تتبرز لحمآ

[الجيلى أحمد]

ام التميان,

ازيك يااخى

شكرآ
جميلآ

وواصلى فى لمس العصب ,
شغلك دا لسعات الكهرباء,
ربما ننتفض لها,
ولكنها حتمآ ستنعش ذاكرتنا وأرواحنا,
شوية كبسولات ضد الكسل والتناول المعتاد,

الناس ماتتخوف كتير من الطرح المغاير ,
فأم التيمان تقف هنا جانبنا
الكتف بالكتف,
فى صراعنا اليومى من أجل حياة كريمة لنا ولشعب السودان وللانسانية

[ام التيمان]

المشاركة الأصلية كتبت بواسطة عبداللطيف النقر

[align=right]ام التيمان --

اختلاف الرأى لا يفسد للود قضية ---

ليتك قلتى --

فى المجارى لفظته لحما ----

جاءها المخاض البائسة ---

ما ذنبها ----

لتنظر اليها باحتقار ----

يا من اسهم فى ما تعانيه ---

ارفق بها وبفلذ كبدها ---

فلا حول ولا قوة لها ---

الا الصبر --

وهناك رب يحميها ---



ارجو ان تتقبلى منى هذه المداخلة ---[/align]

اخى النقر التحية ليك
و شكرآ على المداخلة
لكن انا ماعاوزة اغير فيها شئ
لانها لا تحتاج
يعنى نجيضة
و الداير اغير
اغير فى بوستاتو
لك مودتى

[فتحي مسعد حنفي]

بال الرجل أمام أم التيمان في فم الوردة وتبرزت المرأة أمامها في المجاري لحما ونزل وحي كتابة هذا البوست علي أم التيمان في الحمام....شغل نضيف

[ام التيمان]

المشاركة الأصلية كتبت بواسطة بابكر مخير

الحبيب ود النقر
بالله التقول وزير في حكومة الإنقاص
ولا يا زول نقول عضو مهم في المؤتمر الوطني
يعني بتجمل في الشي الشين
يابا
الحكاية لا مخاض ولا يحزنون
حملت سفاح وأسباب الحمل عديدة
إنحطاط خلقي
حاجة مادية
كبت جنسي
خرمة، حاجة، تجربة،،
غشآ
أو قرفة سااااااااكت من الدنيا

ياتهو رفقة
ولا وينها الرفقة
ياهم وليدات المايقوما
غايتهو نقول شنهو
يا دآ الله
وياهي دي حكمتهو
وبريشة فنان
نغير الوآن

يابا الخير
بريدك متل روحى و شوية اكتر
لا احتاج الكثير
و لكن خليك جنبى
انى احتاجك

[ام التيمان]

المشاركة الأصلية كتبت بواسطة زول الله

بي طريقة شرحك دي اعتقد كتير من بوستاتك عايزة الواحد يمشي يقراها تاني
ويتفحصها من زاوية جديدة عشان فيها شيء من الواقع لكن مخفي

ام التيمان لما قريت البوست دا الصباح انصدمت في الحقيقة
وأول حاجة فكرت فيها اني ألقاك عشان أعضيك شدييييد
المشكلة ماعرفت حأعضيك وين












اقول قولي هذا واستغفر الله لي .............

اخى زول الله
مداخلة لذيذة
لقد اضحكتنى
لك محبتى

[ام التيمان]

المشاركة الأصلية كتبت بواسطة الجيلى أحمد

ام التميان,

ازيك يااخى

شكرآ
جميلآ

وواصلى فى لمس العصب ,
شغلك دا لسعات الكهرباء,
ربما ننتفض لها,
ولكنها حتمآ ستنعش ذاكرتنا وأرواحنا,
شوية كبسولات ضد الكسل والتناول المعتاد,

الناس ماتتخوف كتير من الطرح المغاير ,
فأم التيمان تقف هنا جانبنا
الكتف بالكتف,
فى صراعنا اليومى من أجل حياة كريمة لنا ولشعب السودان وللانسانية

اخى العزيز الجيلى
انا سعيدة جدآ بى مداخلتك الثرة
و بشجعنى على ان افكر اوسع و اكتب اكثر
و شكرآ
لك حبى و تقديرى

[ام التيمان]

لماذا نتحرج عند ذكر بعض الكلمات و نقول بدون موأخزة كانها تدل على رقى و ادب الشخص
و مثال لذلك كلمة حمار.. كلب .. جزمة ..بول . براز..المخاط .. الدم ..الصديد
طوالى نتبعها بى كلمة بدون مواخزة
و الدليل على ذلك كل الاعضاء استنكرو عنوان البوست
تتبرز لحمآ
مع اننى اراهو اسم طبيعى جدآ
على حاجة نحن بنعملها يومى
و لو حصل اتاخرت عن مواعيدها
نجرى الدكتور جرى و نعمل فحوصات كامله
لزوم ان نطئن اننا بخير

