النبيذ الأحمر

[همس الشوق]

المشاركة الأصلية كتبت بواسطة بابكر عباس

النبيذ:
- بوسع الشرايين*
- مذيب للكوليسترول المترسب
- منعش و مبهج
- سريع الامتصاص و بدي طاقة سريعة

* المرجع: http://eurheartj.oxfordjournals.org/content/21/1/74

يا زول
إنت جادي

[عكــود]

سلام يا بابكر،

أهل القُرى في رومانيا عندهم تقليد.
عند ولادة ولد، يعملوا برميل نبيذ أحمر من أجود أنواع العنب و يدفنوه في الواطة. يطلّعوهو و يفتحوهو يوم عرس المولود، يعني كم وعشرين سنة، ويوم الحفل يكرموا بيهو الضيوف الخاصّين خالص خالص، والباقين يشربوا من العادي.
عرفت المعتّق يعني شنو؟

[أبوبكر عباس]

المشاركة الأصلية كتبت بواسطة همس الشوق

يا زول
إنت جادي

عليك الله يا همس ما تتمسكي
مشي مشي

شوفتي مداخلة عكود معتّقة كيف؟

و بعدين عليك الله أمشي زوري البراكودا في أم القوين شوفي القزاز دا جميل كيف؟

[بدور التركي]

المشاركة الأصلية كتبت بواسطة عكــود

سلام يا بابكر،

أهل القُرى في رومانيا عندهم تقليد.
عند ولادة ولد، يعملوا برميل نبيذ أحمر من أجود أنواع العنب و يدفنوه في الواطة. يطلّعوهو و يفتحوهو يوم عرس المولود، يعني كم وعشرين سنة، ويوم الحفل يكرموا بيهو الضيوف الخاصّين خالص خالص، والباقين يشربوا من العادي.
عرفت المعتّق يعني شنو؟

يا سلاام عليك يا زول يا معتق

كنت ح احكي له بعض القصص القديمة
في القرى الأجنبية والطقوس الجميلة وقصة البت العذراء
وشرب أول كأس من النبيذ المعتق
لكن لقيت إجابته مسيخة زيو
بطلت

[طارق صديق كانديك]

المشاركة الأصلية كتبت بواسطة بابكر عباس

المريسة و العرقي خليهم يطلعوهم من التصويت كحل وسط للاسلاميين
حرام حرام
رضيانين

سلامات يا بابكر


واحد حكى لي قصة رجل أزهري .. المريسة في عرفهم زي شراب الموية لمن رجع من الدراسة في الازهر شبك ليك الجماعة دي أم الكبائر ولا تقربوها وكده والجماعة زهجانيين منو والصفايح مدورة .. قال لمن دب دبيبها في الرؤوس صاحبنا خرم ليها خرم شديد واحد مد ليهو كورة اشرب يامولانا قال ليهو :
بالله بسييييييييييييييييييييت(ط):

--
فلو طلعتا ديل بتكون عصرت على قطاع كبير من الناس .. كدي باصر ليك طريقة للمريسة دي .. داك خليناه .. !

[أبوبكر عباس]

المشاركة الأصلية كتبت بواسطة بدور التركي

يا سلاام عليك يا زول يا معتق

كنت ح احكي له بعض القصص القديمة
في القرى الأجنبية والطقوس الجميلة وقصة البت العذراء
وشرب أول كأس من النبيذ المعتق
لكن لقيت إجابته مسيخة زيو
بطلت

ما تزعل "حبيبي"* خسمتك بالرسول

* حبيبي دي طبعا بعد العرس ممكن تجيب مشكلة

أحكي عليك الله

[أبوبكر عباس]

شكرن للحمّر لي النبيذ في العنوان

[طارق صديق كانديك]

المشاركة الأصلية كتبت بواسطة بابكر عباس

شكرن للحمّر لي النبيذ في العنوان

u welcome

[أبوبكر عباس]

المشاركة الأصلية كتبت بواسطة طارق صديق كانديك

فلو طلعتا ديل بتكون عصرت على قطاع كبير من الناس .. كدي باصر ليك طريقة للمريسة دي .. داك خليناه .. !

