هـل المنتــدى ( ظــل ) لمنتديــات اخــرى ؟

[بدر الدين اسحاق احمد]

الفنان ( احمد زكى ) عليه رحمة الله

امتعنــى قبل سنوات طوال بفلم سهرة تلفزيونيــة ( اسمه )


(( اننــى لا اكذب ولكننى اتجمــل ) )

بيشكل نفســه وفقــا للبئيات اليوميــة التى يعيشها ( الجامعة / السكن / المهنة /...)

لم يكذب بتاتا ( بمفهومه للكذب ) فهو فقط كان يتجمل للناظريــن والمشاهدين

فالمراة حيــن تصبغ شعررأسها بالاسود وهو قد علاه الشيب اليس هذا جزء من التجمل

للناظرين ( بداء من الزوج وانتهاءا بالمجتمع ) ..الخاص

_______-

فهــل نتجمــل نحــن فى كل بيئة نمارس فيها إنسانيتنـا من الونسـة الى صراع الحضارات

ونلبــس رداء يتوافق مع هذه البيئة ؟

[بدر الدين اسحاق احمد]

الاخ اسماعيل وعليكم السلام + الدعوات

دعنــى ( افكك ) ما سطرتــه انت ..

* البئية المحيطة هــى التى تشكل الانسان وتصبغ عليه ( سمات / خصائص / لغة / خطاب /.)

معيــن ..

* وهذا الانتقال ( عفوى ) غير مرتب لــه ولا معد لــه اعدادا فهو اشبــه بالخاطرة تأتى على ذهن الانسان فتنساب الى لسانــه ..مكونة ( رأى / جملة / موقف /...) *

المشاركة الأصلية كتبت بواسطة الرشيد اسماعيل محمود

بدر سلامات..
التلون والتشكل اعتمادا علي بيئة التواجد هو مجرد انتقال عفوي محض

ثم دعنــى اتســأل ( الاستحضار لمجتمع معين بشخوصــه / افكاره / خطابــه / ...) الا يعنــى

ارتداء عباءة معينــة تنسجم مع هــذا المجتمع ؟

ثم حين الانتقال الى مجتمع اخر ( نخرج لــه عباءة اخرى ) نرتديها لموافقتها لذلك الواقــع ..

المشاركة الأصلية كتبت بواسطة الرشيد اسماعيل محمود

بمعني انو الانسان لا يتهيأ لفعل ما بل يكتب مستحضرا اعضاء؛افكار؛ مجتمع اسفيري متكامل البنية سياسيا..ثقافيا.. مهنيا..اثنيا..الخ

اين الخصوصيــة للكاتب من حيث اللغة اذا كان هو بيعدل من لغته لتتوافق مع المكان والموضوع ..

اذن اين خصوصية الكاتب فى طرح ادوات حوار خاصة بــه ..

اذن اين خصوصية الكاتب فى حقــه فى اعادة تشكيل المكان والموضوعات كحق كفلته العضوية .

اذن اين حق الكاتب فى ان يكون كمــا يريد هــو لا كما يريد المنتدى ( نموذج عمر صديق )

عضو هذا المنتدى الناس شايفينو عمر صديق الكوز وهو يريد ان يكون عمر صديق

الما كوز ( هل لزاما عليه ان يغير لغته / موضوعاته / مداخلاته / ...) ليكون عمر صديق

الما كوز ..

المشاركة الأصلية كتبت بواسطة الرشيد اسماعيل محمود

تساؤل في محلو..
اكيد يابدر بتكون في التزامات مع انها غير ملزمة بمعني انو الانسان
يجد انه من الضروري التأقلم مع ظرف المكان؛الموضوع بما يمثل بوصلة
لتحديد الاتجاه اولا وتقبل الفكرة(غض النظر عن ماهيتها) ثانيا..
فالكاتب لا بد له من متلقي او مواعين لتلقي ما يجود به قلمه..
وذلك لا يتأتي الا بتأقلمه طواعية وانسجامه مع البيئة..المكان..وادوات تواجده
بذات المكان.من لغة..طريقة حوار..اسلوب كتابة الخ .

