السوداني بين المظهر والجوهر والشغل الدُراش

[محمد عبد الرحمن]

المشاركة الأصلية كتبت بواسطة عكــود

.
.
أوّل ما تعرفه عن الإنسان هو مظهره، جواز مرور عند الآخر، ممكن جدّاً أن تكون المظاهر خدّاعة ولا يتطابق المظهر من قريب ولا من بعيد مع الدواخل، لكن كيف يعرف الآخر ذلك؟
كثير منّا لا يهتم بالمظهر من باب "الكلام على الجوهر"، هذه النظرية أفقدتنا كثير من قدرنا، فنحن شعب يجهل معرفة فن التسويق، بدءاُ من تسويق أنفسنا والأمثلة تبدو واضحة في طريقة لبسنا، مشيتنا، طريقة حديثنا وحتى طريقة كتابة السيرة الذاتية بغرض التقديم لوظيفة يكون المتنافسين عليها من هم أقل منّا تأهيلاُ وأكثر منّا دراية بعرض ما يملكون، فتكون الغلبة لطريقة العرض.
هاكم بعض الأمثلة:
يمشي السوداني في الأسواق بالجلابية مفتوحة الزرارة العلوية مبرزاُ للفانلة الداخلية ومن غير طاقية منتعلاُ شبشباُ يكشت به بطريقة يمشي الهوينا، ناهيك عن النيش البدون تسريح.
في المقابلات الشخصية عند التقديم لوظيفة، لا نهتمّ كثيراُ بالمظهر وقد يكون القميص غير مشكوك ومن دون تناسق في الألوان (أستثني الجنس الناعم هنا) ولا نعلم أن المظهر العام له من النقاط مثلما للمؤهل تقريباُ.
ينظّم التلفزيون لقاء مع أحد المسؤولين وبعد التقديم ومسح الجوخ من المقدّم، يبدأ الضيف بالحديث بطريقة متلعثمة، متقطّعة وغير مقنعة إطلاقاُ وهو يتطوطح في كرسيه الدوّار + بشتنة لا تخطئها العين في اللبس.
هذا عن المظهر والقائمة تطول.

سلام عمدة
بوست شحمان بالجد
نحن نخجل من تقديم أنفسنا و نستكثر حتى المظهر الحسن و ندعي أن هذا هو الإخشوشان
و الهندام هو شأن نسائي بحت

و الله الشباب ديل ما خلو حاجة تتقال

[عكــود]

سلام يا محمّد وشاكر لك تعتيل البوست العتيق.

تعرف يا محمّد، البوست ده مكتوب شهر 2 سنة 2006، وبعد أكثر من خمسة سنوات، الحال ياهو نفس الحال، لا إتغيّرنا ولا بدّلتنا الأيّام، بل زدنا في غيّنا.
وبعد ده يجيك مسؤول في التلفزيون يتطوطح في الكرسي الدوار داك، ويتحدّث ليك عن السياحة وإنّو السودان مؤهّل يكون بلد سياحي !!
هي صناعة السياحة دي لوتري؟

الله كريم.

[الأغبش]

المشاركة الأصلية كتبت بواسطة عكــود

.
.
أوّل ما تعرفه عن الإنسان هو مظهره، جواز مرور عند الآخر، ممكن جدّاً أن تكون المظاهر خدّاعة ولا يتطابق المظهر من قريب ولا من بعيد مع الدواخل، لكن كيف يعرف الآخر ذلك؟
كثير منّا لا يهتم بالمظهر من باب "الكلام على الجوهر"، هذه النظرية أفقدتنا كثير من قدرنا، فنحن شعب يجهل معرفة فن التسويق، بدءاُ من تسويق أنفسنا والأمثلة تبدو واضحة في طريقة لبسنا، مشيتنا، طريقة حديثنا وحتى طريقة كتابة السيرة الذاتية بغرض التقديم لوظيفة يكون المتنافسين عليها من هم أقل منّا تأهيلاُ وأكثر منّا دراية بعرض ما يملكون، فتكون الغلبة لطريقة العرض.
هاكم بعض الأمثلة:
يمشي السوداني في الأسواق بالجلابية مفتوحة الزرارة العلوية مبرزاُ للفانلة الداخلية ومن غير طاقية منتعلاُ شبشباُ يكشت به بطريقة يمشي الهوينا، ناهيك عن النيش البدون تسريح.
في المقابلات الشخصية عند التقديم لوظيفة، لا نهتمّ كثيراُ بالمظهر وقد يكون القميص غير مشكوك ومن دون تناسق في الألوان (أستثني الجنس الناعم هنا) ولا نعلم أن المظهر العام له من النقاط مثلما للمؤهل تقريباُ.
ينظّم التلفزيون لقاء مع أحد المسؤولين وبعد التقديم ومسح الجوخ من المقدّم، يبدأ الضيف بالحديث بطريقة متلعثمة، متقطّعة وغير مقنعة إطلاقاُ وهو يتطوطح في كرسيه الدوّار + بشتنة لا تخطئها العين في اللبس.
هذا عن المظهر والقائمة تطول.

