بالضرا......... إن شاء الله راجل مرة ........

بنت النيل · 20-05-2006, 11:20 AM

بسم الله الرحمن الرحيم

ارتفاع معدلات العنوسة نتيجة للبطالة وتردى الواقع الإقتصادى
عزوف الشباب عن الزواج لاسباب إقتصادية ونفسية وإجتماعية
الهجرات والحروب من اهم أسباب إرتفاع نسبة العنوسة
المغلاة فى المهور والعادات الضارة المصاحبة لى مسألة الزواج من اهم أسباب عزوف الشباب عن الزواج
تعدد الزوجات إلتزام دينى ... أم موروث إجتماعى

وغيرها من مانشيتات الصحف ومحاور البرامج الإذاعية والتلفزيونية ...... المهم المحصلة النهائية للكلام دا كلو إنو بقت فى موضة فى البلد دى خاصة عند الشابات إسمها (عرس رجال النسوان )

وكمية من الأسباب والتعليلات ...

*أنتظر الشباب ديل لى متين أحسن لى راجل مكون نفسو وجاهز
*شباب الزمن ديل طايشين .... أحسن الرجال الكبار العاقلين
*هى مرتو كان كانت مرياحهو كان فكر يعرس تانى يعنى المشكلة مشكلتها ما مشكلتى
*بحبو .....
*ألقى لى فرصة زى دى وين دا عندو شركة وقروش بالملايين

وغنا البنات يحمل دعوة صريحة للزواج من راجل المره كحل وحيد (للبورة )

بالضرا ... إنشاء الله راجل مره ........

ودون أى شروط أو فنفسى هى الاهم .........

بختى ........ إنشاء الله راجل أختى .........
وان الموضوع فى مجمله تحدى جميل .......... وانتى (قدها وقدود )
سيطرة ............ راجل المره حلو حلا ......

والأغنية الأخيرة سمعت بها قبل أيام وأنا فى حنة عروس والجميع منفعل جداً بها فقد صادف أن العريس ( راجل مرة) حتى أن ام العروس كانت تزغرد فى نهاية كل مقع ينتهى بكلمة سيطرة

( العروس طبيبة صغيرة فى السن .. جميلة .... وضعها الإقصادى والأسرى جيد جدا و العريس عندة ستة أبناء أكبرهم إمتحن شهادة وأصغرهم فى الروضة ............ مبررها انها تحبه )

المهم فى ظل الموضة دى طبعا بنحتاج إنو نفكر فى المسألة دى بى شكل جدى .... عشان مانقول كلام ساى ... وبعدين نضطر نتراجع منو ....
وإلى حين الوصول إلى قرار نهائى بشأن الزواج من (راجل مرة ) فى لستة محجوزة ممنوع الإقتراب أو التصوير والكلام دا للجميع ( البايرات) فى البورد وندى على وجه الخصوص

معتصم الطاهر
عكود
عصمت العالم
عالم عباس
خالد الحاج
عزيز خطاب
الجيلى
د. المعز عمر بخيت
حميم
قرض ( المختفى )
السفير جمال
قارسيا

فى ناس تم إستثناؤهم من اللستة أعلاه لأسباب فنية ( ديل ياندى خليتهم ليك )
د. سيد عبد القادر ( عمو سيد )
الوجيه ود الزين ( خالى )
ناصر يوسف ( ظروف عملو ما بتسمح )
وليد طه ( عريس جديد)
بكرى على ( عريس جديد )
أبو العز الجنوبى ( لسة كراع برة وكراع جوة )
حمدى أب جقادو ( شرطو بتاع سلاحف النينجا دا انا مابقدر أنفذو)

طبعاً اللستة الفوق دى قابلة للزيادة .........................

خالص الود

بنت النيل

wadosman · 20-05-2006, 11:39 AM

[align=right]يا بنت النيل...

