أريد رأيك أو (رايك) وليس رائك !!

[أحمد طه]

في أكثر من (بوست) بموقع سودانيات العامر ، قرأت جملة (أريد رائك) أو (هذا رائك في الموضوع) حتى شككت في سلامة لغتي العربية !
إذ أن المصدر (رأَى) ، و الاسم منه (رأّي) ،، فنقول (هذا رأيي في الأمر) و (هذا رأيك في الموضوع) و (الرأي قبل شجاعة الشجعان)..
و في دارجتنا السودانية نسهّل همزة القطع فنقول ( أها رايك شنو؟؟)
دحين انتو رايكم شنو؟؟!!

[عبد الجليل سليمان]

المشاركة الأصلية كتبت بواسطة أحمد طه

في أكثر من (بوست) بموقع سودانيات العامر ، قرأت جملة (أريد رائك) أو (هذا رائك في الموضوع) حتى شككت في سلامة لغتي العربية !
إذ أن المصدر (رأَى) ، و الاسم منه (رأّي) ،، فنقول (هذا رأيي في الأمر) و (هذا رأيك في الموضوع) و (الرأي قبل شجاعة الشجعان)..
و في دارجتنا السودانية نسهّل همزة القطع فنقول ( أها رايك شنو؟؟)
دحين انتو رايكم شنو؟؟!!

أحمد طه .. لك السلام
(رائك دي) انا لما أشوقها أقرب أمشي للزول أو الزولة الكاتباها ، وأعضي في نص رأسو ، هي ذاتها شينة وما فيها حس بالحروف، لا أتساق، وبعد دا غلط ، الحمد لله يا خي الكتبت البوست دا، وادعو الله ان يريحنا من (رائكم) وأخواتها زي (آ)بدل (التنوين بالفتحتين) ، و حاجات تانية أخف وطأة ..

نحتاج إلى آرائكم، رأيك، رأيكن، ........................ ولا نحتاج إلى (رائكم) أو (رآكم) أو (رائك) ... ولا حتى (شينكم وصادكم) ، همزاتكم ممكن بس أهمزوا في المكان الصاح

[أحمد طه]

المشاركة الأصلية كتبت بواسطة عبد الجليل سليمان

أحمد طه .. لك السلام
(رائك دي) انا لما أشوقها أقرب أمشي للزول أو الزولة الكاتباها ، وأعضي في نص رأسو ، هي ذاتها شينة وما فيها حس بالحروف، لا أتساق، وبعد دا غلط ، الحمد لله يا خي الكتبت البوست دا، وادعو الله ان يريحنا من (رائكم) وأخواتها زي (آ)بدل (التنوين بالفتحتين) ، و حاجات تانية أخف وطأة ..

نحتاج إلى آرائكم، رأيك، رأيكن، ........................ ولا نحتاج إلى (رائكم) أو (رآكم) أو (رائك) ... ولا حتى (شينكم وصادكم) ، همزاتكم ممكن بس أهمزوا في المكان الصاح

عبد الجليل ، مسّاك الله بالخير ،،
تعرف ،، إنت ريّحتني جداً ،، لأني بصراحة شكيت في إنو أكون أنا الغلطان ،،، الغريبة إنو الغالبية بتكتب (رائك)دي !! و ده المحيرني !!

[رأفت ميلاد]

المشاركة الأصلية كتبت بواسطة أحمد طه

في أكثر من (بوست) بموقع سودانيات العامر ، قرأت جملة (أريد رائك) أو (هذا رائك في الموضوع) حتى شككت في سلامة لغتي العربية !
إذ أن المصدر (رأَى) ، و الاسم منه (رأّي) ،، فنقول (هذا رأيي في الأمر) و (هذا رأيك في الموضوع) و (الرأي قبل شجاعة الشجعان)..
و في دارجتنا السودانية نسهّل همزة القطع فنقول ( أها رايك شنو؟؟)
دحين انتو رايكم شنو؟؟!!

