منديل حرير !!! النور يوسف
قيامة دولة المتحولون الانسانية !!! أسعد
خِلِّي العيش حرام - عبر الأجيال !!! أشرف السر
آخر 5 مواضيع إضغط علي او لمشاركة اصدقائك! سودانيات .. تواصل ومحبة > منتـديات سودانيات > منتـــــــــدى الحـــــوار ذات الرِّداء الأسود.. جسدٌ يصلحُ لفراشة اسم العضو حفظ البيانات؟ كلمة المرور التعليمـــات مركز رفع الملفات مشاركات اليوم البحث البحث في المنتدى عرض المواضيع عرض المشاركات بحث بالكلمة الدلالية البحث المتقدم الذهاب إلى الصفحة... صفحة 2 من 9 < 1 2 3 > Last » أدوات الموضوع انواع عرض الموضوع 21-09-2010, 11:18 AM #[16] الرشيد اسماعيل محمود :: كــاتب نشــط:: اقتباس: المشاركة الأصلية كتبت بواسطة ناصر يوسف يااااااااااااه يا الله ويا لله من هذا التداعي .. الرشيد .. ياخي مالك علي .. خفت أنا علي قلبي من كترة ما ضرباتو ذادت وأنا مُش بقرا .. لا بعيش مع كل حرف صورة وصوت وأحاسيس كيف كيف كِدَه ما عارف أحاسيس نابضة وكأني كنت معاك ... وهسي دي أنا برضو معاك .. ده شنو ده هو ؟؟ ناصر ياجميل الحضور.. ياخي والله الحكاية في غاية الإعياء.. حفلة البلابل دايماً أنا من أصدقائها ومداوميها حال أني في الخرطوم.. مرقت من الحفلة وجواي مشاعر مصطرعة ومشتت بصورة تدعو للإشفاق.. ياخي دي حكاية عجيبة وزي ماقلت انت ده شنو ده.. والله علمي علمك..بس مرات الزول بتنسرق منو حاجة .. من جوَاهو وما بيكون عارف السارق منو ولا المسروق شنو.. يفضل يتحسس ويتفقد الحاجات عشان يصل للمفقود .. ودي عملية مرهقة بشكل..!! أنا غايتو كنت عارف السارق بس المسروق شنو.. وكيف..دي ماكنت عارف ولا فاهم تفاصيلا.. قلت لي كان مشيت ليها..؟؟ ورقصت معاها كمان..وشنو..وعانقتها..!!؟؟ ياخي الكاشف اخوك ده فاشل بدرجة كبيرة في حكاية إحتمال الجمال دي.. دايماً بخشي ملامسة الحاجات الباهظة.. لأني مكشوف بشكل فوضوي كدة..لا أجيد الكر والفر في ميادين البهاء وغزوات بدر الأشواق والجلال البيحرق ده..إتجاه واحد يؤدي يا للإحتراق يا للإحتراق أيهما أقرب للوجع.. شفت كيف..!! حدَنا خط التمنتاشر بس..بنحاول نهدف من بعيد ياصابت ياخابت.. وطوالي قاعدة تخيب ودايماً في حالة هزيمة وإجترار أسبابها ودواعيها.. لكن الهزائم العاطفية برضو ياناصر ماكل الناس بتعرف دروبها..ولا هي في متناول الجميع.. هل ده تميز يعني..؟؟!! الهزيمة هنا ياناصر ليست هي مايهم..المهم هو كيف تقدر تدير بوصلة قلبك مابعد الإنهزام..وتوجهها لإتجاه الشمال العاطفي.. وتلك فكرة..حتي الإنهزام والتوجع أنا بعتبرهم كسب جديد.. كسب يُزكي روح الأمل والصحيان نهوضاً ثانياً وتفتُح آخر.. شفت ليك زول بيستعذب التأوه وهو بيتسلق لبلاب أشجانو وأسفو.. دي حالتي والحياة جميلة بالإلفة..