راكوبة المجادعات.. النمة والدوباي

[سجمان]

المشاركة الأصلية كتبت بواسطة جيجي

بمناسبة جرتق ود عمتي
مشاركة من على البعد

ياناس الحلة هوووووي الليل ة شن بتقولو
فرشولوا المضلع وولعوله بخورو
كشفوله المقنع ام ضيء شبيهة اللؤلؤ
بسمتله ام زمام وغمّزتله النونو..والزول الجميل قرب يقع من طولو

مبروك للعريس الليلة فات ناس جيلو
بي جنى الغزلان انتم ليهو عديلو
ضاع العمير الفات بس من هنا وعدّيلو
وشوفي لي طريقة يا جيجي أبقى عديلو

الناس عرست وانبسطو تب بالخير
يا حليلي نا البقيت احاحي الطير
مشتول الفساقي الجسمو كالكشمير
لمتين يا خليفة أمسك إديتو واسير

[طارق صديق كانديك]

جات تقدل تميح شايلا العذاب قداما
أم جيداً محزحز حاكا الغمام رزاما
تمشي وتنتني تضرب هناك في الهامة
زاهية وشافية لي كل العلل بي مداما

[احمد زين]

المشاركة الأصلية كتبت بواسطة طارق صديق كانديك

جات تقدل تميح شايلا العذاب قداما
أم جيداً محزحز حاكا الغمام رزاما
تمشي وتنتني تضرب هناك في الهامة
زاهية وشافية لي كل العلل بي مداما

جات تمشي وتميل نفض الكفل هَدَّاما
لادنة طرية ناعمة وكاملة في هنداما
ام طرفاً كحيل اللي القلوب هدامّــة
ان بسمــت تقول برقاً شلع قداما

[طارق صديق كانديك]

المشاركة الأصلية كتبت بواسطة أحمد محمد زين حسين

جات تمشي وتميل نفض الكفل هَدَّاما
لادنة طرية ناعمة وكاملة في هنداما
ام طرفاً كحيل اللي القلوب هدامّــة
ان بسمــت تقول برقاً شلع قداما

سبحت في المشي نغماً يحاكي كلاما
الناعم خديدا وزهر الأقحوان نساما
هالكاهو القليب بي رقتا واكراما
يوت من شافا طاب نسى غربتو وآلاما

[elle]

قال جاي وقبيييل ميعادو راح..شفقني
مفتوق قلبي شوق بالشوفة كان لفقني
جــــــديع الظنون إزداد علي طفقني
في درب العمير يا ريتو لو....رفقني





سلام وشوق لأهل القول المفيد

[طارق صديق كانديك]

المشاركة الأصلية كتبت بواسطة elle

قال جاي وقبيييل ميعادو راح..شفقني
مفتوق قلبي شوق بالشوفة كان لفقني
جــــــديع الظنون إزداد علي طفقني
في درب العمير يا ريتو لو....رفقني

سلام وشوق لأهل القول المفيد

سلام اللي كيف حالك ؟

أمسكي دي

جيتو مراقبا ... بدراً هناك بارقني
حتحت صبري شال مني المنام سقدّني
باريتو اللتر .. وجعي العلي شردني *
من كاسو الكبير ملأ ايدو قام جرعني

* ( اللتر) .. الأثر

[حسين يوسف مكى]

المشاركة الأصلية كتبت بواسطة طارق صديق كانديك

سلام اللي كيف حالك ؟

أمسكي دي

جيتو مراقبا ... بدراً هناك بارقني
حتحت صبري شال مني المنام سقدّني
باريتو اللتر .. وجعي العلي شردني *
من كاسو الكبير ملأ ايدو قام جرعني

* ( اللتر) .. الأثر

[align=center]من امات خدود انا حظى يوت مانعنى

زازيت النجم ود صديق تعال افزعــنى

فارقت الصحاب قلبى الرهيف ضــيعنى

باقيلى اتوب داير لبيب يســـــــــمعنى[/align]

[سجمان]

المشاركة الأصلية كتبت بواسطة أحمد محمد زين حسين

جات تمشي وتميل نفض الكفل هَدَّاما
لادنة طرية ناعمة وكاملة في هنداما
ام طرفاً كحيل اللي القلوب هدامّــة
ان بسمــت تقول برقاً شلع قداما

ويييييييييييين يا دكتور والله الليلة ام شعب منورة..


