاركة الأصلية كتبت بواسطة محمد الامين مصطفي

العزيز ود البك والله افتقدناكم 00 وازدان المنتدي بمراكم 00 ومنتظرين كلاماتكم 00 ومستنين صباحاتكم00 الضاجة بي ارشيف نهاراتكم 000

تسلم يا أبواللمين ..
قلنا أحسن نسخّن شوية شوية خوفاً من تمزُّقْ العضلات وكده ..

[Wad Elbeck]

[align=center]بين اليوم والأمس ..[/align]

[align=center][/align]
[align=center]رحلة علمية مع قسم الإنتاج الحيوانى .. منفالوط- العام 1986[/align]

[align=center][/align]
[align=center]ثم بعد ربع قرن من الزمان .. الدوحة -العام 2010 [/align]

[جمال عباس عمر ميرغنى]

مبرووووووووووك
[color=FF1493]عمر و سلوى[/color]
ربنا يتمم على الف خير

[arbab]

الاسايطه عموم سلام
البوست نور بالغائبين الحاضرين....
الايام والسنين تمر والدنيا اصبحت زكانه زكه شديده .. اى زول تشوفو عاضى جلابيته وجارى
الحد وين .. والميس وين !!!!...... ربنا يدينا حسن الخاتمه....
قبل يومين وصل مردس معافى .. وايضا عبد المجيد.. وعمار
الجيلى.. كيشو .. شبارقه... مكى..ود البيك.. وياكباشى (تلحقنا وتنجدنا).. والاسايطه جميعا سارعوا فى التسجيل والاشتراك فى اسيودان..
عندى مقترح... لاسايطة الخارج فى كل بلد يكون فى زول يتولى نيابة عن اللجنة بحصر العضوية واكمال اجراءات الاشتراك..مثلا كندا مكى.. ايرلندا.. الجيلى.. دبى ود الطيب وهكذا ونحدد زمن مثلا نكثف هذا العمل ليتم خلال 3 اسابيع
وواحد من اهم اولويات المنظمة حاليا التواصل والدعم الاجتماعى
اكرر اصبحنا الان محاتجين لبعضنا البعض.. اسندو معى المنظمة لنوقفها على (كرعينها)وبعدين انا متاكد حتلقوها متسارعة الخطى

[محمد الامين مصطفي]

المشاركة الأصلية كتبت بواسطة Wad Elbeck

[align=center]بين اليوم والأمس ..[/align]

[align=center][/align]
[align=center]رحلة علمية مع قسم الإنتاج الحيوانى .. منفالوط- العام 1986[/align]

[align=center][/align]
[align=center]ثم بعد ربع قرن من الزمان .. الدوحة -العام 2010 [/align]

يا سلام 00يا بك 000 يا سلام 00 الله 00الله 00الله 00 عزيزي ود البك لقد ابتعثت فينا عبد الماجد وحيا وحضورا 00 عزيزي عبد الماجد يا شامخا كالنيل يا راسيا كالبركل 00 عزيزي عبد الماجد والله مشتاقين 00 لانك انت انت لم يتغير فيك شئ تماما مثلما كنت اسيوطي الهوي وامدرماني المنشا 00وود العرضة والتاريخ الاحمر الوهاج (المريخ ) 00 عفوا اخي ودالبك لقد اثرت فينا اسيوط وزمن اسيوط وناس اسيوط ونفس اسيوط وجيل اسيوط وعبد الماجد الفلتة وعبق المريخ الذي يجري في عبد الماجد مجري الروح والدم 00 وان انسي لا انسي ضحكة عبد الماجد المجلجلة الصافية صفاء اللبن الابيض 00 ولنا عودة 00

[الزوول]

المشاركة الأصلية كتبت بواسطة محمد الامين مصطفي

يا ايها الزوول العجيب 00اليوم السعيد الليلة جابك 00 والمنتدي نور وقال مرحبتين حبابك 00 وبوست اسيوط الانيق صفق طربان بي جنابك 00 ونمرة علي مردس 00249122220709 00 وهي الان في رحابك 00 دمتم غير غائبين 00 ودائما مشاركين عشان تفكو احتلال ود الامين للبوست الرصين 00

....
السلام عليكم
....
ودللمين حبابك
....
إن من رحمة الله لهذا البوست أنه يقيض له في كل 10 صفحات
من يعيد له ألقه ونضارته
وقد سبقك بهذا عديدون كمال ، ميكي، كيشو، شبارقة، ود البيك ، عليش ..الخ
أما أخونا الجيلي فهو من الذين ينتظرون وما بدلوا تبديلا يداوم على انقاذ حياة البوست كل ما وجده مهدداً بالسقوط في غيبوبة الصفحة الثانية.
ونرجو أن لا تكون آخرهم فقد حملت الرأية كخير ما تجب أن تحمل
تحياتي
...