حتي لو كان أليفك الخيبة. والله حكاية.. شكراً ياناصر علي الكلام السمح ياخي.. وحفلة البلابل الجاية إن شاءالله نخشها سوا.. والحتسويهو حأعملو..سجن سجن غرامة غرامة.. وأكيد صاحبة الرداء الأسود ما حتكون فيها..لأنو في حاجات كدة ماممكن تتكرر من شدة ماهي سمحة. الرشيد اسماعيل محمود مشاهدة ملفه الشخصي إرسال رسالة خاصة إلى الرشيد اسماعيل محمود البحث عن المشاركات التي كتبها الرشيد اسماعيل محمود 21-09-2010, 11:28 AM #[17] أسامة معاوية الطيب :: كــاتب نشــط:: وبتهذيب شديد - لا يخلو من محاولة تفريق الدم على القبائل - قال أن الميسان الفادح ( بحسب أسامة معاوية ) ... عاد وقبل أن يجف مداده ووصف ذات الميسان ... بالصوفي ( سنة يا أنا !!! ) وبعدها عاد فادحا هو (في رقبتو ) ومضى ( كسمكة قرنية خرجت من بحرها ) يلقط في أنفاسنا نحن ولا يكاد يحصيها (ود الكلِب ) كما تقول جدتي وبعدها عادت صفة الفدحان تدخل وتمرق بلا أي إشارة (لأسامة معاوية ) الذي لا يلوي على أي رداء ثم لم يخبرنا - غير أني بحاسة شم حبرية غريبة - وصلت لساعة الكتابة تلك ... كانت ما بين طلوع الشمس وطلوع الروح ... كدت أقول وطلوع الرداء ... أسود على الرداء الأسود!!! قت لي شنو ؟؟ رداء ؟؟ الرشيد ياخوي تمشي الحفلات انت وتجي تخرب علينا نحن ... سؤال خارج النص : الرداء دا ياهو الرداء الكنا بنلبسو في الابتدائي ؟؟؟ أنا براااااي قت لو كان ياهو ما كان احتاج لكل هذا المداد ... كان الله مدّ في أيامو انتهى تصدق لك بعدد وافر من الوشوش الخدر (قطع امس بالليل ) أسامة معاوية الطيب مشاهدة ملفه الشخصي إرسال رسالة خاصة إلى أسامة معاوية الطيب البحث عن المشاركات التي كتبها أسامة معاوية الطيب 21-09-2010, 11:29 AM #[18] الرشيد اسماعيل محمود :: كــاتب نشــط:: [quote] اقتباس: المشاركة الأصلية كتبت بواسطة فيصل سعد سلام يا مديرة و ايامك طراوة .. الرشيد طائشة الضفائر ما بتخارج معاو، فاحسن يخش يسمع هنا هو و من يرغب من القبائل انت تشفي جروحي القديمة يا حياتي و روحي و نعيمها العطر فواح من جسيمها و آه انا الطال بي الهيام [/QUOTE ياسلام عليك ياحبوب.. إختيار يوافق تماماً مقام الإحتراق والتداعي.. ياسلام.. وآه أنا الطال بي الهيام.. يازول فرافير أحسن..وأقرب للوصف. الرشيد اسماعيل محمود مشاهدة ملفه الشخصي إرسال رسالة خاصة إلى الرشيد اسماعيل محمود البحث عن المشاركات التي كتبها الرشيد اسماعيل محمود 21-09-2010, 11:38 AM #[19] جيجي :: كــاتب نشــط:: والله لا ادري لماذا قد طافت بمخيلتي هذه القصيدة العصماء وانا اقرأك اقتباس: نَالَتْ عَلَى يَدِهَا مَا لَـمْ تَنَلْـهُ يَـدِي نَالَتْ عَلَى يَدِهَا مَا لَـمْ تَنَلْـهُ يَـدِي نَقْشاً عَلَى مِعْصَمٍ أَوْهَتْ بِهِ جَلَـدِي كَأنـهُ طَـرْقُ نَمْـلٍ فِـي أنَامِلِـهَا أَوْ رَوْضَةٌ رَصَّعَتْهَا