رفيقٌ مضى، رفيقٌ أتى . . . (العيدروس) و (ود التجاني مصطفى)

[فتحي مسعد حنفي]

المشاركة الأصلية كتبت بواسطة عبدالله عيدروس

قلت لي لو كنت عارفو صاحبي كنت حتغير رايك يا فتحي ؟

غايتو انا الفائز باتصالك والحصل حصل يا زول

بعد ده مجبور

ياخ محمد عبدالرحمن دا زول أقحم نفسو في حياتي ولم أستطع منه فكاكا..رغم فارق السن ووجود صاحبو قرنتي..سوري قصدي غزالي..
ياخ دا زول بيدخل قلبك بدون استئذان ويكمل تمباكك والعجب كان في لبن.
دا كلو كوم والشكل الخارجي كوم تاني..تخيل كل يوم في مشكلة مع بتاعين الحركة ودا طبعا عشان شكلو شماشي ولامن يوقفوهو بعاملوهو من المنطلق دا ولامن يكتشفو انو أستاذ في الجامعة بهزو راسم ويتمتمو بي كلام ما مفهوم..تفتكر بقولو شنو

[AMAL]

المشاركة الأصلية كتبت بواسطة ود التجاني

طوبى للرجال العصافير
كلما حطّ طائرهم فوق غصن
غنوا بشجيى الكلام .. بديع الصور
وبؤساً لنا نحن الرجال .. الشجر
تهاوت جذور الكلام
جفت ينابيعنا
وأرهقتنا ليالى السفر *

وبشرا لنا نحن النساء النساء
حين ينبلج افقنا عنكم
اصدقاء النخيل
خيان البنات
مقنع الكلمة
وغتا الفارعات
اهلا بيك
شكرا ود ابوي

[حافظ حسين]

عيدروس يا صديق الوجعة
و يا رفيق الزمن اللديح الكيح
الغربة أخذتك مني جسداً و لكن هيهات أن تاخذك روحاً و قلباً
فدوما إنت هنا يا أنبل الأصدقاء
و صدقني بفاخر بك نفسي يا أسمي الأصحاب
فانت من طينة أصحاب لا يواجهونك بالنميمة أو التحليل البائس حين وقوعهما
و إنما عندما تطعن من الخلف بكل الخوف و الحب يقولون لك قد كنت هكذا و لا يحومون حولك بعبارات الرثاء و الحزن التي لا تساوي ثمن كريه أنفاس صاحبها
مثلك يا عيدروس صديق كاثوليكي و علي الإنسان التمسك به أخر المطاف ....
فيا اصدقاء أنه صاحبي الذي به افتخر فرحبوا به ....

مصطفي التيجاني يا ذو الخلق القويم رغم طلوعك النخيل الف مرحب بك

شكرا محمد

[رأفت ميلاد]

مرحب بود التجانى والعيدروس .. وبود عبد الرحمن برضو

[نبراس السيد الدمرداش]

حباب العيدروس
ادخل لاجوا و انمهل البيت بيتك تب

مصطفى التجاني اول شيء تعمل لينا كرامه تعويض
بالله سلموك الباسويرد بهنا سودانيات طشت
10ساعات حتى رجعت
جيب ليك خروف,جداده بالعدم بليلة عدسي
نشوف موضوع التعويض دا بعدين بنرحب بيك

[سماح محمد]

الأعزاء
عيدروس & ود التجاني

حبابكم مليون

الأقلام دي ريحتها دعاش..
خشوا شاركونا المطر...

شكرا محمد عبدالرحمن

[ود التجاني]

السلام عليك عكود
وبله شكرا علي الترحاب
فتحي مسعد حنفي تسلم على ترحيبك بنا لكن وصيتك مابعمل بيها
مهند شنو ياخ
طارق صديق كانديك, رأفت ميلاد, سماح محمد
اسعد كثيرا مشاركتم البراح والمطر شكرا جميلا

AMAL
بت البلد او كما يبدو من ترحابك
بشرا لنا نحن بك
ترحابك يفتح الروح ضلفتين ويدي الزول احساس بالالفه شكرا ليك

حافظ حسين
مشكور جدا على ترحابك بي هنا وفي النخيل
ثم
ان طلوع النخيل لايضير الخلق القويم, فهو يزينكم جميعا

نبراس
احمدي الله انا جات في السيرفر انا خفت تلحقو سودانيز اونلاين
انا حق الكرامه بديه محمد عبدالرحمن بعداك شوفو تعملو بيه شنو

الرشيد
انيق الكلمه, المظهر والابتسام, توجتني بكلماتك( الفضفاضه) واثقلت علي باطراءك
كتاباتك الجميله هي اول من اشاء بي دخول سودانيات
ياصديقي ان كان ثم قائمه للطيبون فانا حتما خلفك فيها
ياصديقي
شكرا لك فانت دوما تنثر علينا الفرح والامل
ان
كتبت
او تحدثت
او غنيت[/B][/SIZE]

[حافظ حسين]

