ود نفاش .. وأختلاف التذوق للطرفة

[رأفت ميلاد]

يعنى نكتة فى زمن تضحك الأنسان .. وفى زمن لا تحركه وقد يرى فيها سماجة ..

العجلة أو (الدراجة) كانت فى يوم من الأيام إختراع .. وكان فيها طرفات مثل .. التعامل مع الموبايل والنت مثلاً الآن ..

ود نفاش دقش بالعجلة سلك عامود النور .. قال (كلن) .. قال ليهو (عدنك فكة شلن) ..
هسة دى بتضحك ..

فى فترة كان هناك موجة النكت البايخة .. ويمكن كان قرفة ناس نميرى ..

يقول ليك (الكبرى عملوه ليه) الجواب يكون (عشان الموية تمشى بى تحتو) ..

وقبلها كانت أبيخ .. جاتنا من المصريين .. كانوا يقولوا (واحد سودانى وقع أتقشر) .. لأنهم بسموا الفول السودانى (سودانى) حاف كده .. مشينا فيها وعجبتنا من عباطتنا .. بقينا نقول (واحد صينى وقع أتكسر) .. (واحد جه يقطع البحر .. لقى سكينو ميتة)

نرجع لود نفاش المفترى عليه ..

قالوا كان سايق عجلة بدون فرامل .. أنقشط فى بيت ودخل للمرة جوه التُكل .. لقاها بتعوس .. قال ليها (أمى قالت ليكى أدينى طايوقة)

من النكات الممكن نسبها الى ود نفاش .. وكان معروف أنه سريع البديهة رباطابى الردود .. يقال زمن الإنجليز ناس أمدرمان ينامون على سطوح المنازل فى الحر .. ومنع القانون ذلك وكان ناس السوارى يراقبون ذلك .. كان ود نفاش ينوم على سطح غرقة على الشارع .. رماه العسكرى الإنجليزى بحجر .. وقال ليه (أنت مجنون) .. قال ليه ود نفاش (يا خواجة مجنون النايم ولّ البطقع) .. ويقال من هنا أتى المثل ..

أها أستمر يا توحة ..

[فخري الزين]

ود نفاش دخل القراش اتقلب فشفاش
ود نفاش دخل الخور اتقلب تور
تحياتي ياحبيب اس جلجق ميه

[رأفت ميلاد]

المشاركة الأصلية كتبت بواسطة فخري الزين

ود نفاش دخل القراش اتقلب فشفاش
ود نفاش دخل الخور اتقلب تور
تحياتي ياحبيب اس جلجق ميه

سلامات يا فخرى ومشتاقين
بوست القلق ده كتبتو وأنا طالع الشغل .. ونسيت ليك أيامو .. قلت لى أتقلب فشفاش ..

تعرف النكت موضات .. فى بوتسودان كان فى موضة كلام .. يقول ليك (صلعة أبوك قول أشمعنى) تقول إشمعنى يقول ليك (ميدان بلى)

[مي هاشم]

واحد جلابيته بيضا ..سلقا..


واحده خدها نادي.. لعبوا فيه كتشينة..


واحد زرزر قميصه.. اعترف..


واحد رجلو خدّرت ..وداها المشتل..


وأيام الجامعة (ما زمان شديد) ظهرت عوارة كده..يقول ليك..
جمل عرس فيل ..جابو شنو؟؟ جمال فرفور..
حمار عرس جدادة جابو شنو؟؟جداد محمر..
فيل عرس نملة جابو شنو؟؟ فيل رجلو منملة..
وهكذا..


ألذّ نكتة ضحكتني لمن دمّعت..
مسطول قال لزميله..سبحان الله ..بتشبه الحمار..
رد عليه (ياخ قول ما شاء الله)..

[معتصم الحارث الضوّي]

أستاذنا شوقي بدري يروى حكاية حقيقية عن ود نفاش في كتابه حكاوي أم درمان.