أمّا عن الشغل الدراش، وهي مرتبطة بطريقة مباشرة بالمظهر، فنحن شعب لا نجيد اللمسات الأخيرة، أي ال "اFinishing"، فكثير من منتجاتنا، على قلّتها، تفتقر تماماُ للمسات الجودة عند الفِنِــشِنق مهما كانت جودة المنتج. وهاكم أمثلة:
مباني ومساكن جميلة ظهرت في الفترة الأخيرة في السودان، لكن عند تركيب المراوح، مثلاً، يترك فنّي الكهرباء حفرة كبيرة على السقف جوار المروحة تبدو من خلالها الأسلاك، مما يضّطرك في كثير من الأحيان أن تنام على بطنك، بدلاُ من حمّيرة قفاك حتى لا تنضرس عيناك بالمنظر البديع.
السباكة عندنا مشكلة كبيرة، فإذا أردت أن تتوضّأ مثلاُ، فعليك بالإبريق. لأنك لو حدّثتك نفسك أن تتوضّأ في حوض ورفعت رجلك لتغسلها فإنك لا تضمن أن تنزل رجلك وحدها، فقد تنزل ومعها الحوض نفسه.
لاحظ معي جركانات وقزازات الزيت المعروضة للبيع، كم واحدة منها غير مسيّلة وورقتها طايرة؟
أما إن أردت أن تبيع عربيتك لأي سبب من الأسباب، فعليك أن تسمع توصية العارفين بالسوق أن لا تصبغها مهما كانت حالة صبغتها "بتاعة المصنع" ، ما دامت مكنتها تنقّط موية، فإن ذلك يقلّل من سعرها بنسبة محترمة!!

يا خوانّا ده يكون من شنو؟

عكـــود

البوست التحفة ده كان مدفون وين من زمن ..
سأتفرغ لقراءة كل ماورد فيه بمنتهي الدقة ..
وربما يكون حديثي مكرراً لكن لابأس بأن ألي بدلوي من باب شرف المشاركة في موضوع هام كهذا ..

نقاط أستوقفتني في سياق حديثك أعلاه .. أولها مسألة أناقة جيل الأبيض والأسود الواضحة في كل البرامج القديمة .. وهنا يبرز سؤال مهم لماذا تدهور الذوق العام في فترة السبعينات والثمانينات ..حيث موضة (القُجة) وإختفاء البدل ..؟؟هل رجعنا لأصلنا بعد أن (فك بنج الإنجليز) ..أم لأمر علاقة بمفهوم المثقفاتية في تلك الفترة ..؟؟

ثانياً : مسألة الهندام والفنشنق وأضف عليهم بطء الإستجابة ..لا يدرك حجم المشكلة الحقيقي غلا من عاش خارج البلاد حيث تكون المقارنة واردة الحدوث ..
(مرة مشيت مع صاحبك محد الحسن السماني سوق امدرمان عشان يشتري هدية من المصنوعا الجلديةلأجنبية تعمل معهم ..كل ما يرفع حاجة يرجعها وانا مستغرب الزول ده عايز شنو أحسن من كده..لما سألتو قال لي كل المصنوعات ي فيها مشكلة فينشينق تلقي الشنطة لما تقفلها تتقرفصوتتطوطو وده عند الخاجات بفسد أي شئ )..
صديقي المقيم بالإمارات أيضاً ي الإجازات يتململ كثيراً من بطء الإستجابة لدي الجميع (موظف المطار - سيد الدكان- كمساري المواصلات ..) أغيظه بأن ما يطلبه هو (عنطزة مغتربين ) وفي قرارة نسي مقتنع تماماً بصحة ما يقول..

أما لمن يعيشون في الداخل فهناك ما تجد لهم فيه العذر وآخر لا .. في الصيف مثلاً يصعب لباس البدل والكرفتة ..وحتي الحذاء المقفول يضايق في نهاية اليم فيستعيض الأكثيرة بالشبط ..
أما مسألة التناسق والشعر وغيره فلا عذر فيها ...

لدي مشكلة أعلمها ولا أستطيع منها فكاك ..في الحلةلا أرتاح إلا بلباس السفنجة ورغم علمي بمظهرها ومحاولة تجربة أنواع أخري إلا أنني أعود لها صاغراً وكأنها إدمان ..(مريحة ياخ )...

