راكوبة المجادعات.. النمة والدوباي

[خالد غالي]

المشاركة الأصلية كتبت بواسطة تماضر حمزة

مرحب بالشوايقة أكان بعرفوا النمّة
ده الفاتل كلامو لفّانا زي العمّة
بلح الشام بعرفو؟فاضح نقوش الحنّة
سالمناو غنا ردّو صابنا بحُمّى

تبري من الحمى ان شاء الله انتي عدوّك
محل ماالزول يقبل يلقاهو يشلع نورك
الشوايقة الكرام الليلة جابو مهورك
جيناكم عديييييل الليلة عاد شن قولك



ــــــــــــــــــــــ
موت موت حياة حياة

[تماضر حمزة]

المشاركة الأصلية كتبت بواسطة خالد غالي

تبري من الحمى ان شاء الله انتي عدوّك
محل ماالزول يقبل يلقاهو يشلع نورك
الشوايقة الكرام الليلة جابو مهورك
جيناكم عديييييل الليلة عاد شن قولك



ــــــــــــــــــــــ
موت موت حياة حياة

ماكان العشم يرجع مهركم مِنا
عارفنك كريم دون كُبُر لامِنّة
مايرجع مرادكم دون الخلوق لايمنا
نامن سلامي غِشاك ماشفت أتر الحنّة؟

[أبو دعد]

المشاركة الأصلية كتبت بواسطة تماضر حمزة

ماكان العشم يرجع مهركم مِنا
عارفنك كريم دون كُبُر لامِنّة
مايرجع مرادكم دون الخلوق لايمنا
نامن سلامي غِشاك ماشفت أتر الحنّة؟

كان مارديتى على تانى عليك ما راجع
و بشوفك كل مرة تقلبى فى المواجع
النم معاك سمح يا حمام الايكى الساجع
فى رعاية الكريم ببركة كل ساجد و راكع

[تماضر حمزة]

المشاركة الأصلية كتبت بواسطة أبو دعد

كان مارديتى على تانى عليك ما راجع
و بشوفك كل مرة تقلبى فى المواجع
النم معاك سمح يا حمام الايكى الساجع
فى رعاية الكريم ببركة كل ساجد و راكع

يازول ياب كلامن ناجع
تكتل هالحزن ..الملانا مواجع
حتّى القول معاك محتاج يشوفو مراجع
ياصاحي الفؤاد ياكل سمحن جامع

[أبو دعد]

المشاركة الأصلية كتبت بواسطة تماضر حمزة

يازول ياب كلامن ناجع
تكتل هالحزن ..الملانا مواجع
حتّى القول معاك محتاج يشوفو مراجع
ياصاحي الفؤاد ياكل سمحن جامع

عرفتى الرد و الجواب عملتى حسابو
يا بت حمزة الفى الرجال عزاز انسابو
سجمان خلى ضيفو فى الركوبة سابو
كان ظهر عليك اسأليهو ايش اسبابو

[سجمان]

المشاركة الأصلية كتبت بواسطة أبو دعد

عرفتى الرد و الجواب عملتى حسابو
يا بت حمزة الفى الرجال عزاز انسابو
سجمان خلى ضيفو فى الركوبة سابو
كان ظهر عليك اسأليهو ايش اسبابو

ماك عارف براك سجمان سنين كوكابو
في الندى للضيوف المال بعرفو خرابو
جهمورتو بتبق نابحات دوام كلّابو
ما بيابا الضيوف زولاً مشلع بابو

[فخري الزين]

المشاركة الأصلية كتبت بواسطة سجمان

ماك عارف براك سجمان سنين كوكابو
في الندى للضيوف المال بجيدو خرابو
جهمورتو يوت تقابة نابحات دوام كلّابو
كيفن بفوت الضيف والبيت مشلع بابو

ات ماك سجمان وانا قاطع شكك
كوكابك فوق قليب عدوك ملكك
كريم اصل كل الخلوق تشهدلك
وفي ضيف الهجعه مابنح كلبك

[طارق صديق كانديك]

المشاركة الأصلية كتبت بواسطة بابكر مخير

اقتباس:
المشاركة الأصلية كتبت بواسطة طارق صديق كانديك

عاجباني العيون في زول جدع نشابو
خفسن لي الضلوع زولن صغير دابو
شقيش من نظر ضربنوا أذو صوابو
والعشاق كتااار راجفين بعد ما شابو*



* نسخة لوجدي الأسعد وآخرين



والنسخة الأصلية لي "توحة وروفي ومن لفا لفهم"
بث

انت زعلت يادكتور .. !!

التحية لك ولمن ذكرت .. يعلم الله لمن كتبت المسدار المذكورين ماكانو في بالي بس برضو كتر خيرك دخلتهم الجك

[فخري الزين]

المشاركة الأصلية كتبت بواسطة سجمان

حباب الفي الحريم صلاية حافظة كتابو
حباب الفي الحريم مطراً قدل عتّابو
مشتول الفساقي اللنعزل ورتابو
مفطوم بالمشن ما شرّبوه الـ "كابو"

حباب الفي الحريم تقيه وكمان صوامه
وحباب الراسيه ورزينه ولازمه ماحوامه
اتربت تحت اماتها وماها تربية خدامه
زي بٌريب الجروف المسقي من دوامه

[تماضر حمزة]

http://www.youtube.com/watch?v=AmTQy...eature=related

[أبو دعد]

الموت ز مان كان تمومت جرتق
فوق موية تب وقشا يا دوب ببتق
بعد مسكنا فى شرع الله المو متلتق
المنجزو تانى ما ظنيو تانى يبتق

[أبو دعد]

المشاركة الأصلية كتبت بواسطة تماضر حمزة

http://www.youtube.com/watch?v=AmTQy...eature=related

اخوك يا ريا اخوك وكت السيوف بدبكن
كم فرتق جموع و كم قشيت دموعا ببكن

[عبده سعد]

عشانك (ياتماضر) ماجيبى ورقك فاضى .
(سجمان)فى الشعر حكام وزى القاضى.
مايتلفت كتير للفات وأصبح ماضى.
بتلاقيهو فارسا للمكارم حاضى.

[سجمان]

.

.
.
.

.
.
.
.

[سجمان]

جيتي بي حرفاً يهز..
شايل الفال مدخور..
لي زمناً كعب وسنيح..
هليتي بشاير..
وجيتي يقين في زمن الحوجة..
كم وضّحتي ضباب غنوتنا..
وكم في الغيم الحالج..
كنت رسن..
سهّلتي عروجا..
الناس من قبلي .. ومافي..
جوك بي شوق .. وخرافي..
كايسة الحضن الدافي..
وقدر مناهم..
جات أفراحم..
بيك ..
يا..
موجه..


حباب " موجه"
قلم.. أنيق..
رسول حرف البطانة..
ونغم مسدار..