أيام الحرب العالمية الثانية السيد عبد الرحمن تبرع للصليب الأحمر بخمسمئة جنيه وهو مبلغ ضخم بحساب تلك الأيام، وسمع ود نفاش بالحكاية، وكان ضارب تفليسة، فجاء إلى مدخل بيت عبد الرحمن المهدي في ود نوباوي لينتظره.

خلع الجلابية، وبقى بالسروال فقط، ورفع يديه على جانب جسمه،
فسألوه، فأجاب: سيدي اتبرع للصليب الأحمر بخمسمية جنيه،
خلوه يتبرع للصليب الأسود ده بخمسة جنيه

[ممدوح أبارو]

المشاركة الأصلية كتبت بواسطة رأفت ميلاد

يعنى نكتة فى زمن تضحك الأنسان .. وفى زمن لا تحركه وقد يرى فيها سماجة ..

العجلة أو (الدراجة) كانت فى يوم من الأيام إختراع .. وكان فيها طرفات مثل .. التعامل مع الموبايل والنت مثلاً الآن ..

ود نفاش دقش بالعجلة سلك عامود النور .. قال (كلن) .. قال ليهو (عدنك فكة شلن) ..
هسة دى بتضحك ..

فى فترة كان هناك موجة النكت البايخة .. ويمكن كان قرفة ناس نميرى ..

يقول ليك (الكبرى عملوه ليه) الجواب يكون (عشان الموية تمشى بى تحتو) ..

وقبلها كانت أبيخ .. جاتنا من المصريين .. كانوا يقولوا (واحد سودانى وقع أتقشر) .. لأنهم بسموا الفول السودانى (سودانى) حاف كده .. مشينا فيها وعجبتنا من عباطتنا .. بقينا نقول (واحد صينى وقع أتكسر) .. (واحد جه يقطع البحر .. لقى سكينو ميتة)

نرجع لود نفاش المفترى عليه ..

قالوا كان سايق عجلة بدون فرامل .. أنقشط فى بيت ودخل للمرة جوه التُكل .. لقاها بتعوس .. قال ليها (أمى قالت ليكى أدينى طايوقة)

من النكات الممكن نسبها الى ود نفاش .. وكان معروف أنه سريع البديهة رباطابى الردود .. يقال زمن الإنجليز ناس أمدرمان ينامون على سطوح المنازل فى الحر .. ومنع القانون ذلك وكان ناس السوارى يراقبون ذلك .. كان ود نفاش ينوم على سطح غرقة على الشارع .. رماه العسكرى الإنجليزى بحجر .. وقال ليه (أنت مجنون) .. قال ليه ود نفاش (يا خواجة مجنون النايم ولّ البطقع) .. ويقال من هنا أتى المثل ..

أها أستمر يا توحة ..

يا ميلاد والله رجعتنا زمن

ود نفاش لفّ الصينية وقع منو صحن كمونية
وبرضو قال ليك ود نفاش وقع في طشت المرة البتغسل قال ليها أمي قالت ليك حميني
وقالو ود نفاش جاري وجاري وقع في المجاري
بجيك بعد أفطر

[على ماجداب]

ميلاد .. مشتاقين
تعرف كنت بسمعا وبقول ياخ ناس زمان ديل (مابالضروره إنتو ) كان بيضحكو من أى شى وأقل شى تضحكم .. ربما كان البال رايق والدنيا ما ياها الهسى دى .. قس على ذلك حاجات تور الجر وبعض قديم الفاضل سعيد والله ما شايف فوقو أى شى بيضحك وديل بى عزرهم لأنو المفارقه البيحكو عنها بتطلع من بيئه بكل تفاصيلا زمان ومكان .. بعداك أغلبو بكون تاريخ سمح يتحكى أكتر من كونو نكته ..
أقعد عافيه

[زكي عبد الحي]

المشاركة الأصلية كتبت بواسطة على ماجداب

ميلاد .. مشتاقين
تعرف كنت بسمعا وبقول ياخ ناس زمان ديل (مابالضروره إنتو ) كان بيضحكو من أى شى وأقل شى تضحكم .. ربما كان البال رايق والدنيا ما ياها الهسى دى .. قس على ذلك حاجات تور الجر وبعض قديم الفاضل سعيد والله ما شايف فوقو أى شى بيضحك وديل بى عزرهم لأنو المفارقه البيحكو عنها بتطلع من بيئه بكل تفاصيلا زمان ومكان .. بعداك أغلبو بكون تاريخ سمح يتحكى أكتر من كونو نكته ..
أقعد عافيه

