هل سودانيات منتدى شللية؟؟؟؟؟؟؟

[عبداللطيف النقر]

الاخ نبيل عبالرحيم

صبحك الله بالخير --

اتفق معك تماما فيما قلته -- وان كان لا يعنى أن هذه هى سياسة الادارة -- بل هى سياسة الاقصائيين بالمنتدى -- وموضوعك مشابه لموضوع زول الله وكثيرين-- فلا يعقل ان تتوارد الخواطر فجأة ان لم يكن هناك اسباب معينة --

فالعلاقات بين الافراد هى التى تخلق التواصل فيما بينهم -- ولكن كيف تنشا تلك العلاقات -- وهل يمكن تحديدها بتواريخ التسجيل بالاقدمية مثلا -- او بعدد المشاركات -- او بجودة الكتابة -- ام بحديث-- الارواح جنود مجندة --

لو نظرت فعلا لوجدت ان الشلليه الاقصائية هى المسيطرة -- بدون الكيل للادارة -- و حسب نظرية والله الرئيس كويس ولكن بطانته هى الفاسدة --

وخير دليل لكلامك موضوع فتح بالامس وبدون مواربة وبوضوح اقوله --اصلا هو موجه لشئ معين ولغرض معين ولاشخاص معينين -- فجاءت أخت عزيزة فحددت وارسلت رقاع الدعوة بالاسم لبعض المدعويين والمدعوات -- قطعا لو كان لك الرغبة للتداخل فقطعا ستتحسس من ذلك ---

هذا على سبيل المثال لا الحصر --

والله الموفق --

[عباس الشريف]

المشاركة الأصلية كتبت بواسطة عبداللطيف النقر

الاخ نبيل عبالرحيم

صبحك الله بالخير --

اتفق معك تماما فيما قلته -- وان كان لا يعنى أن هذه هى سياسة الادارة -- بل هى سياسة الاقصائيين بالمنتدى -- وموضوعك مشابه لموضوع زول الله وكثيرون -- فلا يعقل ان تتوارد الخواطر فجأة ان لم يكن هناك اسباب معينة --

فالعلاقات بين الافراد هى التى تخلق التواصل فيما بينهم -- ولكن كيف تنشا تلك العلاقات -- وهل يمكن تحديدها بتواريخ التسجيل بالاقدمية مثلا -- او بعدد المشاركات -- او بجودة الكتابة -- او بحديث-- الارواح جنود مجندة --

لو نظرت فعلا لوجدت ان الشلليه الاقصائية هى المسيطرة -- بدون الكيل للادارة -- و حسب نظرية والله الرئيس كويس ولكن بطانته هى الفاسدة --

وخير دليل لكلامك موضوع فتح بالامس وبدون مواربة وبوضوح اقوله --اصلا هو موجه لشئ معين ولغرض معين ولاشخاص معينين -- فجاءت أخت عزيزة فحددت وارسلت رقاع الدعوة بالاسم لبعض المدعويين والمدعوات -- قطعا لو كان لك الرغبة للتداخل فقطعا ستتحسس من ذلك ---