الموضوووع جميل..و موضوع يحتاج للكثير من النقاش
لكن انا فى رايي الظروف الاجتماعية و الاقتصادية الحالية
فى البلد لها دور اساسى فى هذه المسألة...و ذلك غير الافرازات الاخرى
السالبة التى ظهرت خلال هذه الفترة.....
تحياااات.....

تخريمة:
نحن دايرين لينا كوم برانا...صنفونا يا عااالم...؟؟؟
ولا نقوم نعمل مظااهرة ولا شنو..؟؟؟[/align]

قمر الزمان · 20-05-2006, 12:08 PM

بنت نيلي ..سلام يا عسل
لكن موضوعك ما موضوع ...
حقول ليك حاجة سريعة كدة ..
وصدقاً ..بجيك راجعة تاني..

الوالد ..كان مشى اجازة السودان بعد غياب طويل وبسمع عن حكاوي عرس البنات من الشيّاب
وآمن بيها ..لانو واحد من أعز أصحابو عملها .. و جاب عروسة في عمر أصغر أولادو السبعة..

المهم..لما رجع بحكي لينا قال لي الماما...والله أعملي حسابك ..انا تاني ما بمشي السودان من غيرك
كان مشيت براي تاني ما بتشوفيني.. قالت ليهو ليه مالك يا حاج؟؟
قال ليها البنات خطيرات و بشاغلو عيني عينك..يوم معزوم لعرس و طالع ..لاقتني بت الجيران الانا لا بعرفهم ولا بعرفوني لكن شكلها مراقبني و شايفاني براي وهي كبيرة ما صغيرة..
قالت لي..على ويييين الليلة يا حاج ؟؟ قال ليها : معزوم عندنا عرس...
قالت ليهو بضحكة ناعمة ( على قول بابا ) .. والله ما شاء الله ..انت ماشي لعرس ..انا قايلاك انت العريس حسي..

بابا اتكيف ليك شديد خلاص.. ما خلا زول يسألو اها السودان كيف ...الا حكاية البت الشاغلتني (برضو على قول بابا) دي تجي من أول الحكاوي

اها شفتي الحالة صعبة كيف !!

بجيك تاني

mamkouna · 20-05-2006, 12:10 PM

إنتي قايلاني مختفية مالي يا بت النيل..؟؟!!

خاااايفة على ممكوني منك و من ( ندى )...
و من ناس ( السيطرة) ديل...

سارة · 20-05-2006, 12:12 PM

بت النيل قصدك شنو يعنى

اقتباس:

معتصم الطاهر
عكود
عصمت العالم
عالم عباس
خالد الحاج
عزيز خطاب
الجيلى
د. المعز عمر بخيت
حميم
قرض ( المختفى )
السفير جمال
قارسيا

اقبل وين انا

خالد الحاج · 20-05-2006, 01:05 PM

اقتباس:

المشاركة الأصلية كتبت بواسطة بنت النيل

بسم الله الرحمن الرحيم

معتصم الطاهر
عكود
عصمت العالم
عالم عباس
خالد الحاج
عزيز خطاب
الجيلى
د. المعز عمر بخيت
حميم
قرض ( المختفى )
السفير جمال
قارسيا

الشكية لله
بنت النيل دي قاصداني عديييييييييييل
(أسمعي يا جارة طقش الحجارة)
طيب جكس ملح ساكت ما معانا؟

haneena · 20-05-2006, 01:23 PM

تعرفي يا بت النيل
أكتر عذر معقول...بحبو دي
لكنه ما مقبول

الحب ماااا بالإيد يا أختي..لكن الزواج بالإيد و الشديد

جاياك تاني

Deer · 20-05-2006, 01:40 PM

[align=justify]
يا بت النيل سلاااام...

موضوع كبير... وممتع... و بيني وبينك بعد دا كلنا حا نعملها... يعني ممكونه دي تبعد ممكونها بعييييييييييد.... وغايتو يا حنينة زواج رجال النسوان ما بعرفه.. لكن ألله لا يوقعك في حب راجل متزوج.... أخير الزواج شوفي جنس العاوز يجكس ملح دا... أجي يا ود الحاج..تخجل...