[عكــود]

سلام يا الأغبش،

يا خوي أظنّك إنت ممكون وصابر.

في زيارتي لنيروبي (ولاد عمّنا لزم) شفت إنضباط سلوك مذهل في جميع مناحي الحياة.
تقريباً نصف الرجال الحايمين في الشارع لابسين "فلْ سوت"، والنساء أناقة مُلفتة للنظر.
لا أحد يدخّن في الشارع، فذلك ممنوع بنص القانون. لا تسمع أصوات إزعاج أبداً، و أمّا العربات، فكأنها قد خضعت لعملية إزالة البوري! تهذيب في المعاملة وإبتسامة يقابلك بها كل من تتحدّث معه.
أها، ديل الإنجليز ما بنّجوهم ببنج حصين، ياهو نفس البنج الصرفوه لينا!

ثمّ، جزاك الله خير الجبت طاري بطء الإستجابة. بطء يحيّرك و عدم إهتمام بالمُخاطب، يذكّرني أغنية ود اليمني البيقول فيها:
بعد داك آ البنوت أنا في أبوكِن ماني فاضي
هو يتحدّث معاي وانا أقبّل منّو غادي

أخونا السمّاني الزاد رفع كثافتو، طبيعة عملو في المشتريات كمان ، لا يعجبهم العجب ولا الصيام في رجب، فما بالك بشنطة جميلة جدّاً لكنّها محلوجة السوستة أو مكرضمة الجوانب!
بعدين يا الأغبش، ما قلنا لازم نلبس بدلة وكرافتة، بس شك القيص ومكوتو، ما بنقدر عليهِن؟ ياخي خلّيك من ديل، الكَشتة في المشية لزوما شنو؟
الكبسيبة في الصفوف لزومها شنو؟
التكشيرة في وش الزبون بتفيد ولاّ بتضر؟

لدي مشكلة أعلمها ولا أستطيع منها فكاك ..في الحلةلا أرتاح إلا بلباس السفنجة ورغم علمي بمظهرها ومحاولة تجربة أنواع أخري إلا أنني أعود لها صاغراً وكأنها إدمان ..(مريحة ياخ )...

كدي قول خير وغيّر لشبشب إن شاء الله

مداخلتك سمحة والله و
برضو راجيك يا الأغبش.

[سمراء]

يا الله ياعكود ياخ !
سبحان الله عندى فكرة بوست قلت اسميهو (الاتيكيت )!
وكان الفكرة الحاولته اجمعه هى بنفس ماطرحتو انت هنا ، من عدم انضباط فى شكل
تعامل وهندام ...ولغة حوار ....وفن تقديم ذات !
بتزكر كان عندى بوست سميتو فن تقديم الذات ، وكان بتكلم عن جزئية من الموضوع ده، وبنفس الفهم ..

حقيقة نحن كشعب محتاجين ندرب نفسنا على مواكبةالعالم المحيط بينا ...العالم الراقى
او التعامل باكثر انسانية !
كنت بتونس مع زول قبل يومين وقلت ليهو ياريت لو ماكنا استقلينا من الانجليز ديل
او لو الاستقلال ده اتاخر كم سنة ..اقلاها كنا طلعنا بجيل راقى فى كل شى ..
واتعلمنا النظام فى كل مناحى حياتنا ..
جدودنا وابواتنا الواكبو فترة الحكم الانجليزى ، من ارقى الناس من خلال طريقة حياتهم ونظامهم ، وحتى مشيتهم وطريقة كلامهم بتختلف تماما عن الجيل الحالى !
بنلقاهم اول شى بحترمو الزمن بصورة موبالغة !
وتانى شى مابلبسو لبس ساى ..اى لبسة عندها زمانة ومكانة ....

بالجد محتاجين نرجع نتعلم من اجدادنا الحضارة !!

[الأغبش]

المشاركة الأصلية كتبت بواسطة عكــود

سلام يا الأغبش،

يا خوي أظنّك إنت ممكون وصابر.

في زيارتي لنيروبي (ولاد عمّنا لزم) شفت إنضباط سلوك مذهل في جميع مناحي الحياة.
تقريباً نصف الرجال الحايمين في الشارع لابسين "فلْ سوت"، والنساء أناقة مُلفتة للنظر.
لا أحد يدخّن في الشارع، فذلك ممنوع بنص القانون. لا تسمع أصوات إزعاج أبداً، و أمّا العربات، فكأنها قد خضعت لعملية إزالة البوري! تهذيب في المعاملة وإبتسامة يقابلك بها كل من تتحدّث معه.
أها، ديل الإنجليز ما بنّجوهم ببنج حصين، ياهو نفس البنج الصرفوه لينا!