* نموذج العضو عمر صديق لايضاح ضغط التيار العام للمنتدى لاعادة تشكيل لغتنا / موضوعاتنا / مداخلاتنا / نكهتنا / .... ( المنتدى كائن حــى يتنفــس عبر رئة كل عضو فينا)

[ناصر يوسف]

[align=right]إليكم جميعاً

أنوء بنفسي عن المهاترات

وإن جئتُ برأيي حسب فهمي لمعطيات الموضوع الأساسي للبوست من كاتبه وكتبت رأيي حسب فهمي الشخصي

وأظنه لا أحد قد يُحاسبني علي مقدار فهمي ووعي تجاه الكلمات

ولست وصياً علي أحد يا أختي جيجي لستُ وصياً علي أحد

وأعتذر للتعميم في رأيي السابق هنا وأخصُ بالحديث نفسي



فلتتفاعلوا مع البوست بوعيكم وفهمكم أنتم له كما شئتم .. لستُ وصياً عليكم




أما أنا


فهذا مني توقفٌ نهائي منه مسبوقٌ بالإعتذار للكُل




والسلام [/align]

[ابومشعل]

[align=justify]

المشاركة الأصلية كتبت بواسطة بدر الدين اسحاق احمد

وكان حكيمهم امراة

على رايك دا .... هل نقول ( لن يفلح منتدى كانت حكيمته امراة ) ؟؟؟

غايتو جنس تمييز .

يا جندر ( سودانيات ) اتحدوا .... انهم قادمون . [/align]

[بدر الدين اسحاق احمد]

المشاركة الأصلية كتبت بواسطة جيجي

انا بفتكر انه وجودك في اي منتدى خاضع لنوعية الناس والموضوعات وطريقة التعامل والاسلوب وحتى اللوائح الموجودة فيه وفي المقام الاول في رغبتك التي ربما تكون نتاج لقرب ثقافي او قكري او حتى نفسي للانضمام للوسط دا بناء على ماسبق ..عشان كدا الالتزام بروح المنتدى على الاقل هو من الجوانب البتكسبك الود مع الجميع او ربما القسم الاكبر ودا مابمنع انه يكون عندك لغتك الخاصة بيك في حدودالاطار المقبول والملزم في كل المجتمعات والذكاء الاجتماعي البخليك تتخطى كل الاشياء حولك ودابرضه في حدود الاشياء المقبولة مجتمعيا وانسانيا
ودايما البرمجة بتدى نتائج سلبية في جميع المجالات وكثيرا ماتلغي المنطق
عشان كدا بدر الدين بتاع سودانيزاونلاين مابنفع معانا هنا اذا جانا بنفس البرمجة لانه ومع احترامي لذاك المنتدى الا ان به اناسا اتخذوا منه ساحة لتصفيات استباحوا فيها كل انواع الاسلحة واستباحوا كل اللغات القذرةباسم مثقفي السودان
نحن هنا لن نرفضك يا بدر الدين وسنستمع اليك وسنجادلك بحسنانا وجادلنا ايضا بحسناك
فعقولنا غير قابلة لتلقي الارهاب اللغوي ولا العنترية الجهوية فقط نخضع للمنطق والاقناع ونتتمدد على بعض الاريحية المقننة ونتبادل الود بسمات ومجاملات وتفاعل وصلات انسانية بحتة
التي من خلالها قد لانكون ملزمين بادارة حوارفيكفينا منها الكوماج ونتبادل فيها لغة الحب بكل صنوفها حرفا كان ام لحنا او حتى طقة حنك
فيا اخي ان كنت تحمل فكرا تريد ايصاله اوقضية تريد طرحها فمن البلاعة ان لكل مقام مقال
والعقول لاتوخذ غلابا والمحبة هي اقرب الطرق للعقل والروح

شاكر المداخلــة الكريمة..

* لوائح المنتدى ( قانون ) بيحدد لــي حدود حركتى داخل المنتدى بذلك اكون انا اذا اردت استمراريتى فى المنتدى ان التزم بكتاب اللوائح ( اكثر من صحيح ) ...

طيب كيف يكون الامر فى منتدى لا تحد اللوائح الاعضاء فهى ليبرالية ( حتى الطيش )

يمكنك ان تكتب فى عدم وجود الله سبحانه وتعالى مرورا ًبإبعاد الدين عن مجمل الحياة و

تعريجاً على المساواة التامة بين الرجال والنشاء وانتهاءاً بمشروعية التحلل فى ممارسة الجنس

خارج اطار الاسرة ( كيــف اكون/ تكونى .. فى ظل منتدى ليبرالى مثل هذا هل ايضاً ارتدى

عباءة الليبراليـة) ( دون حدود وضوابط كما تقول اللوائح ) .