سلامات يا أحمد طه

تعرف أنا من الناس البطبز فى اللغة ذاتى .. لكن (رائك) دى ذاتى قبال كدة لاكزت بيها أخونا قرقاش فى مداخلة فى موضع تانى ما عندو .. لكن ما قراها أعتقد

شكلها شين لأنها فى توقيع .. وتجيك ناطة فى كل مداخلة .. هو ممكن تكون خطأ غير مقصود زى حقاتنا .. لكن حقتنا بتتبلع فى المداخلة وتضيع فى الزحام..

أعتقد مشرفى المنتدى يجب عليهم تعديل مثل هذه الأخطاء .. لأنها فى التوقيع مثل الختم .. وتشكك الزول ويرجع زى سواتك دى ..

مرحب بيك وينجيك الله من ناس بابكر عباس أعداء التصحيح

[أحمد طه]

المشاركة الأصلية كتبت بواسطة رأفت ميلاد

سلامات يا أحمد طه

تعرف أنا من الناس البطبز فى اللغة ذاتى .. لكن (رائك) دى ذاتى قبال كدة لاكزت بيها أخونا قرقاش فى مداخلة فى موضع تانى ما عندو .. لكن ما قراها أعتقد

شكلها شين لأنها فى توقيع .. وتجيك ناطة فى كل مداخلة .. هو ممكن تكون خطأ غير مقصود زى حقاتنا .. لكن حقتنا بتتبلع فى المداخلة وتضيع فى الزحام..

أعتقد مشرفى المنتدى يجب عليهم تعديل مثل هذه الأخطاء .. لأنها فى التوقيع مثل الختم .. وتشكك الزول ويرجع زى سواتك دى ..

مرحب بيك وينجيك الله من ناس بابكر عباس أعداء التصحيح

رأفت مساك نور..
في الواقع في (طبزات) بتتبلع و نوع تاني لا !! يعني زي (رائك) دي ، إذا افترضنا جدلاً إنو معناها (لغويا) صحيح ، البكسرها شنو؟؟؟ ما هي الهمزة على النبرة دي فيها حالتين
* إمّا هي ذاتا مكسورة ، زي حائِك و فائِت و شائِك
*أو ساكنة و قبلها حرف مكسور زي جِئْتك و بِئْر و ذِئْب
مافي حالة تالتة ،،، يعني من ناحية نحو مفروض يقولوا (نريد راءَك في الموضوع) ده على فرض إنو المعني صحيح ، وهو ما كده طبعاً !!
بعدين ياخ أنا ركزت للنقر تخوفني بي ناس بابكر عباس

[أبوبكر عباس]

المشاركة الأصلية كتبت بواسطة أحمد طه

رأفت مساك نور..
في الواقع في (طبزات) بتتبلع و نوع تاني لا !! يعني زي (رائك) دي ، إذا افترضنا جدلاً إنو معناها (لغويا) صحيح ، البكسرها شنو؟؟؟ ما هي الهمزة على النبرة دي فيها حالتين
* إمّا هي ذاتا مكسورة ، زي حائِك و فائِت و شائِك
*أو ساكنة و قبلها حرف مكسور زي جِئْتك و بِئْر و ذِئْب
مافي حالة تالتة ،،، يعني من ناحية نحو مفروض يقولوا (نريد راءَك في الموضوع) ده على فرض إنو المعني صحيح ، وهو ما كده طبعاً !!
بعدين ياخ أنا ركزت للنقر تخوفني بي ناس بابكر عباس

يا رأفت يا أخي منو القال ليك الكلام دا؟
أنا ضد المباشرة...
بعدين أحمد طه دا طارح الموضوع، بشكل جيد..
و هو عندو في المنتدى زي كم و ستين مشاركة، قمت بمراجعة كم و تلتين منهن،
الزول دا و الحق يقال:
مجود للكتابة. بس بعمل إسبيس بين الكلمة الأخيرة في الجملة و الشولة

[أحمد طه]