السُّحْـبُ بالبَـرَدِ كأَنَّهَا خَشِيَـتْ مِنْ نَبْـلِ مُقْلَتِـهَا فَأَلْبَسَتْ زَنْدَها دِرْعـاً مِـنَ الـزَّرَدِ مَدَّتْ مَواشِطَهَا فِي كَفِّـهَا شَرَكـاً تَصِيدُ قَلْبِي بِـهِ مِنْ دَاخِـلِ الجَسَـدِ وَقَوْسُ حَاجِبِـهَا مِنْ كُـلِّ نَاحِيَـةٍ وَنَبْلُ مُقْلَتِـهَا تَرْمِـي بِـهِ كَبِـدِي وَعَقْرَبُ الصُّدْغِ قَدْ بَانَتْ زُبانَتُهُ وَنَاعِسُ الطَّرْفِ يَقْظانٌ عَلى رَصَدي إِنْ كانَ في جُلَّنارِ الخَدِّ مِنْ عَجَبٍ فَالصَّدْرُ يَطْرَحُ رُمَّاناً لِمَنْ يَرِدِ وَخَصْرُهَا نَاحِلٌ مِثْلِـي عَلَى كَفَـلٍ مُرَجْرَجٍ قَدْ حَكَى الأَحْزَانَ فِي الخَلَـدِ أُنْسِيَّةٌ لَوْ رَأتْهَا الشَّمْـسُ مَا طَلَعَـتْ مِنْ بَعْدِ رُؤيَتِهَا يَـوْماً عَلَـى أَحَـدِ سَأَلتُهَا الوَصْلَ قَالَـتْ لاتُغَـرَّ بِنَـا مَنْ رَامَ منَّا وِصَالاً مَـاتَ بالكَمَـدِ فَكَمْ قَتِيلٍ لَنَا بالحُبِّ مَـاتَ جَـوًى من الغَـرَامِ وَلَمْ يُبْـدِي وَلَـمْ يَعِـدِ فَقُلْتُ : أَسْتَغْفِـرَ الرَّحْمنَ مِنْ زَلَـلٍ إِنَ المُحِـبَّ قَلِيـلُ الصَّبْـرِوَالجَلَـدِ قَالَتْ وَقَدْ فَتَكَـتْ فِينَـا لَوَاحِظُـهَا مَا إِنْ أَرَى لِقَتِيـل الحُـبِّ مِنْ قَـوَدِ قَدْ خَلَّفَتْنِـي طَرِيحـاً وَهـي قَائِلَـه تَأَمَّلُوا كَيْفَ فِعْـلَ الظَبْـيِ بالأَسَـدِ قَالَتْ لِطَيْفِ خَيَالٍ زَارَنِـي وَمَضَـى بِاللهِ صِـفْـهُ وَلاَ تَنْقُـصْ وَلاَ تَـزِدِ فَقَالَ أَبْصَرْتُهُ لَوْ مَاتَ مِنْ ظَمَأ وَقُلْتِ قِفْ عَنْ وُرُودِ المَاءِ لَمْ يَرِدِ قالت: صدقت الوفى في الحب شيمته يابرد ذاك الذي قالت على كبدي وَاسْتَرْجَعَتْ سَألَتْ عَنِّي فَقِيْـلَ لَهَـا مَا فِيهِ مِنْ رَمَقٍ ، دَقَّـتْ يَـدّاً بِيَـدِ وَأَمْطَرَتْ لُؤلُؤاً منْ نَرْجِسٍ وَسَقَـتْ وَرْداً وَعَضَّتْ عَلَى العُـنَّابِ بِالبَـرَدِ وَأَنْشَـدَتْ بِلِسَـانِ الحَـالِ قَائِلَـةً مِنْ غَيْرِ كَـرْهٍ وَلاَ مَطْـلٍ وَلاَ مَـدَدِ وَاللّهِ مَا حَزِنَـتْ أُخْـتٌ لِفَقْـدِ أَخٍ حُزْنِـي عَلَيْـهِ وَلاَ أُمٍّ عَلَـى وَلَـدِ فَأْسْرَعَتْ وَأَتَتْ تَجرِي عَلَى عَجَـلٍ فَعِنْدَ رُؤْيَتِـهَا لَمْ أَسْتَطِـعْ جَلَـدِي وَجَرَّعَتْنِـي بِرِيـقٍ مِـنْ مَرَاشِفِـهَا فَعَادَتْ الرُّوحُ بَعْدَ المَوْتِ فِي جَسَدِي هُمْ يَحْسِدُونِي عَلَى مَوْتِي فَوَا أَسَفِـي حَتَّى عَلَى المَوتِ لاَ أَخْلُو مِنَ الحَسَـدِ جيجي مشاهدة ملفه الشخصي إرسال رسالة خاصة إلى جيجي البحث عن المشاركات التي كتبها جيجي 21-09-2010, 11:52 AM #[20] الرشيد اسماعيل محمود :: كــاتب نشــط:: اقتباس: المشاركة الأصلية كتبت بواسطة منال امتعتنى حروفك و حين اسرق الوقت لأقرأ... احلق بينها لدنياوت كثر عندك نقلات اسعد بها ... و تظل بالحاطر