[محمد الامين مصطفي]

المشاركة الأصلية كتبت بواسطة الزوول

....
السلام عليكم
....
ودللمين حبابك
....
إن من رحمة الله لهذا البوست أنه يقيض له في كل 10 صفحات
من يعيد له ألقه ونضارته
وقد سبقك بهذا عديدون كمال ، ميكي، كيشو، شبارقة، ود البيك ، عليش ..الخ
أما أخونا الجيلي فهو من الذين ينتظرون وما بدلوا تبديلا يداوم على انقاذ حياة البوست كل ما وجده مهدداً بالسقوط في غيبوبة الصفحة الثانية.
ونرجو أن لا تكون آخرهم فقد حملت الرأية كخير ما تجب أن تحمل
تحياتي
...

رابط مهم وطريف
اخي العزيز 00 دكتور الزوول 00 اهداء خاص لشخصكم خفيف الحروف 0000خفيف الكتوف 000خفيف الظل والظروف 0مدور العقول 0000 اليك الرابط اعلاه(مكتوب عليه بالازرق رابط مهم وطريف في مطلع المقال ) لكن تقراهو بعيد من ام العيال عشان ما تحصل اشتباكات كفاك زيارة مدني وتداعياتها 00 دكتور الجيلي الرجل البركة قاعد والعملاق ود الكاشف شكلو ما بعيد 00 واهديه كذلك لكل النجوم 00دكتور كمال ودكتور عليش 00 ودكتور منتصر 00 وكباشي وكيشو ومكي ومنير وشبارقة وودجبارة وبقية العقد الفريد 00 بقيادة ود البك العجيب 00

[محمد الامين مصطفي]

المشاركة الأصلية كتبت بواسطة Wad Elbeck

[align=center]بين اليوم والأمس ..[/align]

[align=center][/align]
[align=center]رحلة علمية مع قسم الإنتاج الحيوانى .. منفالوط- العام 1986[/align]

[align=center][/align]
[align=center]ثم بعد ربع قرن من الزمان .. الدوحة -العام 2010 [/align]

ود البك يا عملاق 00 والله رجعتنا للزمن السمح 000 ولسع بتكرف في مساماتو الندية 000 الله يريح عليك 00 يا اخي عبد الماجد هو هو لم يتغير بس ما شايف كترابة بتاعة دخان يا سلام عليك يا عبد الماجد كنت فريدا ومتفردا وواثق الخطوة تمشي ملكا 00 فيا اخي قول لينا عووك لانو عووك تكسبنا العافية والصحة وتملا مساماتنا بالفرح النبيل 00وبهذه المناسبة اهديكم هذه القصة وكذلك الاهداء لدكتور الجيلي ودكتور الزوول ودكتور منتصر ودكتور عليش ودكتور كمال وكل الدكاترة الاسايطة وخاصة الدكتور طارق ود بحري الرجل المبروك وبالمناسبة العب طالب جامعي اشاهده شكرا لدكتور الجيلي الذي اضاء به البوست 000