هذا على سبيل المثال لا الحصر --

والله الموفق --

حبيبنا النقر سلامات:
اولا كان باريت سمراء دي كل يوم بترفع ليك الضغط.
ثانيا سودانيات ليس بمنتدي شلليات او منتدي معارضة .... ما يسمي في المنتديات ليس شلليات بل ميولات لو حظت الناس القالت عنهم سمراء في البوست المذكور الجماعه ديل بتاعين تنظير وعكلته ومعروفين بتناول هذه المواضيع طيب في ناس كثير لم يتم ذكر اسمائهم في البوست يعني انهم ايضا خارج الشلة.
كل انسان وميوله في تناول البوست الذي يتقارب مع افكاره الناس بتجي هنا للتعامل باريحيه ممكن انت تخش بوستات العكلته والتنظير تديها طله وتطلع مافي زول مانعك انا شخصيا لا احب عينية هذه البوستات وبعتقد لو تمي دعوتي لها سوف اكون محرج وادخل بكلام خارم بارم للمجامله.
حسي انا في بوست عاجبني خشيت فيهو بتاع راجل المرا اقول لي بابكر عباس او مبر او وجدي تعالو لي هنا ما بجوني اقول ليك كلام انت ليه حائر كده ومشتت الافكار لا قادر تقعد مع الكيزان وتستحمل النبذ لا قادر تقعد مع ناس البهجة وتتبهج ياخي انا شايف اظرف زول في المنتدي ده ود عثمان وام بحب بوستاتو بصورة غريبه مزاجي كده تقول لي ليه تحب بوستات ود عثمان.
الواحد لو عايز ليهو موطيء قدم بلقا تمشي لي الناس تتداخل معاهم بعد شوية يديك تفتر من الكي بورد اما تقيف تعاين وتقول شلليات ومعارضه وماعارف شنو احسن ليك تمشي اهلنا بقولو حردان السوق منو البرضي.....
عشان ما تسند دلائل ومسببات بدون اسس البوست المذكور لم يتم دعوة
1/ رافت واكثر صديق لي سمراء
2/ دكتور حسن فرح
3/ دكتور بابكر مخير
5/ الباش مهندس معتصم
6/ اسامة معاويه
7/ عبدالمنعم الطيب
والقائمة تطول لو سألتك في محاورين احسن من الناس ديل في المنتدي
حبيبك طارق الحسن ليه الناس بتجيهو زول حبوب ومجامل والمواضيع بتاعتو حلوة.
ياخي في ناس في المنتدي ظريفين شغالين بي سياسة تجيني واجيك امشي ليهم وريح بالك.

[يحي عثمان عيسي]

الحبيب نبيل
لك الود والتحايا
حينما اكتب اولا اقتنع بفكرتي وانها وصلت عبر مفرداتي ثانيا والاهم انني استمتع بما اكتب مثلما استمتع بكتابات البعض والشي الاخير ربما ليس الان او غدا او ذات يوم تصادف فكرتي احدا فتمتعه ... والامتاع هنا ربما لا يتجاوز حد النشوة اللحظية وربما يتعداها الي المشاركة وتناول زوايا اخريات مكملة وربما تصبح في يوم ما رأيا موثرا .
اذا انا كصاحب كلمة لا يحزنني قلة المشاركات ومن شارك لكن الاهم محتوي المشاركة وماذا اضافت فاحيانا كثيرة نفشل في توصيل الفكرة بالمفردة المناسبة لكن هنالك عين لماحة تستشف المراد وتعيد المفردات وهذه تسعدني جدا .
ان كانت هنالك شلليات فمن السهل جدا اختراقها وبالتالي التعايش معها والانصهار فيها كيف ؟ الكلمة تفتح كل الابواب المقفولة برتاج ذهبي ..لنتوهم ان هنالك شلة ما ان حاولت كلماتنا ان تتلاقح معها ستنجح فهذا هو الناموس وان اطلقنا العنان لتوهمنا سيصبح يوما هاجسا ربما اقعدنا نهائيا عن التواصل والمحبة ...
لك يدوم ودي

[عبداللطيف النقر]

مصيبتى الكبرى انك صديقى الذى خرجت به من سودانيات --

[طارق الحسن محمد]

المشاركة الأصلية كتبت بواسطة عبداللطيف النقر

مصيبتى الكبرى انك صديقى الذى خرجت به من سودانيات --

شكرا نقرقر
والله دا نفس الاحساس

[عباس الشريف]

المشاركة الأصلية كتبت بواسطة عبداللطيف النقر

مصيبتى الكبرى انك صديقى الذى خرجت به من سودانيات --

النقر جرب امشي لي ديل ... خريجو جامعة أسيوط لمزيد من التواصل ... حسي ديل عايشين في امانة الله مع انو اصلو ما خشيت البوست ده بس الناس ديل مكيفيني كيف كل مرة القا ليك البوست فوق.:
طارق ما صاحبك يا النقر ؟؟؟؟؟؟؟؟؟؟؟؟؟
اقول ليك وصية تانية (( إن بعدت من البلوم سلمت من الهموم)) أو اقول ليك ياخي بدل قاعد براك في جدة وبما انك مسلم اسلك درب مثني وثلاث

