خريجو جامعة أسيوط لمزيد من التواصل

[الجيلي عبد الله الريح]

ودالكاشف ... سلامات ..
آخر مره شفناك شايت ضفاري وشمال يا روبينهو
?where are you

[الجيلي عبد الله الريح]

: زوجان كبيران في السن ,, في مطعم
دخل زوجان كبيران في السن أحد المطاعم
وجلسا على إحدى الطاولات
وقد لفتا أنظار المحيطين عندما طلبا وجبة واحدة فقط !!!
بعد أن قدم لهما النادل الطعام
لاحظ جميع الموجودين في المطعم
أن الزوجة بدأت تقسم وجبة الطعام بالتساوي بينها وبين زوجها
حتى الشراب قسمت نصفه لها ولزوجها في كوب آخر
بعد ذلك بدأ الزوج يتناول طعامه في هدوء
بينما ظلت الزوجة تنظر إليه من دون أن تأكل
أثار الموقف فضول أحد الموجودين في المطعم فاقترب من طاولتهما وقال
عفواً !!!
أرى أنكما طلبتما وجبة واحدة فقط !
فهل تسمحان لي أن أطلب لكما وجبة أخرى ؟
ردت السيدة بهدوء على الشاب وقالت
لسنا في حاجة لوجبة أخرى
أنا و زوجي تعاهدنا أن نتشارك في كل شيء بحياتنا
كل شيء
حتى وجبات الطعام و الشراب
رد الشاب وقال : ولكنك لماذا لا تأكلين يا سيدتي
فقط تنظرين لزوجك بينما هو يأكل
فكيف تشاركين معه وأنت لا تأكلين ؟

قالت السيدة : أنتظر طقم الأسنان الذي يأكل به


هذهـ الرومانسيهـ على اصولهــآ

الجماعه ديل البيتقاسمو طقم الاسنان ...ديل ماخلو شئ تب ...؟؟
يعني النبقه طلعت أي كلام ياجدع ....؟؟؟

[الجيلي عبد الله الريح]

المشاركة الأصلية كتبت بواسطة مكي محمد الحسن

السلام عليكم يا صعايده
أولاً خالص العزاء لكل من فقد عزيز لديه/ لديها وله الحمد والشكر من قبل ومن بعد إنا لله (وإنا لله وإنا اليه راجعون).
ثانياً الف مبروك لكل من سعد بحدث في حياته الإجتماعية وإن شاء الله دائماً عامرين بالهنا والسعد.
ثالثاً لكل من سافر وعاد أو من ترحل زائراً وإرتاد أهلاً أو صحباً أو ما أراد ألف حمداً بالسلامة وعوداً جميلاً مستطاب.
رابعاً لكل من شكي علةً أو سقماً فيما نملك دعونا لك والله المستجيب.
خامساً والله العظيم متابع هذا ( الإسفير ) ولكن ؟! شواغل كثيرة منعتني عن المشاركة ولو حتي بمداخلة ...لمن له حق علينا العتبي حتي يرضي..
سادساً المعزرة سوف أقوم بإصلاح ( لساتك عجلتي ) وأعود اليكم ..
سلام للجميع

إنت وين يآخوي ؟؟
الدنيا صيف ... لبدت وين ..؟؟
والله لبدتك الطويله ديه وبالذات مع أبوشيبه ... فيها إنه ؟؟؟

[Mohamed Ahmed Haroun]

المشاركة الأصلية كتبت بواسطة الجيلي عبد الله الريح

سألت عن هذا الرْجآل أو قل ..الرحال في بحور الكلمة الرقيقة ...الرصينه..
وبطون الأدب .. وأسرار الحكمه .. والبلاغة ..
هو رجّال سمح ، سماحه كلماته ، دائما يزودنا بزاد يروي شيئا
من ظمائنا ويجعلنا عطشى وفي إنتظار المزيد ....
وكما قال عمك كمال محجوب .. كلام ود اللمين ده عاوز ليه
قعده وخلفه رجل وكبايه شاي وسفه كمان عشان نقدر نستمتع بيه ..

