*** مصطلحات عامّية سودانية ***

[شهد]

المشاركة الأصلية كتبت بواسطة شبارقة

كلامكم صاح يا ود أبو عاقلة ويا ود كانديك ... ولكن شهد قالت لينا



إذا ً هي قاصدة الخميرة ومش الزير ... (التيبار هو الزير يا شهد )

دي معلومة سمحة خلاس .. التيبار الزير ... سمح
غايتو ثقافتي لحدي القيزان .. كنا بنخمّر العجين في القيزان

اها قولو ما بتعرفوا القيزان

[تحفة حوا]

المشاركة الأصلية كتبت بواسطة شهد

دي معلومة سمحة خلاس .. التيبار الزير ... سمح
غايتو ثقافتي لحدي القيزان .. كنا بنخمّر العجين في القيزان

اها قولو ما بتعرفوا القيزان

انا غايتو بعرف التيبار هو الزير
لكن القيزان غير الرمال ما بعرف شي

[أشتر]

المشاركة الأصلية كتبت بواسطة تحفة حوا

عندكم ؟
هم منوا والله الا اسأل ليك قوقل
شبارقة نقشني مقوقلة

تكبير الخط خلينا

لا ياخ حجم خمسة مناسب جدا ...
ما تتعودي على قوقل كتير في تسفارك الاسفيري دا ..
شبارقة داير إدقّسك ساي فاعملي حسابك منو ...
كلما كانت المصادر مننا وفينا يكون أحسن ..
لي وليك وليهم ...
لا تنقّشها ... يا بعلها .. لما سرى

[جيجي]

المشاركة الأصلية كتبت بواسطة أشتر

يلكّكك في سماحة ما تمرق منها كلوكلو

ونااصحوهم بالبر والتقوى
ولا تبسطوا كل البسط

[تحفة حوا]

كدي عندي ليكم سؤال
ليه أهلنا ملخبطين الالوان
حبوبتي الله يرحمها تقول لي جيبي المجوز الاخضر
افتش لمن الله يغفر لي في النهاية اكتشف انو ازرق بلو
واللون الاسود هو الازرق عندهم

[أشتر]

المشاركة الأصلية كتبت بواسطة شهد

دي معلومة سمحة خلاس .. التيبار الزير ... سمح
غايتو ثقافتي لحدي القيزان .. كنا بنخمّر العجين في القيزان

اها قولو ما بتعرفوا القيزان

غايتو انا بعرف قوز الناقة وقوز كبّرو وقوز أحمد نور ووووووو قوز اللوز ...
القرعة يا شهد ... موش ؟؟؟

[أشتر]

المشاركة الأصلية كتبت بواسطة جيجي

ونااصحوهم بالبر والتقوى
ولا تبسطوا كل البسط

الله جميل يحب الجمال ...
خلاص يعني جيتي وكت جات في عبدو الفقير دا !!!

[أشتر]

المشاركة الأصلية كتبت بواسطة تحفة حوا

كدي عندي ليكم سؤال
ليه أهلنا ملخبطين الالوان
حبوبتي الله يرحمها تقول لي جيبي المجوز الاخضر
افتش لمن الله يغفر لي في النهاية اكتشف انو ازرق بلو
واللون الاسود هو الازرق عندهم

اساسا احنا كايسين للناس البتقول حبوبتي قالت كيت وكيت ...
غايتو شهد دي حبوبة إلا على ما أعتقد .. (ما قصدي العمر سمح ؟؟)
توب الزراق ذكرناهو قبل كدا لكن الحمار الاخدر ما واقع لي
والغنمة البعامية
يعني شنو يا بشبش ؟؟؟

[شهد]

المشاركة الأصلية كتبت بواسطة أشتر

غايتو انا بعرف قوز الناقة وقوز كبّرو وقوز أحمد نور ووووووو قوز اللوز ...
القرعة يا شهد ... موش ؟؟؟

لا لا لا يا اشتر ويا تحفة حوا

القِيزان .. هي الحلة الكبيرة ..
حلة الالمونيوم اكبر مقاس من الحِلل

يقولو ليك يا يمة شادين الضلِع بالقيزان

[شبارقة]

المشاركة الأصلية كتبت بواسطة أشتر

وفي مقولة أخرى الخُمّارة ..