المشاركة الأصلية كتبت بواسطة بابكر عباس

يا رأفت يا أخي منو القال ليك الكلام دا؟
أنا ضد المباشرة...
بعدين أحمد طه دا طارح الموضوع، بشكل جيد..
و هو عندو في المنتدى زي كم و ستين مشاركة، قمت بمراجعة كم و تلتين منهن،
الزول دا و الحق يقال:
مجود للكتابة. بس بعمل إسبيس بين الكلمة الأخيرة في الجملة و الشولة

بابكر سلامات..
فعلاً المباشرة ما كويسة ، بعدين ياخ المشاركات الكتيرة دي شايفها بتجيب الهوا،أحسن الزول يقرا و ينسحب لامن شاف لامن دري،
مودتي

[قرقاش]

من اين اتى هؤلاء ...جمله شهيره للاستاذ للطيب صالح ..عليه رحمه الله ...ولااظن انه قالها الا بعد ان تملكته الدهشه تماما ... مما يجرى امامه من احداث ... فما يراه حادث امامه لايشبه مااعتاد عليه من امور من اهله ومن بنى جلدته .. وكان المدهش والغريب ان الفاعلين للامور المستجده ...هم بعض من لحمه ودمه ولا تخطئهم العين ...لذا كانت حيرته اكبر ..وسؤاله صارخا ..
نفس الحيره وصلتنى ... وانا اقراء هذا البوست الذى يحاول ان يصحح كلمه ...رائك ..ويحاول ان يعربها وووو...الخ الخ من باقى شنشنه وطنطنه العرب تلك التى تعرفونها ولا نعرفها ...ولانريد ان نعرفها .... فالفينا مكفينا ..........والحقيقه اننى لا اود ان احتكر جمله..انته رائك شنو ...؟ ولكننى اخترتها كتوقيع ...او لازمه لشخصى ....لذا اسمحوا لى وبكل حب واحترام للجميع .. ان ادافع عنها وهى بذلك الشكل..
لذا فانا مندهش ايضا واسال من اين اتى هؤلاء ..؟
واسال هولاء ...( خصوصا... احمد ود طه ) ... ..هل يعتقدون ان مايتحدثون به فى بيتهم ووسط اهاليهم ..هو رطانه العرب او.. مايسمى باللغه العربيه الفصحى حتى يلزمونا ببها ..وهل اذا جلس سودانين واحد من الشرق والتانى من الغرب وهم يتونسون باللغه التى درجنا على استعمالها فى وسط السودان ..جلسوا ليتونسوا وجلس بينهم اعرابى الايحتاج هذا الاعرابى الى مترجم ..بامانه جاوبوا ..؟
ثم هل تعتقدوا ان ذلك الاعرابى سيرى فى ذينيك الاثنين ..اعراب يتونسون ....ام افراخ بذى مرخ ..
ياساده من قال لكم اننأ نتكلم برطانه الاعرب حتى نصححها كما يريدون او كما تريدون ..؟ ..
نحن نتحدث دارجيه سودانيه اصيله نكتبها ونتحدث بها ... ربما يكون ان اصلها رطانه العرب ..وهذا امر اخر ..ولكن سودانويه الى النخاع ... اخذناها عنوه واقتدارا ..( وعاش يحى فضل الله .)....
وعقبال لجوبا ...وياجوبا مالك على ....
ثم عن اى عرب تتحدثون عرب المشرق ولبنان والشام ام المغرب وال شنقيط ام عرب صلاله ام عرب اليمن ..؟ ..عن اى عرب تتحدثون ..اترى تتحدثون عن اصحاب الشعر النبطى .. الانباط الذين ذكرهم المتنى وذكر موقعهم من رطانه العرب .. فذبحه .. ضبه ابن امه الطرطبه ... عن اى عرب تتحدثون ومن منهم سيقبل ان يكون اسمك... احمد ود طه ....( كما عنوانك الالكترونى )......بدلا عن احمد بن طه..ولاادرى ان كان اسمك ينتهى بالعنزى او الدوسرى.. او القحطانى او العسيرى ..
عموما اطمئن مااكثر الذين نسبوا نفسهم الى الدوحه الكريمه ...ولكن يقينى انهم اى الدوسرى والعنزى وبقيه البدو المستعربه .. لديهم رائ ..مــــــــــــ كور.... فينا .......
اتمنى ان اكون قد ارحنا الحبيب ..بركه ساكن ..وهو فى متاهته حول ..التفكير بلغه ووالكتابه باخرى ..فهاهى خيولنا ستعود بالسلب الكبير ...كونوا معنا ...وبرضه ..

