شاكوش واخوانه

[طارق الحسن محمد]

اقتباس:
المشاركة الأصلية كتبت بواسطة Hassan Farah
سـؤال
صلاح البوح


أسـع ياتـو فيهـم يا خلـق الله عـاد أو عـاد يـات مصـيـر لى وللولاد
تبدا أمونة رحلة ما كان فى الحساب باراها الزمن شبعا فى العذاب
من يوم سـافر أحمد قاصـد للجنوب باكى أمونة فرقة هزت للقلوب
زوجــهـــا أبـو الـــولاد الـــخــاتى العيوب
مـفـقــود مـن ســـنـــة وأعـــلـــنـــوا للحداد
وتــمـــــر الـــســــنـــة بـــى فــــوق السنة
تــمـــو أربــع ســـنـــيـــن مـــــرت محزنة
فـكــرو فــى الـكـفـيــل وبـــيـــنــاتــن جنا
ومـحــل الأبــــــــــو بــقى عـــــــــم الولاد
عـقـــدولــــو الأهـــل ســـــوو الـــمـــتــبع
مــن مــرت الأخـــــو الفــــــــــات مارجع
تــنــداس الــمـــشــــاعـــر أو قــــول اقتنع
لازم الـنــاس تــضـحـى شـــان لبنى وعماد
ويــتــــم العـقــد بيـنات الدمـوع لا فرحـا كتـيـر لا ضـوّت شموع
عجلات الزمن مابتقبل رجـوع ومابتمشى الحياة زى ماالزول أراد
سـنتـيـن بالكـتـيــر كـان جـابو الولـد والحـزن الـقـبـيل جـواهـم برد
سـمـو عـلــى الــفـــقـــيـــد الــراجل الصمد
شــان حـــفـــظ الإســــم وتــأكــيـــــد للوداد
وما كـان فــى الــحــســـاب الــزمــن العنيد
يـنــســج فى الـخـيــــوط مــن زمـنــــاً بعيد
فـى يـومـاً عــصـيـــب ومــا فـى الـبال أكيد
مــن أول جــــديــــــــد اتـكــــــــــال الرماد
فـى لـحــــظــة ســـكــــون عـمّــــــاها الديار
حــس الـــبـــاب نـــقـــــر قــايـلة أمونة جار
تـاريــهــو الــفــــقــــيــــد كـــان فى الإنتظار
مفقـود الجنوب يرجع تانى صاد كان صدمة قاسية فوق الإحتمال
خلـتـا بـيـن جحـيـم واقع أم خيال إخـتـلّ العـقل وكان آخـر سؤال
أسـع ياتـو فـيهـم يا خلـق الله عـاد أو عاد يات مصير لىّ وللولاد
http://www.youtube.com/watch?v=3q3pb...layer_embedded

ياوجع
الوجع

[wadosman]

اقتباس:
المشاركة الأصلية كتبت بواسطة طارق الحسن محمد
اديه فى الانكل بالله




فيهو باقى رويحه خليهو يتم لينا بيها الحله البيطبخ فيها دى...

[جيجي]

اقتباس:
المشاركة الأصلية كتبت بواسطة طارق الحسن محمد

يا راقل


كضب ما معانا

اريته شاكوش السواد
الخلاه دروش
يخش الخلوة وتاني يطلع
ويخش ويطلع
ويخش ويطلع
ويخش ويطلع
ليوم الليلة مالزم الجابرة

[أشتر]

المشاركة الأصلية كتبت بواسطة جيجي

اقتباس:
المشاركة الأصلية كتبت بواسطة طارق الحسن محمد









اريته شاكوش السواد
الخلاه دروش
يخش الخلوة وتاني يطلع
ويخش ويطلع
ويخش ويطلع
ويخش ويطلع
ليوم الليلة مالزم الجابرة

احسن أسكت

[جيجي]

اقتباس:
المشاركة الأصلية كتبت بواسطة أشتر

احسن أسكت



اسحن

[طارق الحسن محمد]