يا طارق يا أخي أنا عندي خطة كبيرة جدا
تبدا بالتكامل مع أثيوبيا و إسرائيل و عمل سدود ضخمة على الأزرق و نزرع البطانة دي كلها و نجيب الحسان الاثيوبيات يشاركونا الصناعات التحويلية (بالنص، سخرة ما في) و أهم الصناعات التحويلية ح تكون عندنا، الزيوت و الخمور و الطاقة البيولوجية و الأعلاف الحيوانية

أها بعد نرقد النبيذ هبطرش لناس حافظ في النيل الازرق
ناوي أحول العرقي كوقود للسيارات (يا عملات شبارقة)
و المريسة علف للابقار
و بي كدا بكون حققت شعار:
الناس شركاء في الرُقي

[عكــود]

المشاركة الأصلية كتبت بواسطة عكــود

سلام يا بابكر،

أهل القُرى في رومانيا عندهم تقليد.
عند ولادة ولد، يعملوا برميل نبيذ أحمر من أجود أنواع العنب و يدفنوه في الواطة. يطلّعوهو و يفتحوهو يوم عرس المولود، يعني كم وعشرين سنة، ويوم الحفل يكرموا بيهو الضيوف الخاصّين خالص خالص، والباقين يشربوا من العادي.
عرفت المعتّق يعني شنو؟

المشاركة الأصلية كتبت بواسطة بدور التركي

يا سلاام عليك يا زول يا معتق

كنت ح احكي له بعض القصص القديمة
في القرى الأجنبية والطقوس الجميلة وقصة البت العذراء
وشرب أول كأس من النبيذ المعتق
لكن لقيت إجابته مسيخة زيو
بطلت

المشاركة الأصلية كتبت بواسطة بابكر عباس

ما تزعل "حبيبي"* خسمتك بالرسول

* حبيبي دي طبعا بعد العرس ممكن تجيب مشكلة

أحكي عليك الله

المشاركة الأصلية كتبت بواسطة بابكر عباس

يا طارق يا أخي أنا عندي خطة كبيرة جدا
تبدا بالتكامل مع أثيوبيا و إسرائيل و عمل سدود ضخمة على الأزرق و نزرع البطانة دي كلها و نجيب الحسان الاثيوبيات يشاركونا الصناعات التحويلية (بالنص، سخرة ما في) و أهم الصناعات التحويلية ح تكون عندنا، الزيوت و الخمور و الطاقة البيولوجية و الأعلاف الحيوانية

أها بعد نرقد النبيذ هبطرش لناس حافظ في النيل الازرق
ناوي أحول العرقي كوقود للسيارات (يا عملات شبارقة)
و المريسة علف للابقار
و بي كدا بكون حققت شعار:
الناس شركاء في الرُقي

لتوثيق حالة فطَطان.

سجّل يا الزوول


صورة للرشيد.

[احمد عبد الرافع]

المشاركة الأصلية كتبت بواسطة عكــود

سلام يا بابكر،

أهل القُرى في رومانيا عندهم تقليد.
عند ولادة ولد، يعملوا برميل نبيذ أحمر من أجود أنواع العنب و يدفنوه في الواطة. يطلّعوهو و يفتحوهو يوم عرس المولود، يعني كم وعشرين سنة، ويوم الحفل يكرموا بيهو الضيوف الخاصّين خالص خالص، والباقين يشربوا من العادي.
عرفت المعتّق يعني شنو؟

النبيذ الأحمر لليوم الأبيض
( مثل روماني)

[احمد عبد الرافع]

المشاركة الأصلية كتبت بواسطة عادل عسوم

-تعرف ياعادل:
أهلك الشايقية ديل بالجد أنا بعتبرم من ارقى الناس!
سالتو السبب شنو البخليك تعتبرهم ارقى الناس؟!
قال:
-قريت انو قبل سنوات ماكتيرة كان أي بيت بيجهز زيرو قبل عيد الضحية ويملاهو من احسن انواع البلح ويدفنو استعدادا لعيد الضحية...
تسلم