ثمّ، جزاك الله خير الجبت طاري بطء الإستجابة. بطء يحيّرك و عدم إهتمام بالمُخاطب، يذكّرني أغنية ود اليمني البيقول فيها:
بعد داك آ البنوت أنا في أبوكِن ماني فاضي
هو يتحدّث معاي وانا أقبّل منّو غادي

أخونا السمّاني الزاد رفع كثافتو، طبيعة عملو في المشتريات كمان ، لا يعجبهم العجب ولا الصيام في رجب، فما بالك بشنطة جميلة جدّاً لكنّها محلوجة السوستة أو مكرضمة الجوانب!
بعدين يا الأغبش، ما قلنا لازم نلبس بدلة وكرافتة، بس شك القيص ومكوتو، ما بنقدر عليهِن؟ ياخي خلّيك من ديل، الكَشتة في المشية لزوما شنو؟
الكبسيبة في الصفوف لزومها شنو؟
التكشيرة في وش الزبون بتفيد ولاّ بتضر؟

كدي قول خير وغيّر لشبشب إن شاء الله

مداخلتك سمحة والله و
برضو راجيك يا الأغبش.

سلامات العمدة ...
ياخي نقول نيروبي دي بتختلف عننا في الطقس العام ..مش بيقولو عليها لندن افريقيا؟؟
برضو لسه علاقتهم مع الإنجليز متواصلة مش زينا من أول القرارات التي إتخذتها حكومتنا الوطنية بعد الإستقلال الإنسحاب من عضوية دول الكمونولث.. لكن ده كلو ما بعفي من علي الأقل الحد الأدني من اللبس ..مرة عندنا أستاذ الطلاب عملو شيرنق عشان يشترو ليهو قميص وبنطلون ..قالو عندو لبسة واااااااحدة كرهم بيها ..

في حاجات ما محتاجة تكاليف وترتيبات بس محتاجة فكر منفتح ..قبل أيام لقيت الطلاب من صباح الرحمن مكدسين امام مكتب .. زحمة شديدة وبحاولو يقيفو صف ..قالو عشان التسجيل الإلكتروني والمكتب ده نافذة للبنك .. وموظف البنك يكون من بيتهم ما طلع .. قلت ليهم بدل الكبسيبة دي طلعو ورقة وقلم وأكتبو أرقام من 1 وانت ماشي وأي واحد يقعد في المكان البريحو وبعدين أدخلو بترتيب الأرقام .. قال ليك في زول إشتغل بي كلامي ده ؟؟ وحاتك كبسيبة ذكرتني شباك الفرن والجزار زمان ..

الشباشب قاعدة .. وقلت أقلع بالتدرج بقيت أركز علي صلاة الجمعة ولما أكون طالع زيارة لي زول ... وخليت خرمة السفنجة لي مرقات الميدان والحوامة بغير هدى ...

[عصام محمد الحسن]

المشاركة الأصلية كتبت بواسطة عكــود

.
.
أوّل ما تعرفه عن الإنسان هو مظهره، جواز مرور عند الآخر، ممكن جدّاً أن تكون المظاهر خدّاعة ولا يتطابق المظهر من قريب ولا من بعيد مع الدواخل، لكن كيف يعرف الآخر ذلك؟
كثير منّا لا يهتم بالمظهر من باب "الكلام على الجوهر"، هذه النظرية أفقدتنا كثير من قدرنا، فنحن شعب يجهل معرفة فن التسويق، بدءاُ من تسويق أنفسنا والأمثلة تبدو واضحة في طريقة لبسنا، مشيتنا، طريقة حديثنا وحتى طريقة كتابة السيرة الذاتية بغرض التقديم لوظيفة يكون المتنافسين عليها من هم أقل منّا تأهيلاُ وأكثر منّا دراية بعرض ما يملكون، فتكون الغلبة لطريقة العرض.
هاكم بعض الأمثلة:
يمشي السوداني في الأسواق بالجلابية مفتوحة الزرارة العلوية مبرزاُ للفانلة الداخلية ومن غير طاقية منتعلاُ شبشباُ يكشت به بطريقة يمشي الهوينا، ناهيك عن النيش البدون تسريح.
في المقابلات الشخصية عند التقديم لوظيفة، لا نهتمّ كثيراُ بالمظهر وقد يكون القميص غير مشكوك ومن دون تناسق في الألوان (أستثني الجنس الناعم هنا) ولا نعلم أن المظهر العام له من النقاط مثلما للمؤهل تقريباُ.
ينظّم التلفزيون لقاء مع أحد المسؤولين وبعد التقديم ومسح الجوخ من المقدّم، يبدأ الضيف بالحديث بطريقة متلعثمة، متقطّعة وغير مقنعة إطلاقاُ وهو يتطوطح في كرسيه الدوّار + بشتنة لا تخطئها العين في اللبس.
هذا عن المظهر والقائمة تطول.