العزيز الجيلى اين اختفيت يا راجل سلامى للاسره وكل الاسايطه يا اخى والله كل يوم الواحد يكتشف شى جديد عن هؤلاء القوم الرائعون طبعا الواحد بطوفش( حلوه دى )وما بقدر يجمع عشان كده الاستعانه بصديق واجبه عمو ود البيك وكيشوو ابو ريم ما قصرو لاكن انا داير كباشى الطويل عمو كمال لسه فى سنار؟

[Wad Elbeck]

ود هارون ..
سعدتُ كثيراً بالمكالمه وسماع صوتك بعد كل هذه السنوات ..
حاولت الإتصال مرة أخرى بعد إنقطاع الخط لمواصلة الدردشه ولكن بلا جدوى ..
تحياتى الخالصة للأخوان ودالناير وأبوبكر ..

[محمد الامين مصطفي]

المشاركة الأصلية كتبت بواسطة الجيلي عبد الله الريح

سألت عن هذا الرْجآل أو قل ..الرحال في بحور الكلمة الرقيقة ...الرصينه..
وبطون الأدب .. وأسرار الحكمه .. والبلاغة ..
هو رجّال سمح ، سماحه كلماته ، دائما يزودنا بزاد يروي شيئا
من ظمائنا ويجعلنا عطشى وفي إنتظار المزيد ....
وكما قال عمك كمال محجوب .. كلام ود اللمين ده عاوز ليه
قعده وخلفه رجل وكبايه شاي وسفه كمان عشان نقدر نستمتع بيه ..

اخي العزيز دكتور الجيلي 00 نسأل الله ان نكون عند حسن الظن 00 وحروفك هذه قلادة شرف00ونور يضئ لنا طريق الاخوة 00لكن يا اخوي مسؤول من الخير وين باقي الناس ديل 00 لعل الداعي خير 00
واليك اخي دكتور الجيلي هذه اللوحة ولبقية النجوم 00


الباب البجيب الريح
د.عادل الصادق المكي

العروس تكوي العريس بالنار


بقيت أخاف على عاداتنا وتقاليدنا.. من النصائب القاعدة تجينا من برَّا.. وخصوصاً عادات وتقاليد العِرِس العندنا.. والله لمَّا أسمع زفَّة عروس سودانية داخل السودان على أنغام..... " إدلَّع يا عريسنا عروستك نايلون".... فشفاشي يُورَم.. ومرارتي تقرِّب تتفقع من الزعل .. يعني خلاص نحن ما عندنا أي حاجة نزف بها عروسنا؟..
وبعدين زف العروس دا ذاتو ما حقَّنا .. والله لو الناس جرَّبت طريقتنا الزمان في العرس تاني ما بخلّوها.. وح يلقوها أسمح من الشي البيسوو فيهو دا حسِّي..... النضم دا خلاّني أكوس لعادات الزواج الغريبة ولقيت:- . في بعض مناطق الصين.... تتم الختوبة من غير ما يشوف العروسين بعضهم....
ويقومو أهل العروس بتزينها ويجيِّهُوها.. ويقفلوها في صندوق ويشيلوها يودُّوها للعريس.. ويدُّوهو المفتاح، ويفتح الصندوق لو عجبتو العروس خلاس يتم الزواج.. ولو ما عجبتو يرجعُوها .. شفتو كسر الخاتر دا؟....أما في جنوب الهند العروس تختبر العريس اختبار صعب وقاسي...
تسوقو بعيد في غابة وتولِّع نار وتجيب منجل واللا سيخة وتحمِّيها في النار وتكوي العريس في ضهرو لو العريس قال " أح" أو نطا ساكت ... يبقى ما بينفع معاها وعريس ماسورة ساكت ...تفرتق منو وتمشي تشيل حالو وسط الحلة.... بقن عليهو حرق ضهر وشيل حال.. وتاني العرس يشمُّو قدحة..
تخيلت عادة زي دي عندنا ويقوم واحد أخو بنات يقول للعروس " النار ولعت بقلبي بطفيها" ويحلف على العروس تكويهو في قلبو بدل ضهرو، وتقوم العروس تكويهو في قلبو وتجيبو لي أهلو جنازة.....
أما في أندونيسيا في بعض المناطق....العروس ما تطا الواطا كلو كلو، خاصة في الرحلة من بيت أبوها لي بيت عريسها عشان كدي الأب مجبور يشيل العروس في ضهرو لحدِّي بيت العريس مهما طالت المسافة..
يعني لو بيت العروس في الخرتوم وبيت العريس في مدني الأبو المسكين يشيل بنتو في ضهرو ويركب الشارع لحدِّي مدني..
ولو عريس غتيت من ناس مدني يعرِّس واحدة من حلفا القديمة، غايتو لحدِّي ما يصلوهو العروس وأبوها تكون عجّزت !.. ويا بخت البنتو ضعيفونة !..
غايتو أنا لوكنت من الجماعة ديل ما أعرس لبنتي عريس إلاّ يكون جارنا الحيطة بالحيطة ..
أناولها ليهم بالحيطة وخلاس!... أمَّا في الباسفيك فإن المهر عدد كبير من الفيران.. أيوا فيران... شفتو الرَخَصة والهملة دي؟...
كل ما كان عدد الفيران كتير كل ما كانت العروس جميلة.... غايتو ناس الفيران ديل في السلك.. واللا شنو ليكم؟.......يعني مافي أي شاب يقول العرس غالي؟
... أي واحد ينوي يتزوج يلبد جنب جحر ويقعد يقبِّض في الفيران ويحفظن ليوم سد المال!
.....وممكن البنت الناوي يتزوجها برضها تقعد تقبِّض في الفيران معاهو.. لكن بالدس.. عشان ما يشيلو حالو!.. ويقولو ليهو" أمشي . يا العرستَ بي فيران مرتك !"