بجيكم تاني... مواعدة لي راجل مره...

[/align]

عطر · 20-05-2006, 02:15 PM

اقتباس:

المشاركة الأصلية كتبت بواسطة Deer

[align=justify]
يا بت النيل سلاااام...

لكن ألله لا يوقعك في حب راجل متزوج.... .

[/align]

Deer ... منك خوف

haneena · 20-05-2006, 02:20 PM

اقتباس:

لكن ألله لا يوقعك في حب راجل متزوج.

Deer
باين عليك ممكووووووووووووووونة
لكن ما صابرة

ندى · 20-05-2006, 02:23 PM

اقتباس:

المشاركة الأصلية كتبت بواسطة سارة

بت النيل قصدك شنو يعنى

اقبل وين انا

[align=justify]لا لا لا
نحنا نعمل قرعة عدييييييييييييييييل كدة
استني لي يا بنت النيل بجيك رااااااااااااااااااجعة
حجزتي كل الجكس وخليتينا
سرور خليكي معاي يا بت امي شفتي جنس الكلام دة
رفعنا شعار البورة من زماااااااااااااااان جو الفالحين حجزوا الحمام كلوووووووووووووووو
خسارة السكر الشتتناهو [/align]

أبومناهل · 20-05-2006, 02:28 PM

بنت النيل
تحياتي يا غالية . .

اقتباس:

ألقى لى فرصة زى دى وين دا عندو شركة وقروش بالملايين

إذا عايزة دي . . اللستة كلها
ما أظن تعمل ليها ( واحد ) . .
لكن لو عايزة ( كمية ) حنان ومحبة
تشبعي شبع . . ومن أول واحد ولي
آخر واحد ( فالحين في ده بس ) .

أبومناهل · 20-05-2006, 02:30 PM

اقتباس:

المشاركة الأصلية كتبت بواسطة خالد الحاج

الشكية لله
بنت النيل دي قاصداني عديييييييييييل
(أسمعي يا جارة طقش الحجارة)
طيب جكس ملح ساكت ما معانا؟

ياخال
في ( عــــــــــــــرفي ) ينفع !!!!

أماني · 20-05-2006, 02:40 PM

هيييييييييييييييييي كل شي الا ود الحاج
كفاية سودانيات

Garcia · 20-05-2006, 04:54 PM

بنت النيل
لك كل الاشواق والتحية العطرة ...
يبدو ان مقاييس ومعايير الزواج انقلبت رأس على عقب فى ظل الظروف الضاغطة ..
التى تناولتيها واصبح الرجل المتزوج سوقه حار ومرغوب اكثر من العذابى ...
وعلى قول المصريين ( تعيش اكثر تشوف اكثر ) ....
ومؤكد لتعدد الزوجات ايجابيات وسلبيات وصعب الحكم عليها , فلكل حالة ظروفها
الخاصة ويصعب التعميم لبقية الحالات ... وان كنت ارى سلبياته اكثر على المدى
الطويل من خلافات اسرية وعلاقات فاترة بين الابناء وخلافات ارث ... الخ

اقتباس:

( العروس طبيبة صغيرة فى السن .. جميلة .... وضعها الإقصادى والأسرى جيد جدا و العريس عندة ستة أبناء أكبرهم إمتحن شهادة وأصغرهم فى الروضة ............ مبررها انها تحبه )

صدق القال الحب اعمى احيانا يا بنت النيل ...
واعتقد ان هذا الشخص انانى ليس اكثر حتى لو كانت تحبه ...
يجب ان ينصحها بالزواج من شخص مناسب لها سنا ...
لكن للاسف ليس لهذه المواقف وجود بارض الواقع اى واحد يقول
نفسى نفسى فقط ...

عموما موضوع مميز كما عودتينا دوما فلك كل الود والتقدير ..

