للمطر،

[تماضر حمزة]

المشاركة الأصلية كتبت بواسطة محمد مصطفي

غايتو بس نكتفي اننا نقراكم
ونتكرف ريحة الدُعاش الفي حروفكم
ونبلل احاسيسنا بي رزاز كلماتكم
رشونا ياخ من كل جانب امكن ابقي ... او اكون
او امكن نكون .... انشاء الله مطرة .. او حاجة خطرة
تماضر يا الحبيبة .. وبرضو ما حبكانت منتديات .. like لي كل حروفك السمحة
والحبيب بلة ... براحة علينا دنيانا عصاري ... ومطرة وغيم
وبي القول الدافئ ده حتماً ستتسع دائرة الاشواق فينا

jezabell .. تحياتي ومرحب بيك
تصدقي ريحة حروفك دي ما غريبة علي ابداً
لكن ما داير استعجل كتير .. فشنو .. دوحي يا السمحة دوحي وموحي وسكتي الخشامة
كل الود
ولكل الحاضرين في بوست المطر هذا ... تحياتي

واذا داحت السمحة وانداحت ودخلت الاقوان كلّها شن العمل حينها؟
ريحة حروفا من جروفا
برضك
مطر،مطر

[محمد مصطفي]

اقتباس:
المشاركة الأصلية كتبت بواسطة jezabell
ياااااااااااااااخ لكن انتهيت من مشواري الاسفيري
أي نعم في شبه بيني وبين الصورة الرمزية لكن انت كمان ما تبالغ

ياخ لسة ليك مشاوير في قلوبنا
الهبيش بتاعك ده مافي غيرك بهبشو
فشنو .....
رشي فينا واصلو ما تقيفي ... ولينا في الليالي سهر
وجب علي ان اتنحنح لتسليك الحنجرة ... واقول ليك مشتاقين
الف مرحب بيك حبابك

[jezabell]

المشاركة الأصلية كتبت بواسطة تماضر حمزة

واذا داحت السمحة وانداحت ودخلت الاقوان كلّها شن العمل حينها؟
ريحة حروفا من جروفا
برضك
مطر،مطر

ومطرتك دي شكلها حتقلب تعارف تعارف.. فأحسن نتخارج قبل ما تدقنا

[تماضر حمزة]

المشاركة الأصلية كتبت بواسطة jezabell

القليب لو ما بقوم
يبقى يا داااب الهموم
حايمة تقدل في رحابو
ولو قيامو صحيح عذاب
يااااخي في الريد ما حبابو؟!
أجشششش

باااالغتي يا انتي

ياخي في الريد جد حبابو
أيّ حاجة يجيبا ريدو
حتّى لو حنشيل عتابو
الحنين الفينا ليهو
زادو لما ازداد غيابو..
والقليب من يومو دامي
فيها ايه لو زاد مصابو؟
مالسهم فارق عيونو
مافي زولن ماأصابو
والحزن كان منو جايي
تامي في الافراح نصابو

أهن شنو ليك؟

[تماضر حمزة]

المشاركة الأصلية كتبت بواسطة حافظ اسماعيل احمد

تماضر وبلة محمد
لقد فاض البوست من غيث الحروف
وجئنا كعقاب رزاز لتشكيل الهطول
فابتلعتنا مسامات الارض للتبخر من جديد
وحين اعتصار ركامكم نختبئ خلف التأمل والتعجب

مزيدا من ألهــــــطول فنحن عشقنا الغرق هنا
لكم تحية

حافظ مساء المطر
ال لا خفييييييييييييييييف يحرّق روحك
ولاشدييييييييييييد ماتفهم فيهو شئ

[تماضر حمزة]

المشاركة الأصلية كتبت بواسطة jezabell

ياااااااااااااااخ لكن انتهيت من مشواري الاسفيري
أي نعم في شبه بيني وبين الصورة الرمزية لكن انت كمان ما تبالغ

ماعارفة ليه اتذكرت ود البادية في والانكتب على جبينا الليلة بان

[احمد زين]

المشاركة الأصلية كتبت بواسطة تماضر حمزة

،
ولامناص من أن تنتعل عيناك رجفتهما وتتابعان في هرولة لاهثة مسيرة كتلة الملح الصغيرة..
وأثرها خلفها كخيطٍ رفيع.. إن حاولت الامساك بأطرافه لإنقطع من ندى رهافته،
في تعرّج بطيئ أشدّ مايرهق مسيرك حينها..هذا البطء
ألا قاتل التعجّل هذا البطء.