كالفي الموج مواخر بل فايقة ليها عوامة
والسدر الطمح يفتك كما النجامة
كان صميت أذن حساً تضوقو كلاما
ما شفت يا دكتور شن ساوا في اللوامة

[ود فداسي]

الساده ناس المسدار

السلام عليكم فردن فردن وفردتن فردتن


ونحن مشتاقون


والسلام امان


بس خلاس

[فخري الزين]

المشاركة الأصلية كتبت بواسطة حسين يوسف مكى

[align=center]من امات خدود انا حظى يوت مانعنى

زازيت النجم ود صديق تعال افزعــنى

فارقت الصحاب قلبى الرهيف ضــيعنى

باقيلى اتوب داير لبيب يســـــــــمعنى[/align]

[align=center]من امات خدود ما اظن يالحبيب تسلم
مادام قاعد في الطريق وللسمحات تتكشم
والدايرو يفزعك يمين غرقان لامن ترجم
وانا خليني حرم في شوال ماظني تاني اتلم [/align]

[ود فداسي]

المشاركة الأصلية كتبت بواسطة فخري الزين

[align=center]من امات خدود ما اظن يالحبيب تسلم
مادام قاعد في الطريق وللسمحات تتكشم
والدايرو يفزعك يمين غرقان لامن ترجم
وانا خليني حرم في شوال ماظني تاني اتلم [/align]

من امـــــــــات خدود دوام مولع جـــــمري
محزز جيدن عالي صديرن فوق القماش النمري
حبهن طرد دمايا وفي العروق مكانو بيجري
سارقات منام عيني ومودرات لي عمري

[طارق صديق كانديك]

ود الزين أرح :


لاح برق ام هبج فاحت نسايمو الشافية
انترست شقوق واطاتا صبحت عافية
أم صدراً طمح .. قدلت نسيت القافية
حت صبري انكشح شفت المفاتن حافية

[احمد زين]

المشاركة الأصلية كتبت بواسطة طارق صديق كانديك

ود الزين أرح :


لاح برق ام هبج فاحت نسايمو الشافية
انترست شقوق واطاتا صبحت عافية
أم صدراً طمح .. قدلت نسيت القافية
حت صبري انكشح شفت المفاتن حافية

جيتك
برق القبلي لاح جاب لي نسايماً صافية
هيج لي شجــون منسية كانت خافـية
دِرْ بهم الخريف الرضْعَتِن متكــافية
هَرَدَنْ كبدتي وشَهَّنِّي طعم العــافية

[زول الله]

المشاركة الأصلية كتبت بواسطة أحمد محمد زين حسين

جيتك
برق القبلي لاح جاب لي نسايماً صافية
هيج لي شجــون منسية كانت خافـية
دِرْ بهم الخريف الرضْعَتِن متكــافية
هَرَدَنْ كبدتي وشَهَّنِّي طعم العــافية

البرق الشلع في القبلي جاب نسامِن
خيط نومي انفرط قطعنو بي كشامِن
السبب البكُتل الزول عديل قدامِن
اللولي النصع نام في الصدير متطامِن












اقول قولي هذا واستغفر الله لي ..............

[طارق صديق كانديك]

المشاركة الأصلية كتبت بواسطة أحمد محمد زين حسين

جيتك
برق القبلي لاح جاب لي نسايماً صافية
هيج لي شجــون منسية كانت خافـية
دِرْ بهم الخريف الرضْعَتِن متكــافية
هَرَدَنْ كبدتي وشَهَّنِّي طعم العــافية

الرضعات كتاااار بس رضعتا المتوافية
سهمك يا أم رضاب نيرانو شبت كافية
ولع جمرو حي حتحت معاهو العافية
فات حد الجمال جاب وجعتو المتلافية