[Wad Elbeck]

المشاركة الأصلية كتبت بواسطة محمد الامين مصطفي

الباب البجيب الريح
د.عادل الصادق المكي

العروس تكوي العريس بالنار


بقيت أخاف على عاداتنا وتقاليدنا.. من النصائب القاعدة تجينا من برَّا.. وخصوصاً عادات وتقاليد العِرِس العندنا.. والله لمَّا أسمع زفَّة عروس سودانية داخل السودان على أنغام..... " إدلَّع يا عريسنا عروستك نايلون".... فشفاشي يُورَم.. ومرارتي تقرِّب تتفقع من الزعل .. يعني خلاص نحن ما عندنا أي حاجة نزف بها عروسنا؟.. وبعدين زف العروس دا ذاتو ما حقَّنا .. والله لو الناس جرَّبت طريقتنا الزمان في العرس تاني ما بخلّوها.. وح يلقوها أسمح من الشي البيسوو فيهو دا حسِّي..... النضم دا خلاّني أكوس لعادات الزواج الغريبة ولقيت:- . في بعض مناطق الصين.... تتم الختوبة من غير ما يشوف العروسين بعضهم....
!"

والله فعلاُ حاجه تفقع المراره وتهرد الفشفاش ..

[الزوول]

السلام عليكم

....
تحية للجميع وراجع ليكم بالمهلة

بس استفسار

فيكم واحد عارف تلفون منتصر يوسف حسن؟

أو على الأقل هل يعيش في ولاية ميريلاند بمدينة Salisbury ؟؟؟

أم أن هذه المعلومات خاطئة؟

...

[شبارقة]

المشاركة الأصلية كتبت بواسطة الزوول

فيكم واحد عارف تلفون منتصر يوسف حسن؟

[align=justify]سلامات يا الزوول

ح أرسل ليك رقم تلفونو في الخاص[/align]

[شبارقة]

المشاركة الأصلية كتبت بواسطة محمد الامين مصطفي

أي واحد ينوي يتزوج يلبد جنب جحر ويقعد يقبِّض في الفيران ويحفظن ليوم سد المال!

[align=justify][align=justify]أضحك الله سنك يا ود الشطيب يا مبدع [/align][/align]

يقبِّض في الفيران ويحفظن ليوم سد المال

[align=justify]قبـّيض الفئران ما مشكلة ..بس يحفظوهن وين ؟ [/align]

[الزوول]

السلام عليكم
...
كنت أمني نفسي أن تكون المعلومات التي وصلتني عن طريق الإيميل من الأخ د.علي حسب الرسول خاطئة أو هو مجرد تشابه أسماء
ولكن بعد أن رفدني الأخ عاصم شبارقة برقم التلفون المطابق لما ورد بالإيميل فتجدني آسفاً أن أورد لكم هذا الخبر المحزن عن وفاة إبن أخونا منتصر يوسف حسن ، الشاب اليافع الذي يبلغ سنه 17 سنة
رحمه الله رحمة واسعة وألهم أخونا منتصر وأمه وأهله الصبر الجميل
.....