حين نتكئ على شرف الكتابه واصل يا شفيف نبض حروفك منال البعيدة القريبة.. طبعا يامنال أنا دايما في الحفلات بقعد اترصد التفاصيل والفرح الذي لا يبين الا حين نعلن إنحيازنا لعناصرناالاولي.. والفرح احد تلك العناصر.. حقيقي يامنال الحفلات العامة دي حكاية عجيبة.. الواحد يمرق من البيت وعارف انو لا في عريس لا عرس.. يعني مافي اي تهمة مجاملة ولا جبر خاطر زول تاني غير خاطرك براك ودعمك لفكرة تماسكك وإنحيازك الصارخ الصادق لذاتك.. تدخل الحفلة عشانك وعشان روحك الأصابها غبش المساسقة بين هنا وهناك.. بس مرات زي حالتي دي بدل تفرح..تلقي نفسك مشروق بمذاق الجمال عالي التركيز ده..غايتو.. أجمل مافي الحفلات العامة دي يامنال فكرة توحُد الناس كلها وإتفاقهم علي مبدأ تداول الفرح ودفره للأمام علي الدوام.. زي العمَال الكل واحد فيهم بيناول التاني قدح مليان فرح.. وده بدوره يناوله لآخر يقف بعده ولكن بمحاذاته في الصف.. ياخي مودة مابعدها .. قلتي لي تسعدي بنقلاتي..!!؟؟ وأنا بفتتن بطيبتك الحقتك براك دي.. ومابين الإفتتان والسعادة..حائط قصير ونفاج يسمح بالمرور كلما إدلهم ليل الوحدة والغربة.. ياخي تسلمي كتير يامنال وشوفتك مفرحة ومبهجة والله. و.. الزمن لم يسعفني باللقاء كما وعدت.. ولكن أهداب الأمل يمكن الوثوق بإمكانية مسكها احيانا. الرشيد اسماعيل محمود مشاهدة ملفه الشخصي إرسال رسالة خاصة إلى الرشيد اسماعيل محمود البحث عن المشاركات التي كتبها الرشيد اسماعيل محمود 21-09-2010, 12:08 PM #[21] عباس الشريف Banned حبيبنا الرشيد بتطلع من دواخل حروفك وكلماتك لمسه بتهبش طرف الماضي والزكريات الجميله في حوار روائي اتذكرته وقت كنت في منطقة جبل مره بشلالات قلول نسبح في الموية الوقت داك كان عيد وكنا في زيارة لي شاد جينا محملين بي القزاز وما يتبعه والجو ربيعي والقزازات تسبح معانا مربوطه بي حبل في مياه الشلال وفي اقصي ناصيه اعلي الشجرة معلقين المسجل فيهو شريط الكابلي والبلال...... عضت علي العنابي بالبرد. عباس الشريف مشاهدة ملفه الشخصي البحث عن المشاركات التي كتبها عباس الشريف 21-09-2010, 12:35 PM #[22] طارق الحسن محمد Banned الرشيد ياخى انعل د ...................... الحكى والسرد والقص والوصف والدهشة والاندهاش والاردية والضفائر والامتاع وانت زاتك ياخى احبك الى مالا تعرف طارق الحسن محمد مشاهدة ملفه الشخصي البحث عن المشاركات التي كتبها طارق الحسن محمد 21-09-2010, 01:03 PM #[23] الرشيد اسماعيل محمود :: كــاتب نشــط:: اقتباس: المشاركة الأصلية كتبت بواسطة أسامة معاوية الطيب وبتهذيب شديد - لا يخلو من محاولة تفريق الدم على القبائل - قال أن الميسان الفادح ( بحسب أسامة معاوية ) ... عاد وقبل أن يجف مداده ووصف ذات الميسان ... بالصوفي ( سنة