* الخلط بين الشخصية الاسفيرية والشخصية فى محيطها الاجتماعــى مختلف تماماً فلا جامع

بينهمــا ( الود / العواطف / المشاعر /.. ) ما من لوازم الشخصية الاسفيرية ( يمكن ان يكون

النيكنيم شخص وهمى يتقمص شخصية انسان بحق وحقيقى ) يهمنى اسفيريا انه موجود ولكن

اجتماعيا بيصبح ( موضوع كــذب واختلاق ) ..

المشاركة الأصلية كتبت بواسطة جيجي

..عشان كدا الالتزام بروح المنتدى على الاقل هو من الجوانب البتكسبك الود مع الجميع او ربما القسم الاكبر

* عايز اعرف الكريمة ما هــى روح المنتــدى ( مما تتكون / لوائحه غير المكتوبة / شنو من الاشياء لا ينسجم مع روح المنتدى / من وضع واسس لهذه الروح ) ؟

خائــف ( يكون روح المنتدى هــو العقل الجمعــى للغالب من المشاركيــن ) الامر الذى يعطيهم اكثر من الباسويرد كحق من حقوق العضوية ..

المشاركة الأصلية كتبت بواسطة جيجي

ودايما البرمجة بتدى نتائج سلبية في جميع المجالات وكثيرا ماتلغي المنطق

الالتزام الحزبــى بيلزم المنتمى ان يستجيب لحاجات ذات طابع سياسي عام فلزاماً عليه ان يسوق حاجات حزبــه ( رضـى من رضــى وابــي من ابــى ) فى كل فضاء اسفيرى وجد فيه

متسعاً ) .. كما اوردت انا فى نموذج بوســت ( 40 الف يدشنون الجملة القومية لترشيح عمر البشير )

المشاركة الأصلية كتبت بواسطة جيجي

احترامي لذاك المنتدى الا ان به اناسا اتخذوا منه ساحة لتصفيات استباحوا فيها كل انواع الاسلحة واستباحوا كل اللغات القذرةباسم مثقفي السودان

* لوائح سودانيزاونلاين تقول بإمكانية ذلك واعضائه يمارسون حريتهم فى اطار اللوائح

( خطأ / صحيح ) ليس لغير صاحب المنتدى الحق فى تغيير ذلك ( اللوائح )

المشاركة الأصلية كتبت بواسطة جيجي

فيا اخي ان كنت تحمل فكرا تريد ايصاله اوقضية تريد طرحها فمن البلاعة ان لكل مقام مقال
والعقول لاتوخذ غلابا والمحبة هي اقرب الطرق للعقل والروح

( يدين بيصفقــو بشدة ) برضو ده حقـــى احددو انا بلغتى ببلاغتى ..

[فتحي مسعد حنفي]

المشاركة الأصلية كتبت بواسطة ناصر يوسف

[align=right]إليكم جميعاً

أنوء بنفسي عن المهاترات

وإن جئتُ برأيي حسب فهمي لمعطيات الموضوع الأساسي للبوست من كاتبه وكتبت رأيي حسب فهمي الشخصي

وأظنه لا أحد قد يُحاسبني علي مقدار فهمي ووعي تجاه الكلمات

ولست وصياً علي أحد يا أختي جيجي لستُ وصياً علي أحد

وأعتذر للتعميم في رأيي السابق هنا وأخصُ بالحديث نفسي
فلتتفاعلوا مع البوست بوعيكم وفهمكم أنتم له كما شئتم .. لستُ وصياً عليكم
أما أنا
فهذا مني توقفٌ نهائي منه مسبوقٌ بالإعتذار للكُل
والسلام [/align]