علي
ياخ مشتاققين دراب دراب
ماعندي اى شئ بس معاى والله وغشيتك اسلم عليك


ولا شوفتا تبل عطش رمضان
لا ردا يطمن ورقم تلفونك زاتو راح

[الاصمعي]

رافت سلامي
اول التبادي انا ود نفاش دا كنت مفتكرو شخصية وهمية زي جحا وفاطنة السمحة ولكن طلع زول بشحمو ولحمو وساكن امدر كمان وارتبط بها كشحصية ظريفة
النكتة في زاتها تعبير عن حالة نفسية وتختلف النكتة باختلاف الازمنة
فمثلا نكات ود نفاش تلاشت في زمننا الحاضر هذا والان لو سالت عنه احد الشباب لن يعرف عنه شي
وحتي النكات تقسمت الي انواع فمنها السياسي ومنها الاجتماعي
فالنكات السياسية يروج لها المعارضون ودائما تنسب النكات لاخواننا الشيوعين وخاصة لمن تكون النكتة في حق الكيزان
فمثلا في بداية ثورة الانقاذ تداول الناس هذه النكتة عن البشير
ياريس ليه انت بتخت الكاب كدا قال ليهم عشان اغطي الجبهه (طبعا المقصود هنا الجبهة الاسلامية التي انكرها في الاول )
البشير سال هاشم بامكار ياهاشم ايه رايك في الانقاذ قال ليهو ياريس رجعنا مكان انقذتنا منو
ولنا عودة

[طارق الحسن محمد]

المشاركة الأصلية كتبت بواسطة الاصمعي

رافت سلامي
اول التبادي انا ود نفاش دا كنت مفتكرو شخصية وهمية زي جحا وفاطنة السمحة ولكن طلع

[align=center]جحا شخصية فكاهية نسبت إلى شخصيات عديدة عاشت في عصور و مجتمعات مختلفة.

وجحا اسم لا ينصرف لأنه معدول من جاح، مثل عمرو من عامر ويقال:

جحا يجحو جحواً إذا رمى.

ويقال: حيا الله جحوتك.

أي وجهك الميداني، مجمع الأمثال، موقع الوراق،

وفي الأدب العربي، نسب حجا إلى أبو الغصن دُجين الفزاري

الذي عاصر الدولة الاموية وهو أقدم شخصيات جحا والنكات العربية
تنسب له.

وفي الأدب التركي، نسبت قصص جحا إلى

الشيخ نصر الدين خوجه الرومي الذي عاش في قونية معاصرا

الحكم المغولي لبلاد الاناضول ومعظم القصص المعروفة

في الأدب العالمي تنسب له




شخصية جحا

إختلف الرواة والمؤرخون في شخصية جحا. فصوّره البعض كمجنون

أو أبله. وقال البعض الآخر إنه رجل بكامل عقله ووعيه وإنه

يتحامق ويدّعي الغفلة ليستطيع عرض آرائه النقدية والسخرية

من الحكام بحرية تامة. أجتمعت كلها على أن له حمار يشاركه قصصه.

وقي أشد حالات البلاهة، تجد عنده حب و تقدير للفكاهة

تمثال جحا في بخاري

انتشار قصصه

كل شعب وكل أمة صمّمت لها (جحا) خاصاً بها بما يتـلاءم

مع طبيعة تلك الأمة وظروف الحياة الاجتماعية فيها.