المشاركة الأصلية كتبت بواسطة ود التجاني

الرشيد
انيق الكلمه, المظهر والابتسام, توجتني بكلماتك( الفضفاضه) واثقلت علي باطراءك
كتاباتك الجميله هي اول من اشاء بي دخول سودانيات
ياصديقي ان كان ثم قائمه للطيبون فانا حتما خلفك فيها
ياصديقي
شكرا لك فانت دوما تنثر علينا الفرح والامل
ان
كتبت
او تحدثت
او غنيت[/B][/SIZE]

الكلمة نعم لكن المظهر دي كترتها يا خي ....
يا ود التيجاني إنت محتاج ليك لكورس مكثف في كسير التلج*
قلت لي شنو إنيق المظهر؟
و الله لو الرشيد دا أنيق المظهر انا ويل اسمث طوالي بس بدون حلق

*يحول للرباطابي لعمل اللازم

[ود التجاني]

ياحافظ حسين الرشيد دا كان مابيطلع من قايمة top ten في الاناقه ايام الجامعه
دا ما كسير تلج فمافي داعي لتحويلي الي خبير كسير التلج مهند

[مهند الخطيب]

المشاركة الأصلية كتبت بواسطة ود التجاني

ياحافظ حسين الرشيد دا كان مابيطلع من قايمة top ten في الاناقه ايام الجامعه
دا ما كسير تلج فمافي داعي لتحويلي الي خبير كسير التلج مهند

خلاص جيتني وفضيت لي مش يامصطفى؟!!!

والله كنت داير اقول ليك اجقاجقاجقا لكن خايف يجي محمد عبد الرحمن هنا يموت من الضحك

ياخي سنستمتع جدا

[الرشيد اسماعيل محمود]

المشاركة الأصلية كتبت بواسطة حافظ حسين

قلت لي شنو إنيق المظهر؟
و الله لو الرشيد دا أنيق المظهر انا ويل اسمث طوالي بس بدون حلق

بالله شوف خلق الله ديل..!!
قال ليك أنيق أنيق.. ما وجيه..
شكلك ما ركّزت كويس..
عارفك يا حافظ إنت ما دايرني أفوتك في أيّ شي..
يعني لازم أكون زيّك.. شين ومُبشتن..
بعدين المظهر دي خليها.. أها الابتسام كيف..؟

[نبراس السيد الدمرداش]

المشاركة الأصلية كتبت بواسطة ود التجاني

نبراس
احمدي الله انا جات في السيرفر انا خفت تلحقو سودانيز اونلاين
انا حق الكرامه بديه محمد عبدالرحمن بعداك شوفو تعملو بيه شنو

الرشيد
انيق الكلمه, المظهر والابتسام, توجتني بكلماتك( الفضفاضه) واثقلت علي باطراءك
كتاباتك الجميله هي اول من اشاء بي دخول سودانيات
ياصديقي ان كان ثم قائمه للطيبون فانا حتما خلفك فيها
ياصديقي
شكرا لك فانت دوما تنثر علينا الفرح والامل
ان
كتبت
او تحدثت
او غنيت[/B][/SIZE]

مصطفى مرحب بيك ومنور
اها يا اخوي حق الكرامه دا طالما وصل محمد
فاكيد اكيد حيجيب لينا بيهو لبن وساعتها سودانيز زاتها تتمحن فينا

اما فيما يخص رشيدنا رضي الله عنه
بعيدا عن التلج و كسيرو فما قصرت و الله
بس غنا الرشيد دا يخربنا ما سمعناهو عشان نفتي
جازف لينا اغنيه ان شاء الله حمام الجك

[محمد عبد الرحمن]

المشاركة الأصلية كتبت بواسطة مهند الخطيب

أما فيما يخص المدعــــــو مصطفى التيجاني.......

فأنا ما موافق والله يامحمد

ياخي ماممكن بعد شوية ماتجيب الحاج ود أب وهشيم

غايتو أنا ماموافق وسأستعمل كل الوسائل المتاحة لانو الحكاية دي ماتستمر كتير.....

ود التجاني!!!!

ده قمع شديد منك يا دفعة
ياخ ما ممكن ترفض الزول جملة و تفصيلا
إتحاشاهو ياخ

[محمد عبد الرحمن]

المشاركة الأصلية كتبت بواسطة محي الدين عوض نمر

قندولك بركع في الصبح
‏
محمد عبد الرحمن
إزيك ياخ .. وصحتك ..

مُحيي سلامات
في نعمة الحمدلله إنتا كيفك

و الله قندولي مسبوق بي نفسين ما ظنيتو يدرك
ياخ نحنا من الحياة رضينا بالمدورة بس

[ود التجاني]

حبيبنا الرباطابي اجقا جقا جقا عجيييييييييبة لكن
وينك ياخ

يانبراس محمد عالرحمن دا بجيب لبن سمح خلاص استمتعو
اما بخصوص الرشيد فهو فنان جدا لكن مابغني الا يحنسو
انتو شكلكم ما اشتغلتو بيه