20-05-2006, 11:20 AM	#[1]
بنت النيل :: كــاتب نشــط::	بالضرا......... إن شاء الله راجل مرة ........ بسم الله الرحمن الرحيم ارتفاع معدلات العنوسة نتيجة للبطالة وتردى الواقع الإقتصادى عزوف الشباب عن الزواج لاسباب إقتصادية ونفسية وإجتماعية الهجرات والحروب من اهم أسباب إرتفاع نسبة العنوسة المغلاة فى المهور والعادات الضارة المصاحبة لى مسألة الزواج من اهم أسباب عزوف الشباب عن الزواج تعدد الزوجات إلتزام دينى ... أم موروث إجتماعى وغيرها من مانشيتات الصحف ومحاور البرامج الإذاعية والتلفزيونية ...... المهم المحصلة النهائية للكلام دا كلو إنو بقت فى موضة فى البلد دى خاصة عند الشابات إسمها (عرس رجال النسوان ) وكمية من الأسباب والتعليلات ... أنتظر الشباب ديل لى متين أحسن لى راجل مكون نفسو وجاهز شباب الزمن ديل طايشين .... أحسن الرجال الكبار العاقلين هى مرتو كان كانت مرياحهو كان فكر يعرس تانى يعنى المشكلة مشكلتها ما مشكلتى بحبو ..... *ألقى لى فرصة زى دى وين دا عندو شركة وقروش بالملايين وغنا البنات يحمل دعوة صريحة للزواج من راجل المره كحل وحيد (للبورة ) بالضرا ... إنشاء الله راجل مره ........ ودون أى شروط أو فنفسى هى الاهم ......... بختى ........ إنشاء الله راجل أختى ......... وان الموضوع فى مجمله تحدى جميل .......... وانتى (قدها وقدود ) سيطرة ............ راجل المره حلو حلا ...... والأغنية الأخيرة سمعت بها قبل أيام وأنا فى حنة عروس والجميع منفعل جداً بها فقد صادف أن العريس ( راجل مرة) حتى أن ام العروس كانت تزغرد فى نهاية كل مقع ينتهى بكلمة سيطرة ( العروس طبيبة صغيرة فى السن .. جميلة .... وضعها الإقصادى والأسرى جيد جدا و العريس عندة ستة أبناء أكبرهم إمتحن شهادة وأصغرهم فى الروضة ............ مبررها انها تحبه ) المهم فى ظل الموضة دى طبعا بنحتاج إنو نفكر فى المسألة دى بى شكل جدى .... عشان مانقول كلام ساى ... وبعدين نضطر نتراجع منو .... وإلى حين الوصول إلى قرار نهائى بشأن الزواج من (راجل مرة ) فى لستة محجوزة ممنوع الإقتراب أو التصوير والكلام دا للجميع ( البايرات) فى البورد وندى على وجه الخصوص معتصم الطاهر عكود عصمت العالم عالم عباس خالد الحاج عزيز خطاب الجيلى د. المعز عمر بخيت حميم قرض ( المختفى ) السفير جمال قارسيا فى ناس تم إستثناؤهم من اللستة أعلاه لأسباب فنية ( ديل ياندى خليتهم ليك ) د. سيد عبد القادر ( عمو سيد ) الوجيه ود الزين ( خالى ) ناصر يوسف ( ظروف عملو ما بتسمح ) وليد طه ( عريس جديد) بكرى على ( عريس جديد ) أبو العز الجنوبى ( لسة كراع برة وكراع جوة ) حمدى أب جقادو ( شرطو بتاع سلاحف النينجا دا انا مابقدر أنفذو) طبعاً اللستة الفوق دى قابلة للزيادة ......................... خالص الود بنت النيل
بنت النيل :: كــاتب نشــط::	التوقيع: [frame="7 80"] [align=center]على نجمة الروح جليلة أوراق العاشقين تمشي برائحة الوقت البهيج كلما أشعل النور نافِذة الحب البعيدة يخرج الحزن عابراً طحلب الفاجعة إلي وردةٍ تغسل السواد من جدارن المكان . نصّار الحاج [/align] [/frame]