ومع أن الأسماء تختلف وشكل الحكايات ربما يختلف أيضاً،

ولكن شخصية (جحا) المغفّل الأحمق وحماره لم تتغيّر

وهكذا تجد شخصية نصر الدين خوجه في تركيا وملا نصر الدين

في ايران وكوردستان ومن الشخصيات التي شابهت جحا

بالشخصية الا أنها لم تكنى به فنذكر

غابروفو بلغاريا المحبوب وارتين ارمينيا

صاحب اللسان السليط، وآرو يوغسلافيا المغفل
بعودة بسيطة إلى التاريخ تكتشف أن كل هذه الشخصيات في تلك الأمم

قد ولدت واشتهرت في القرون المتأخرة، مما يدل انها كونت

شخصياتها بناء على شخصية دجين العربية الذي سبقهم.

بل إنك تجد الطرائف الواردة في كتاب "نوادر جحا"

(أي جحا العربي) المذكور في ( فهرسن ابن نديم )

هي نفسها مستعملة في نوادر الأمم الأخرى ولم يختلف فيها

غير أسماء المدن والملوك وتاريخ وقوع الحكاية مما يدل

على الأصل العربي لهذه الشخصية

جحا العربي
أقدم قصص جحا تعود للقرن الأول الهجري أي القرن

السابع الميلادي وتعود لدُجين بن ثابت الفزاري. وروى عنه

أسلم مولى عمر بن الخطاب، وهشام بن عروة،

وعبد الله بن المبارك، وآخرون. قال الشيرازي:

"جُحا لقب له، وكان ظريفاً، والذي يقال فيه مكذوب عليه".

وقال الحافظ ابن عساكر أنه عاش أكثر من مائة سنه

وذكر أن جُحا هو تابعي، وكانت أمه خادمة لأنس بن مالك،

وكان الغالب عليه السماحة، وصفاء السريرة،

فلا ينبغي لأحد أن يسخر به

وذكر جحا هذا في كتب الجلال السيوطي، والذهبي،

و الحافظ ابن الجوزي الذي قال: " ... و منهم (جُحا)

و يُكنى أبا الغصن ،و قد روي عنه ما يدل على فطنةٍ و ذكاء.

إلا أن الغالب عليه التَّغفيل، و قد قيل:

إنَّ بعض من كان يعاديه وضع له حكايات

من نوادر جحا العربي

وقال الميداني: "هو رجل من فزارة. وكان يكنى أبا الغصن.

فمن حمقه أن عيسى بن موسى الهاشمي مر به وهو يحفر بظهر

الكوفة موضعاً فقال له: مالك يا أبا الغصن? قال: إني قد دفنت

في هذه الصحراء دراهم ولست أهتدي إلى مكانها. فقال عيسى:

كان يجب أن تجعل عليها علامة. قال: قد فعلت. قال ماذا؟قال:

سحابة في السماء كانت تظلها ولست أرى العلامة. ومن حمقه

أيضاً أنه خرج من منزله يوماً بغلس فعثر في دهليز منزله

بقتيل فضجر به، وجره إلى بئر منزله فألقاه فيها، فنذر به

أبوه فأخرجه وغيبه وخنق كبشاً حتى قتله وألقاه في البئر.

ثم أن أهل القتيل طافوا في سكك الكوفة يبحثون عنه فتلقاهم جحا فقال

: في دارنا رجل مقتول فانظروا أهو صاحبكم. فعدلوا إلى منزله،

وأنزلوه في البئر فلما رأى الكبش ناداهم وقال: يا هؤلاء،

هل كان لصاحبكم قرن؟فضحكوا ومروا. ومن حمقه أن

أبا مسلم صاحب الدولة لما ورد الكوفة قال لمن حوله:

أيكم يعرف جحا فيدعوه إلي؟فقال يقطين: أنا، ودعاه،

فلما دخل لم يكن في المجلس غير أبي مسلم ويقطين فقال:

يا يقطين، أيكما أبو مسلم؟

شخصيات عربية حمقاء

ومن الشخصيات العربية التي اشتهرت بحماقاتها نذكر:

هبنقة بن ثروان،

وأبي غبشان الخزاعي،

وعبد الله شيخ مهو،

وربيعة البكّاء،

وعجل بن لجيم،

وحمزة بن بيض،

وأبي أسيد،

ومزبّد،

وجامع الصيدلاني،

وأزهر الحمار،

وابن الجصاص

جحا الرومي

هو نصر الدين خوجه الرومي تركي الأصل من أهل الأناضول.