أمّا عن الشغل الدراش، وهي مرتبطة بطريقة مباشرة بالمظهر، فنحن شعب لا نجيد اللمسات الأخيرة، أي ال "اFinishing"، فكثير من منتجاتنا، على قلّتها، تفتقر تماماُ للمسات الجودة عند الفِنِــشِنق مهما كانت جودة المنتج. وهاكم أمثلة:
مباني ومساكن جميلة ظهرت في الفترة الأخيرة في السودان، لكن عند تركيب المراوح، مثلاً، يترك فنّي الكهرباء حفرة كبيرة على السقف جوار المروحة تبدو من خلالها الأسلاك، مما يضّطرك في كثير من الأحيان أن تنام على بطنك، بدلاُ من حمّيرة قفاك حتى لا تنضرس عيناك بالمنظر البديع.
السباكة عندنا مشكلة كبيرة، فإذا أردت أن تتوضّأ مثلاُ، فعليك بالإبريق. لأنك لو حدّثتك نفسك أن تتوضّأ في حوض ورفعت رجلك لتغسلها فإنك لا تضمن أن تنزل رجلك وحدها، فقد تنزل ومعها الحوض نفسه.
لاحظ معي جركانات وقزازات الزيت المعروضة للبيع، كم واحدة منها غير مسيّلة وورقتها طايرة؟
أما إن أردت أن تبيع عربيتك لأي سبب من الأسباب، فعليك أن تسمع توصية العارفين بالسوق أن لا تصبغها مهما كانت حالة صبغتها "بتاعة المصنع" ، ما دامت مكنتها تنقّط موية، فإن ذلك يقلّل من سعرها بنسبة محترمة!!

يا خوانّا ده يكون من شنو؟

عكـــود

عاداتنا الإجتماعية ومفاهيم (الحلة والحي) هي المسيطرة دائماً علي عقليتنا .. في حينا عدد ممن يعملون في البنوك وعملهم يتطلب ان يرتدوا (كرفتة) .. كاذب لو قلت أنني رأيت احدهم وهو يرتديها في طريق ذهابه او عودته من العمل ... لأنو خرج بها من المنزل سيكون مثار تعليق كل من في الحي ... عامل قندف ... ده قايل نفسو شنو .. هسي في داعي للخنقة دي ... في السخانة دي ... الخ من التعليقات التي (تعقد) وتجعلك انسان (شاذ) في مجتمعك.
لذلك توضع الكرفتة في جيب البنطلون ولا يرتدوها إلا وهم عند باب الدخول للبنك.
كذلك الأمر ينسحب علي بقية المهن الاخري حتي الطبيب محرم عليه إرتداء البالطو الابيض او أن يحمل السماعة في غير مكان عمله.

[سمراء]

المشاركة الأصلية كتبت بواسطة عصام محمد الحسن

عاداتنا الإجتماعية ومفاهيم (الحلة والحي) هي المسيطرة دائماً علي عقليتنا .. في حينا عدد ممن يعملون في البنوك وعملهم يتطلب ان يرتدوا (كرفتة) .. كاذب لو قلت أنني رأيت احدهم وهو يرتديها في طريق ذهابه او عودته من العمل ... لأنو خرج بها من المنزل سيكون مثار تعليق كل من في الحي ... عامل قندف ... ده قايل نفسو شنو .. هسي في داعي للخنقة دي ... في السخانة دي ... الخ من التعليقات التي (تعقد) وتجعلك انسان (شاذ) في مجتمعك.
لذلك توضع الكرفتة في جيب البنطلون ولا يرتدوها إلا وهم عند باب الدخول للبنك.
كذلك الأمر ينسحب علي بقية المهن الاخري حتي الطبيب محرم عليه إرتداء البالطو الابيض او أن يحمل السماعة في غير مكان عمله.

كلام صاح ياعصام ...بس!
ليه مانقوم نغير نحنا السلوك والفهم " المخل " ده ونقوم ننشط مفهوم لكل مقام مقال!
ليه مانقوم نغير فى سلوكيات المجتمع ومانخلى البعض يغير فى مفاهيمنا !