[أسامة معاوية الطيب]

قرقاش : معليش بس بدون مكابرة امسح رائك داك واكتبو كدا
رأيك
يعني ياسيدي داير تقنعنا انك كاتبا بالطريقة دي مخصوص لأنك تعتقد بعدم عروبتك ؟ يعني عندك موقف من اللغة الصحيحة ؟ طيب ما تكتب بالسودانية القديمة !!
والموضوع ماعندو علاقة بهؤلاء ولا حاجة

أحمد طه موضوع الأخطاء الكتيرة دي محتاج للنوعية دا من الكتابات
كن بخير

[اروي حامد عبد الله حامد]

احمد طه سلامات
الاخطاء اللغوية والإملائية كتيرة ولا ضير في التصحيح والتوجيه
بس الناس بتكتب بي استعجال لاسباب كتيرة
يعني بتكون اخطاء غير مقصودة
بس تصحيحك مهم جدا
والله يا احمد عندي ام تصحيح لغوي للنطق
لكن في النهاية الزول بستفيد

تشكر

[قرقاش]

حبيبنا دكتور اسامه لك التحيه والاحترام ...
معليش وبدون مكابره واصرار على الخطاء اقول ... الكلمه كده توصل الغرض المطلوب منها ولا لا ..يعنى مفهومه ولا لا ..

[أحمد طه]

المشاركة الأصلية كتبت بواسطة قرقاش

من اين اتى هؤلاء ...جمله شهيره للاستاذ للطيب صالح ..عليه رحمه الله ...ولااظن انه قالها الا بعد ان تملكته الدهشه تماما ... مما يجرى امامه من احداث ... فما يراه حادث امامه لايشبه مااعتاد عليه من امور من اهله ومن بنى جلدته .. وكان المدهش والغريب ان الفاعلين للامور المستجده ...هم بعض من لحمه ودمه ولا تخطئهم العين ...لذا كانت حيرته اكبر ..وسؤاله صارخا ..
نفس الحيره وصلتنى ... وانا اقراء هذا البوست الذى يحاول ان يصحح كلمه ...رائك ..ويحاول ان يعربها وووو...الخ الخ من باقى شنشنه وطنطنه العرب تلك التى تعرفونها ولا نعرفها ...ولانريد ان نعرفها .... فالفينا مكفينا ..........والحقيقه اننى لا اود ان احتكر جمله..انته رائك شنو ...؟ ولكننى اخترتها كتوقيع ...او لازمه لشخصى ....لذا اسمحوا لى وبكل حب واحترام للجميع .. ان ادافع عنها وهى بذلك الشكل..
لذا فانا مندهش ايضا واسال من اين اتى هؤلاء ..؟
واسال هولاء ...( خصوصا... احمد ود طه ) ... ..هل يعتقدون ان مايتحدثون به فى بيتهم ووسط اهاليهم ..هو رطانه العرب او.. مايسمى باللغه العربيه الفصحى حتى يلزمونا ببها ..وهل اذا جلس سودانين واحد من الشرق والتانى من الغرب وهم يتونسون باللغه التى درجنا على استعمالها فى وسط السودان ..جلسوا ليتونسوا وجلس بينهم اعرابى الايحتاج هذا الاعرابى الى مترجم ..بامانه جاوبوا ..؟
ثم هل تعتقدوا ان ذلك الاعرابى سيرى فى ذينيك الاثنين ..اعراب يتونسون ....ام افراخ بذى مرخ ..
ياساده من قال لكم اننأ نتكلم برطانه الاعرب حتى نصححها كما يريدون او كما تريدون ..؟ ..
نحن نتحدث دارجيه سودانيه اصيله نكتبها ونتحدث بها ... ربما يكون ان اصلها رطانه العرب ..وهذا امر اخر ..ولكن سودانويه الى النخاع ... اخذناها عنوه واقتدارا ..( وعاش يحى فضل الله .)....
وعقبال لجوبا ...وياجوبا مالك على ....
ثم عن اى عرب تتحدثون عرب المشرق ولبنان والشام ام المغرب وال شنقيط ام عرب صلاله ام عرب اليمن ..؟ ..عن اى عرب تتحدثون ..اترى تتحدثون عن اصحاب الشعر النبطى .. الانباط الذين ذكرهم المتنى وذكر موقعهم من رطانه العرب .. فذبحه .. ضبه ابن امه الطرطبه ... عن اى عرب تتحدثون ومن منهم سيقبل ان يكون اسمك... احمد ود طه ....( كما عنوانك الالكترونى )......بدلا عن احمد بن طه..ولاادرى ان كان اسمك ينتهى بالعنزى او الدوسرى.. او القحطانى او العسيرى ..
عموما اطمئن مااكثر الذين نسبوا نفسهم الى الدوحه الكريمه ...ولكن يقينى انهم اى الدوسرى والعنزى وبقيه البدو المستعربه .. لديهم رائ ..مــــــــــــ كور.... فينا .......
اتمنى ان اكون قد ارحنا الحبيب ..بركه ساكن ..وهو فى متاهته حول ..التفكير بلغه ووالكتابه باخرى ..فهاهى خيولنا ستعود بالسلب الكبير ...كونوا معنا ...وبرضه ..