مولده في مدينة (سيورى حصار) ووفاته في مدينة (آق شهر).

تلقى علوم الدين في قونية وولي القضاء في بعض النواحي

المتاخمة لآق شهر، ثم ولي الخطابة في (سيورى حصار)

ونصب مدرساً وإماماً في بعض المدن، كان واعظاً مرشداً صالحاً،

فيأتي بالمواعظ في قالب النوادر، وله جرأة على الأمراء

والقضاة والحكام، وكثيرا ماكانت الحكومة تستقدمه

من (آق شهر) إلى العاصمة يومئذ (قونية).

وكان عفيفاً زاهداً يحرث أرضه، ويحتطب بيديه،

وكانت داره محطاً للواردين من الغرباء والفلاحين،

ويذكر أن وساطته أنقذت بلدته من تيمور لنك الجبار الطاغية

المغولي في القرن الرابع عشر أما زمنه، فالراجح أنه كان في

عهد السلطان أورخان. وظل حتى عهد السلطان ييلديرم،

أي في أوائل القرن السابع للهجرة، وعاش إلى سنة 673هـ ،

وتوفي عن نحو ستين عاماً قبره الآن في تركيا ومكتوب عليه

"نصر الدين خوجا المشهور بجحا[/align]"
http://ejabat.google.com/ejabat

[عصام اليقين]

المشاركة الأصلية كتبت بواسطة رأفت ميلاد

يعنى نكتة فى زمن تضحك الأنسان .. وفى زمن لا تحركه وقد يرى فيها سماجة ..

العجلة أو (الدراجة) كانت فى يوم من الأيام إختراع .. وكان فيها طرفات مثل .. التعامل مع الموبايل والنت مثلاً الآن ..

ود نفاش دقش بالعجلة سلك عامود النور .. قال (كلن) .. قال ليهو (عدنك فكة شلن) ..
هسة دى بتضحك ..

فى فترة كان هناك موجة النكت البايخة .. ويمكن كان قرفة ناس نميرى ..

يقول ليك (الكبرى عملوه ليه) الجواب يكون (عشان الموية تمشى بى تحتو) ..

وقبلها كانت أبيخ .. جاتنا من المصريين .. كانوا يقولوا (واحد سودانى وقع أتقشر) .. لأنهم بسموا الفول السودانى (سودانى) حاف كده .. مشينا فيها وعجبتنا من عباطتنا .. بقينا نقول (واحد صينى وقع أتكسر) .. (واحد جه يقطع البحر .. لقى سكينو ميتة)

نرجع لود نفاش المفترى عليه ..

قالوا كان سايق عجلة بدون فرامل .. أنقشط فى بيت ودخل للمرة جوه التُكل .. لقاها بتعوس .. قال ليها (أمى قالت ليكى أدينى طايوقة)

من النكات الممكن نسبها الى ود نفاش .. وكان معروف أنه سريع البديهة رباطابى الردود .. يقال زمن الإنجليز ناس أمدرمان ينامون على سطوح المنازل فى الحر .. ومنع القانون ذلك وكان ناس السوارى يراقبون ذلك .. كان ود نفاش ينوم على سطح غرقة على الشارع .. رماه العسكرى الإنجليزى بحجر .. وقال ليه (أنت مجنون) .. قال ليه ود نفاش (يا خواجة مجنون النايم ولّ البطقع) .. ويقال من هنا أتى المثل ..

أها أستمر يا توحة ..