ياناصر انت واحد من الناس الأنا بحترم رأيهم جدا عشان انت زول ما بتستعجل الحكم علي الناس وبتتعامل بالقطعة بدون القاء ظلال سابقة علي رأيك بس المرة دي انت استعجلت في ابداء رأيك..
التايب من الذنب كمن لا ذنب له ودا ما كلامي أنا..والراجل دا حقو نستني نشوف عايز يقول شنو ولو لقينا كلامو معقول نأيدو ولو شفنا انو شطح نوقفو ونوريهو غلطو وين والصح شنو..
الناس كلها أخدت من بدر الدين موقف عشان موقفو السياسي لكن دا ما معناهو نتعامل معاهو بي توقع سوء النية في كل ما يكتبو وأنا شخصيا اتعاملت معاهو وما شفت منو غير كل الأدب وطولة البال ومد يد المساعة لكل من يطلبها..فهل عشان هو شايف البشير كويس نقوم نعتبرو عدو ونعتبر كل البكتبو وراهو هدف سيئ؟
الراجل باختصار بيحاول يحلل نفسو وبيفتش عن أخطائه ودا في حد ذاتو شجاعة تنقص الكثيرين مننا..وأهو فتح بوابة عبد القيوم للناس عشان تقول رأيها بصراحة وما حاد عن الخط وما هبش زول غير روحو..كدي روق المنقة عشان رأيك بيهمنا..وأنا دي أول دخلة لي في البوست دا عشان مافي زول يتهمني اني بدافع عنو عمال علي بطال..

[سمراء]

المشاركة الأصلية كتبت بواسطة ابومشعل

[align=justify]
على رايك دا .... هل نقول ( لن يفلح منتدى كانت حكيمته امراة ) ؟؟؟
غايتو جنس تمييز .
يا جندر ( سودانيات ) اتحدوا .... انهم قادمون . [/align]

صدق يا ابو مشعل من قبيل ازوزى فى العبارة دى يمين وشمال !!ماعرفته
افرح بيها ...ولا احرد
بس فى النهاية بالجد ....حردته !!

يابدر الدين كلامك ده -رغم - مافيهو من تقدير شخصى لى انا - بس حقيقه فيه مافيه من (منقصة) لينا نحن (كنساء!!)
ياريت يكون الحوار وهو فى طريقه يستصحب معاها روح التقدير للجنس الاخر ، وعدم التعرض لى كينونتنا نحن كنساء لينا دورنا ومكانتنا فى المجتمع ..
وانت تعلم تماما يابدر الدين انو الاسلام كرم المرأة وحفظ ليها مكانته ، ومنذ ظهور الاسلام وحتى الان ، توجد الكثير من النساء (الحكيمات ) واللاتى قادن الامم ....وماذالن !

ارجو انك تسحب من داخلك الروح (الاستعلائية )الموجوده عند الكثير من الرجال تجاه النساء ..وحاتلاقانا قدامك ..

مشكور ابو مشعل للفت الانتباه

[أميرى]

المشاركة الأصلية كتبت بواسطة سمراء

ارجو انك تسحب من داخلك الروح (الاستعلائية )الموجوده عند الكثير من الرجال تجاه النساء ..وحاتلاقانا قدامك ..

مشكور ابو مشعل للفت الانتباه

يعني الرسول (ص) لمن قال ( لن يفلح قوم ولوا امرهم امرأة) كانت نظرته استعلائية؟

غايتو ياسمراء روحك الاستعلائية القلتيها لي بدر الدين دي حترجعنا مربع عاطف وهويدا تاني
ومنو اليعمل الكيك والشاي ومنو اليخلف رجلينوا

عايزة تبقي جندرية ابتعدي عن التناقض دة اهم درس من دروس الجندر

وابو مشعل دة لو باريتيهوا يا بقيتي شيوعية
يا كمان شبكتك بتطش زي طشاشها الهسي دة

ــــــ
يزوزي بيك قطر عطبرة

ــــــ
وانا بشكر ابو مشعل برضو علي قدرتو في تغيير اتجاهات الافكار

[جيجي]

انا حبيت ادراج الرابط دا هنا
http://sudanyat.org/vb/showthread.php?t=13589

[سمراء]

المشاركة الأصلية كتبت بواسطة أميرى

يعني الرسول (ص) لمن قال ( لن يفلح قوم ولوا امرهم امرأة) كانت نظرته استعلائية؟
غايتو ياسمراء روحك الاستعلائية القلتيها لي بدر الدين دي حترجعنا مربع عاطف وهويدا تاني
ومنو اليعمل الكيك والشاي ومنو اليخلف رجلينوا
عايزة تبقي جندرية ابتعدي عن التناقض دة اهم درس من دروس الجندر
وابو مشعل دة لو باريتيهوا يا بقيتي شيوعية
يا كمان شبكتك بتطش زي طشاشها الهسي دة
ـــــ
يزوزي بيك قطر عطبرة
ــــــ
وانا بشكر ابو مشعل برضو علي قدرتو في تغيير اتجاهات الافكار