[أحمد طه]

المشاركة الأصلية كتبت بواسطة ام التيمان

لماذا نتحرج عند ذكر بعض الكلمات و نقول بدون موأخزة كانها تدل على رقى و ادب الشخص
و مثال لذلك كلمة حمار.. كلب .. جزمة ..بول . براز..المخاط .. الدم ..الصديد
طوالى نتبعها بى كلمة بدون مواخزة
و الدليل على ذلك كل الاعضاء استنكرو عنوان البوست
تتبرز لحمآ
مع اننى اراهو اسم طبيعى جدآ
على حاجة نحن بنعملها يومى
و لو حصل اتاخرت عن مواعيدها
نجرى الدكتور جرى و نعمل فحوصات كامله
لزوم ان نطئن اننا بخير

الأخت أم التيمان ، السلام عليكم ،،
لم أستطع فهم مطلع هذا (البوست) إلاّ بعد أن تفضلتِ بشرحه لأحد الأعضاء المتسائلين !!و أظن أنه لا أحد قد فهم ما تعنينه قبل الشرح ، إذن لِمَ لا تقولين ما يفهم؟؟
و هل تجدين الكناية عن الولادة بالتبرز تعبيراً مناسباً و لائقاً؟؟
بودي لو تشرحين لنا وجهة نظرك في العلاقة بين الولادة و التبرز !
* و ليس في الأمر اشمئزاز من مفردات مجردة مثل تلك التي ذكرتِها ، و لكن من سياقها في الجملة ، فقولك ( تتبرز لحماً) قد يوحي للقاريء بإن مرضاً غريباً و قاتلاً قد أصاب تلك المسكينة و جعلها تخرج لحم أحشائها من حيث يخرج البراز !!

أرجو أن يتسع صدرك لما نقول ، مع أكيد احترامي و مودتي ..

[فتحي مسعد حنفي]

المشاركة الأصلية كتبت بواسطة بدور التركي

تتبرز لحما يعني تلد طفلا؟؟

ليه هي المرة بتلد من وين؟


ام التيمان

مالك يا اختي
الحصل شنو اليومين دي؟!

لووووووووووووووووووووووووووووووول ههههههههههههههههههههههههههههههههههههه
قوبة لكن دي..ألله يقطعك يابدور قطعتي مصاريني..

[بدور التركي]

المشاركة الأصلية كتبت بواسطة فتحي مسعد حنفي

لووووووووووووووووووووووووووووووول ههههههههههههههههههههههههههههههههههههه
قوبة لكن دي..ألله يقطعك يابدور قطعتي مصاريني..

هههههههههههههه
ههههههههه
وانا مسحت المشاركة
بعد ما كتبتها
خجلت من السؤال
ههههههههه
عليك الله يا عمو
مش سؤال منطقي هههههه

[محمد مصطفي]

عن نفسي العنوان لم يترك اثر كريه في نفسي

بقدر ما اني ادركت انه ايماءة او دليل الي ما بداخل البوست

ورغم اني لم افهم مغزي الموضوع جيداً

لكني ايقنت ان المعني له بعد انساني

واصلي ...........

[الجيلى أحمد]

المشاركة الأصلية كتبت بواسطة أحمد طه

الأخت أم التيمان ، السلام عليكم ،،
لم أستطع فهم مطلع هذا (البوست) إلاّ بعد أن تفضلتِ بشرحه لأحد الأعضاء المتسائلين !!و أظن أنه لا أحد قد فهم ما تعنينه قبل الشرح ، إذن لِمَ لا تقولين ما يفهم؟؟
و هل تجدين الكناية عن الولادة بالتبرز تعبيراً مناسباً و لائقاً؟؟
بودي لو تشرحين لنا وجهة نظرك في العلاقة بين الولادة و التبرز !
* و ليس في الأمر اشمئزاز من مفردات مجردة مثل تلك التي ذكرتِها ، و لكن من سياقها في الجملة ، فقولك ( تتبرز لحماً) قد يوحي للقاريء بإن مرضاً غريباً و قاتلاً قد أصاب تلك المسكينة و جعلها تخرج لحم أحشائها من حيث يخرج البراز !!

أرجو أن يتسع صدرك لما نقول ، مع أكيد احترامي و مودتي ..

صباح الخيرات ياأحمد طه,
فى البدء دعنى الفت نظرك لضرورة التخلى عن صيغة الجمع فى تبنى رأى تجاه طرح كهذا,فكل منا يتبنى وجه نظر تخصه وهى قابلة للتداول ولكن لاأظننا نتبنى ذات الرأى الذى يسمح لأحدنا بجمعه فى سلة واحدة..

