برنامج أغاني وأغاني يمنع الصلاة

[جيجي]

المشاركة الأصلية كتبت بواسطة اروي حامد عبد الله حامد

الليلة سجمنا
ياعكود لو ناس الفتاوي سمعوك بيقطعوا الارسال عدييييييييييييل



خلاص يا سرورة اتواسينا ارتحتي انشاء الله
وجنس تسوية هي

بالجنبة كدا:-
يعلم الله شوق الشوق ورمضان عندك قائم ولا حيلغوه




كانديك سلامات

كسير الكرعين هين بتجبر
لكن كسير القلوب جبارته شنو

اول مرة اعرف انك مالضيضة
ياخ ديل بتتكسر كرعينهم بس

[اروي حامد عبد الله حامد]

المشاركة الأصلية كتبت بواسطة آيات

لكن يااروى .. إذا كان المشكلة ليست الزمن !!- (فعنوان البوست هو برنامج أغاني وأغاني يمنع الصلاة !!!
.

[justify]يا ايات لو الزول عايز الحاجة بيلقي ليها بصارة لكن لما تقولي لي الحاجة دي بتمنع الصلاة معناها قطعتي لي الشك باليقين بالمنع ودا عنوان الخبر في الوان.

غايتو يا ايات قطعو لي ود البنا في راسي دا [/justify]

[اروي حامد عبد الله حامد]

المشاركة الأصلية كتبت بواسطة جيجي

اول مرة اعرف انك مالضيضة
ياخ ديل بتتكسر كرعينهم بس

جيجوش خليهم زاتو الكسير في رمضان من مفطراته

[عبدالمنعم الطيب حسن]

الحكومة تصادر اي حاجة مفرحة
وتخفف على الشعب المسكين دا
اغاني واغاني
برنامج لطيف وترفيهي بامتياز
ليس هناك علاقة بين زمن الصلاة وهذا البرنامج
ولكنه التشدد
حضرت رمضان الماضي كله في السودان
نحضر جميعا البرنامج وبعد داك الماشي صلاة التراويح
يمشي والماعوز على كيفو
متين التراويح بقت فرض ؟
انه زمن الغلو
زمن التطرف
وزمن محاصرة كل ما يبهج الشعب ...
اتمنى عرض البرنامج في مواعيده ....
وسلام لسيدة البوست وكل المتداخلين/ات

[الأغبش]

الناس ديل مالم عايزين يجهجهونا ساكت ...
البرنامج زمنو معانا مية المية .. بعد الفطور وقبل التراويح ..
يعني ظابط مع مواعيد القهوة وأصبح جزء من طقوسها ..
تحضر آخر غنية وأنت متوضي ..
بعدين القناة اختارت الوقت ده لأنو وقت ذروة المشاهدة ..
لأنو بعد التراويح أي زول بمشي يشوف برنامجو شنو ..

الحكاية دي وراها التلفزيون القومي أكيد ... أو المغتربين

[طارق صديق كانديك]

المشاركة الأصلية كتبت بواسطة الأغبش

تحضر آخر غنية وأنت متوضي ..

إلا يستضيفوا ( قيقم)

[احمد سيداحمد]

المشاركة الأصلية كتبت بواسطة طارق صديق كانديك

إلا يستضيفوا ( قيقم)

هو الزول ده وين يا طارق
لي سنين ما شفت وشو

[طارق صديق كانديك]

المشاركة الأصلية كتبت بواسطة اسمر

هو الزول ده وين يا طارق
لي سنين ما شفت وشو

صباحك خير يا اسمر

والله علمي علمك

[اروي حامد عبد الله حامد]

المشاركة الأصلية كتبت بواسطة عبدالمنعم الطيب حسن

الحكومة تصادر اي حاجة مفرحة
وتخفف على الشعب المسكين دا
اغاني واغاني
برنامج لطيف وترفيهي بامتياز
ليس هناك علاقة بين زمن الصلاة وهذا البرنامج
ولكنه التشدد
حضرت رمضان الماضي كله في السودان
نحضر جميعا البرنامج وبعد داك الماشي صلاة التراويح
يمشي والماعوز على كيفو
متين التراويح بقت فرض ؟
انه زمن الغلو
زمن التطرف
وزمن محاصرة كل ما يبهج الشعب ...
اتمنى عرض البرنامج في مواعيده ....
وسلام لسيدة البوست وكل المتداخلين/ات