20-05-2006, 11:39 AM	#[2]
wadosman :: كــاتب نشــط::	[align=right]يا بنت النيل... الموضوووع جميل..و موضوع يحتاج للكثير من النقاش لكن انا فى رايي الظروف الاجتماعية و الاقتصادية الحالية فى البلد لها دور اساسى فى هذه المسألة...و ذلك غير الافرازات الاخرى السالبة التى ظهرت خلال هذه الفترة..... تحياااات..... تخريمة: نحن دايرين لينا كوم برانا...صنفونا يا عااالم...؟؟؟ ولا نقوم نعمل مظااهرة ولا شنو..؟؟؟[/align]
wadosman :: كــاتب نشــط::

20-05-2006, 12:08 PM	#[3]
قمر الزمان :: كــاتب نشــط::	بنت نيلي ..سلام يا عسل لكن موضوعك ما موضوع ... حقول ليك حاجة سريعة كدة .. وصدقاً ..بجيك راجعة تاني.. الوالد ..كان مشى اجازة السودان بعد غياب طويل وبسمع عن حكاوي عرس البنات من الشيّاب وآمن بيها ..لانو واحد من أعز أصحابو عملها .. و جاب عروسة في عمر أصغر أولادو السبعة.. المهم..لما رجع بحكي لينا قال لي الماما...والله أعملي حسابك ..انا تاني ما بمشي السودان من غيرك كان مشيت براي تاني ما بتشوفيني.. قالت ليهو ليه مالك يا حاج؟؟ قال ليها البنات خطيرات و بشاغلو عيني عينك..يوم معزوم لعرس و طالع ..لاقتني بت الجيران الانا لا بعرفهم ولا بعرفوني لكن شكلها مراقبني و شايفاني براي وهي كبيرة ما صغيرة.. قالت لي..على ويييين الليلة يا حاج ؟؟ قال ليها : معزوم عندنا عرس... قالت ليهو بضحكة ناعمة ( على قول بابا ) .. والله ما شاء الله ..انت ماشي لعرس ..انا قايلاك انت العريس حسي.. بابا اتكيف ليك شديد خلاص.. ما خلا زول يسألو اها السودان كيف ...الا حكاية البت الشاغلتني (برضو على قول بابا) دي تجي من أول الحكاوي اها شفتي الحالة صعبة كيف !! بجيك تاني
قمر الزمان :: كــاتب نشــط::	التوقيع:

20-05-2006, 12:10 PM	#[4]
mamkouna :: كــاتب نشــط::	إنتي قايلاني مختفية مالي يا بت النيل..؟؟!! خاااايفة على ممكوني منك و من ( ندى )... و من ناس ( السيطرة) ديل...
mamkouna :: كــاتب نشــط::	التوقيع: ممكوووووووووووووووونة...و...صاااااااااااابرة!!!!

20-05-2006, 01:23 PM	#[7]
haneena :: كــاتب نشــط::	تعرفي يا بت النيل أكتر عذر معقول...بحبو دي لكنه ما مقبول الحب ماااا بالإيد يا أختي..لكن الزواج بالإيد و الشديد جاياك تاني
haneena :: كــاتب نشــط::	التوقيع: Life is all about choices

20-05-2006, 01:40 PM	#[8]
Deer :: كــاتب نشــط::	[align=justify] يا بت النيل سلاااام... موضوع كبير... وممتع... و بيني وبينك بعد دا كلنا حا نعملها... يعني ممكونه دي تبعد ممكونها بعييييييييييد.... وغايتو يا حنينة زواج رجال النسوان ما بعرفه.. لكن ألله لا يوقعك في حب راجل متزوج.... أخير الزواج شوفي جنس العاوز يجكس ملح دا... أجي يا ود الحاج..تخجل... بجيكم تاني... مواعدة لي راجل مره... [/align]
Deer :: كــاتب نشــط::

20-05-2006, 02:40 PM	#[14]
أماني :: كــاتب نشــط::	هيييييييييييييييييي كل شي الا ود الحاج كفاية سودانيات
أماني :: كــاتب نشــط::