اسمع يا (استاذ) اميرى ، ياريت تاخد الفهم القصدتو انا ، والبعيد تماما عن فهمك وعن قصة التناقض الزكرتها !
الرسول (ص) كلامو واضح ، وهو فى (التحكيم ) وده برضو موش لانتقاص لكينونة المرأة ذى مابتعتقدو ، وافتكر كلكم بتعرفو السبب !
بس القصدتو ليك انا هنا ، والمصرة عليهو انو دائما الرجال بفتكرو انو النسوان ديل اقل منهم ، عشان كده بتظهر فى كلامهم عبارات الاستعلاء نظام انو (برافو ) وكانو فى الاصل المرأة ماممكن تكون كدة ! اظن فاهمنى يا اميرى السجم
ده احساس نحن بنحسو دائما ، يعنى هسع بدر الدين ده لمن قال حكيمتهم امراة !!
ماله لو بقت أمرأة !!؟ الغريب شنو ؟ وليه ذكر الحتة دى لو اصلا عادى ممكن تكون امرأة ؟؟

بعدين حتة عاااااطف ديك مامكن تربطه بى الموضوع ده ..لانو داك سلوك مرتبط بى عادات بتلزمنا بشكل محدد ، يعنى كونى اكون زوله حكيمة مامعناه انى انفى وجود شريكى العندو دور فى الحياة بختلف من دورى انا ..
_____________________
برضو بشكر ابو مشعل

[ابومشعل]

[align=justify]اقتباس :

المشاركة الأصلية كتبت بواسطة سمراء

صدق يا ابو مشعل من قبيل ازوزى فى العبارة دى يمين وشمال !!ماعرفته
افرح بيها ...ولا احرد
بس فى النهاية بالجد ....حردته !!

يا سماره تتوهدبي ليه ؟؟؟ وديل جماعة الاس لام ايه .
تعرفي ايه الاس لام الايه ؟؟؟ .
نخب وشيوخ اخر الزمان .
ديل خاجين صناديقنا خجيج .
ديل ما لاين الارض ضجيج .
جعلو حياتنا رقيص وهجيج .
اقتباس :
يابدر الدين كلامك ده -رغم - مافيهو من تقدير شخصى لى انا - بس حقيقه فيه مافيه من (منقصة) لينا نحن (كنساء!!)
ياريت يكون الحوار وهو فى طريقه يستصحب معاها روح التقدير للجنس الاخر ، وعدم التعرض لى كينونتنا نحن كنساء لينا دورنا ومكانتنا فى المجتمع ..
وانت تعلم تماما يابدر الدين انو الاسلام كرم المرأة وحفظ ليها مكانته ، ومنذ ظهور الاسلام وحتى الان ، توجد الكثير من النساء (الحكيمات ) واللاتى قادن الامم ....وماذالن !

راي الاخ بدر الدين واضح في نظرته للمراة وهو موقف لا لبس فيه وللوقوف على موقفه من المراة انظري رده على الاخت جيجي :
تعريجاً على المساواة التامة بين الرجال والنشاء

اقتباس :
ارجو انك تسحب من داخلك الروح (الاستعلائية )الموجوده عند الكثير من الرجال تجاه النساء ..وحاتلاقانا قدامك ..
الاستعلاء عند هؤلاء على الرجال خليك من الحريم الناقصات عقلاً ودين .اقتباس :
مشكور ابو مشعل للفت الانتباه

ولا شكراًُ على واجب يا جندره [/align]

[بابكر مخير]