ياخ انا بيعجبني استلاف المفردات الما ممكن زول يفكر يجيبا في حتة زي دي الا زول عبقري زيك كده يا طمطم
عليك الله خليني انتعل كلامك ده امشي بيهو مشوار لحدي شارع النيل عشان اقراهو بي مزاج

[wadosman]

المشاركة الأصلية كتبت بواسطة jezabell

وتبقى برضو الروح تحاحي
في القليب الديمة واحي
الكل ما يسمع صوت حبيبو
يقضي باقي نهارو شاحي
ولو صدف في يومو ليل
وا سهادي ووا نواحي




لا حولا لا قوة.. مشدودة بالقووووة

اممممممممممممممممح (صوت وصورة على قد الشوق )

يا سلاااام على الحكى...

[عماد عبد الله]

يا شاعرة ياااااا .. بت اللزينا .
حلو الحكي عندك - كما حالك دايماً - .. حلوٌ و هبّاش .
هذا و العربان تقول بـ " الشعر أحلاه أكذبه " ..
و نقول : الكذب الشعري براقش الحيوة الدنيا و زينتها ، فتزيّوا و تجملوا .. فإن المتعة لا تدوم .
زُبدة القول أن : طوبى يا خنساء منالك الحُسنيين ، الشعر الكذوب الحلو.. و البرقشة الهباشة .


........
و في الآخر كده : ليك وحشات .

[تماضر حمزة]

المشاركة الأصلية كتبت بواسطة أحمد محمد زين حسين

ياخ انا بيعجبني استلاف المفردات

أحمد صباحاتك ورد كما الحال معاي،
في الكتابة عندي الأجمل أن تكون نهاية العبارة غير متوقعة للزول القرا بدايتا
تفرد فيها مساحة للتأمّل..
تشكرات انّك قريتني كما حبيت أن أُقرأ...

الود كلّه،

[تماضر حمزة]

المشاركة الأصلية كتبت بواسطة عماد عبد الله

يا شاعرة ياااااا .. بت اللزينا .
حلو الحكي عندك - كما حالك دايماً - .. حلوٌ و هبّاش .
هذا و العربان تقول بـ " الشعر أحلاه أكذبه " ..
و نقول : الكذب الشعري براقش الحيوة الدنيا و زينتها ، فتزيّوا و تجملوا .. فإن المتعة لا تدوم .
زُبدة القول أن : طوبى يا خنساء منالك الحُسنيين ، الشعر الكذوب الحلو.. و البرقشة الهباشة .


........
و في الآخر كده : ليك وحشات .

انّا لله (مابتاعتك)
وأنت الذي في زمان سابق
شاغلتني واحدي من لوحاتك فكتبت لك،

أن تجد من يداعب الألوان كبناتٍ له صغيرات..
وتراه يحادثهنّ بصوتٍ خفيض وكأنه يمنّي نعاسه بقرب نومهن
تسمعه يدندن بأغنياتٍ ظنّها أبعد ماتكون عن السياسة والعبارات الفخيمة..
وهي في بساطتها (تسيّس) أطراف لياليه دونما اذن من سلطان الأرق.
فيتمدّدن على لوحاته ..ويوصدن باباً لليقظة
به لامبالاة..على شكل قِفله.
ورؤوس مسامير تعلن همومك على سطحه..
وكانت قد أعلنت نفسها قبلا زوايا لأركانِ قريةٍ تُلاصق ذات القفل.
وكأنّما ضوء الصحو المتبقي قد تركّز في بؤرة القفل وصنع للرؤية دائرة..
يثقلها النّعاس كلما إتّسعت..
فيضيع طلاء الخشب ويغمره الضباب مع آخر دوائر الانتباه.
(دعها في أحلامها فإنّ مراتعها اللاوعي)
فلابد انّك غارقٌ في سُباته لامحالة.

أتراها لاتخلو عن كونها لوحة لبابٍ موصد..
أم هوّ باب موصد للوحة ماأراد صاحبها لها أن تعبره..


أمّا عن الوحشات وبعيداً عن أحلى الشعر..
ماحيكفيها لقاء

كل الود،

[محمد مصطفي]

اقتباس:
المشاركة الأصلية كتبت بواسطة تماضر حمزة
ماعارفة ليه اتذكرت ود البادية في والانكتب على جبينا الليلة بان

وليه ما ممكن اكون ..
شالو القرمصيص من وش السمحة
وظهر القمر بي ملامحو السمحة
وهي اقدلي ..........

[محمد مصطفي]

اقتباس:
المشاركة الأصلية كتبت بواسطة تماضر حمزة
واذا داحت السمحة وانداحت ودخلت الاقوان كلّها شن العمل حينها؟
ريحة حروفا من جروفا
برضك
مطر،مطر

وما افوتك .. قلوبنا نحن زرع جروفا
مرة تسقينا ومرة نعطش ونروي بس لمن نشوفا

[بله محمد الفاضل]

إتو الكان ببرطم بي هناك
دا ياهو الزول المباريني دا
ولا واحد تاني
واسمو بشبه اسمي

[يحي عثمان عيسي]

يا مطر طول غيابك يا مطر