اقتباس:
المشاركة الأصلية كتبت بواسطة طارق الحسن محمد
جابت ليها حربويات كمان
! ! !
|
نرجع لي موضوعي كحربوية..
الكويس في هذه المداخلة ذات السطر الواحد.. انها فسرت لي ما استعصى علي فهمه في الجلبة دي كلها..
كنت مستغربة وقوفك الحاد وردودك الاكثر حدة علي مداخلات لقرقاش وبدر الدين لا تحتمل كل ذلك او بالاحرى ما بتستاهل.. واضطريت اقرا واعيد القراية واقول يمكن في شي بين السطور فات علي وهو الخلا الزول دا هايج كدا..
بس موضوع الحربوية فسر لي خلاص..
تعال احلل ليك نفسيتك..
انت زول غير ديمقراطي.. ممكن نقول ديكتاتوري.. انفعالي.. ومعجب باراءه وافكاره لدرجة قد توصله مرحلة العداء لأي شخص لا يوافقه الرأي..
وطبعا انا ما عاديتك ولا حصل وجهت ليك اساءة او اتكلمت معاك باسلوب غير لائق.. وكنت بتعاملني بالاخت الكريمة والمحترمة وما الى ذلك.. بس اول ما قلت لي بدر الدين كلامك صح ووقفت مع قرقاش في وجهة نظره المتوافقة تماما مع تقاليدي وتربيتي وبتهيأ لي شرع ربنا كمان.. بس للاسف انها ما بتوافق وجهة نظرك انت.. يعني بقيت طوالي في خانة صاحب عدوي عدوي.. واتحولت لي حربوية!!!!!
وتجي تتشدق بضرورة التمسك بالحريات وعدم الوصاية علي الاخرين؟؟؟؟
طيب ابدا بي نفسك يا طارق.. ولا تنه عن خلق وتأت مثله.. بل واشنى منه كمان.
غايتو..
جنس محن.