رسالة بوضوح
دون غيتغيت...
في البشوفهو أنه وكأنه الناس فيها رهبة من دخول بدروف بالعرض وبالعرض القدمهو في بداية البوست..
لكن بذكر كمان أنه سودانيات ما هي إلا سودان مصغر بي ناس كُبآآآآآآآآآآآر..
والسودان هو السودانيين، بيغلبوا وما بينغلبوا..
خليهو يكون حنين ظاتهو ولا ود صلاح الدييييييييييين
ما هو بينقدر وعليهو قادرين
السكاكين ما بنشيل ولا السيخ في شرعنا عارفين
بث ياهو
طق حنك بالملايين...
قول يا زول، ليك سامعين
عِلآ...
ما تغلط
وتبقى حبيب وفلت
وكتها، أبنزعلو وزعلنا،،
شييييييييييين

[ابومشعل]

[align=justify]

المشاركة الأصلية كتبت بواسطة أميرى

يعني الرسول (ص) لمن قال ( لن يفلح قوم ولوا امرهم امرأة) كانت نظرته استعلائية؟

غايتو ياسمراء روحك الاستعلائية القلتيها لي بدر الدين دي حترجعنا مربع عاطف وهويدا تاني
ومنو اليعمل الكيك والشاي ومنو اليخلف رجلينوا

عايزة تبقي جندرية ابتعدي عن التناقض دة اهم درس من دروس الجندر

وابو مشعل دة لو باريتيهوا يا بقيتي شيوعية
يا كمان شبكتك بتطش زي طشاشها الهسي دة

ــــــ
يزوزي بيك قطر عطبرة

ــــــ
وانا بشكر ابو مشعل برضو علي قدرتو في تغيير اتجاهات الافكار

اميرهم
سلام

ليه ما عايز تعترف ( عديل كده ) باني خرت كل البلي بتاعك مما دفعك لا تباع اسلوب التمويه ومحاولة استعادته من خلال اللعب غير النظيف والمنصوص عليه في قوانين الفيفا خاصة وان الجمهور السوداني اصبح موخراً يحوز دوماً على كاس اللعب النظيف بعيداً عن المخاشنة ؟ .

-------------------------------------------------------------

وانا كمان بدوري بشكر سمراء على تمسكها بحقوقها كامراة وفقاً للمعاهدات والاتفاقيات الدولية وميثاق الامم المتحدة لحقوق المراة والطفل بعيداً عن ايدولوجيات او تصنيفات معلبة .

قف .. كامل تضامننا مع المراة حيثما ما كانت وكيفما كانت ، ولا نامت اعين الرجال المسترجلين على القوارير من اخوات نسيبه وحبني .

مع تحيات مقنع الكاشفات خال فاطمة اخو ريا الزين ود حامد . [/align]

[أميرى]

المشاركة الأصلية كتبت بواسطة ابومشعل

[align=justify]


اميرهم
سلام

ليه ما عايز تعترف ( عديل كده ) باني خرت كل البلي بتاعك مما دفعك لا تباع اسلوب التمويه ومحاولة استعادته من خلال اللعب غير النظيف والمنصوص عليه في قوانين الفيفا خاصة وان الجمهور السوداني اصبح موخراً يحوز دوماً على كاس اللعب النظيف بعيداً عن المخاشنة ؟ .

. [/align]

ابو مشعل سلامات ياخ

في دعاية كدة بتاعت الكولا ولا البيبسي ما متذكر وحكمة الله لمن تشوفها في شاشة السينما بتكون رهيبة المهم آخر لقطة كدة بجي بيكهام ولا منو ماعارف ويقول احححححححح
شايف لو ما الاحححح دي زول بمشي عشان يشتري الكولا دي مافي
المتعة في تفاصيل مهملة ربما....ولو الاستاذة سمورة ركزت في الايقونة الجنب حكيمهم امرأة
ما كانت ركبت وش الككو أقصد وش الجندر دة...
بس ماقلت لي اللعب النضيف دة داير كدارة مقاس كم؟؟

مع تحيات مقنع الكاشفات خال فاطمة اخو ريا الزين ود حامد

مع تحيات كابتن ماجد

[بدر الدين اسحاق احمد]

المشاركة الأصلية كتبت بواسطة ابومشعل

[align=justify]



على رايك دا .... هل نقول ( لن يفلح منتدى كانت حكيمته امراة ) ؟؟؟

غايتو جنس تمييز .

يا جندر ( سودانيات ) اتحدوا .... انهم قادمون . [/align]

ابو مشعل ...

المداخلــة فى اطار التمميز الايجابــى للمراة الا وهى الاخت سمراء ( نرجو اعادة القراءة )