بمناسبة الشوايقة يا بابكر
قالوا في واحد شايقي سمع مناحة حليل موسى يا حليل موسى
في مقطع فيها بقول (لا بياكل الملاح أخدر لا بشرب الخمر يسكر)

قام قال : نان حليلو ف شنو؟؟

[ابرا]

واحد في ايام نميري حرم الخمر وكباها في البحر كان بجي يوميا الساعة 9 صباحا بشيل نصو بتاع الشري من بار جنب جورج مشرقي اها لمن نميري اعلن الشريعة صاحبنا جاء كالعاده لقي البار قافل وقف لحدي الساعة 10 والبارمقفول قام سال جورج انت الناس ديل مالهم قافلين جورج قال ليه انت قاعد وين البلد بقت شريعه بارات تاني مافي اتلفت علي جورج وقال ليه انت ازهري دا جنا والا شنو انتو كمان الرويعي دا جن والا شنو؟

[هيثم علي الشفيع]

المشاركة الأصلية كتبت بواسطة بابكر عباس

حلوة عينيك زى صحابى
وزى عِنب .. طوّل معتـّق
فى الخوابى وسمحة زى ما تقول ضيوفاً ..
دقـّوا بابى

ومن طريف ما يحكيه "حميد" عن الراحل "مصطفى سيدأحمد" يرحمه الله
أنهما كانا يتحدثان عن هذه الأغنية
قال "حميد" ما معناه أنّ بشرى الفاضل أخطأ في استخدام هذا التعبير لأننا في السودان لا نعرف خمر العنب ، ولو قال (زي بلح) لكان المعنى أقرب للفهم السوداني..
فرد "مصطفى"-يرحمه الله- :

نان إنت آ الشايقي المطرطش كان قريت في روسيا ، وعرّست ليك روسية ، كان عرفتو قال كدي ليه....

أخونا بابكر كيف أصبحت؟؟؟؟

[أبوبكر عباس]

أجمل عشا يعزموك ليهو يكون صاحب الدعوة شيوعي مقندل و راقي و يكون متزوج من أم درمان (ما ضروري هو من وين) و تكون معزوم مع شخصية معروفة. و كدي إتخيلو معاي العيزومة دي في دبي.

بت أم درمان بترتب العشاء جيهه شديدة
اللحوم بأنواعها
السلطات و المقبلات
الشوربات
كل أنواع المحاشي
التحالي
الشوك و الملاعق و السكاكين ذهبية
كاسات النبيذ الأحمر الرسلوا جابوهو من البراكودا في أم القوين، لا لون لها و ذهبية الحواف

سيد البيت اللابس ترينق أبيض مع بجامة عنابية بطلب من الضيف المشهور التقدم نحو السفرة
بدأ العشا و في واحدة سريلانكية مخصصة لمتابعة مستوى النبيذ في الكاسات,
العشا أخد ليهو زي تلاتة *ساعات و نص، الضيف و سيد البيت بتكلموا عن لوحة تشكيلية معلقة في الصالون
أنا مشاركتي كانت بس كلمة ثانكس (شكرا) للسريلانكية لمان تتم لي الكاس!
يا أخي الناس ديل لمان الواحد يقطع ليهو قطعة لحم و يلحقها بسلطة و شرفة نبيذ و يواصل الكلام عن اللوحة بفم مليات باللخليط الأحمر و الله يكسر ليك كل الإرث الإكتسبتو عن سوء الكلام أثناء الأكل!

* مرة في العيلفون عزموني عرس جابو لينا صينية ملاينة و كان معاي حيران،
خمسة دقائق نشّفوا الصينية و فكّوا لي أصبعي لمان مديتو للضلعة!
شفتو النبيذ بهذب الناس كيف؟