انت عارف مشكلتنا وين ؟ والبسببها اتجزرت العادات والتقاليد القبيحه فى المجتمع !
انو ماقادرين ولا حتى عندنا الاستعداد انو نقوم نناهضة ! ياهو بالفهم الانت قلتو ده حكاية "يقولو" دى !!
مايقولو ياخ ! وين المشكلة ؟؟
عارف لو ركزنا قدام الهجمة الاولى او الاستنكار الاولى ده !! بعداك الشى بمشى عادى ..
وحتى الناس البستنكرو ديل بكونو هم اول من يجرب ...
والدليل حاجات كتيرة لقت مساحته بعد الرفض الاولى ..

عشان كده انا فى رايى انو نقوم نضع الفكرة ، ونركز قدامة لحد مانأسس ليها ونخلق ليها قاعدة ومكانة تنطلق منها ، بدون ما تهزنا الاقاويل والافهام القديمة او المتعصبة
وبكده بنكون غيرنا وش المجتمع لى شى جميل .

[زهير ابو سوار]

الشيخ (جقلاب) ..
تحياتي ..
يعني فعلا نحن عندنا لا مبالاة بالمظهر ..
حاجة مفجعة ..
بعدين الجزمة ..
الجزمة والحزام المظلوط ..
عموما الشغلانة ما دايرة قدرة شرائية
بقدر ماهي خيال وذوق ..
وممكن تكتسب بالمعاصرة والاحتكاك ..
ولكن ما بكون فيها تميز ..
يوم العافي ..

[عكــود]

المشاركة الأصلية كتبت بواسطة سمراء

يا الله ياعكود ياخ !
سبحان الله عندى فكرة بوست قلت اسميهو (الاتيكيت )!
وكان الفكرة الحاولته اجمعه هى بنفس ماطرحتو انت هنا ، من عدم انضباط فى شكل
تعامل وهندام ...ولغة حوار ....وفن تقديم ذات !
بتزكر كان عندى بوست سميتو فن تقديم الذات ، وكان بتكلم عن جزئية من الموضوع ده، وبنفس الفهم ..

حقيقة نحن كشعب محتاجين ندرب نفسنا على مواكبةالعالم المحيط بينا ...العالم الراقى
او التعامل باكثر انسانية !
كنت بتونس مع زول قبل يومين وقلت ليهو ياريت لو ماكنا استقلينا من الانجليز ديل
او لو الاستقلال ده اتاخر كم سنة ..اقلاها كنا طلعنا بجيل راقى فى كل شى ..
واتعلمنا النظام فى كل مناحى حياتنا ..
جدودنا وابواتنا الواكبو فترة الحكم الانجليزى ، من ارقى الناس من خلال طريقة حياتهم ونظامهم ، وحتى مشيتهم وطريقة كلامهم بتختلف تماما عن الجيل الحالى !
بنلقاهم اول شى بحترمو الزمن بصورة موبالغة !
وتانى شى مابلبسو لبس ساى ..اى لبسة عندها زمانة ومكانة ....

بالجد محتاجين نرجع نتعلم من اجدادنا الحضارة !!

سلام يا سمراء،

الظاهر البوست ده وقع في جرح لناس ماهُن شوية!
بالحيل تعليم الأتكيت لازِمنا و ممّا جميعو، لبس، كلام، تقديم خدمة و و و).
ظلمنا نفسنا كتير بعدم معرفة تسويق مقدراتنا، والأمثلة على قفا من يشيل.
مانا محتاجين إنجليز على يرسّخوا فينا المفاهيم دي . .، المحتاجينلو غرسها في النشء، آباء، أمّهات، أجهزة دولة، إعلام، مدارس، جامعات، والتربية جات قبّال التعليم.
أباءنا واكبوا كانوا من الجيل البيحترم نفسو والآخر، ويولي قدسيّة للإنضباط، وما أعتقد أن السبب كانوا الإنجليز، بل السستم الدقيق الإتحلجت ماسورتو منذ عهد نميري ولي قدّام.
أمّا الآن، فنحتاج لمجهود كبير لوقف التدهور، دعكِ من التقدّم.

[عكــود]

المشاركة الأصلية كتبت بواسطة الأغبش

سلامات العمدة ...
ياخي نقول نيروبي دي بتختلف عننا في الطقس العام ..مش بيقولو عليها لندن افريقيا؟؟
برضو لسه علاقتهم مع الإنجليز متواصلة مش زينا من أول القرارات التي إتخذتها حكومتنا الوطنية بعد الإستقلال الإنسحاب من عضوية دول الكمونولث.. لكن ده كلو ما بعفي من علي الأقل الحد الأدني من اللبس ..مرة عندنا أستاذ الطلاب عملو شيرنق عشان يشترو ليهو قميص وبنطلون ..قالو عندو لبسة واااااااحدة كرهم بيها ..