يا أنا !!! ) وبعدها عاد فادحا هو (في رقبتو ) ومضى ( كسمكة قرنية خرجت من بحرها ) يلقط في أنفاسنا نحن ولا يكاد يحصيها (ود الكلِب ) كما تقول جدتي وبعدها عادت صفة الفدحان تدخل وتمرق بلا أي إشارة (لأسامة معاوية ) الذي لا يلوي على أي رداء ثم لم يخبرنا - غير أني بحاسة شم حبرية غريبة - وصلت لساعة الكتابة تلك ... كانت ما بين طلوع الشمس وطلوع الروح ... كدت أقول وطلوع الرداء ... أسود على الرداء الأسود!!! قت لي شنو ؟؟ رداء ؟؟ الرشيد ياخوي تمشي الحفلات انت وتجي تخرب علينا نحن ... سؤال خارج النص : الرداء دا ياهو الرداء الكنا بنلبسو في الابتدائي ؟؟؟ أنا براااااي قت لو كان ياهو ما كان احتاج لكل هذا المداد ... كان الله مدّ في أيامو انتهى تصدق لك بعدد وافر من الوشوش الخدر (قطع امس بالليل ) أسامة معاوية فادح المرور.. زمان لما كنا في الثانوي كنا مهووسين بفكرة القراية.. قراية كل مايقع في أيدينا من كتب.. مرَت علينا فترة (خوجنة )..يعني نقرا كتب الخواجات.. قرينا لمارك توين تقريبا غالبية مؤلفاته..وأوسكار وايلد صورة دوريان جراي..ووقعت في يدنا رواية إسمها بالإنجليزي woman in white..كاتبا ويكي كولينز.. المهم يا أسامة قدر ماترجمنا العنوان مالفقت معانا الترجمة.. المرأة في البياض..لالا.. المرأة العايشة في البياض لالا.. المهم في النهاية عرفنا أنها ذات الرداء الأبيض.. يعني زولة لابسة أبيض.. تخيل..!!! ومن الزمن داك عاجباني الكلمة والترجمة البليغة دي.. وفي نادي الضباط لقيت ما يتوافق والعبارة العاجباني دي.. قلت لي الردا حق المتوسطة...؟؟!! ياتو فيهم البُني ولا الأخدر..؟؟!! عشان الألوان زاتها الجماعة غيروها وعسكروها كمان.. ياخي حكاية.. لكن لقيت ذائقتك الحبرية في كامل لياقتها ومقدرتها علي الإفشاء والوشيان.. وبعدين ياخي فداحة الأشياء في سنة قلمك أجمل وقعاً.. عشان كدة كانت الإشارة..إنت قايل الخصوصية دي كيف..؟؟ المفردات دي مابتتغير..بس البيتغير إحساسنا بيها ودي بتعتمد علي مقدرة الكاتب علي تحيُن ظرفية مناسبة للإستخدام وده جزء من إبداع الكاتب.. ياخي شكراً ليك. والصدقة مقبولة.. الرشيد اسماعيل محمود مشاهدة ملفه الشخصي إرسال رسالة خاصة إلى الرشيد اسماعيل محمود البحث عن المشاركات التي كتبها الرشيد اسماعيل محمود 21-09-2010, 01:32 PM #[24] سمراء :: كــاتب نشــط:: اها عاد النحدثك دى المرة التانيه تعملة !! وبقصد منك ... خلى ذات الرداء ولا الشراب دى تنفعك ! المرة الاولى حفلة البلابل المرة التانية حفلة طارق والمرتين كنا نجلس فى منطقه واحدة يا الرشيد ، وننظر لذات رداء واحد ....واسود كمان !