اقتباس:
اقتباس:
المشاركة الأصلية كتبت بواسطة عباس الشريف
صلاح شاب عزيز علينا لدينا قصص طفولة ممتعه وصحبة زمن كامل بالحي الذي كنا نسكن به شاب خلوق مهذب متوسط الوسامه حكاية الكرش والجلحات دي معذبه شويه لم يفتح الله له ببنت الحلال عشان تقفلا عليهوا داخل قفص الزوجيه السعيد وهو دائم الزيارة لنا بالمنزل ايام العطلات للدردشه وتناول ما يجود به المنزل من وجبات سودانيه.
دائما انا مهموم بعدم زواجه وفي محاولات دائمه ونقاش معه لاكمال نصف دينه وفي فواصل النقاش نطلب من حرمنا المصون التوسط لايجاد عروسه من معارفها بالرغم من محاولات المدام دائما النتائج كانت سلبيه ومن ضمن المحاولات تم مفاتحت احدي سعيدات الحظ بنية صلاح لخطبتها زي كلام كل البنات ما عندها مانع بس قبل الخطوبه لازم اكون في تعارف وبدأت المساعي الجاده من المدام لاكمال حلقة الوصل بعد فترة سألت المدام الحصل شنو في موضوع صلاح صاحبي ؟؟؟؟
قالت لي : البت رفضت
أنا : انتي البت دي مجنونه ترفض اليومين ديل في بت تلقي ليها عريس لقطه زي صلاح راجل خريج قانون مهذب يقدر الحياة الزوجيه كريم ده اهم شيء عند المرأ يعني اصرف بس بدون تعليق... ايوه كريم حكايه والله؟؟؟؟؟
المدام: صلاح قابل البت كم مره كده الزيارة القبل الاخيره جاب ليها كريمات هديه البت زعلت قالت لي متين اتعارفنا عشان اجيب لي كريمات بعدين الكريمات دي هديه ما جميله يعني شايفني غبشاء ولا لوني اسود قلت ليها معليش اصلوا صلاح رجل عفوي ما بقصد حاجه البت مشتا في الزيارة قاصمت الظهر جاء ليهم في البيت شايل معاهوا فواكه انت عارف صاحبك بحب التفاح اغلب كيس الفواكه تفاح.
أنا : مقاطعا زوجتنا العزيزه طيب مالوا الراجل كريم بدل امشي يدوا فاضيه شايل معاهوا فواكه دي فيها شنو البت متحايله بس خليها تلقي ليها عريس هي زاتا ما سمحه وقت لقت زي صلاح ده كانت تكنكش فيهوا......
المدام : انت دائما مستعجل تمسك المواضيع من الطرف تقعد تعوس فيها الكلام ما فواكه ولا تفاح صلاح بعد انا ما حليت ليهوا مشكلة الكريمات الهديه كان بتونس مع البت قال ليها والله الكريمات جابت نتيجه بس بعد ده فضل ليك الرجيم التفاح كويس للرجيم بعدها تخشي طوالي في تقويم سنون.......... صاحبك ده ما بعرف اتكلم ولا اتونس فكني منو بالله عليك احرجنا مع البت......
بعد فترة من خطوبة صلاح جلاطه في احدي الزيارات العائليه شفت لي بت غير متزوجه سالت منها قالوا دي شغاله في مستشفي بتاعت معامل طبيه متوسطة الجمال قلت خلاص دي بتنفع مع صاحبي صلاح نعيد الكره تاني مع المدام بعد نقاش مستفيض تم اقناع المدام بالتوسط بس قالت لي دي اخر مره انت كمان اديهوا درس في التعامل مع البنات واللباقه بعد جلسات متكرره ونقاش مع صلاح اتفقنا الكلام اكون قدر السؤال وعدم الانجراف نحو مواضيع فرعيه لحين انتهاء الخطبه والزواج.... قال لي ما تناقش حكاية الفواكه معاي اصلوا انا راجل كريم ما بمشي لي ناس ايدي فاضيه قلت ليهو كان بقت علي الفواكه هينه.... اتفقنا.......... قلت للمدام خالص احنا جاهزين شوفي شغلك.....
تم ترتيب مواعيد الامور ماشه تمام التمام سألت كم مره صلاح عن مشروع الخطوبه الجديده قال لي البت ماشأ الله عليها عال العال قلنا الحمد لله اخونا موضوعوا سلك.... يوم جمعه صلاح جاينا زيارة معاها غذاء .... قلت للمدام اليوم صلاح جايينا ماشي اجيب ليكم كسره اشتري ليكم ملاح شنو من المطعم السوداني.... قالت لي... ما قلت ليك والله نسيت صلاح خطوبتو ما طرشقت..........
أنا : فعلا زعلت شديد ... البنات ديل جنن ولا شنو صلاح ده عليك الله عيبيهوا لي كمان العجوزه دي متخرجه ليها خمسه سنين تلقيها تفتش للعرس ما لاقيه بعد لقت عايزه تتعزز في ستين صلاح ده اعرس احسن منها مليون مره.
المدام : اولا انا ما قلت ليك انت بتجوط المواضيع ساكت تتلب زي ديك العده بعدين صلاحك ده إعرس احسن منها اشنا منها بعيد مني تاني ما تجيب لي سيرة عرس مع صلاح
أنا : طيب ليه رفضت
المدام: ما رفضت هي رفضت ام البت المره دي...... قالوا امها جات من السودان كانت عيانه حجزوها في المستشفي عندها ملاريا انت عارف حاجه صفيه السكري تاعبا صلاح مشي زياره لي امها حاجه صفيه في المستشفي اكفر ليها بتونس مع امها قال ليها الملاريا مع السكري خطره شديد يا حاجه انا بعرف واحد كان عندوا ملاريا معاها سكري قتلتوا (( جابت اجلوا طوالي للمقابر)) حاجه صفيه قالوا للصباح ما نامت تبكي في المستشفي قالت الراجل ده ما عايزه تاني تشوفوا خالص..........
دق جرس الباب قلت للولد الصغير امشي شوف ده منوا ... الولد طلع في الكرسي عاين بالعين السحريه... قال لي يا بابا ده صلاح تفاح.... ضحكت من كلام الولد اتذكرت عبدالماجد زميلنا في البنك راجل من اسرة فقيره من قري الجزيره كان جاتنا زميله في البنك اسمها صفاء اخوها راجل دفعتنا وصانا عليها... زميلنا عبدالماجد بفتش ليهوا في عروس رشحت ليهو صفاء قال لي دي ما سمحه.... حسب علاقت اخو البت بينا قالت لي في رمضان كلم الزملاء افطروا معانا مشينا للفطور الما خمج ( انناس – لحوم الطيور باشكالها – الفواكه عصائر بانواعها ) البيت خلي ساكت المكيفات ضاربه في راسنا الموكيت تحت كرعينا ناس عايشه عز....... بعد الفطور تاني يوم صاحبنا حول الطربيزه جمب البت لصق مكتبوا لما تم الزواج ......... بعد الزواج سكن مع نسابتوا في بيت العز.... عندها اخواتا متزوجات كلهم في نفس البيت... لاكن البيت ما دار رياضه... اخونا عبدالماجد كل يوم انتهي دوام البنك امشي الغذاء في البيت ........ ناس الجزيره ديل الواحد فيهم قلبوا حار شاف امشي يدينوا فاضيات عيب كل يوم بعد ما اطلع امشي سوق الفواكه اشيل معاهوا كم كيلوا موز المسأله اتكررت كثير يوم هو جاي للبيت اولاد اختا بلعبوا قدام الباب في الشارع من شافوا عبدالماجد جاي عليهم شايل الكيس الاولاد الصغار معاهم البنات قعدوا اكوركوا الموز جاء ... الموز جاء ... الموز جاء ... الموز جاء ... الموز جاء ... اخونا ففننننننننننن جداع كيس الموز طلق ليهم بتهم