في حاجات ما محتاجة تكاليف وترتيبات بس محتاجة فكر منفتح ..قبل أيام لقيت الطلاب من صباح الرحمن مكدسين امام مكتب .. زحمة شديدة وبحاولو يقيفو صف ..قالو عشان التسجيل الإلكتروني والمكتب ده نافذة للبنك .. وموظف البنك يكون من بيتهم ما طلع .. قلت ليهم بدل الكبسيبة دي طلعو ورقة وقلم وأكتبو أرقام من 1 وانت ماشي وأي واحد يقعد في المكان البريحو وبعدين أدخلو بترتيب الأرقام .. قال ليك في زول إشتغل بي كلامي ده ؟؟ وحاتك كبسيبة ذكرتني شباك الفرن والجزار زمان ..

الشباشب قاعدة .. وقلت أقلع بالتدرج بقيت أركز علي صلاة الجمعة ولما أكون طالع زيارة لي زول ... وخليت خرمة السفنجة لي مرقات الميدان والحوامة بغير هدى ...

سلام يا الأغبش،

الحد الأدنى المقبول من اللبس مهمل تماماً عندنا، و إن كان في السبعة سنين الأخيرة شايف في إشراقات في الناحية دي، لكنّها غير كافية.
أمّا إذا تحدّثنا عن الكبسيبة، فدونك التزاحم عند باب الخروج للطائرة! مع إنّو الطيّارة ما حتقوم ما لم يصعد كل من يحمل "بوردنق باس" إليها، اها المدافرة لزوما شنو؟

بعدين حكاية الجو الحار وما بيستحمل الجزمة ورُباطا، دي ماها مرّاقة.

يا زول ما دام صلاة الجمعة وزياراتك بالشبشب، عفيناك من مرقات الميدان والحوامة دون هدى (إنت مالك بتحوم من غير هدى؟).

[عكــود]

المشاركة الأصلية كتبت بواسطة عصام محمد الحسن

عاداتنا الإجتماعية ومفاهيم (الحلة والحي) هي المسيطرة دائماً علي عقليتنا .. في حينا عدد ممن يعملون في البنوك وعملهم يتطلب ان يرتدوا (كرفتة) .. كاذب لو قلت أنني رأيت احدهم وهو يرتديها في طريق ذهابه او عودته من العمل ... لأنو خرج بها من المنزل سيكون مثار تعليق كل من في الحي ... عامل قندف ... ده قايل نفسو شنو .. هسي في داعي للخنقة دي ... في السخانة دي ... الخ من التعليقات التي (تعقد) وتجعلك انسان (شاذ) في مجتمعك.
لذلك توضع الكرفتة في جيب البنطلون ولا يرتدوها إلا وهم عند باب الدخول للبنك.
كذلك الأمر ينسحب علي بقية المهن الاخري حتي الطبيب محرم عليه إرتداء البالطو الابيض او أن يحمل السماعة في غير مكان عمله.

سلام يا عصام ولعلّك طيّب،

شفت جنس التعليقات دي، خلّت كرفتات موظفي البنوك قابعة في أدراجهم في الحفظ والصون!
ياخي خلّي ده، حزام الأمان الممكن ينقذ حياة شخص، إن بقيت ربطتو بتسمع تعليقات مشابهة لذات الكرفتّة وبالطو الطبيب!

تسلم على الإضافة.

[عكــود]

المشاركة الأصلية كتبت بواسطة سمراء

كلام صاح ياعصام ...بس!
ليه مانقوم نغير نحنا السلوك والفهم " المخل " ده ونقوم ننشط مفهوم لكل مقام مقال!
ليه مانقوم نغير فى سلوكيات المجتمع ومانخلى البعض يغير فى مفاهيمنا !

انت عارف مشكلتنا وين ؟ والبسببها اتجزرت العادات والتقاليد القبيحه فى المجتمع !
انو ماقادرين ولا حتى عندنا الاستعداد انو نقوم نناهضة ! ياهو بالفهم الانت قلتو ده حكاية "يقولو" دى !!
مايقولو ياخ ! وين المشكلة ؟؟
عارف لو ركزنا قدام الهجمة الاولى او الاستنكار الاولى ده !! بعداك الشى بمشى عادى ..
وحتى الناس البستنكرو ديل بكونو هم اول من يجرب ...
والدليل حاجات كتيرة لقت مساحته بعد الرفض الاولى ..

عشان كده انا فى رايى انو نقوم نضع الفكرة ، ونركز قدامة لحد مانأسس ليها ونخلق ليها قاعدة ومكانة تنطلق منها ، بدون ما تهزنا الاقاويل والافهام القديمة او المتعصبة
وبكده بنكون غيرنا وش المجتمع لى شى جميل .