ولا نعرف بعض ....!! بس انا ذا الرداء حقى ماكان اسود النصيحه كان على تركواذى كدى مائل للفوشى عموما خليتك لى خوة الكيبورد الحدها البورد !! التوقيع: سمراء مشاهدة ملفه الشخصي إرسال رسالة خاصة إلى سمراء البحث عن المشاركات التي كتبها سمراء 21-09-2010, 02:24 PM #[25] الرشيد اسماعيل محمود :: كــاتب نشــط:: اقتباس: المشاركة الأصلية كتبت بواسطة جيجي والله لا ادري لماذا قد طافت بمخيلتي هذه القصيدة العصماء وانا اقرأك اقتباس: وَخَصْرُهَا نَاحِلٌ مِثْلِـي عَلَى كَفَـلٍ مُرَجْرَجٍ قَدْ حَكَى الأَحْزَانَ فِي الخَلَـدِ ياااه.. جيجي ربما هي كذلك.. أقول ربما..حيث أن الأشياء باهرة الحضور احيانا لاتترك لنا براحاً للمقاربة..ذلك أن رؤية الغابة تحجب عنَا تفاصيل الشجر. تعجبني قراءتك دوماً.. ودٌ يتطاول ويمتدُ حتي مشارف الإشتهاء. الرشيد اسماعيل محمود مشاهدة ملفه الشخصي إرسال رسالة خاصة إلى الرشيد اسماعيل محمود البحث عن المشاركات التي كتبها الرشيد اسماعيل محمود 21-09-2010, 02:50 PM #[26] ابوبكر حسن :: كــاتب نشــط:: الرشيد يازول ياسمح فوالله وبالله وتالله ووحاه الله ذات الرداء الاسود دا كان ما اخاف الكضب اقول وانا حايم معاك بين سطورك وفى ردائها اراها و ابصم بى العشرة انى بعرفها (ياربى بتكون هى ) لكن ديك فى مصر ابوبكر حسن مشاهدة ملفه الشخصي إرسال رسالة خاصة إلى ابوبكر حسن البحث عن المشاركات التي كتبها ابوبكر حسن 21-09-2010, 03:45 PM #[27] عثمان :: كــاتب نشــط:: الرشيد يا مطوع الحرف ياخي دي كتابة تتور النفس شوف يا الرشيد مقالك ده أنا قريتو أكتر من مرة وفي كل مرة بحس بطعم مغاير للتاني وكانما الأحداث دي بتحصل قدامي وعايشتها إنتي عارف يا الرشيد أنا دايماً بقول في ناس ما بتتفات كده ساااي لازم تقيف عندهم لازم لأنو في ناس بتجبرك إنك ما تتخطاهم اقتباس: أُنثي ربما بكامل الوهج..تتزيَا بلوزة سوداء طويلة كليلِ الغُرباء.. وبنطالاً بلون السماءِ تماماً..وعلي رأسها خمارٌ أبيض يبدو أنه قد تواطأ مع ضفيرةٍ جامحةٍ فتكاسل عن إحكام فتحاته بالله يا الرشيد دي لوحة ممكن الواحد يتخاطاها والله يا الرشيد زولتك دي ما كنت فوتها ياااااخ رجعتني لدريبات حلوة والله كل سنة وإنت طيب يا الرشيد عثمان مشاهدة ملفه الشخصي إرسال رسالة خاصة إلى عثمان البحث عن المشاركات التي كتبها عثمان 21-09-2010, 05:02 PM #[28] أشتر :: كــاتب نشــط:: اقتباس: المشاركة الأصلية كتبت بواسطة عباس الشريف حبيبنا الرشيد بتطلع من دواخل حروفك وكلماتك لمسه بتهبش طرف الماضي والزكريات الجميله في حوار روائي اتذكرته وقت كنت في منطقة جبل مره بشلالات قلول نسبح في الموية الوقت داك كان عيد وكنا في زيارة لي شاد جينا محملين بي القزاز وما يتبعه والجو ربيعي والقزازات تسبح معانا مربوطه بي حبل في مياه الشلال وفي اقصي ناصيه اعلي الشجرة معلقين المسجل فيهو شريط الكابلي والبلال...... عضت علي العنابي بالبرد. يا عباس ياخ اللغة العربية فيها حاجة بقولو ليها نقطة زي دي . ونقطتين زي ديل : وشولة وفتحتين ما طين في طين وويييييين ... كتابتك كرررررررررررررررر تكُرها من قولت تيت إلى يوم تنتهون .. قراية تسل الروح ياخ أشتر مشاهدة ملفه الشخصي البحث عن المشاركات التي كتبها أشتر 21-09-2010, 05:24 PM #[29] أشتر :: كــاتب نشــط:: غايتو من الشي القريتو دا .. حمديل السلامة وااااجب والله ... بس الحاجة البتغيظ من ذات الرداء الأسود .. ما جايبة خبر ... عليك الله قبل كدا كم واحدة ما جايبة خبر .. فهل عرفتم لهم أثر ؟؟!!! نحمد الله الذي خلق لنا البغال والحمير والجمال لنركبها وانه جميل يحب الجمال ما لنا في ذلك شك ... الرشيد يا خوي والله لكن وصّافا ... عليك النبي زول يمتلك ناصية الحرف ... وحنك متل هذا الحنك ... يجقلب بهذه الطريقة الموغلة في البكاء عييييييني عينك ؟؟؟ الحفلة دي إن استمرت ساعتين تاني ياكا البتقع من طولك ... بلا بلابل بلا لمة آخر حفلة حضرتها ليهن ما مشيت براي الاحتياط واجب مخافة الاختلاط في زمان غير بعيد كنت وفردتي الصاقعة المدعو معاوية نتحين مثل هذه الفرص لاستعراض مهارتنا في الوقوع باحداهن في شباك تطلعاتنا المهترئة أصلا لا لشي بل إثبات وجودنا بـ يا غرقت يا جيت حازما وكان طرشقت يانا المتحزمين ... لكن طبعا أخوك حنكو سنين وفدائي آنذاك فـ بجي راجع طواااالي حازما الأمر الذي تمخض عن قلة البوستات التي على هذه الشاكلة هعهععهعهعهعهعه أها وبعد التعارف نقوم نحكي ليهن عن حبنا الذي نعيشو حتى لو بالكضب فقط عشان نوريهن ما عرفناكن لخبث بل لإزالة بعض الفهم المجوبك وعلاقاتنا بهن ولن نترككن هكذا تشحتفن الفؤاد بلا شغلة ... دحين سكاتك دا آثارو السلبية بتلاقيك بعدين ومن هسي رشحت حلقك لاذاعات الشدر والمنتظر من عودة المدعو الخطر ... مع إنو لفت انتباه أنثى وهي في لحظة فرح يعتبر مغامرة مجهولة العواقب ولكن لبقية الحواس دور فعّال في ايصال ما يمكن ايصالو بطريقة أو بأخرى ... (تكتمو في حشاكم كدا بفجّركم .. عاطفة ملتهبة وجنووووووون .... سعادتهن أحيانا محبطة لإحساسك بأن شئ ما جميل يدور بخلدها فالجم ما استطعت .. ولا ضير بالبكاء عليهن كما يفعل سيادتكم هنا .. وان عزّ النحيب يا حبيب ... القطعة الفنية أعلاه شترز لمشاهِد تضج بالموشن السلس وفراشة ما انفكت تداعب رويسك المهلهل دا .. وركُبك التي أعياها الصمود . وبركة التميتو الحفلة يا سادسهم المنبرش إنبراشة زول غافله الجمال لينقسم نصين ... نص في الطابونة .. والتاني في الطاحونة يا مطحون وصوتك مارق .. دقّ صفيح احساسك وفات ... يا مليان بى شوقك وصمتك فِكو ضجيج جواك آهــــات ... ويوم تتراقص خيل النشوة خلها تجـــــري مع الجـــافلات ... شن بتحاحي وصخبك طالع .. هز كانون الشوق جمرات ... حِت من جوه الروح هبودك وأمرق يااااااا .. عشا البايتات قتا لي وومن إن بلاك ؟؟ معناها انوارو جاهرة بدون سلوك على ما أعتقد ... الرشيد ياخي حمدا لله على سلامتكم .. وبركة الشفناك طيب ... يا مرهف وبكاي وكبكابة أشتر مشاهدة ملفه الشخصي البحث عن المشاركات التي كتبها أشتر 21-09-2010, 07:50 PM #[30] طارق الحسن محمد Banned اقتباس: يا مطحون وصوتك مارق .. دقّ صفيح احساسك وفات ... يا مليان بى شوقك وصمتك فِكو ضجيج جواك آهــــات ... ويوم تتراقص خيل النشوة خلها تجـــــري مع الجـــافلات ... شن بتحاحي وصخبك طالع .. هز كانون الشوق جمرات ... حِت من جوه الروح هبودك وأمرق يااااااا .. عشا البايتات وبركة الشفتك طيب وجدا اشتر طارق الحسن محمد مشاهدة ملفه الشخصي البحث عن المشاركات التي كتبها طارق الحسن محمد صفحة 2 من 9 < 1 2 3 > Last » تعليقات الفيسبوك « الموضوع السابق | الموضوع التالي » أدوات الموضوع مشاهدة صفحة طباعة الموضوع انواع عرض الموضوع العرض العادي الانتقال إلى العرض المتطور الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules الانتقال السريع لوحة تحكم العضو الرسائل الخاصة الاشتراكات المتواجدون الآن البحث في المنتدى الصفحة الرئيسية للمنتدى منتـديات سودانيات منتـــــــــدى الحـــــوار خـــــــالد الـحــــــاج موضوعات خـــــــالـد الحـــــــــاج ما كُتــب عن خـــــــالد الحــــــاج صــــــــــــــــور مكتبات مكتبة لسان الدين الخطيب محمدخير عباس (لسان الدين الخطيب) مكتبة أسامة معاوية الطيب مكتبة الجيلي أحمد مكتبة معتصم محمد الطاهر أحمد قنيف (معتصم الطاهر) مكتبة محي الدين عوض نمر (nezam aldeen) مكتبة لنا جعفر محجوب (لنا جعفر) مكتبة شوقي بدري إشراقات وخواطر بركة ساكن عالم عباس جمال محمد إبراهيم عبدالله الشقليني أبوجهينة عجب الفيا نــــــوافــــــــــــــذ الســــــرد والحكــايـــــة مسابقة القصة القصيرة 2009 مسابقة القصة القصيرة 2013 كلمـــــــات المكتبة الالكترونية خاطرة أوراق صـــــالة فنــــون فعــــاليات إصــدارات جديــدة الكمبيــــــــــوتــر برامج الحماية ومكافحة الفايروسات البرامج الكاملة برامج الملتميديا والجرافيكس قسم الاسطوانات التجميعية قسم طلبات البرامج والمشاكل والأسئلة قسم الدروس وشروح البرامج منتــــدي التوثيق ارشيف ضيف على مائدة سودانيات مكتبة سودانيات للصور صور السودان الجديدة صور السودان القديمة وجوه سودانية صور متنوعة المكتبة الالكترونية نفــاج خالــد الحــاج التصميم Mohammed Abuagla الساعة الآن 04:22 AM. زوار سودانيات من تاريخ 2011/7/11 اتصل بنا / مقترحات القراء - سودانيات - الأرشيف - الأعلى Powered by vBulletin® Version 3.8.8 Beta 2Copyright ©2000 - 2026, vBulletin Solutions, Inc.