اقتباس:


جاب ليها كريمات هديه البت زعلت قالت لي متين اتعارفنا عشان اجيب لي كريمات بعدين الكريمات دي هديه ما جميله يعني شايفني غبشاء ولا لوني اسود


اقتباس:


مع البت قال ليها والله الكريمات جابت نتيجه بس بعد ده فضل ليك الرجيم التفاح كويس للرجيم بعدها تخشي طوالي في تقويم سنون..........


اقتباس:



ما رفضت هي رفضت ام البت المره دي...... قالوا امها جات من السودان كانت عيانه حجزوها في المستشفي عندها ملاريا انت عارف حاجه صفيه السكري تاعبا صلاح مشي زياره لي امها حاجه صفيه في المستشفي اكفر ليها بتونس مع امها قال ليها الملاريا مع السكري خطره شديد يا حاجه انا بعرف واحد كان عندوا ملاريا معاها سكري قتلتوا (( جابت اجلوا طوالي للمقابر)) حاجه صفيه قالوا للصباح ما نامت تبكي في المستشفي قالت الراجل ده ما عايزه تاني تشوفوا خالص..........




عبس
ياخى انا كل ما اجى اقراء المداخلة اموت من الضحك
وماعندى اى تعليق
غير
دا الذ زول لانه صريح جدا

[اروي حامد عبد الله حامد]

طروق ياقلب
مساءتك خير
الشاكوش وما ادراك ما الشاكوش
في ناس بيزيدهم ثباتا وفي ناس يكرهم ليك الحب وحروفه
غايتو انا ما اتشوكشتا والحمد لله
راسي دا بخسر فيه كتييييييييييير
عشان كدا مابخلي مجال لي زول يورمو لينا في الفاضي

بالجنبة
ود عثمان الاغنية جميلة وكلامو يوجع الوجع زاتو

وابقو مشكوكشين

[طارق الحسن محمد]

اقتباس:
المشاركة الأصلية كتبت بواسطة جيجي

اريته شاكوش السواد
الخلاه دروش
يخش الخلوة وتاني يطلع
ويخش ويطلع
ويخش ويطلع
ويخش ويطلع
ليوم الليلة مالزم الجابرة