قرقاش ، سلامات يا طيب !
أقول ليك حاجة.. والله أنا توقيعك ده ما قريتو !! بعدين انت متوّر نفسك في شنو؟؟ أنا موضوعي كان بسيط و واضح ، ما جبت سيرة عروبة و لا رطانة ، و كان كلامي عام ، قلت يا اخوانّا (رائك) دي غلط ، إملائياً و لغوياً، بس!! و افتكر ما فيها حاجة إنو الناس تتناصح و تصحح بعض ..
أما حكاية (من اين أتى هؤلاء) .. فنفس الدرب الجابك جابني، ده كلام ده يا راجل
لك قواسيب مودتي..

[أسامة معاوية الطيب]

المشاركة الأصلية كتبت بواسطة قرقاش

حبيبنا دكتور اسامه لك التحيه والاحترام ...
معليش وبدون مكابره واصرار على الخطاء اقول ... الكلمه كده توصل الغرض المطلوب منها ولا لا ..يعنى مفهومه ولا لا ..

حبيبنا قرقاش : الكلمة كدا بتوصل الغرض لفئة معينة وبتضايق فئة وما بتوصل الغرض لفئة تالتة ... لكن لو نعلت ابليسك وكتبها كدا ( رأيك ) التلاتة فئات ديل بيكونو مبسوطين
وياخي والله مافي زول قاصد يطلعك غلطان ... لكن كلنا دايرين كلنا صاح ياخي
أخوك محاسب ... كان يتمنى يكون دكتور لولا ضيق ذات الراس
ياخي ابقى طيب

[ام التيمان]

سلامات احمد طه
عندى مشكلة فى الهمزة
تحياتى

[أحمد طه]

المشاركة الأصلية كتبت بواسطة ام التيمان

سلامات احمد طه
عندى مشكلة فى الهمزة
تحياتى

أم التيمان كيفنك .. الهمزة مشكلتك فيها شنو؟ إذا المسألة يكتبوها كيف حتلقي شفت+ا =أ،، و شفت +غ=إ .. و البقيات واضحات ،، أمّا يكتبوها متين ، فهمزة القطع بتكون مكتوبة فوق أو تحت الألف في مثل (أحمد) و (إبراهيم) و بتكون ظاهرة في النطق ، و همزة الوصل لا تكتب بل يُكتب الألف بدون همزة و بتكون ملغيّة في النطق زي جملة (همزة الوصل) لاحظي في النطق إنك انتقلت من التاء في (همزة) إلى اللام في (الوصل) بدون ما تنطقي الألف ، عشان كده سمّوها همزة وصل..
مودتي اللتي تعلمين