بمناسبة الخُمّارة دي يا ود أبو عاقلة ... قال ليك في زمااان في سبعينيات القرن الماضي في واحدة من المتفلهمات والمتفلقصات من ذوات اليسار قالت لواحدة (بلدياتنا) : والله أمبارح إتعثرتا بثلك التلفون لو ما أثتندتا على التلاجة كنت كثرت التلفزيون ... قامت بلدياتنا قالت ليها : أنا أمبارح عتـّرت لي حلة فيها باقي كـُرارة * لو ما أتكلتا على السحـّارة كنت كسرتا الخـُمّاره

الكـُرّارة : أي حاجة بكـُرّوها ممكن نسميها كرارة ... ولكن الشائع هو ملاح النعيمية لأنو بكون تقيل وبفضل باقيهو في الحلة زيو زي العصيدة

[تحفة حوا]

المشاركة الأصلية كتبت بواسطة شهد

لا لا لا يا اشتر ويا تحفة حوا

القِيزان .. هي الحلة الكبيرة ..
حلة الالمونيوم اكبر مقاس من الحِلل

يقولو ليك يا يمة شادين الضلِع بالقيزان

مش في حلة كدا تقيلة وليها اضنين
اسما راح لي
خايفى اقول ام تكشو يطلع ملاح

اياها يا بنية ولا مو ياها

[شبارقة]

المشاركة الأصلية كتبت بواسطة أشتر

هو عارفنا بنعمل في شنو قدام الشاشات العمتنا دي ...

المشاركة الأصلية كتبت بواسطة أشتر

هو القال ليك نظرنا ضعيف منو ؟؟؟

براك القلتا .. نسيت

[شهد]

المشاركة الأصلية كتبت بواسطة تحفة حوا

مش في حلة كدا تقيلة وليها اضنين
اسما راح لي
خايفى اقول ام تكشو يطلع ملاح

اياها يا بنية ولا مو ياها

ياها يا تحفة حوا .. اظنك قاصدة القدور ... مي كدي؟

[شهد]

المشاركة الأصلية كتبت بواسطة شبارقة

بمناسبة الخُمّارة دي يا ود أبو عاقلة ... قال ليك في زمااان في سبعينيات القرن الماضي في واحدة من المتفلهمات والمتفلقصات من ذوات اليسار قالت لواحدة (بلدياتنا) : والله أمبارح إتعثرتا بثلك التلفون لو ما أثتندتا على التلاجة كنت كثرت التلفزيون ... قامت بلدياتنا قالت ليها : أنا أمبارح عتـّرت لي حلة فيها باقي كـُرارة * لو ما أتكلتا على السحـّارة كنت كسرتا الخـُمّاره

الكـُرّارة : أي حاجة بكـُرّوها ممكن نسميها كرارة ... ولكن الشائع هو ملاح النعيمية لأنو بكون تقيل وبفضل باقيهو في الحلة زيو زي العصيدة

شبارقة ياخي الكرارة ما النعيمية ... الكُرارة ملاح الروب الابيض البكون فيهو البصل حي داك ,, وفوق وشو سمنة بلدية

[شبارقة]

المشاركة الأصلية كتبت بواسطة شهد

لا لا لا يا اشتر ويا تحفة حوا

القِيزان .. هي الحلة الكبيرة ..
حلة الالمونيوم اكبر مقاس من الحِلل

يقولو ليك يا يمة شادين الضلِع بالقيزان

معقول في زول ما بيعرف حلل القيزان ... وبعدين يا شهد ما بالضرورة تكون ألمونيوم بس (زمان كانت من النحاس ولما عرفوا إنو النحاس مع التسخين بكوّن مواد سامة قاموا منعوهو)... وحلل القيزان تستعمل في الولائم فقط ... وهي جاتنا أصلا ً من مصر ... وكلمة قيزان هنا هو إسم لعلامة تجارية مصرية ولا علاقة لها بالقوز المعروف لدينا ... والقوز هو المكان المرتفع.