عن نفسى ,
اجد مساحة أكبر لفهم مغذى تسمية الأخت أم التيمان,
فهى بالطبع تتحدث عن حالة مرضية,
ولاتقوم بتناول أمر الولادة كشئ جالب للسعادة ومسهم فى رفاهية المجتمع,
الأخت أم التيمان تقوم بعرض قضية مأساوية , يتم فيها اخراج انسان للحياة فى ظرف لايشبه ظرف الولادة,فى حالته الانسانية أو المجتمعية,
اذا كان توصيفها قد أثار امتعاض البعض فلنقف اذآ قليلآ
ولنفكر بحالات الحمل والولادة خارج مؤسسة الزواج,
ولنفكر بالمشردات,
لنفكر بالاغتصاب,
لنفكر باطفال المايقوما,

لنفكر بأمراض المجتمع,..

وعلنا نسكب حبرآ أكثر فى تناول قضية مؤلمة وعاجلة على الدوام كهذه,
عوضآ عن ثياب الوعظ (والأستذه) ,...
فايهما أكثر ايلامآ للعين والسمع وللخاطر الانسانى
حالة الولادة فى مجارى المياه والخيران وانتاج مشردين والم ومعاناة,
أم توصيف هذه الحالة بالبراز..؟؟؟


للجميع التحايا
وطاب صباحكم

[hamza]

العنوان دا من قريتو من برة حسيت انو بيتكلم عن قضية او قصة ولادة غير شرعية ..
والحمد لله قد صدق حدثي ....وبعديها قريت جميع المداخلات ..



ام التميان

طبعا قريت ردود الناس الممتعضة دي كلها ...
اقول ليك حاجة ديل محنكشين ساااااااااااااااااااااااااااي
وعوااااااااافين ....

بس يا بدور التركي

بااااااااالغتي والله ... سؤالك دا يجاوبوهو ليك كيف هسي عليك الله في ذمتك ؟؟

[عبداللطيف النقر]

[align=right]ام التيمان --

اصرارى واصرار معظم المتداخلين -- علي عدم تقبل التبرز كدليل ولاده -- هو الذى دفع الناس الى تصحيح مفهومك -- وهذا شئ لا يختلف فيه انسان -- ولا يمكنك ان تكتبيه فى كتاب وان تسووقيه ولا يمكنك ان تصمدى لاى نوع من النقاش اذا فرضنا يوما بأنك ستكونين ضيفة على احدى الفضائيات او المجلات --- اصرارك على نفس التسمية مثير للجدل وهو الذى اعطى هذه المساحة لهذا البوست -- الذى اتفق الجميع على انه مقزز -- عدا بعض الاخوة الذين يرون ما خلف السطور -- ولهم البعد الخيالى والانسانى فى فهم مكنونات النفس والبعد الانسانى فى التشريح والتجريد --

الفكرة من حيث هى فكرة جيده ويمكن ان تصاغ بعدة طرق ابعدها ومن غير المألوف طريقتك -- كان ايضا يمكن ان تقول --

فأجأها المخاض فى اسمالها فى المجارى --

تنزوى فى وحشة صمتها --

نظرات الناس اليها باستنكار --

لا تنظرو اليها باحتقار --

انها لا تفهم حتى معنى المخاض --

ولا تدرى من الذى يصرخ بين قدميها ---

من كان منكم بلا خطيئة فليرمها بحجر --[/align]

[أميرى]

المشاركة الأصلية كتبت بواسطة ام التيمان

لماذا تعاقبها ايها الحقير
انت الذى صنعتها
اقصد بها نظرة المجتمع
او ظلم الحكومة و الحرب
او بسبب الفقر الجوع و الجهل
كل ما ذكرتة صحيح
لك مودتى

أم التيمان سلامات
أولا:متي ما لجأ اي كاتب لشرح مقاصده فقد فشل في طرح قضيته
تانيا :تنبيه الجميع مجتمع ودولة لقضية معينة ليس من الصواب أن
تستعدي المجتمع والدولة بكلمة حقير ...يعني مثلا انا اجيك واقول
ليك يا حقيرة موية بلاعتكم دي كرهتناالحلة..هل دي الطريقة السليمة في نظرك؟
خلينا من دة كلو
أم التيمان لي بتصري تتعاملي معانا كاغبياء وانتي ماقاصدة الشرح الفوق دة
أتحداك لو دة مقصدك وأتحداك وانتى بتكتبى مداخلتك كنتى بتقصدي مجتمع
ولا حكومة ولا فقر ولا جهل ...
من وصف الله بالآلة فهو يقصده بعبارة ايها الحقير أنت الذي صنعتها
عشان كدة فى مداخلتى الاولي لاني فهمت مقصدك قلت ليك
لماذا تنازعين من في يده أمرك

كوني شجاعة بما يكفي لقول كل مافي بالك
أو فصمتي

ـــــــ
رجاء مافي زول يقتبس كلامي ويرد عليه الا ام التيمان لو حبت
ماداير زول يشبكني بتعلم النوايا والغيب ولا شنو والحنك العاضي دة