محمد ما أخو فاطمة....تصدق
سمؤال الكنزي اسمر شديد ويمكن اسمر زول في الحلة
سامي اخوه الاكبر منو بي سنتين لونو فاتح حلبي عديل
الشبه شديد بس يبدو ايام الوحم مرة كانت بى الطين الأسود
ومرة كانت بي لبن الحليب
والبطن بطرانة
محمد زميلنا في الكلية كان في قمة الوسامة
كنا بنتمنى نشوف أخواته حيكونوا كيف
لمن شفنا اخواته الاصغر منو اكتفينا بهاء السكت
(بتاعت بشري الفاضل) عشان بكور ماينط لينا في حلقنا
والبطن بطرانة
وانا طفل عمري خمسة أعوام ربما كنت بلعب قدام البيت
جات اختي اللونها افتح مني..(كنت اسمر شديد انا زاتي)
ومعاها زميلاتها في المدرسة ..واحدة قالت حلااتو دة أخوك
أختي ردت بسرعة لا لا لا دة ود الجيران اخوى شنو كمان
والبطن بطرانة
غايتو لو فهمتوا شي من الجوبيك دة وروني عشان نوجه البوست دة
وجهة نرضاها
ولو ما لقيتوا شي يتفهم اسألوا فاطمة محمد أخوك جد؟
ـــــ
هذا البوست لاعلاقة له بي فاطمة السمحة علي اية حال
|