[justify]سلامات استاذ عبد المنعم

ذكرتني مقولة مهندس قال "لفيت العالم دا كلو لقيت في شعوب بتحقد علي حكومتها الا في السودان لقيت حكومة بتحقد علي الشعب"
انا زاتي مشيت راجعتا كنت قايلة التراويح فرض بي الفتاوي الماليها حد ولا عد
غايتو وسيلة الترفيه الوحيدة الفضلة لينا الكورة بكرة يقولو ملابسهم بتكشف العورة[/justify]

[اروي حامد عبد الله حامد]

المشاركة الأصلية كتبت بواسطة الأغبش

الناس ديل مالم عايزين يجهجهونا ساكت ...
البرنامج زمنو معانا مية المية .. بعد الفطور وقبل التراويح ..
يعني ظابط مع مواعيد القهوة وأصبح جزء من طقوسها ..
تحضر آخر غنية وأنت متوضي ..
بعدين القناة اختارت الوقت ده لأنو وقت ذروة المشاهدة ..
لأنو بعد التراويح أي زول بمشي يشوف برنامجو شنو ..

الحكاية دي وراها التلفزيون القومي أكيد ... أو المغتربين

[justify]اغبش وين اراضيك ولعلك بخير
كلامك سليم غايتو ناس الهيئة ديل الا كان بقدموا صلاة التراويح وكاد يكون البرنامج عصر عليهم
في اتجاه لي تغيير خارطة البرامج في التلفزيون القومي والاذاعات القومية بعد بث برامج تلهي المسلمين عن القيام بي عباداتهم وبث البرامج الترفيهيه بعد صلاة التراويح

غايتو يا الفوازير جاك زول[/justify]

[اروي حامد عبد الله حامد]

المشاركة الأصلية كتبت بواسطة طارق صديق كانديك

إلا يستضيفوا ( قيقم)

المشاركة الأصلية كتبت بواسطة اسمر

هو الزول ده وين يا طارق
لي سنين ما شفت وشو

[justify]اسمر يا اسمر وكانديك سلامات

والله كان استضافوا قيقم حيكون دا برنامج الرئيس المفضل

واذا سألتم عن الفنان قيقم هو موجود بس خلي الظهور في القنوات الرسمية ولسه شغال في افتتاحات الكباري والطرق ومتواجد بصورة دورية في سباق الخيل (امدرمان)[/justify]

[بابكر مخير]

المشاركة الأصلية كتبت بواسطة اروي حامد عبد الله حامد

[justify]تتجه وزارة التوجيه والاوقاف بولاية الخرطوم لإصدار بيان حول برنامج " اغاني واغاني" الذي يبث في رمضان في قناة النيل الأزرق وقال الأمين العام لمجلس الدعوة بالوزارة د. صلاح الدين عوض في مؤتمر صحفي عقده امس ان البرنامج يمنع أداء الصلاة في مواعيدها معلنا إكتمال كافة الاستعدادت لانطلاقة برامج اللجنة العليا لشهر رمضان المعظم مشيرا لانتهاء ترتيبات لافطارات في المستشفيات والسجون ومجمعات الطلاب الوافدين وبرامج مصاحبة مع ديوان الزكاة لتوزيع كرتونة الصائم


صحيفة الوان الصادرة صباح اليوم 26/7/2011م [/justify]

"الخمر" حاربوها بالصلاة خمسة مرات تشمل طوال اليوم..
دآ حيعملوا معاهو شنهو
أوع يبطلوا ليهو

[منال]

المشاركة الأصلية كتبت بواسطة بابكر مخير

"الخمر" حاربوها بالصلاة خمسة مرات تشمل طوال اليوم..
دآ حيعملوا معاهو شنهو
أوع يبطلوا ليهو

هههههههههههههه
تعرف يا ابونا الضجة دى كلها بتوضح انو العلماء و ناس الاوقاف ديل
بتاعين غنا و جبجبه وسماعين و سمعهم سنين وما عايزين مواعيد البرنامج تفوتم يخشوا الجامع و يجوا
البرنامج منتظر مزاجهم العالى للاستماع لبرنامج خفيف على معدة الصائم بس متين؟
بعد مزاجم يحكم

أروينا يا اروينا
هسه البرنامج دايرلو بيان فى جمهورية السودان كلو ممكن