سلام تاني يا سمراء،

أعتقد المسؤوليّة ماها مسؤوليّة أفراد، بل مسؤولية منظومة متكاملة، يشترك فيها الإعلام، الدولة، المنهج التعليمي والأسرة.

الواحد يحزن فعلاً، عندما يشاهد الفرق بيننا والشعوب الأخرى.

مثال:
نمشي كمجموعة أسر نقيّل في حديقة عامّة، نأكل هنيّاً ونشرب مريّاً، وعندما نغادِر تكون مخلّفات "بشتنتنا" متناثرة هنا وهناك، رغم وجود مكبّات النفايات على بُعد أقدام من مكان جلوسنا. عند المغادرة، تكون كل أسرة مشغولة بتجميع ما تفرّق من شُفّعهم أبّان طبعاً شين، بينما يكون الآخرين (من الجنسيّات الأخرى) منهمكين في لم ما خلّفوهو من بقايا وإيداعها حاويات النفايات، وأصلاً هي قليلة، لأنّهم كانوا يلمّونها أوّل بأوّل!
شئ مُخزي ومُخجل.

[عكــود]

المشاركة الأصلية كتبت بواسطة زهير ابو سوار

الشيخ (جقلاب) ..
تحياتي ..
يعني فعلا نحن عندنا لا مبالاة بالمظهر ..
حاجة مفجعة ..
بعدين الجزمة ..
الجزمة والحزام المظلوط ..
عموما الشغلانة ما دايرة قدرة شرائية
بقدر ماهي خيال وذوق ..
وممكن تكتسب بالمعاصرة والاحتكاك ..
ولكن ما بكون فيها تميز ..
يوم العافي ..

سلام يا زُهير،

ليت لي رُبع ما للشيخ جقلاب من حِكمة، ريادة، نكران ذات، إيمان برسالة و سماحة.
ألف شكر ياخي.

دعني أضيف للخيال والذوق، الإنضباط واحترام الذات.
و زي ما تفضّلت، ممكنة الإكتساب بالمعاصرة، الإحتكاك،
والتشبّه بالفالحين . . فلاح.
وما نكتسبه يُمكن تطويره درجة التميّز،
بس في الوقت الحالي، خلّينا ننشُد، فقط، التقليد.

العافي التملاك إن شاء الله.

[عصام محمد الحسن]

المشاركة الأصلية كتبت بواسطة سمراء

كلام صاح ياعصام ...بس!
ليه مانقوم نغير نحنا السلوك والفهم " المخل " ده ونقوم ننشط مفهوم لكل مقام مقال!
ليه مانقوم نغير فى سلوكيات المجتمع ومانخلى البعض يغير فى مفاهيمنا !

انت عارف مشكلتنا وين ؟ والبسببها اتجزرت العادات والتقاليد القبيحه فى المجتمع !
انو ماقادرين ولا حتى عندنا الاستعداد انو نقوم نناهضة ! ياهو بالفهم الانت قلتو ده حكاية "يقولو" دى !!
مايقولو ياخ ! وين المشكلة ؟؟
عارف لو ركزنا قدام الهجمة الاولى او الاستنكار الاولى ده !! بعداك الشى بمشى عادى ..
وحتى الناس البستنكرو ديل بكونو هم اول من يجرب ...
والدليل حاجات كتيرة لقت مساحته بعد الرفض الاولى ..

عشان كده انا فى رايى انو نقوم نضع الفكرة ، ونركز قدامة لحد مانأسس ليها ونخلق ليها قاعدة ومكانة تنطلق منها ، بدون ما تهزنا الاقاويل والافهام القديمة او المتعصبة
وبكده بنكون غيرنا وش المجتمع لى شى جميل .

في عنصر مهم جداً وهو بالتاكيد اداة نحو التغيير للافضل .. البيئة التي يعيش فيها الفرد وتحديداً الاسرة .. هي من تغرز في الابناء هذه الاشياء .إذا كان رب الاسرة (بقشر صاح) ويهتم بهندامه من الطبيعي أن ينتقل هذا الاهتمام لبقية أفراد الاسرة وأنا أري أن هذه العادات في طريقها الي الزوال لان جيل الاباء الحالي هو جيل حديث نوعاً ما والغالبية تهتم بمظهرها ثم أن موجة الإنفتاح القليلة التي حدثت في البلد من دخول شركات اجنبية وخليجية وشركات الاتصالات .. من ينظر الي منسوبي هذه الشركات يلاحظ (الهندمة) ظاهرة والشياكة بائنة لا تخفي علي أحد.