FW:

فقيد الشباب/ مؤيد منتصر حسنThursday, 8 July, 2010, 7:13 AMFrom: "Ali Abdelrahman" <[email protected]>View contact detailsTo: undisclosed-recipients


بسم الله الرحمن الرحيم\



قال تعالى:
وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِين
الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ
صدق الله العظيم


بالانابة عن الجالية السودانية الأمريكية بالساحل الشرقى لولاية ميريلاند ينعي رئيس وأعضاء اللجنة التنفيذية للجالية بمزيد من الحزن والأسى المغفور له بأذن الله:
فقيد الشباب/ مؤيد منتصر حسن

ابن الدكتور/ منتصر حسن و الذى فاضت روحه الطاهرة الى بارئها صباح اليوم الثلاثاء الموافق 6 يوليو2010 بمدينة Salisbury بولاية ميريلاند و هو فى ريعان شبابه عن عمر يناهز السبعة عشرة عاما.

هذا سوف يقام العزاء بمنزل الأخ د/ منتصر حسن بمدينة Salisbury فى العنوان التالى:
Address: 5705 Spinnaker Dr
Salisbury, MD 21801
Tel: 410-726-0700

وسوف يتم الصلاة على الجثمان بالمركز الاسلامى بمدينة سالسبورى عقب صلاة العصر يوم الخميس الموافف7-8-2010 وسوف يتم موارات الجثمان الثرى بمقابر مدينة فرسبيرج بولاية ميرلاند

الأ رحم الله الفقيد و أدخله فسيح جناته و أمطر عليه شئابيب رحمته مع الصديقين و الشهداء و حسن أولئك رفيقا و ألهم الله أسرته الكريمة الصبر و السلو

--- On Wed, 7/7/10, mekke abunora <mabunora@yahoo. com> wrote:

[شبارقة]

[align=justify]خبر مفجع ومحزن وأليم يدمي القلب ويدمع العين

اللهم اغفر له وأرحمه وعوضه الجنة عن شبابه

مواساتنا وتعازينا للأخ منتصر وللأسرة الكريمة .. وجبر الله كسرهم .. وألزمهم الصبر

الحمد لله من قبل ومن بعد ولاحول ولا قوة إلا بالله

إنا لله وإنا إليه راجعون[/align]

[Wad Elbeck]

المشاركة الأصلية كتبت بواسطة الزوول

السلام عليكم

....
تحية للجميع وراجع ليكم بالمهلة

بس استفسار

فيكم واحد عارف تلفون منتصر يوسف حسن؟

أو على الأقل هل يعيش في ولاية ميريلاند بمدينة Salisbury ؟؟؟

أم أن هذه المعلومات خاطئة؟

...

الزوول سلام ..
المعلومات بتاعت منتصر صحيحة 100% .. وصلنى نفس الإيميل لكن حبيت الإتصال بمنتصر أولاً قبل كل شئ .. بس حالياَ الوقت متأخر جداً عندهم (2:00 صباحاً)
للأسف كل الدلائل بتقول إنو خبر صحيح لأنو الإيميل فورورد من الأخ على حسب الرسول

[Wad Elbeck]

"إنا لله وإنا إليه راجعون"
نسأل الله أن يتغمده بواسع رحمته ومغفرته ..
وأن يجعل مثواه الجنه مع الصديقين والشهداء
ولا حول ولا قوة إلا بالله العلى العظيم ..
للأخ منتصر والأسرة الكريمة جميل الصبر وحسن العزاء ..

[محمد عبدالله جباره]

المشاركة الأصلية كتبت بواسطة Wad Elbeck

"إنا لله وإنا إليه راجعون"
نسأل الله أن يتغمده بواسع رحمته ومغفرته ..
وأن يجعل مثواه الجنه مع الصديقين والشهداء
ولا حول ولا قوة إلا بالله العلى العظيم ..
للأخ منتصر والأسرة الكريمة جميل الصبر وحسن العزاء ..

------------------------
"انا لله وانا اليه راجعون"
اللهم ارحمه واغفر له واجعله من اصحاب اليمين.وانزله مع الصديقين والشهداء
للاخ منتصر والاسره وافر العزاء. اللهم اجرهم فى مصابهم.
ولا حول ولا قوه الا بالله العلى العظيم.