جيجى
يازولة الزول دا قال
انه فاعل وليس مفعول
به

انا شخصيا ما مصدق انه فاعل
ولا نائبه

ولا ضرس

[طارق الحسن محمد]

اقتباس:
المشاركة الأصلية كتبت بواسطة اروي حامد عبد الله حامد
طروق ياقلب
مساءتك خير
الشاكوش وما ادراك ما الشاكوش
في ناس بيزيدهم ثباتا وفي ناس يكرهم ليك الحب وحروفه
غايتو انا ما اتشوكشتا والحمد لله
راسي دا بخسر فيه كتييييييييييير
عشان كدا مابخلي مجال لي زول يورمو لينا في الفاضي

بالجنبة
ود عثمان الاغنية جميلة وكلامو يوجع الوجع زاتو

وابقو مشكوكشين

اروانا اروينا اروينا
قلت لى بتخسرى فيهو
كتير
طيب .....
اكان كدى انتى ما فردتى وكدة ........


هوووووووى
مافى بت بتقول ادونى شاكوش
لا والله مرة اتعرفت على واحدة قالت
انه اخدت شاكوش عاتى جدا والله
بس ما سوى ليها شى
دخلت التجانى الماحى تلاتة شهور بث

قوية مش كدة
؟

[طارق الحسن محمد]

اقتباس:
اقتباس:
المشاركة الأصلية كتبت بواسطة أشتر

احسن أسكت








اقتباس:



احسن أسكت





مابين
اسحن
واحسن
ضاع
الشمار
ماتت حروفه قبل
يهمسوها

[اروي حامد عبد الله حامد]

اقتباس:
المشاركة الأصلية كتبت بواسطة طارق الحسن محمد
اروانا اروينا اروينا
قلت لى بتخسرى فيهو
كتير
طيب .....
اكان كدى انتى ما فردتى وكدة ........


هوووووووى
مافى بت بتقول ادونى شاكوش
لا والله مرة اتعرفت على واحدة قالت
انه اخدت شاكوش عاتى جدا والله
بس ما سوى ليها شى
دخلت التجانى الماحى تلاتة شهور بث

قوية مش كدة
؟




ههههههههههه قوي الشاكوش
ياقلب انا لو دخلتا تجاني الماحي
هم براهم بطلعو بخلوه لي
ياطروق راسي دا بخسر فيه خسارة تقيييييييلة
بس ابقي نازل السودان
والله في الشجاعات البقولو لكن انا البوديني للشواكيش شنو
وعيني للمسمار

[مرافي]

المشاركة الأصلية كتبت بواسطة طارق الحسن محمد

ماهو الشاكوش ؟ وماهي أنواعه
؟
وماهي تأثيراته علي المشوكشين
؟
ومن هو المسئول عنه الرجل أم المراة
؟
وماهي أكثر مسببات الشواكيش
؟
كيف ينظر المجتمع للانسان المشوكش
؟

المشاركة الأصلية كتبت بواسطة طارق الحسن محمد

ماهو الشاكوش ؟ وماهي أنواعه

الشاكوش آلة تستعمل لتثبيت المسامير ... تضربوا على راسو لما يآآآمن ....

انواعه في العادي وفي القلووز ودا عايز تكتيك معين من الشاكوش ما اي شاكوش بيضربوا على راسو...

؟
وماهي تأثيراته علي المشوكشين

تاثير الشاكوش على المشوكشين اي(المسامير) في مسمار مابتقوم ليهو قائمة
لامن يصدأ (اعني المسمار)
وفي مسمار بعد يومين تاني يمد راسو....

؟
ومن هو المسئول عنه الرجل أم المراة

الراجل طبعاً كمان النسوان شن قدرن على ملاوات الشواكيش....

؟
وماهي أكثر مسببات الشواكيش

غالبا المسمار بيكون متطلع لبره ومارق راسو يقوموا يدوهو شاكوش عليهو...

؟
كيف ينظر المجتمع للانسان المشوكش
؟

النظرة للمشوكش اي المسمار مرات بيكون داير عمًره
ومرات بيكون عااادي زي الماحصل عليهو... شيء
واقف صنديد ومية شاكوش
جوا على راسو...(يكون مسمار قلووز دا)

يارب كل المسامير تكون مثبته تماام وما تحتاج لي اي شاكوش على راسا...

ياربي اجعل كلامي خفيف على المسامير...

[wadosman]

[youtube]http://www.youtube.com/watch?v=52KSuAiqkhM[/youtube]

[wadosman]

؟؟؟؟؟

[media]http://sudaniyat.net/wadosman/uploading/hathak_yes3dak.wma[/media]

[جيجي]

لاحولاياودعثمان دا غني شنو دا
حاله سعبة خالس خالس