الاهداء 00 انه للفاتح جبرا 000

جارى فؤاد ما أن نلتقى حتى يشكو لى الست (زوجته) فهى كما أخبرنى قد أحالت حياته إلى جحيم وحولته إلى (فأر تجارب) .. والقصة عزيزى القارئ أن زوجة أخينا (فؤاد) مولعة بل مدمنة على مشاهدة (البرامج الطبية) التى تبثها معظم القنوات الفضائية هذه الأيام والتى يستضاف فيها الأخصائيون فى كافة فروع الطب (الأصيل) والطب (البديل) وطب (الأعشاب) والطب الما عارف شنو داك .
ما أن يعلن فى أية حلقة تبثها هذه الفضائيات عن دواء أو (إكتشاف جديد) يعتقد أن فيه شفاء لأية علة كانت حتى تهرع زوجة (فؤاد) لتطبيقه عليه :
- شنو الخيار (الرادماهو) ليا فى الصينية ده ؟
- أسكت ساااكت .. والله الدكتور البجيبوهو فى قناة (الطبية) قال الخيار ده أحسن حاجة للضغط ! وكمان بيقوى الذاكرة وبينعش خلايا المخ !
يقوم (فؤاد) بضرب عدد مقدر من (الخياريات) بناء على نصيحة زوجته ثم بعد أن يصاب بتخمة خيارية (ياخد ليهو نومة) فيصحو وهو يحس ببعض علامات الجوع فيتجه نحو (التلاجة) ويخرج بقية (صينية الخيار) :
- (تمسكها منو) : شنو الشايلو فى أيدك ده !
- ده ما باقى الخيار الفى الصينية . !
- (تسحب منه الصينية) : لا أوعك .. هسة دى الدكتور بتاع قناة (سين بين إن) قال الحبوب الموجوده فى الخيار دى بتعمل حصاوى فى المثانة !!
يقول لى جارى فؤاد ، لم يمر يومان حتى إستيقظت من نومى صباحاً لأجد أمامى ثلاث زجاجات (حجم عائلى) ممتلئات بالماء وأمامهن كوب :
- إنتى الليلة عازمة ليكى ناس ؟ شنو قزاز (السفن آب) ده ؟
- ده ما (سفن آب) دى مويه عادية ساااكت .. إنتا ما شفتا (الدكتور) بتاع قناة ( الطب البديل) قال شنو؟
- قال شنو؟
- قال ليك مفروض الزول أول ما يصحى من نومو يشرب ليهو تلاته لتر موية عشان (الكلى) بتاعتو (تتسلك) والكبد يقدر يقوم بى مهمتو .. ده غير إنو الموية بتخلى (الصفائح الدموية) تحافظ على سيولتها !
هنا إلتفت إلى صديقى (فؤاد) وسألته :
- أها وشربتا التلاته لتر موية ؟
- (وهو يضحك) : إنتا جنيت والله لو شربتها كان مشيت أحمد شرفى !
- وطيب عملتا شنو ّ
- غايتو شربتا ليا كباية كبايتين .. لكن دى مش المشكلة !
- المشكلة وين ؟
يواصل فؤاد : فى اليوم التالى صحوت من النوم وأنا أحس بالعطش نسبة لسخونة الجو فهرعت نحو التلاجة وأمسكت بإحدى زجاجات المياه (الحجم العائلى) وما أن شاهدتنى حتى صرخت فى قائلة :
- أقيف .. أقيف أوعك تكمل القزازة دى .. عشان الدكتور البجيبوهو فى قناة (خليك معانا) قال شراب الموية الكتير بيؤدي الى انخفاض معدل (المغنيسيوم) في الدم وبالتالي إنخفاض فى دقات القلب وإحتمال الزول تجيهو دوخة ويروح فيها !!
قلت لجارى فؤاد مواسياً :
- ياخى الولية خايفة عليك وحريصة على صحتك وكمان بتثق فى كلام الدكاترة البجيبوهم فى التلفزيونات ديل !
- يا أستاذ ديل مش دكاترة .. فى مبدأ فى الطب بيقول ليك .. (لا طب إلا والمريض حاضر) .. ده كلام قنوات ساااكت !
- لكن يا فؤاد ده هسه كلام عام وإرشادات ساااكت.
- إرشادات شنو ؟ أنا ما تميت ليك القصة ..
وبدأ فؤاد يكمل القصة ..
أمبارح جيت من الشغل وبعد ما إتغديت ورقدتا .. لقيتا قاعدة تشاهد فى قناة (الطب للجميع) عندهم فقرة إسمها (كيف تتعلم الجراحة فى تلاتة أيام) ، المهم خليتا تتفرج وأنا أخدتنى نومة وبعد مسافة صحيت ليك بى كركبة لقيتا ليك ماسكة سكين المطبخ وواقفة قدامى :
- شنو شلتى ليا الزائدة؟
- زائدة شنو؟ أنا عملتا ليك (كبدة فراخ) ما حصلت عشان الدكتور قال بتشيل (السكرى) وتمنع التجلطات.
كسرة :
قال لى فؤاد أنه لم يكن يعانى من السكر قبل رؤيته للسكين والهجمة الحصلت ليهو !!

[محمد الامين مصطفي]

المشاركة الأصلية كتبت بواسطة الجيلي عبد الله الريح

ماشاء الله مجموعه من أسره الجزيرة ....تحياتنا لعبد الماجد ...
أبو اللمين شايفك ...

مشكور كتير يا دكتور ويا ها المحرية فيك فلقد انعشت البوست بهذه الملامح القديمة 00 من اليمين ود الابيض الكردفاني الاصيل العزيز عبد المنعم (ابو لفتة )000 ثم العزيزعبد الماجد 000 وشخصي الضعيف 00ثم العزيز الدكتور ايهاب فتح الرحمن ود الخرطوم 00ثم العزيز محمد موسي الناير ود كوستي
ثم ود الموردة شيخ العرب عمار عباس 00 والدكتور ودبحري العزيز البركة طارق حماد 00ثم مهندس الصورة الرجل الفنان العزيز دكتور الجيلي ولاحظو دكتور الجيلي(ودمدني) بشاغل في موبايلو قبل ان يصنعو الموبايل انها قراءة مبكرة للمستقبل 00 ثم ود امدرمان مولانا العزيز احمد عبد الرحمن (ودنوباوي)(ابو روف )ثم العزيز دكتور خالد)

