اتخيل يوم من الصباح بمواعيد الانقلابات البشير صحي من النوم وهفت ليهو مشي الاذاعة:
بسم الله الرحمن الرحيم ((إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِوَالْجِبَالِ فَأَبَيْنَ أَنْ يَحْمِلْنَهَا وَأَشْفَقْنَ مِنْهَا وَحَمَلَهَاالْإِنْسَانُ إِنَّهُ كَانَ ظَلُومًا جَهُولًا")) الشعب السوداني الكريم لقد قررت التنحي عن الحكم اقدم اسفي لكل الشعب عن ما اصابه في فترة تولي الحكم من قهر وقتل وتنكيل وسرقه والله يا جماعه الكلام ده ما مني انا الجماعه ديل دبسوني فيها وخاصة الراجل الشايب الما بخجل الترابي عملا فيني بعديها الجماعه ناس نافع واب شلاطيم عبدالرحيم والتمبشه صلاح قوش شغالين لعب بي وراي غاشني بي الفنانيين عملوني زي الاراجوز في كل مدينة عاملين لي مسرح ارقص فيهو يلا بلا مؤتمر وطني بلا لمة شوفو ليكم زول بسرعة الحق دارفور .... والسلام عليكم ورحمة الله وبركاته .... نسيت اقول ليكم طلبتكم بالنبي تقيفو معاي اوكامبو النجس ما المسني .... انتهي.
غايتو الجماعه الطيبين ناس الطارقين والجيلي وبابكر مخير ورافت كمان عامل بوست بتاع الامن وبقية الاعضاء اكلو نيم الدش وقع ليهم في يدهم ناس المواقع والفيس بوك اشوفو ليهم شغله اها وحافظ حسين جركانة شنو برميل ما بثبتو والمظاهرات تقوم.
ارجع ارجع يا بشير الحرية طير ........ عائد عائد يا بشير الناس تنبذ وانت تشيل ..... ارجع ارجع يا بشير ملك ملوك وراء وراء النبق النبق ورقصة القرد يا خطير.
اما الجماعه ناس البورد الكيزان الجايب ليك لمسة حنان للبشير من اسمع البيان انط التقول لمسو شيطان وبتاعين الفنادق وسمير ميس ديل الواحد فيهم امشي اشوف ليهو درداقة في السوق تتقطع الارزاق وتنحي الهامات والاعناق .... بجد مشكلة كبير لو مشي البشير ناس كثير بتفرق عليهم خاصة حرمنا المصون اي خلاف في النهاية بتحسم بذكري البشير لو قالو ليك عايزين نطلع نمشي الملاهي او عشا بره تقول انا تعبان تقوم الشمطه دي حالة بالله قاعدين في السعودية مقفولين بعد ده احسن نمشي السودان تجر واطي معقولة ارجع للبشير ... صرفت الماهية تجاوب ايوه طيب وينا تطلعا ناقصة وين باقي القروش والله يا مدام عندي تنط ليك في نص الجملة عايز تبعزق القروش قعادنا فايدتو شنو احسن نرجع السودان تجر واطي معقولة ارجع للبشير ... يا جماعة الخير البشير بقا لينا دبوس.
الحي الساكنين فيهو اسمو الدباغة في مدني حي شعبي ننتظر الخميس والجمعة بفارق الصبر يوم الخميس عروض شمشون بفريق فلاته السحرية من اجمل العروض إخت السيف واقعد فيهو تصدقو الكلام ده بالله يوم الجمعة صراع النوبة طبعا باقي الايام الدافوري والبحر ... يوجد معانا في الحي صديق اخوهو عندو طبلية في السوق ببيع فيها الملابس الداخلية وهتش البنات وحاجات المدرسه وبعض الادوات المكتبية كنا بنمشي نساعده في صناعة البطاقات ببيعا في السوق بنلصقا علي التغليف بي عجينة الفتريته شكلها كالعصيده مع اضافة موية كثيرة لما نخلص بجيب لينا فتة فول ناكلا همنا ليس فتة الفول كنا بنسرق الدبابيس المشبكه عشان نمشي نهاية الاسبوع للساحر شمشون وصراع النوبة الناس بتتفرج نتسلل تحت الارجل ندبس توب مرا بي جلابية راجل نقعد نتفرج البحصل شنو .... فجأة صاحب الطبلية قرر ترك العمل والسبب الهجرة الي ليبيا..... بجد زعلنا حتي بكينا ليس لفراقه او انقطاع فتة الفول عنا بل لعدم توفر الدبوس الذي نستخدمه في تشبك الناس ...... الم اقل لكم عمر البشير دبوس.