سلامات رافت

موضوع جميل، بالمناسبه، موسي ود نفاش كان جارنا في بودنوباوي، انا حضرت فتره من زمنه، بتذكر لمن كنا صغار كلما يمر و نحن بنلعب الكوره نقول ليه احكي لينا نكته و طبعا لايمانع، يحكي شي نفهمه و اغلبها لا نفهمه، النكات الذكرته ذكرتني ذلك العهد الجميل، ولكن النكات دي كنا بنرددها لمن كنا صغار في السن يعني ما قبل العاشره في العمر، و معظمها من تاليف الاولاد الصغار في ايامنا، لانها شبه غلوطيه، ولكن اتفق معاك هنالك نكات تفقد معناها بمرور الزمن او المكان، خصوصا اذا كانت نكته مرتبطه بمدينه معينه لان مفهومها بكون محصور لتلك المدينه او الحاره او المديريه، طبعا المديريه دي كانت في ايامنا؛ الزمن الحالي النكات بقت شديده ، ذي ما قالو المصريين الجماعه جاعوا، الحاله الاقتصادي لها تاثير كبير في النكات و طرائفها،

تحياتي

[رأفت ميلاد]

لا حولاااا البوست ده نسيتو وجريت للشكل .. ياخ شكراً للكل وراجع بمزاج ..

[مي هاشم]

بمناسبة رجعتك...



اتنين مشوا الحلاق..واحد حلق والتاني غويشة..


في انتظارك

[رأفت ميلاد]

المشاركة الأصلية كتبت بواسطة مي هاشم

واحد جلابيته بيضا ..سلقا..


واحده خدها نادي.. لعبوا فيه كتشينة..


واحد زرزر قميصه.. اعترف..


واحد رجلو خدّرت ..وداها المشتل..


وأيام الجامعة (ما زمان شديد) ظهرت عوارة كده..يقول ليك..
جمل عرس فيل ..جابو شنو؟؟ جمال فرفور..
حمار عرس جدادة جابو شنو؟؟جداد محمر..
فيل عرس نملة جابو شنو؟؟ فيل رجلو منملة..
وهكذا..


ألذّ نكتة ضحكتني لمن دمّعت..
مسطول قال لزميله..سبحان الله ..بتشبه الحمار..
رد عليه (ياخ قول ما شاء الله)..

لكن لقيتك يا مى راكبة صاح
غايتو ديل كلهم جداد لنج ما سمعتهم .. إلا بتاعة النملة وراجلا الفيل

قالوا واحد ظريف عرس ليه واحدة ظريفة جابو ليهم ظرافة

المشاركة الأصلية كتبت بواسطة مي هاشم

بمناسبة رجعتك...



اتنين مشوا الحلاق..واحد حلق والتاني غويشة..


في انتظارك

كدى لامن أرجع ليك .. البورى ركبو فى العربية ليه

[رأفت ميلاد]

المشاركة الأصلية كتبت بواسطة معتصم الحارث الضوّي

أستاذنا شوقي بدري يروى حكاية حقيقية عن ود نفاش في كتابه حكاوي أم درمان.

أيام الحرب العالمية الثانية السيد عبد الرحمن تبرع للصليب الأحمر بخمسمئة جنيه وهو مبلغ ضخم بحساب تلك الأيام، وسمع ود نفاش بالحكاية، وكان ضارب تفليسة، فجاء إلى مدخل بيت عبد الرحمن المهدي في ود نوباوي لينتظره.

خلع الجلابية، وبقى بالسروال فقط، ورفع يديه على جانب جسمه،
فسألوه، فأجاب: سيدي اتبرع للصليب الأحمر بخمسمية جنيه،
خلوه يتبرع للصليب الأسود ده بخمسة جنيه

سلامات يا معتصم الحارث
ود نفاش شخصية حقيقية .. لكن ثلاثة أرباع النكت المعمولة فيه مؤلفة .. وأغلب تأليفا من الأطفال زى ما قال ليك عصام اليقين .. تاخد نغمة موسيقية بطريقة عمك تنقو .. ما بعيد شرحبيل أحمد أخد شخصية عمك تنقو من ود نفاش ..

بوست زى ده محتاج فعلاً لأستاذنا شوقى بدرى .. لأن الطرفة تخرج من البيئة .. وهو أقدر من يرجعنا للبيئة كأننا نعيشها .. قريت بوسته الأخير بتاع (الحرامية 2) ؟ .. ياخ الناس ديل من أساميهم لامن خفتا .. الأسامى ديل كلها سمعنا بيها .. ناش أبو دربين وعباس .. لكن زى الأساطير .. جابم لينا بي كرعينم ..