[عصام محمد الحسن]

المشاركة الأصلية كتبت بواسطة نبراس السيد الدمرداش

نبيل ازيك
وينك مختفي كدا
اتذكرتك يوم لعبة برشلونه و الارسنال
و قلت لو لميت فيك اكاويك شويه

يا نبيل والله ما اظنها شلليه بالمعنى الحرفي
لكن مواضيع تستهوي البعض ولا تستهوي الاخر
وطالما في نسبة مشاهده او قراءه كويسه للبوست معناها في متابعه

اديك مثال انا مثلا ما حصل تتداخلت مع محسن خالد الا في بوست اجتماعي تعزيه كان
ما لانو ما من شلة الخرطوم لكن لانو زي محسن دا انا بدخل اقرا و بس ما بعرف ارد عليهو بشيل منو معلومه استفيد بفكره
بله الفاضل اقرا ليهو باستمرار,الشقليني,سعادة السفير جمال و غيرهم كتير

أحلفي

[طارق الحسن محمد]

المشاركة الأصلية كتبت بواسطة عصام محمد الحسن

أحلفي

[عباس الشريف]

المشاركة الأصلية كتبت بواسطة طارق الحسن محمد

شكرا نقرقر
والله دا نفس الاحساس

ياخي نقرقر لو جات من طرف اخر كان زولك هجس مبرطع فينا بي بنج الحصين شلليات شلليات حقو الواحد اسجل بي اسم بلومه البس ليهو طرحه اخش علي النقر ابرد ليهو بطنو.

[عبداللطيف النقر]

اقتباس:
المشاركة الأصلية كتبت بواسطة عباس الشريف
ياخي نقرقر لو جات من طرف اخر كان زولك هجس مبرطع فينا بي بنج الحصين شلليات شلليات حقو الواحد اسجل بي اسم بلومه البس ليهو طرحه اخش علي النقر ابرد ليهو بطنو.


سمح يا عبس -- اما انت ياطارق احيييي عليك -- وصييت ليى عكاز مضبب من البطانة -- وقت يجى الله قال بى قولك -بس الليلة ما فاضى ليكم --

[يحي عثمان عيسي]

الحبيب النقر والدابي الهقر

ولله مسكينه المحبة تمشي لي ناس ما بتقدر
يا اخي تعال لي شلة جده ونفتح ليك كل المنسده
وما شفناك في عزاء الراحل خالد الحاج رغم انو كانت هنالك دعوة لاعضاء المنتديات بجده ...
وأفتكر ده كان نوع من التواصل والتقارب الاتكلمت عنو

[النور يوسف محمد]

المشاركة الأصلية كتبت بواسطة يحي عثمان عيسي

[/COLOR][/SIZE]
ان كانت هنالك شلليات فمن السهل جدا اختراقها وبالتالي التعايش معها والانصهار فيها كيف ؟ الكلمة تفتح كل الابواب المقفولة برتاج ذهبي ..لنتوهم ان هنالك شلة ما ان حاولت كلماتنا ان تتلاقح معها ستنجح فهذا هو الناموس وان اطلقنا العنان لتوهمنا سيصبح يوما هاجسا ربما اقعدنا نهائيا عن التواصل والمحبة ...
لك يدوم ودي

بسم الله الرحمن الرحيم

الأخ نبيل .. تحياتى ..

المنتدى حراك كغيره من أوجه الحياة , يخضع لطبائع البشر فى التواصل والتلاقى ..
ومثلها تحكمه دواعى الإستلطاف والمجاملة والقبول حيناً ..
و ( الشللية ) ربما لا تكون سلباً فى كثير من حالاتها , وتصبح هادمة إن كانت كذلك غير أن اختراقها ليس بالمهمة المستحيلة ..

الطرح الجاد يفرض أثره والأفكار تقدم نفسها وقبل ذلك يتعين على صاحبها أن يصغى حتى يستمع له الآخرون ..

قبل أن تلقى ( الشللية ) بظلالها على موضوع ما , وقبل أن نرفعها حجة على عدم القبول يجب التأكد من أن الموضوع قد اكتملت له مقومات النجاح , سلامة اللغة وقوة الفكرة ..

من دون ذلك نكون كمن ألقى بعجزه على أكتاف الآخرين ..

الجميل أن الفضاء لا يتيح لأيما ( شللية ) ـ إن وجدت ـ أن تغلق أبوابها فى وجه الحضور , نقرة على لوحة المفاتيح تفسح لك مقعداً وثيراً وتجبرهم على السماع ..

أتفق معك فى أن يتوجب على الإدارة وأضيف على كل من يحب هذا الموقع تشجيع القادمين الجدد , مشاركتهم والترحيب بهم , وأهمس فى اذنهم أن يتلمسوا خطاهم برفق ..

[عباس الشريف]

المشاركة الأصلية كتبت بواسطة النور يوسف محمد

بسم الله الرحمن الرحيم

الأخ نبيل .. تحياتى ..

المنتدى حراك كغيره من أوجه الحياة , يخضع لطبائع البشر فى التواصل والتلاقى ..
ومثلها تحكمه دواعى الإستلطاف والمجاملة والقبول حيناً ..
و ( الشللية ) ربما لا تكون سلباً فى كثير من حالاتها , وتصبح هادمة إن كانت كذلك غير أن اختراقها ليس بالمهمة المستحيلة ..

الطرح الجاد يفرض أثره والأفكار تقدم نفسها وقبل ذلك يتعين على صاحبها أن يصغى حتى يستمع له الآخرون ..

قبل أن تلقى ( الشللية ) بظلالها على موضوع ما , وقبل أن نرفعها حجة على عدم القبول يجب التأكد من أن الموضوع قد اكتملت له مقومات النجاح , سلامة اللغة وقوة الفكرة ..

من دون ذلك نكون كمن ألقى بعجزه على أكتاف الآخرين ..

الجميل أن الفضاء لا يتيح لأيما ( شللية ) ـ إن وجدت ـ أن تغلق أبوابها فى وجه الحضور , نقرة على لوحة المفاتيح تفسح لك مقعداً وثيراً وتجبرهم على السماع ..

أتفق معك فى أن يتوجب على الإدارة وأضيف على كل من يحب هذا الموقع تشجيع القادمين الجدد , مشاركتهم والترحيب بهم , وأهمس فى اذنهم أن يتلمسوا خطاهم برفق ..

غايتو النقر .... نقرة النور ونقوري بتاعت طارق لو وصلتك من جهة اخري بتكون فاضي لينا يا ولد انت يا نقرقر

[عبداللطيف النقر]

اقتباس:
المشاركة الأصلية كتبت بواسطة يحي عثمان عيسي
الحبيب النقر والدابي الهقر

ولله مسكينه المحبة تمشي لي ناس ما بتقدر
يا اخي تعال لي شلة جده ونفتح ليك كل المنسده
وما شفناك في عزاء الراحل خالد الحاج رغم انو كانت هنالك دعوة لاعضاء المنتديات بجده ...
وأفتكر ده كان نوع من التواصل والتقارب الاتكلمت عنو

اخى يحي --

صدقنى والله يعمينى لو شفته ---

فكل شئ الا العزاء بدل ما يبقي فى الرجل ببقي فى الوش ---

رحم الله خالد وأسكنه فسيح جنانه وغفر له ذنبه ولو كان كزبد البحر وهو وحده القادر علي ذلك -- انا لله وانا اليه راجعون --

[عبداللطيف النقر]

اقتباس:
المشاركة الأصلية كتبت بواسطة عباس الشريف
غايتو النقر .... نقرة النور ونقوري بتاعت طارق لو وصلتك من جهة اخري بتكون فاضي لينا يا ولد انت يا نقرقر


اصبروا ليى خلوا المراجع القانونى يمشي -- قارفنى من امس -- بس صبرك على ياطارق -- انا عداوتى ظاهرة ما بتتدس لكن عداوة نزيهة -- وبقيف مع الللخو ولو غلطان -- على قولة الشاعر --

انا من غزية ان غوت -- وان ترشد غزية ارشد --

جائب لى 100 كنش -- ياكنش -- كان ما كسرتها ليك فى صلعتك دى انا ما النقر