[Wad Elbeck]

المشاركة الأصلية كتبت بواسطة محمد الامين مصطفي

ود البك يا عملاق 00 والله رجعتنا للزمن السمح 000 ولسع بتكرف في مساماتو الندية 000 الله يريح عليك 00 يا اخي عبد الماجد هو هو لم يتغير بس ما شايف كترابة بتاعة دخان يا سلام عليك يا عبد الماجد كنت فريدا ومتفردا وواثق الخطوة تمشي ملكا 00 فيا اخي قول لينا عووك لانو عووك تكسبنا العافية والصحة وتملا مساماتنا بالفرح النبيل

يا أبواللمين ..
هل تصدق إنو الراجل ترك التدخين بدون رجعه وقبل سنوات طويلة !!

بالمناسبة اللقطة دى كانت بعد مباراة لهلال مريخ كان قد فاز فيها المريخ ... سمعناها عبر الأذاعة السودانية زمن المذيع على الحسن مالك .. (شُفتوا نحن قدام كيف) ..

[align=center][/align]

[Wad Elbeck]

المشاركة الأصلية كتبت بواسطة محمد الامين مصطفي

مشكور كتير يا دكتور ويا ها المحرية فيك فلقد انعشت البوست بهذه الملامح القديمة 00 من اليمين ود الابيض الكردفاني الاصيل العزيز عبد المنعم (ابو لفتة )000 ثم العزيزعبد الماجد 000 وشخصي الضعيف 00ثم العزيز الدكتور ايهاب فتح الرحمن ود الخرطوم 00ثم العزيز محمد موسي الناير ود كوستي
ثم ود الموردة شيخ العرب عمار عباس 00 والدكتور ودبحري العزيز البركة طارق حماد 00ثم مهندس الصورة الرجل الفنان العزيز دكتور الجيلي ولاحظو دكتور الجيلي(ودمدني) بشاغل في موبايلو قبل ان يصنعو الموبايل انها قراءة مبكرة للمستقبل 00 ثم ود امدرمان مولانا العزيز احمد عبد الرحمن (ودنوباوي)(ابو روف )ثم العزيز دكتور خالد)

هناك أيضاً أحمد قسم الله (طب)، وود بيطره عبدالرحمن؟ (أبو طاقية جنب خالد) ..
إيهاب فتح الرحمن ما موجود فى الصورة بل هو سامى آدم (زراعة) ..

[الجيلي عبد الله الريح]

المشاركة الأصلية كتبت بواسطة الجيلي عبد الله الريح

ماشاء الله مجموعه من أسره الجزيرة ....تحياتنا لعبد الماجد ...
أبو اللمين شايفك ...

برافو موسى جديد... فعلا هذا أحمد قسم الله دليل ...
وياسلام عليك ياودالبيك ذكرتنا سامي آدم زراعه.. تحياتنا له ..
هذه الصورة على جانب الترعة الابراهيمية في أحد الاعياد ..وكان الاخ
العزيز عبدالرحمن خليفه هو المتحدث الرسمي بالطاقية التي تغطي جزء
غير يسير من عوامل التعرية..

[الجيلي عبد الله الريح]

من زمان ... تعودنا منك الكلمه الجميله ...
والمفرده الراقية المتناسقه ...
والغوص في سراديب ودهاليز وأغوار الثقافه والادب الراقي ...
فلا غرو في جزاله مشاراكاتكم الثره وكلماتكم التي تعطر هذا البوست ..
وتزيده ألقا ....
ألف تحيه أبواللمين

[الجيلي عبد الله الريح]

سمك .... لبن ....تمرهندي ..؟؟؟؟
نتحدى أي برنامج تلفزيوني يتحدث عن الطب في كل التخصصات ..؟
ونتحدى جمعيات الرفق بالحيوان .؟؟
ورقم الموبايل في أعلى اللافته ...؟؟

[Wad Elbeck]

المشاركة الأصلية كتبت بواسطة الجيلي عبد الله الريح

سمك .... لبن ....تمرهندي ..؟؟؟؟
نتحدى أي برنامج تلفزيوني يتحدث عن الطب في كل التخصصات ..؟
ونتحدى جمعيات الرفق بالحيوان .؟؟
ورقم الموبايل في أعلى اللافته ...؟؟

غايتو يا الجيلى حقكم راح ..
الزول ده بتاع كلو .. شكلكم كده ما حتكالوا معاهو عيش ..